老川皇

营业中

休息中

十一黃金周 ，人人都會返大陸 ，我就怕多人一定唔會返， 但係有想感受下內地嘅氣味。 決定搵間充滿內地風情嘅餐廳，食餐好， 朋友話呢間野好多內地大媽落嚟支持，話好好食， 我就未試過， 一於試下。先來一份 蒜泥白肉， 啲蒜泥舖度滿曬 ， 唔係佢落嚟講話係蒜泥白肉， 我以為叫咗盆大蒜泥， 好彩一用筷子夾落去真係有白肉， 蒜味好香， 最得人鍾意， 個底仲有大量嘅青瓜絲， 清新又爽脆。 第二樣， 點咗 椒鹽軟殼蟹， 阿姐一問要咩辣 ，果斷決定， 小辣唔該。 安全， 又不失一點點嘅辣味， 軟殼蟹大大份， 炸得外表鬆脆， 內裏有完全冇過火， 入面仲有一點點嘅濕氣。 飲品方面 其實最佳嘅配搭， 一定係啤酒 ，可惜我哋揸咗車 ，如果唔係細酌兩杯更吸引， 所以我哋叫咗可口可樂， 貪佢同啤酒一樣咁多氣， 飲完一定爽晒。下次再嚟食過不過要食更加有內地風味嘅。

愛吃麻辣的我今天朋友帶我來呢間位於油麻地的老川皇刺激一下由於我地無訂座關係7:30pm 上到起都要等左半個鍾先有位由於我同我朋友都好鍾意食冷盤所以叫咗幾樣野都係凍食炒萵筍絲我地食得多第一次凍食口感更爽口口水雞 雞件嫩滑辣醬中應該加左少少醋係入邊除咗口感刺激，仲好醒胃潻酸辣粉條同喺國內食到嘅味道感覺一樣酸酸辣辣 越食越開胃 燒蠔每日數量有限賣完即止蠔面鋪滿蒜蓉非常香口除咗蠔新鮮之外滿口都係蒜蓉味超讚👍🏻但呢杯珍珠奶茶嘅茶底就唔夠香滑有少少苦澀味道少甜後都偏甜食四川野下次都係飲王老吉好😌

上菜速度非常慢。。啲員工明顯唔夠 但又成日傾計（有粗口）攞住碗裝比客人既白飯傾計。。（我唔想食口水飯）我叫左魚香肉絲，蟹皇豆腐，啤酒鴨同半隻雞煲。。打包就甘比2個碗比我地，好冇禮貌味道好普通，真係唔會再黎好失望🤦🏻‍♀️

我同友人都好愛食川菜間唔中都口痕要食今次黎到老川皇早小小到 唔洗等位 食食下就好多人排嚕叫左個口水雞 乾鍋肥腸同熗炒土豆絲食親川菜 我地都係差不多叫呢幾樣架 第一樣到既係口水雞因為係整定係雪櫃拎出黎哇 好好食 係我鐘意既口味夠麻辣！又係凍既！正另外兩樣 等左好耐見到同聽到其他人d野食都等左好耐 等左咁耐 但呢兩樣都令我好失望土豆絲 無味 淨係得個爽字我要加口水雞d辣椒先食到淡到。。。。。乾鍋肥腸就咸左啲 一定要配白飯Btw 有個女侍應服務態度好差好差

我常跟朋友說😋如果老川皇係我公司樓下 🌶應該會變成我飯堂😜😜 午市套餐超級抵食，由30-五十多元不等，除小食類外，其他都配白飯一碗，還可加$轉紅薯粉。 🐟酸菜酸菜魚🍃($55) 酸菜酸菜魚用的是大頭魚，店員說比起其他兩款魚，這是最多骨的，吃時要特別小心。 魚質嫩滑，湯頭入味，咸香味重，惹味無比。驚喜的是，沒有店員說的如此多骨。 🐥水煮田雞🌶($55) 田雞是我最喜愛的，每次吃辣都是必點的，田雞煮得夠熟，嫩滑又好吃！ 🐷蒜泥白肉🌶($48) 一層厚厚的蒜泥鋪在白肉上，非常吸引。蒜泥加入醬料調配，配白飯食一流！ 白肉嫩滑美味，層次分明。 🌶川北涼粉🍜($30) 粉條嫩滑可口，配上的辣醬香辣惹味。 以上跟餐配白飯🍚 🍲酸辣粉🌶($24) 粉條煙韌爽口，味道不錯！ 以上套餐全部可配上凍飲🍹加$8 熱飲☕️加$5

又係夜晚要上堂嘅日子，放學仲要食餐好，首選都係旺角。好耐冇食辣野，所以去咗老川王。老川王永遠都係我心目中實而不華的川菜。必食的仍然係夫妻肺片，兩款材料份量相若，令到口感較為均勻。辣味中有點麻，非常刺激，係一道出色的開胃涼菜。今次試咗新菜式，就係蕃茄魚頭豆腐湯。簡單的一款家常湯品， 正好中和一下各款重口味的菜式。擔擔面係小炒的良好拍檔，味道唔太寡但又冇搶過其他食物的風頭。呢度的擔擔麵麵條做得好幼細，而且質地亦軟硬適中。小炒方面，今次我哋試咗宮保蝦仁。宮保雞丁就食得多啦，宮保蝦仁係乜嘢嚟呢？原來同宮保雞丁個醬汁差唔多，味道都幾相近。但我個人認為雞丁會比較入味一啲。

收工後的好去處...和同事一起食宵夜.. 高談闊論當天的辛酸事老川皇分店越開越多 證明了是好食的川菜之一店 總店也加了串燒食物takeorder時職員會溫馨提示問顧客辣度 手拍青瓜 32蚊手切同手拍的不同之處是比較入味 內裡的芯也是淋淋的食到酸菜桂花魚 朋友平時食開水煮魚說酸菜魚不會辣，我這次帶他們來是想證明錯的觀點酸菜魚湯底可以飲 不會用辣油去煮桂花魚沒有骨 魚肉很滑身 串燒 很多種類 味道可以選擇辣或蜜糖烤 不是所有食物用蜜糖烤也好食的蒜泥白肉非常多的蒜泥鋪上面 令到每塊肉都食到啖啖蒜和青瓜絲 辣子雞 86蚊 沒有很多骨 用雞翼來整 不會太乾身 麻辣口感 很多辣椒都是做樣子的川北涼粉 涼粉很滑身，但不滿鋪上面的似潮州辣椒油渣味道 賣相 衞生 服務 抵食 推介

依家仲係炎熱, 時常都沒胃口。 朋友提意星期天LUMCH在旺角區食四川野食, 接著可繼續行街街呢! 這店地方寬敞清潔, 進餐舒適。* * *午市至下市時段有多款抵食特價餐, 又包白飯,沒加一服務,非常實惠。我如行三人點了三個餐及一碗重慶酸辣粉。* * *【水晶肘子】$48 (包碗白飯) 水晶肘子是冷盤, 切了厚片,呈現晶瑩剔透,有酒濃香,口感十分爽口,全不肥膩,可沾點醋來食,是下酒不菜小菜。* * *【口水雞餐】 $48 (包碗白飯) 這口水雞肉口感沒韌及鞋口,有滑嫩感, 沒雪味, 集麻辣鮮香嫩爽於一身,帶微麻辣,十分開胃。* * *【水煮魚餐】 $55 (包碗白飯) 一大盆水煮魚上台,魚肉片入口特別彈牙細嫩,沒有腥及泥味,有麻中帶辣味道,滿口鮮香,勁好四川味,令人增加胃口。* * * 【重慶酸辣粉】 $24 不用多說薯粉十分彈牙, 吸收湯底既酸且辣並不是麻辣那味, 而配料有香脆的花生、香菜、炸菜, 令口感有多層口感及味道。

樟茶鴨，四川經典名菜，製法繁複：選用秋季的肥嫩公鴨，經腌、燻、蒸、炸四道工序製成，所以在很多餐廳這道菜都收費不菲，不過在旺角的「老川皇」，你只需$48就可以吃到，還要跟白飯，味道絕不輸蝕！ 老川皇餐廳頗大，想叫服務員的話，可以按一按鐘，但他們來不來是另一回事，想落order、要滾水、埋單更有效率的話，最好還是人肉走出去叫人或自己做。 打開餐牌，價錢著實便宜，套餐$45-$48 (包白飯，不包飲品)，已有齊不少四川名菜。 涼拌土豆絲 ($30) 點了兩個小吃。土豆絲切得幼細，非常爽口，酸酸辣辣，十分惹味。 尖椒皮蛋 ($32) 皮蛋帶點溏心，吃時黏著嘴巴很過癮；雖然面頭加了很多辣椒狀物體，但我們只點了BB辣，所以只香不辣。 口水雞餐 (包白飯，$48) 雞件香滑，味道既香且辣，而且分量不算少，十分划算，用來送飯剛剛好。 樟茶鴨餐 (包白飯，$48) 樟茶鴨好香，表皮烤得香脆，鴨肉細嫰，味道鹹香，我很喜歡。

進入農曆9月已經入秋天，但天氣仍然非常炎熱，令人冇胃口進食。今次朋友介紹呢間四川菜館，味道酸酸辣辣會增加食慾，所以就去試一試。白菜豬肉餃 : 白菜豬肉餡比較鬆散，但配上辣湯，令人食完不會太滯。爆炒雞軟骨 : 雖然好多辣椒，但唔會太辣。雞軟骨炸得脆脆配埋可樂，消暑佳品。如果飲啤酒更是最佳配搭。鐵板水晶粉 : 表面平平嘅木薯粉，原來入邊配埋酸辣椒，零舍開胃。而且雞蛋漿伴底， 不會太油膩。四川擔擔麵 : 不同上海擔擔麵配上花生醬同麻醬，比較濃味 ; 已四川擔擔麵是配上清湯同辣醬，令人胃口大開。四川涼麵 : 麵質不彈牙，但勝在花生鬆脆配埋蔥花，又香又辣，一碟已經飽肚。

星期五夜晚八點幾黎食，無book到枱所以都等左一陣呀出面等位好焗好彩都好快入到去我同朋友兩個人黎食叫左5樣野我叫叫下都心知不妙，因為佢碟碟都好大份所以我地樣樣都食剩下次2個人都係叫2-3樣野好而且食川菜當然要配汽水但裡面都要成$15罐所以我同朋友一人兩份講返d野食見到對面枱叫左燒烤，但睇落好似一般不過我地原本就諗住叫小菜有農家小炒肉，手撕包菜，口水雞，蒜泥白肉，酸辣粉(唔記得影相)樣樣都好重口味，岩哂食慣濃味既人蒜泥白肉，手撕包菜好正，但口水雞舊舊都係骨，下次唔鬼嗌，酸辣粉$24都好大碗，農家小炒肉太辣！下次應該走辣店裡面好嘈，環境唔算好，要搭枱出面等位果陣原本叫左一對男女問佢地搭枱得唔得，跟住對男女串個侍應：話左等卡位喎，等卡位同搭枱兩樣野喎大姐，而且佢一定有排等，晚市建議搭枱好過另外侍應服務都幾好有d人話呢間野好鹹好油，其實好笑囉川菜唔係油鹹辣唔通係甜？而且出得街食野你想健康清淡？自己唔岩食/唔鐘意食川菜唔代表人地煮得差呢d人真係好搞笑

收工後黎個川菜宵夜先，位於旺角既川菜，大家回家都方便😂先黎干鍋肥腸 $88賣相好吸引！好大鍋咁！大腸好入味，微辣，不過口感就有少少靭，價錢就相當公道👍🏼孜然羊肉 $88好香呀！都係好大碟！有好多羊肉，仲好孜然😂 夠晒重口味😍 呢個算係小辣，送飯食一流。蔥爆牛肉 $70牛肉肉質幾嫩😋 好味道！同大蔥好match !😍白飯就$10 一碗餐廳吾會提供水，如需要就要$5 或茶都係$5 餐廳既食物水準吾錯，好食，份量足夠，價錢合理，不過服務態度可以更好：）

水煮魚片，魚片勁滑，唯一美中不足就係配料太小， 有埋青瓜會更好蒜泥白肉， 上面鋪滿勁多蒜， 鍾意食蒜嘅朋友一定會好鍾意呢個，但係我嫌蒜味重咗少少夫妻肺片， 呢個真係有啲失望， 味道唔突出 ， 冇乜特別辣子軟殼蟹， 呢個係我最鍾意嘅餸 ，唔係間間都有得食呢個餸， 軟殼蟹炸得好脆， 辣味 配合得好好清炒萵筍絲, 炒得好爽脆， 味道好清新， 食咁多辣嘢最好叫返個清炒小菜 ， 清一清喉嚨口水雞， 又係一個我必叫嘅餸， 呢度啲雞好滑， 佢個汁又較得好好 每次我連啲花生都食埋。

天氣熱辣辣真係有時想食麻辣野，我知旺角有間食麻辣野，原本係諗住去地舖果間食，但點知斜對面有間樓上舖，仲座得舒服D，就係歐美廣場哩一間。我同老婆去食左野先行街街，之後就上左樓上舖果間，上到去都好大間好濶落，咁岩我上去唔算多人，可能兩點左右上去掛，唔係碰正食飯時間所以都OK。一坐低原來有午餐，又有飯米線等等選擇，最重要又唔算貴，之後睇完餐牌我地兩個人選左三個飯餐【口水雞】餐:黎到碟口水雞都算多，午餐來講絕對夠送一碗飯有突呀。口水雞又夠麻辣又夠惹味，而且雞肉又唔會硬，成碟清晒。【夫妻肺片】餐:肺片內裡又有牛肚牛柏葉等夠晒麻辣味，D肉煮得又唔會過硬，岩岩好又有咬口。【蒜泥白肉】餐: D碟蒜泥白肉係三碟之中不太喜歡，因為用上生蒜太大粒了而豬腩肉太肥而肉少，因為我唔太喜歡食到咁大粒蒜頭,再切細粒些,我可能接受到。三個餸真係送飯一流。值得一讚下次會再試其他款。

本來中午約左友人食川菜，點知佢話臨時有事嚟唔倒，時間預左出嚟，地點又定左，所以就一支公去食，然後俾翻張單個飛機友，要佢買單。午飯地點就係喺openrice 超好口碑嘅老川皇，呢間菜館有幾間店，只有奧商場先有午市，其餘佐敦同喺旺角嘅另一家都只供應晚市宵夜。一人食照點左二人份量嘅菜，仲點左杯大杯500ml Hoegaarden 生啤消消氣。消暑Hoegaarden ，幾時都咁正，有柑桔同橙花味道，真係又啱大人又啱細路(講笑)。川菜又點可以唔食口水雞，幾乎我食親川菜都點，呢個雞靈魂係個汁，酸、麻、辣三個味道要平衡得好，唔好俾任何一個味過重，咁先最正，呢一點老川皇做得相當之好，雞本身冇雪味，肉又夠嫩，真正可以做到令人口水直流！樟茶鴨傳做法喺先以香料醃鴨，蒸熟後再用茶葉同樟樹葉煙燻而成，係川菜中少有既唔辣又唔麻嘅菜式，面前做嘅唔太正宗，因為皮係炸脆嘅，同傳統做法有些少出入，不過鴨肉依然帶煙燻味，做到皮脆肉嫩效果，味道口感兩者都相當唔錯。韭菜餃子全中國都有造，已經可以講屬於中國全國通行菜式，佢地呢間川菜館出品嘅餃子都唔錯，做到皮嫣韌而饀有肉鮮，已屬相當不錯。越食越想食，胃好似變左個黑洞，一個人食三