老川皇

营业中

休息中

又係夜晚要上堂嘅日子，放學仲要食餐好，首選都係旺角。好耐冇食辣野，所以去咗老川王。老川王永遠都係我心目中實而不華的川菜。必食的仍然係夫妻肺片，兩款材料份量相若，令到口感較為均勻。辣味中有點麻，非常刺激，係一道出色的開胃涼菜。今次試咗新菜式，就係蕃茄魚頭豆腐湯。簡單的一款家常湯品， 正好中和一下各款重口味的菜式。擔擔面係小炒的良好拍檔，味道唔太寡但又冇搶過其他食物的風頭。呢度的擔擔麵麵條做得好幼細，而且質地亦軟硬適中。小炒方面，今次我哋試咗宮保蝦仁。宮保雞丁就食得多啦，宮保蝦仁係乜嘢嚟呢？原來同宮保雞丁個醬汁差唔多，味道都幾相近。但我個人認為雞丁會比較入味一啲。