老川皇

营业中

休息中

鐵板茄子係用鐵板上既茄子, 茄子被醬汁浸住了, 但係又無想像中咁重口味, 反而D醬汁令到個煎茄子無咁DRY, 超JUICY的, 廚師仲好好的將佢分成一小塊一小塊, 食落更加方便!! 蝦仁滑蛋呢個要推介 - 神級滑蛋蝦仁, 蛋同蝦仁都係勁嫩滑, 完全冇平時屋企煮開既煮太耐既口感, 而係岩岩好, 蛋仲食到係有少少既蛋汁係入面, 而蝦仁一咬就已經FEEL到個爽滑口感!! 真係一道勁考廚師手工既菜式  揚州炒飯呢個係XL版既揚州炒飯, 大到分5-6碗都可以, 最重要係佢入面既配料係超RICH既, 食每一啖都會有蝦仁, 牛餐肉等等既材料

蒜泥白肉一黎到我地都唔知呢道係咩菜, 原來係蒜泥白肉!! 佢既蒜泥係超級多既, 白肉都已經染到紅卜卜咁, 一食入口, 就比佢既麻辣味道衝擊住味蕾, 麻既口感不錯, 而白肉都好爽口!! 佢仲有D薯仔絲既配菜, 原本都不大會吃, 但係撈埋D蒜泥食係一個超正既組合!!  口水雞麻辣的口水雞, 份量都算多, 可以見到每一塊雞件都已沾有麻辣既醬汁, 我地揀左係小辣, 但係都有我想像既中辣咁辣, 不過用黎餸飯真係一流!! 肉質好爽滑, 我就鐘意連住雞皮食, 雞皮索哂既麻辣汁, 辣得黎又幾過癮 

今日約左朋友出去買野，我地兩個都鍾意食辣野，所以睇下附近有冇辣野食，行到歐美廣場比我地見到有川菜食，於是上左去試下，一座下就即刻叫野食！叫左桂花水煮魚，辣味岩好唔會搶左魚味，桂花魚好滑少骨好yummy！再叫左個唔辣嘅清炒萵筍絲，爽口好食。干扁四季豆炒得好香，帶少少麻辣，送飯一流😋中辣辣子雞夠乾身辣，又夠香口，食完一粒想再食多一粒，真心會食上癮😍。另外跟餐加左一碗薯粉，粉條煙靭，再配花生🥜炸菜小辣，酸香麻辣令食慾大增，清哂熱烈推介炸子雞同，桂花魚同酸辣粉！

冇時間上大陸食川菜，唔緊要，係香港可以去老川皇，主打多款傳統經典川菜式，非常濃厚的地方風味，而且價格實惠，未到八點已經等緊位，好多枱都打邊爐，我地今晚食小菜，有卡位坐。茶芥($5/位)，可樂($15)凍檸茶($17)口水雞($98)，半隻都幾大碟，雞肉嫩滑，麻辣鮮香，醬汁做得不錯，是有層次的滋味，要配米飯($10/碗)食先夠盡慶。酸辣粉($26)，配料有榨菜，花生又香又脆，薯粉有嚼勁，酸酸地好開胃。鐵板魷魚須($90)用上芫荽、洋蔥、辣椒，很香口又惹味。水煮牛肉($156)小辣，以為一片紅油好辣，原來都唔係好辣，鮮嫩的牛肉入口軟滑，味道香濃，麻而不辣，相當有水準，牛肉份量也不少。手撕包菜($58)小辣，菜十分爽脆，味道很香口，很好下飯。

一行七人到旺角老川皇食晚飯，試下呢間川味餐廳。我地叫左9碟菜，我覺得最正係水煮毛血旺又辣又好味，而且材料好足，入面有有牛柏葉、牛肚、鱔、豬血、芽菜，但可惜豬血太少只有三塊。第二碟係辣子雞，雖然睇落成碟辣椒但唔算好辣，雞肉切到細細粒又炸到脆卜卜好惹味！接住第三樣係干鍋豬腸，入面有豬腸、洋蔥、青椒，都好香口。仲有值得推介係酸菜煮魚，魚肉非常滑又大大塊，好味！蟹粉豆腐好滑同鐵板茄子，熱辣辣又好香好食。其他就一般，樟子鴨同出面一樣，冇咩特別驚喜...而最普通係小食泡椒雞腎、川北粉皮可以唔叫。今餐辣到我要飲可樂😂全部總共$921唔太貴，大家有興趣可以去試下😘

之前同朋友一齊黎食，點知佢話又平又好食，終是等埋另一個返香港就又黎左呢度食。次次黎親都好旺場，証明真係唔錯。我最愛嘅燒茄子，好夠蒜好惹味，每次必叫。一堆串燒，燒得啱啱好，五香粉孜然粉冇手軟。香辣蝦非常正，夠脆卜卜連殼食，夠香辣得黎又唔油，仲要啲蝦都算大隻口水雞都唔錯每次都叫嘅薯粉，我太鍾意食了，呢度用鐵板上，別有一番風味！炒得啱啱好，亦都夠蒜香，以前好鍾意食炒河粉，但係食多左川菜就好鍾意食炒薯粉酸菜魚啲酸菜幾好食，啲桂花魚都夠嫩，如果多啲就正。啲湯飲下飲下就飲左好多～

來到這間有點像茶餐廳的川菜館未上菜時見店員圍著傾偈...好似唔憂做食食下就知點解...可能嗰個係唯一佢地休息ge 時間 haaaaa之後一路食一路好多人黎呢d 又有日本人食然有台灣人食...好強haaaaa試左味道確實有d 明白川北涼粉 白色 粗身 涼身 口感偏軟小辣都幾辣 但好味四川擔擔麵 辣椒在面，小辣都幾辣，辣可以先不走調整口味，麵偏軟，湯底香，花生味香而不太重口，配合蔥花辣椒，味道很好，會一口一口追下去涼伴萵笋絲 爽口清新，辣中帶酸，味道平衡，舖面的辣味較輕，浸泡辣油的辣味倍增，但辣酸平衡好味。涼伴萵笋絲 爽口清新，辣中帶酸，味道平衡，舖面的辣味較輕，浸泡辣油的辣味倍增，但辣酸平衡好味。最後糍芭也比想像中好有點像炸了的年糕，但很軟糯口感極佳...配上糖漿及黃豆粉非常match!!!!好吃。飽飽的都全吃下整體都比想像的出色下次想同愛辣ge 朋友食烤魚因為其實今次係同不愛辣的朋友吃但連佢都讚 hahahaa

之前成日見到有朋友仔嚟呢間餐廳度食飯，我已經好想嚟試。不過平時啲朋友大多數都唔鍾意食川菜，而我自己又唔係好食得辣，所以今日約咗個朋友可以食少少辣就即刻嚟試吓。我哋因為叫咗個雞煲跟住見到佢有薄餅，所以就叫咗一份嚟試吓點雞煲嗰個汁睇下夾唔夾。佢幾特別就係跟咗一包汁俾你入邊有茄汁同沙律醬，估唔到薄餅點沙律醬原來都幾得意，不過點茄汁就有啲怪。跟住就帶咗個蟹黃豆腐。再嚟嗰個就係炒嘅椰菜花，入邊有啲臘肉。呢個佢係用鑊仔上，下邊有嘢熱住。呢個炒得相當惹味，入邊啲臘肉都好好食，呢味超正呀 ！跟住就黎到我哋今晚嘅主角雞煲啦！我哋叫咗一個小辣。個雞煲相當惹味，香料亦都十分夠！食落亦都唔會好辣，仲有少少麻！值得一試！另外你仲可以散叫一啲火鍋料嚟打邊爐！跟住就到一個好似梅菜扣肉嘅四川菜。今晚成餐飯最好味嘅當然係雞煲啦！呢間野我相信佢最出色嘅都係四川菜！下次有機會再嚟試吓其他辣野！

老婆一直很喜歡吃辣的食物，只是我不太會吃辣，又不喜歡吃完不斷出汗的感覺。不過老婆很想吃這一間正宗川菜，今晚就捨胃陪她吃吧！老川皇位於油麻地和旺角之間，地方便利去，就算飲多2杯也有紅色小巴回家呢！非常受歡迎，我們晚上七點到達已要等大約十張桌，裝潢光猛整潔。首先來個水煮魚，最便宜的有$138，然後生魚片係$168，再貴的有桂花魚，$200多元，由於老婆唔想我浪費美食，點個最少的嚐嚐，免得受不了辣！魚很滑，小辣味道剛剛好，原來我是承受到，只出少少汗，還好呢！配菜太鮮豔，被老婆吃光了，味道確實很好，忍不住配飯吃！再點多個肥腸，肥腸洗得好乾淨，又夠肥，燒到好脆口，超級好味，味道濃郁，有質素！下次還會去吃這個菜呢！配上大杯冰啤酒，爽！

同朋友們都好鍾意食川菜我哋會不斷發掘唔同嘅川菜去食上次喺旺角行過見到有間老川皇好似十分正宗 所以就叫朋友一齊去食入到去個場勁大 真係好適合成班朋友一齊來食川菜之後叫咗個辣子肥腸個肥腸首先炸咗 之後再用辣椒爆炒一咬落去陣陣嘅辣椒味係口水間湧現而且肥油必哂出嚟好正之後叫咗個尖椒豬肚豬肚好煙銀 勁好食 之後再叫左個辣子雞本身想叫另一種無骨嘅 但可惜咁啱佢賣晒如果唔係更加正 啖啖肉唔使lur骨順帶一提估唔到呢啲川菜館都有一啲特飲叫我同朋友一個叫咗個木瓜珍珠奶昔 我就普通叫咗個木瓜奶昔都有豐富嘅木瓜味 飲得出係鮮榨

之前朋友介紹話呢間川菜好有風味，近排食辣食上癮，所以就黎左🤪有超多嘢食選擇，除咗小菜仲有燒烤串燒等！仲可以打邊爐添🍲叫咗一款小菜《涼拌萵筍絲》$34本身冇諗住佢係辣嘅，點知原來同店員講小辣，所有野佢都會幫你加到小辣😂唔係淨係本身辣嗰啲先有得小辣架！萵筍絲切得勁幼，爽口，酸酸辣辣好開胃👍《口水雞》$58上面鋪滿辣醬汁，望到都覺得興奮😆用你撈飯一流，仲有另一點值得提嘅就係佢啲花生好鬆脆！！好味呀🐔《酸辣粉》$26見佢＄26咁平以為係好細碗啦，點知唔係喎都係正常size黎～呢個酸辣粉勁酸夠辣，仲有薯粉係比一般粗少少～超級煙銀彈牙😬《四川涼麵》$26同樣都係＄26，又係大大碗，其實本身以為係麻醬拌麵，點知原來唔係，都係辣辣地嘅～ 涼麵嘅麵質好特別，又唔係拉麵，又唔係油麵，淋得黎又帶少少咬口跟住就嗌左一大堆串燒！🍢韭菜勁長😆$9咋！燒茄子都好好味🍆食到10點幾都仲有人食緊呀！都幾旺嫁！我哋見到嗰個人枱面都有一大碗水煮魚，覺得好吸引！下次一定會再黎試水煮魚🐟

琴晚同同學去食飯, 佢係朗豪坊返工,近近地就去左老川皇食飯我地首先叫左個水煮桂花魚(一斤), 小辣, 黎到真係好多辣椒wor, 但食落就真係唔係好辣, 桂花魚比魚塊滑, 魚肉又唔易散, 食落都幾yummy,可惜無叫飯之後叫左泡椒雞腎, 泡椒唔算好辣咋, 個味幾開胃, 雞腎都唔太硬, 作為前菜佢真係勁正, 重點夠平另外叫左個牛肚, 呢個就夠辣喇, 牛肚好lum, 一口接一個食唔停啊~ 可惜太多芫茜之後叫左串燒, 有花枝丸, 娃娃菜, 雞軟骨落左辣粉既, 花枝丸都幾大粒, 娃娃菜有d d 咸左, 都ok 既

今日係爸爸生日 所以叫去左爸爸最愛既老川皇食飯 黎到老川皇當然食四川野啦我地點左四個餸 第一個係蒜泥白肉 真係好多蒜泥 淡淡蒜泥 入口好重蒜味 而且豬肉亦都吸收晒蒜泥既味 令到白肉好香而且好入味 加上份量都幾多 喜愛蒜泥白肉既我又點可以錯過 夫妻肺片呢個小小辣，但對我黎講都岩岩好，芫西令到整個菜好都香，而且都好入味 個人就好鐘意呢個三絲炒米粉，米粉炒得好乾身， 而且米粉爽口，唔痴牙 色香味俱全 我每次黎都一定嗌呢個菜 唔錯唔錯 最一個菜就係土匪豬肝 反而呢個小辣但比我感覺比其他小辣辣 但都可以接受 豬肝味道唔錯而且唔會好油 佢份量對於３－４個人都絕對無問題 老川皇一直都係我屋企既飯堂 而且價錢公道 我成日同朋友一食再食

位於旺角登打士街32照歐美廣場1樓的老川皇，主打正宗四川菜。餐廳的位置頗方便，而且還有午市套餐，價錢約在五十至六十元左右。在附近上班的打工仔如果愛吃四川菜，可以午飯時間來試試。餐廳是由女士主理，餐廳的廚師、侍應和老闆娘也是女士，落單和上菜的態度也頗誠懇。點了一客類別C的套餐，口水雞餐，菜式跟飯48元一份，即點即製。餐廳的食物大部分也是辣的，朋友不太能吃辣，所以食物也是點了小辣。片刻後，口水雞便來到了。小菜的份量頗為大份，一點也不吝嗇。雞的肉質肥美，味道香辣。點了三款涼菜，包括尖椒皮蛋、涼拌腐竹和涼拌香辣海蜇。涼菜的份量十足，十分抵吃，而且腐竹和海蜇的菜式也加了芫茜，味道更香。朋友則點了一客家常豆腐餐。豆腐炒得頗有鑊氣，而且還有不少蔬菜，如木耳、荀等，頗適合送飯。

辣妹又出動喇!! 我知道老川皇成日都好多人食, 今日我都試左喇~~ 果然唔錯喎🤪黎到已經好多人喇, 好彩仲有位😁 呢度食物選擇都唔少, 有好多款涼拌前菜, 好多款都想試呀, 不過又驚食唔曬, 只叫左涼拌豬肚😗呢個豬肚麻辣花椒味好重, 仲放咗好多芫荽, 令成個菜香味十足!令人期待嘅麻辣雞煲, 我地叫半隻, 夠麻辣, 夠香, 雞肉亦很滑, 好快比我地食晒😆最後仲叫咗個蒜蓉菜心, 炒得唔錯呀, 夠鑊氣!下次要試吓水煮魚先, 我見到好多人都叫咗