老川皇

营业中

休息中

冇真正到四川吃過道地四川菜，自己都唔係好嗜辣，亦唔知點先算道地。因為朋友約，所以今次算係獻出我川菜處女初嘗試。估唔到香港有人氣咁旺嘅川菜，開到有三間分店，今次試歐美廣場分店對面的另外一家分店。朋友教路食川菜要從涼菜食起，從冷辣到熱辣，一層層疊加。首先嚟一道川北涼粉，朋友話怕食飯太飽，不如就用D特色嘢嚟代替主食。涼粉一啖咬落去，口感唔似任何一種麵類，反而有DD似啫喱，細嫩綿軟。將鋪面嘅辣椒醬、蔥花撈埋墊底嘅醋汁，辣唔會好辣，但酸酸咪咪好開胃。第二道涼菜係香辣豆皮，豆皮以醋、辣椒醬調味，味道好帶勁。因為係豆製品，所以都安心一啖接一啖，唔會好油膩。係香港真係好少食田雞，所以點咗個鐵板田雞。田雞肉柔軟，界乎雞肉和魚肉之間。因為我唔係太食辣，所以點咗小辣都咁大把。新鮮軟嫩的田雞肉放在燒熱的鐵板上，醬汁發出「啫啫聲」，香味四溢。可惜嘗起來味道稍微淡咗少少，如果醃料再醃耐少少相信更加惹味，食得辣嘅朋友點再辣少少可能更地道! 太多辣嘢都怕個胃受唔住，點咗個竹笙豬肚雞中和下。豬肚、雞、竹笙同鍋都係另上，確保唔會提早準備以致雞肉煲到老曬。所有材料倒曬落去，慢慢靜待湯滾，料份量好夠成個鍋滿哂。湯滾即成，先喝

又到OT宵夜系列，今次黎到旺角 老川皇。餐廳位於 歐美廣場1樓，餐廳好大，仲要係旗艦店，但8半黎到都仲要攞票等位，人氣旺盛！餐牌有小菜，同時都有火鍋選擇，各款都有好多選擇，目不暇給，見好多人都大大碗水煮魚，一場黎到，冇理由唔食川辣野！酸菜魚- 1斤($138)因為同事唔吃得辣，唯有叫酸菜魚，仲有得小辣！一大碗酸菜魚上枱🐟，材料十足，好多酸菜&魚，魚切成大大塊魚片，剩下魚尾骨都用埋做湯料，好滑口，又飽肚！ 個魚湯好香，湯底除左酸魚，仲加左四川辣椒調味，唔會腥，配飯一流！ 口水雞 - 1例($58)明明都係咁小辣，但雞件被紅紅辣椒油浸，一開始同事都唔敢食，以為會好辣🌶。一食之下，真係小辣，果然神奇！ 剛好食雞脾部份，肉質滑嫩！

一行二人來到馳名專食既川菜的「老川皇」，我地點左「鮮花椒水煮魚」、「飄香辣子雞」、「水煮牛肉」同埋「泡椒雞腎」、每款菜色都係超有水準同有驚喜；水煮魚 - 魚肉超滑，有旬同白蘿白配襯好入面同埋夠開胃雞腎 - 爽口彈牙、雞腎入味又夠辣水煮牛肉 - 厚切又大片，一碗有超多牛肉，超足料辣子雞 - 野味香口，夠辣，不油膩-客人很多，服務態度好，客客氣氣的，見我倆坐得有點逼，一有大台就自動幫我地轉過張大台，坐我舒舒服服更有電視睇。

最近一個月基本上都在旅遊或者去旅遊途中，在香港的日子沒幾天。終於完結了所有的旅程，就約了朋友出來吃飯，順便給手信。辣子軟殼蟹 （$142）這個我和朋友一致好評！雖看蟹塊看起來不大，但是咬下去很香酥，而且蟹肉很多，很飽滿！飄香辣子雞（$96）辣子雞有兩款，有骨和無骨的，飄香的這一款就是無骨的，比帶骨的貴6元。雞塊一口size，炸得很酥脆，很麻很帶勁。清炒萵筍絲（$60）這個也是一致好評的菜，很爽口，味道香！吃完香辣下飯的菜，這個簡直是清泉啊，一口接一口，完全停不下來。泡椒雞腎（$25）價錢意外的便宜，口感也爽口，只是帶筋的地方會稍微硬。涼拌茄子（$28）茄子很軟，所以很吸附湯汁，而辣油汁很香很好吃，所以就是棒棒的！吃完茄子的汁我們還用來拌飯和萵筍絲凍檸蜜（$19） & 蜂蜜檸檬柚子 （$19）檸蜜味道比較淡，蜜糖放少了喔～晚市兩個人吃了$450，不算貴。

客戶系四川人，來左香港一個星期，開始思鄉，提出要食川菜，應承左帶佢去食川菜的我腦海浮現出一大盤紅辣椒🌶️隨即滴汗....好驚😅捨命陪君子吖咯！寶寶不吃辣，但寶寶不說，12345，頂硬上了哦！約左客戶中午食老川皇，食評見到唔食辣可以要求，我都放心d。客戶系個勁貪靚的靚女，佢一見到我就指住自己面上正准備茁壯成長的暗瘡，花容失色咁大叫⋯⋯佢講在家鄉從未生過暗瘡🤣咁點吖，仲食晤食川菜，佢話照計劃食。不過我就可以持正牌要求小辣🤣⋯⋯或者走辣😆款式多，有川式特色，也有炒菜，樣樣齊全，總有一款岩你。為左靚女客戶唔爆暗瘡，我專門交待全部要小辣，眼見佢咁失望，我系咁安慰佢，小辣也試下有冇四川味嘛。佢點左白菜豬肉餃，味道不錯，睇得出系餐廳手工制做，皮薄陷多，最重要系有麻辣的味道，很開胃。我就幾鐘意，佢就嬲爆爆，無辣不歡🤣冇辦法啦，靚女你貪靚吖嘛。四川涼面，又系小辣，有涼面的爽，川味的麻，靚女客戶都贊好，不過美中不足系花生🥜不新鮮，有臭油味！我地挑左出來了🤦🏾‍♀️樟茶鴨，維基百科講又叫樟茶鴨子，是四川菜中的一道涼菜。相傳成都人黃晉臨，在清宮御膳房為慈禧當差時，改用樟樹葉和茶葉熏鴨，發明此菜。用肥嫩公鴨先以陳皮

一直都光顧開地下那間老川皇，以前真係成日去宵夜，開了分店那麼久，今次約朋友試下，好掛住重慶燒😂分店好大間，我們8點到，已經有好多人等緊位，等了一陣就到我們了，好食的餐廳係值得等的。餐牌菜式都是傳統出名的川菜，除了有水煮系列，還有干鍋系列，都好正，當然小不了重慶燒，揀串燒要另外劃串燒紙，這張串燒紙真係好多年都冇變過。口水雞（例牌）$58一如既往的好，選了小辣，那些秘制辣油浸滿了雞，份量夠兩人食，雞肉嫩滑，每一口都刺激你的味蕾，麻麻辣辣，仲有惹味的花生。手撕包菜$58選了小辣，用辣椒乾爆香炒，好香，保持椰菜的爽脆。三絲炒米粉$58每次來老川皇必點，這個炒米粉是大陸的味道，香港好難食到，肉絲，紅蘿蔔絲，蛋絲等配料，那鑊氣同味道，真係好正，甘多年都沒有變，保持水準👍串燒：金菇肥牛$20 四季豆$9紅三魚$30抵食，新鮮，魚肉多汁，表皮脆，肉嫩👍雞中翼$12茄子$25，茄子真係每台一碟，開邊茄子鋪滿蒜蓉同辣粉，孜然粉，每條茄子好似拉絲般夾起，每一條都沾滿香辣味，重口味之選👍每次食完都好滿足，配埋啤酒真係一流，晚飯宵夜好去處。

離開了舊公司後很難再夾日子聚聚。今年難得放工後到油麻地分店的《老川皇》。 有火鍋、川菜、燒物、飲品有汽水、果汁及酒類等。。。。。價錢合理- 由HKD48 - 150 不等。 辣度可自由選擇幸好早了一點點，過了晚上7點後門口很多人在等候干煸四季豆 HKD 62 / 碟 四川店必點之選！ 炒得不錯— 沒有抄得黑黑的樣子！ 很乾身，沒有渣. 碟底部沒有積聚很多油水煮魚大腸 HKD 136 / 份 一大鍋的上菜，己全熟不用爐！餐廳還推介食法次序- 首先會感到啖啖香濃便先吃大腸，然後吃甘香的豆花，要清香便加各類葷菜，要吃清香便加青菜。鍋內有很多大腸、份量多最重要是清潔得很乾淨， 也有大量芽菜。 整體都滿意！

已經好耐冇去旺角，今日先發現原來旺角有好多新餐廳，行左一個圈最後選擇左呢間老川皇。由門面就睇得出呢間老川皇一定好地道，完全感受到四川風味。一打開菜單就發現有我和老公最愛的酸菜魚，除了酸菜魚，仲有水煮魚，烤魚，岩晒鐘意食魚的朋友。盤酸菜魚真係啖啖肉，酸菜正，連湯都飲得！我本人特別鐘意食炒土豆絲，只要餐廳有我都會點，果然冇令我失望，辣度岩岩好老公仲點了川式炒回鍋肉，有鑊氣，送飯一流！呢間老川皇我一定會encore, 佢價錢合理，而且大份量的。

今天, 我和朋友來到這間專吃四川菜和重口味食物的餐廳吃個晚飯。平日夜晚, 已經有很多人來這裏吃晚飯。 我見周邊的人大多數都有點火鍋和啤酒。我們點了炸饅頭、雞中翼串燒、牛肉串燒、手撕包菜、酸辣粉, 另外, 我再點了一杯雪梨檸檬汁來喝。串燒上都灑上了調味料和辣味粉, 味道很惹味, 特別是牛肉串燒, 牛肉肉質也挺嫩的。本來想點金銀饅頭, 但是店員說廚房的爐壞了, 所以不能蒸饅頭, 最後唯有轉了全碟炸饅頭。即叫即炸的饅頭很脆, 細細粒, 易入口。點了這碗微辣的酸辣粉, 但它的味道對我朋友來說還是辣了一點, 對我來說就剛剛好。 薯粉充分吸收到湯汁的味道，非常濃味和惹味。

公司係油麻地，有地區便利。收完工又唔想行太遠，就約咗朋友係呢間老川皇度食Dinner。呢度夜晚好旺，用座無虛席黎形容都不為過。老川皇的食物主要係呢三類：火鍋——燒烤——川菜小炒——上次試過呢度打邊爐，呢次就主要想試返川菜，中國八大菜系，嚟到香港地唔知會唔會走晒味呢？首先第一道係樟茶鴨例牌（$58），份量大概有三分一隻鴨，顏色呈棕紅。原本以為係加入茶葉去煮，但入口有陣煙熏味道，原來所謂樟茶鴨，就係以茶爲燃料，烤完隻鴨再用以煙熏。鴨皮香脆、口感酥香，個人感覺可以再烤多陣等D脂肪再流走，宜家感覺鴨皮肥膏多咗D。鴨子略帶甜麵醬味，鴨肉好嫩。大啖大啖食完肉就需要些綠色植物嚟中和下，平時食開都係乜菜物菜，食到悶曬。呢次見到有清炒萵筍絲（$60），就一於試下。一開始都唔知乜係萵筍，上到檯先知原來係平時係街市見到油麥菜既莖部，刨完皮切絲再炒。因為輕輕勾過芡，所以口感好滑，萵筍肉質脆嫩，完全冇渣。調味一點即過，簡單鹽炒，味道清甜鮮美。而最令我驚喜一道菜，必定係呢個乾鍋帶皮黃牛肉（$98）。牛肉就食得多，帶皮嘅牛肉香港就少D見。乾鍋嘅底菜採用洋蔥、青辣椒，再用以紅辣椒乾同埋干鍋香辣油作為輔助，拌炒連皮帶筋

有次經過👑老川皇👑，見到咁多人排隊，所以今次特登過來試吓😎。一打開menu，原來好多野選擇，酸辣粉、打邊爐🍲、雞煲、酸菜魚、水煮🐟、川菜小食、燒烤、好似成個中國嘅菜都有！而且仲有鮮榨果汁同埋好多款🍺任揀，唔怪得知咁多人排隊😍。酸菜魚，大大塊啖啖肉，味道都幾正宗👍🏻，我哋叫咗小辣，不過唔係好辣，適合香港人口味燒烤🍢全部都唔錯，孜然粉味唔會太搶，燒鮑魚用咗好多蒜蓉😋，＄25隻好抵食！所有串燒都係十幾蚊，抵食🤑炸饅頭係一口嘅份量，食落口啱啱好，煉奶比平時甜酸辣粉醋味好濃，＄25一碗抵食又大份，仲有好多配料可以加😆，係打工仔午餐之選干鍋肥腸冇想像中咁肥，用咗好多青椒同埋洋蔥，勁惹味呀🤤

10點50分 落單.幾分鐘之後就黎左個口水雞...但之後等左成25分鐘 先再上個水煮牛肉，一上枱 唔洗食入口就已經知道唔熱...我地即管試一試，一試 原來係暖既，咁已經同樓面既姐姐反映，對話如下我：姐姐，個水煮牛肉唔熱咖啵.姐：即刻煮出黎，無可能唔熱咖.我：事實係唔熱，唔信你自己試下.咁樓面姐姐就聲稱拎番入廚房加熱，5分鐘後佢拎番個水煮牛肉出黎，一試，仲係暖既...根本同第一次上枱既溫度係一樣，微暖...大佬，點食阿？我自問未食過暖既水煮牛肉...用30分鐘煮一兜暖既水煮牛肉？真係無心情再等，就叫佢地取消未黎既小菜...完全唔知呢個間野點做野，不知所謂...唔會再有下次.

呢次一行4人，個個朋友仔都食辣緊係揾間川菜食啦🌶平時食老川皇都去佐敦店，今次特登去旺角店，貪佢地方大啲坐得舒服啲真係早起鳥兒有蟲吃，坐咗一陣出面已經排晒隊等位好在我地早到啫一落位我地叫咗涼拌小食黎食住等朋友，皮蛋必食唔使講，水準一樣好泡召鴨舌就唔夠麻辣皇好，但都係好食嘅，口水雞肉質軟滑，都係必點一款，雲耳就普普通通，食咗覺得健康啲咁囉，無乜特別😂今次佢嘅水煮肥腸就有啲令人失望嘞事關我分別兩日都各響老四川同老川皇食呢款菜，兩間都係好食嘅，但老四川味道更麻味更濃今次老川皇嘅肥腸切得太碎嘞，無咗一啖一肥腸嗰種滿足口感，呢到要扣分囉我地仲叫咗鐵板粉絲，麻辣雞煲，千頁豆腐同金銀曼頭，其中千頁豆腐又係我響老川皇嘅致愛粉絲有驚喜，又咬口好好味我地一行四人全部消滅晒，無計啦，因為小妹我本身係大食怪，都係我包尾多🤦🏻‍♀️最唔鍾意食剩嘢，美德黎嘅

之前食過一次，感覺不錯，所以今日決定再食一次。我記得上次食時有得打電話book枱，但今次就無得book，所以就6點左右去到。去到都仲有位即時入座。同男朋友兩個人選左1個頭盤（🐔絲粉皮），2個主食（清炒萵筍 & 水煮桂花魚🐟）加兩杯野飲。頭盤同野飲唔洗5分鐘到左。夠入味，好食。可惜等下等下等到成6:45pm都仲未再有餸。問果服務員，佢都好有禮貌答我地既。但個原因就令我打個突「因為個廚食緊飯」😨。直到7:15pm左右就開始出番菜啦😅終結食物質素可以既😋但服務真係有待改善😏都可以一試，為免出現等成粒鐘先有得食大家可能避開以上呢個時間啦😌

想食川菜，諗起呢一間，但係味道同大陸比，真係相差太遠，還是去返大陸好味啲，串燒上檯嘅時候，已經係有啲凍。而且啲味道好淡，好似冇落調味料咁，完全冇四川嘅濃味。同埋連水都唔供應一杯，實在有啲過分。座位方面，坐得好迫，基本上同隔離枱係連埋一齊，個人唔係咁鍾意個環境。