老川皇

营业中

休息中

同fd食生日飯，叫左唔小野食，最記得係口水雞，完全冇雞味，好似擺雪櫃擺左好耐咁，之後攞番出黎，配番辣醬，總體黎講得個辣味。仲叫左酸菜魚，總體黎講就勉勉強強接受啦～

黎到油麻地，唔係唔食返d地道野牙？今次我就選食四川菜，貪四川菜辣得過癮，濃味得黎又香又麻又夠辣，如果煮得好食既話，真係會令人食上癮😋😋上網睇到老川皇都有唔少好評，今晚一於去試試先。一打開menu ,, 四川菜多到我眼花繚亂，定價又低，良心食店，真係抵佢好生意👍🏻👍🏻 我就叫左平時較少食既：鐵板茄子🍆（$78）及 干鍋黃鱔（$112）。鐵板茄子：雖然食材平，但要煮得好食真係少點廚藝都搞唔掂。呢道菜由上枱起，足足鐵板「炸炸聲」5分鐘，熱騰騰，最能迫出食材既最佳味道，茄子上刻上少少花，及釀上魚肉；令茄子變得不一樣；加上個醬汁重重的蒜香辣，真係將汁撈十碗飯食都得😋😋干鍋黃鱔：足料有餘，估唔到黃鱔甘多。呢個價錢肯定平過自己煮，用鍋上菜，慢慢浸出辣味來，令黃鱔更加入味，真係值得再encore.

今天與朋友經過旺角，所以進來試一試。我們先點了一份飄香辣子雞，我點的是中辣和無骨。辣子雞份量十足，而且麻辣度剛剛好，完全沒有骨。我和朋友也搶住吃，十分滋味。我們又點了一份口水雞。口水雞肉質鮮嫩，而且不會太辣。我們又點了一份黃金海中蝦。黃金海中蝦炸得很香脆，可以連殻一同吃。炸蝦也很大隻，份量足。我們又點了一份魚香茄子。魚香茄子十分大碟，味道甜甜的，十分特別。今天真的很滿足，十分好吃下次會再來試試其他。

老川皇，出色川菜*******約左一班好姊妹食辣，依間餐廳位於旺區都幾方便，又可以食餐好野飄香辣子雞$96 💗💗💗💗💗💗辣子雞雞肉份量好多，同埋一碟有好多乾椒，雞肉好入味，越食越麻，雞肉食落唔會鞋口，麻而香辣，十分惹味份量都唔少，好岩鐘意食麻辣既人送飯一流☺干鍋肥腸$90💗💗💗💗肥腸煮得好入味，而且肥得嚟唔太漏，個鍋下面用火燒住，感覺都唔錯，好好味，份量都好多整體好有水準唔洗再返深圳食啦，岩食辣既朋友備注💗5粒代表最深動 Angel美食天使周圍食

識食四川野就一定係食重慶辣，呢種辣帶點香又有點麻，濃郁香醇，味道於口腔徘徊了好一陣子，揮之不去。我就跟朋友黎到油麻地ge 「四川皇」，大概7點到，門口已經有數名食客排隊等候，我都唔執輸跟隊...一踏進餐廳，果股濃濃既重慶味已充斥住每一個角落，我就知道今次無選擇錯。打開menu 睇... 定價親民，選擇多，好多都好吸引😍😋🌟鐵板水晶粉絲$72🌟粉絲份量多，每一條都好粗好彈牙，食落好有質感，用鐵板做底，粉絲能夠保持熱度，最能保持水準。重要關鍵係，粉絲很會吸味，食落又香又辣，令我愛不釋手。🌟涼拌牛𦟌$60🌟超級無敵抵食，抵食，抵食（重要的事情要講3次），唔止係定價低，份量多，仲有蒜香芫荽辣油既組合真係無得輸。

"老川皇"這個名字號早幾年前我已經很熟悉。身為老街坊嘅我, 當然早幾年前無論地舖或樓上舖我都已經品嚐過這間老舖的美食！今個晚上我又再同好朋友約定系旺角歐美廣場一樓食晚餐品嚐四川菜美食, 四川冬天, 非常寒冷而且會落雪所以當地人鍾意食辣以驅寒保暖, 因爲我容易喉嚨痛所以唔可以食得太辣叫咗小辣亦都可以品嚐去原有嘅辣味。而我哋今晚就叫咗"黃金海中蝦"以新鮮蛋黃煎炸而成好有口感, 好鬆化嘅酥皮手爪餅。配合茄汁同沙律醬美味一流, 叫咗一碗小酸辣"白菜豬肉水餃"但係啲肉唔夠實, 一咬開有啲豬肉就散開。另外呢度最出名就係串燒, 我叫咗"韭菜"、""金菇"、牛肉串"同埋"雞中翼"大家記得一定要熱食, 凍咗就唔好食。而串燒亦都可以揀小辣、大辣、中辣、特辣或者走辣, 另外仲可以加蜜糖野味好多！叫開嘢食當然要叫埋野飲, 鮮榨蘋果雪梨汁同我嘅至喜愛嘅芒果珍珠奶茶, 兩杯都好好味。

一位老友突然約食飯，唸起老川皇，就約左來旺角哩間，今次係第三次食2個人叫左3樣野，酸菜魚肯定唔少得～第一個上台ge係哩個水晶粉，味道都ok，辣ge程度都接受到第二個來係我鍾意食ge萵荀，清清地，唔錯，如果水晶粉太辣可以撈埋一齊食～因為2個都唔係話太肚餓，所以叫左初版$13幾ge酸菜～之前食酸菜魚，底都有啲豆芽酸菜，上左台後發現只係酸菜，心裡面有少少失望同前兩次食差別好大，唔知係咪因係魚類唔同，價錢唔同，連魚都有啲腥味

上次同朋友黎食老川皇食得好過癮，今次特登帶男朋友黎食番上次d好食野。因為呢間野好多人排隊，建議大家早d到。我同佢食唔到辣，但都要照叫酸菜桂花魚走辣，走左辣都仲係好正！酸菜魚真係好開胃，食唔停口！我地揀既桂花魚肉好香嫩，完全冇骨！！！啖啖入口都係肉！然後叫左個爆炒雞軟骨，真係菜如其名，堅係爆炒！超級有鍋氣！最重要係大大粒，係我食過最大粒既雞軟骨！好爽皮呀！我地叫左小辣，我地食唔到辣都接受到！必點呀呢味！

今日同女友行完街就落好大雨，走去避雨時比我發現左呢間餐廳，係食四川川菜，別有一番風味。首先我地叫左個夫妻肺片小辣，都唔算好辣，適中，配咪啲香菜食特別香口，我個人最鐘意既菜式。跟住叫左個香辣鵝唇，非常特別，我都係第一次食，全部都係叫小辣，所以都唔算好辣，份量好多好抵食，值得一試。再黎就係干鍋黃鱔，係一個鍋下面用火燒住，感覺都唔錯，好好味，啲黃鱔好爽口，而且份量都好多。之後我地叫左個四川擔擔麵，上面有啲配料，都好有口感，湯底都唔錯，係我平時食到既住家感覺。我地再試咪個燒烤串，有雞肉腸，雞肝，雞腎，牛仔骨同咪南非生豪，我個人就最喜愛生豪，雞肉腸同雞腎，上面放左啲味料係我最鐘意食既味道，燒得岩岩好，唔會燒焦，好香口。有啲口渴就叫左兩杯野飲，一杯係即榨芒果奶昔同咪即榨木瓜珍珠奶昔，唔會太甜，都係唔錯既選擇。最後就叫左個甜品，紅糖糍粑，應該係糯米，炸到好脆口，點咪啲紅糖食真係好好味，女友勁鐘意。呢間餐廳整體都唔錯，而且好多客人，全場爆滿，但等位都唔算耐，一陣就有位，野食方面都唔錯，川菜都好有特色，而且價錢唔算太貴，值得一試。

老川皇曾經聽朋友講話好正宗好好食今日同友人經過旺角決定一試當日我地七點左右到達已經有好多人排緊隊等入座當中有年輕情侶 整家人 操國語的人等等足見老少咸宜都會來試試的好喇 等左一陣終於入到座即刻睇睇餐牌我即刻對重慶串燒心心眼左好懷念上次返深圳食既重口味串燒即時點左十串黎回味下由於係即燒即上既關係串燒需時15-20分鐘等左陣首先上黎既係南非燒蠔食落好creamy 面上鋪滿蒜蓉 好正呀一啖就食左$23落肚 大滿足！其他串燒陸續上桌有雞肉腸 雞肝 雞腎 牛仔骨等等個人推薦雞腎 好爽～本身諗住試下蜜糖口味 點知落單時太興奮忘記左食川菜 個人覺得涼拌係不能少既我地點左夫妻沸片 叫左小辣 辣度適中都算係大碟美味另外見到有辛辣鵝唇 我咁大個都未食過鵝唇的 原來是爽爽地 辣辣地 頗有口感 都不錯👍🏻見到一碗擔擔面都係$28 心抵好抵食食起上黎湯底有濃濃花生醬味面身稍腍平鍋終於到喇 我地叫既係黃膳干鍋好大鍋下 黃膳有些爽有些腍就看你的運氣嚕 整體係好重口氣既到甜品喇 叫左紅糖糍粑煙煙靭靱甜甜地 不過不失啦！成餐飯有點濃味我亦叫左鮮榨木瓜珍珠奶茶同平時飲開的珍奶好唔同我都係飲慣台灣的珍奶了～整體黎講食品濃味

我好鍾意食川菜老川皇平靚正 好抵食嗌左個尖椒皮蛋同酸菜鱸魚好少地方食到黃金皮蛋加埋個老干媽醬 正 又唔會太辣至於個酸菜魚 我地揀左鱸魚佢話冇咩骨 不過其實都好多骨但鱸魚真係好滑 個魚皮好多骨膠魚如果佢整走埋啲魚輪就好喇我地叫左多酸 個魚湯好正一度食一度飲湯 好正

旺角歐美廣場1樓 - 老川皇全層環境寬敞舒適🌠燒韭菜 $10🌠韭菜調味非常惹味， 可選擇大中小辣，韭菜不會韌👍🏻🌌燒茄子 $28🌌茄子蒜香味重，而且好大碌，燒到金黃色好正🌌 柑桔青檸蜜 $19🌌酸酸甜甜，有青檸及柑桔之果味，解渴🎇 尖椒豬肚 $70🎇配飯必選，重口味，豬肚份量非常多，夠冧同好入味，食落唔辣🌠 飄香辣子雞 $96🌠辣子雞無任何骨，食落啖啖肉，唔係好辣，但麻嘅感覺好突出，辣子雞炸到好香脆，而辣椒將油份吸走，令辣子雞食落唔會油膩，配酒之選整體黎講呢到幾款食物都唔錯，有小菜又有串燒，味道都幾正😁👍🏻

又到了炎炎夏日，這個時間最熱鬧的莫過於沙灘，還有海邊的燒烤場，想起都覺得寫意吧？可惜，最近忙碌得一塌糊塗，想嘆一場BBQ是多麼奢侈⋯⋯不能離開鬧市，那就享受其中吧！剛剛好過來老川皇過過口癮。種類可以有很多，當然不能少了最愛的海鮮類，平時去燒烤，都會頭疼應該烤多久，火候應該如何控制，需知道，海鮮的肉質烤不夠會不熟，烤久了又會太韌。我們叫了貴妃蚌、象拔蚌、鮮鮑魚、南非生蠔和大元貝～上來的時候是一整碟，場面震撼。味甜鮮美，調味也很夠。一大碟海鮮後，是烤韭菜和墨魚嘴、金菇肥牛，墨魚嘴很香脆，金菇肥牛吃起來還很juice ，韭菜味濃特別。既然來到川菜館，當然少不了來一份辣子雞，看到滿滿的小紅椒就口水往外流，麻辣爽口，咸鲜醇香，略带回甜。

食川菜 流下汗琴晚同男朋友行完旺角打算去食下川菜辣一辣佢，流下汗，見到老川皇好多好評，但係我地都吾係太食得好辣既人，所以都係想過下引。野食選擇都多，叫左個煲，2個餸同酸辣粉。胡椒豬肚雞大份，雞都多，滑既，應該係鮮雞。胡椒豬肚好濃味好爽，又可以飲埋湯，同埋話係補身，good。麻婆豆腐叫左個微辣，麻辣既香味完全配合到豆腐。豆腐好滑。送粉送飯一流。酸辣粉叫左個微辣，水晶粉晶瑩剔透好好味，酸辣好平均。湯底可口。夫妻肺片牛心、牛舌、牛肚、牛肉為主料，而後切片。 再配以辣椒油、花椒面等輔料製成紅油澆在上面。 其製作精細，色澤美觀，質嫩味鮮，麻辣濃香，非常適口。飽！

本人一見到川菜就會行唔郁道，咁岩與一個食得辣既友人行旺角呢邊，我地見到個餐廳名就一拍即合入左去，因為我地下午6點零黎，所以都未有好多人，越接近飯點，整個場都full晒，仲排長龍，嗯，更加睇黎我地無選錯，哈哈。。。估計人太多，所以上菜都等左一陣。有骨辣子雞哇，一望落就超級有食慾既顏色，睇落滿滿紅色既辣椒干與花椒都蓋唔住雞既份量。食落口都好野味。我地食既係重慶燒，因為係廚房接左order先開始燒，所以都要有少少耐心等一陣，韭菜係必點既。其他仲有order雞軟骨、金菇肥牛同墨魚嘴。火候足夠，我地叫既係中辣，but.可能我地太食得辣，所以覺得辣度還好，覺得下次可以試下大辣。嘿，點會少左我地都至愛既海鮮啊。order 左貴妃蚌、象拔蚌、南非生蠔、鮮鮑魚、大元貝。所有海鮮雖然燒過黎並撒上辣椒粉，但都食得出佢既鮮甜，證明海鮮都幾新鮮下。而且個價格又唔貴。真係好實惠。