老媽拌麵 (屯門市廣場1期) (已結業)

一向知道老媽拌麵既麵係幾好食，所以就黎門市食野，叫左個麻辣老鍋頭，一碗地獄麻辣牛肉拌麵，鹽酥豆乳炸雞，麻辣老鍋頭好多款送，有牛肉，響寧，鴨血，牛丸，湯底好濃郁，d送索晒d麻辣湯味好正，地獄麻辣牛肉拌麵，拌麵汁好香，辣辣地，牛肉好林好軟，仲有隻溏心蛋，一啲拌菜，都幾好食，唔好以為望落白雪雪好淡，其實都好好味好入味，最有驚喜係豆孚香香雞，雞份量好足夠，好多汁好脆口，再點埋佢個腐乳醬超好味👍🏻👍🏻👍🏻

食一碗麵都已經要九十元連加一，仲要人地用自己部電話落單，簡直浪費時間。話套餐，但加一柸飲品都要比多28元，咁即係話食個普通的午餐都要百二，真係好貴呀。而麵的蘿蔔又唔軟，好硬，一點都唔值。如果大家因為疫症冇得亂使錢，可以去幫下佢。

行完市中心，同老媽吃老媽伴麵。因為媽咪未食過台灣牛肉麵，所以今次帶佢試試。咁我地2個人，就叫左一碗牛一碗雞開心share，再加多個小食。個麵仲可以免費加底嫁。金華火腿干貝花雕雞湯麵 $88，佢仲有款無花雕既，咁我地2個女人當然喜歡花雕啦💝一送上枱淡淡花雕雞湯，佢D雞都好滑，咁我地就要左粗麵，偏偏既台灣麵。唔知係咪天氣開始凍，送上枱既時候唔算好熱辣辣，但都熱既，但如果再熱D飲個湯底會更香。另一碗係 川味三寶牛肉麵 $82，呢碗我地就叫左幼麵試試。三寶麵都入面有 牛肉 牛筋 牛展，個湯底清清甜甜，幼麵覺比粗麵更加易吸收個湯底，所以我同媽咪試完都比較中意幼麵。個牛筋軟得黎有咬勁👏媽咪再叫左份炸雞扒$46，加埋個雞扒，個台灣風味即刻出左黎，雞扒推介大家可以叫，夠大份外脆內juicy💝

"老媽拌麵"終於開到嚟屯門市廣場😚位置在一期三樓，全開放座位， 空間感大，坐得舒服😊平時食開紅燒牛肉麵，今次就嘗試來涸清燉🍲首先湯頭非常清爽、帶牛骨微甜👍牛筋、牛肉軟腍、入口QQ, 味道比較清淡， 突出咗牛肉本身嘅原味道😋粗身麵👌麻辣鴨血同👆這個成强烈對比😆 湯底濃沃、辣味溫和， 飲多幾啖都不會喝喉👍鴨血同豆腐鹵得非常入味😋 如果份量多啲就更好嘞👉👈飲品叫咗味似中式涼茶~仙草茶有機健康百香果國寶茶🍍

自從冇得飛台灣，成日都會想食台灣野過下口癮，今日放工就約左媽媽黎到位於屯門市廣場既老媽拌麵食晚餐！ 入座後店員會提供一個qr code比你落單，連加麵、少冰等要求都可以揀，非常方便見好多人推薦佢個豆乳香香雞，我就諗都唔諗落左order先，果然好出色。佢係平時食鹽穌雞既size ，都幾大粒，炸得好穌脆又唔會過咸，配埋豆乳醬有少少似南乳雞件既味道我地叫左兩個套餐，首先係私房花雕雞拌麵，揀左粗麵，免費加麵底。粗麵姐係刀削麵，食落彈牙有口感。啲雞件都幾嫩滑，成個麵有淡淡既花雕酒香，仲有隻糖心蛋做配菜，糖心做得好好，唔會過熟另外一個要左川味紅燒牛肉麵配幼麵，個人覺得牛肉湯麵真係必試，個湯牛味香濃，牛肉仲勁嫩，入口即溶既感覺，連我平時麻麻地牛肉麵都愛上左飲品方面要左黑糖珍珠豆奶同老媽黑糖珍珠鮮奶茶，因為媽媽好驚飲左茶會訓唔著，所以比左杯豆奶佢，兩杯都好重黑糖味，珍珠份量多又有咬口，唔錯

臺灣係我地鄉下，年年旅行一、二次，宜家有排無得去，唯有食住台臺灣菜先拉🤣🤣屯市新開這間老媽伴麵有幾間分店，就試吓能否找回臺灣味道吧🤭🤭座位都算多，不用等太久，店員服務好禮👍👍川味紅燒半筋半肉牛肉麵是必試吧💕💕先喝一口湯，濃郁牛香，不會太油，微辣，冬天特別適合🥰🥰牛筋很軟，不會過軟，就是適中，保持口感🥳🥳牛肉很香，除了牛香，還有香料的味道，令牛肉香味提升不少👍炸大雞朳，外酥內嫩，彈牙嫩滑，份量大，很香呀🥰🥰老媽黑糖珍珠鮮奶，比起很多台式茶飲店還好喝，黑糖珍珠彈牙有咬口，配合濃濃鮮奶，就算夜晚飲都吾怕瞓吾著拉🤣🤣各樣菜式都很地道，找回台灣的味道！下次掛住台灣可以再來😝😝

同朋友黎左屯門行下，攰攰地去搵個地方食下野，黎左老媽拌麵，店內好濶下好坐咁樣。有兩邊坐位，兩邊都好光猛感覺衞生。餐牌係從早到晚一樣的，主打麵食，亦有少量飯食供應。入座後店員提供QR CODE落單，介面易用清晰，係方便嘅。餐廳有水供應，送上的是凍水，如想要熱水洗餐具，亦可以問店員攞。自行落完單後不久，店員便送上收據，有禮地問下有無錯誤之類。麵食加$28可以有特飲，要了老媽黑糖珍珠鮮奶茶同老媽黑糖珍珠巧克力，兩杯都有黑糖掛杯的效果幾靚喎，黑糖味很香，珍珠有咬口，而且甜度適中好好飲。自己點了地獄麻辣牛拌麵，要了粗麵同加底，賣相不錯嘛。牛肉嫩滑牛味濃，好味。滷蛋有溏心效果喎，仲幾有蛋香添。麵條有咬口，拌上麻辣汁香口惹味，個人覺得不算太辣很易入口，不錯不錯。朋友點的清燉三寶牛肉麵，一樣是揀了粗麵加底，賣相同樣靚靚。湯頭清甜好味，飲完亦無口渴。牛三寶有牛腱牛筋牛肚，三樣都炆得軟腍，牛味十足，加上菇菇蘿蔔等帶點蔬菜的清甜，碗麵感覺平衡又好味，抵讚。朋友同自己都屬大食之人，加底後份量就差不多了，而且加底不用加錢幾化算吖。

未食過所以諗住試下 招牌都寫拌麵 甘應該拌麵係比較出色 但係我總係背道而馳 講講點order 先 用qr code 所以都幾方便 上餐好快 但係坐位就唔算好舒服 我叫左兩個湯麵1）川味紅燒牛肉半筋2）清燉三寶牛肉麵另外兩杯荔枝綠茶味道方面清燉我比較欣賞 老雞湯既湯底 配牛鍵牛筋 肉方面好林 裡面有蘿蔔同小棠菜做配菜 蘿蔔較淡感覺係水煮川味第一啖湯 感覺係日本麵豉味 因為川味唔太濃亦無咩辛香 唯一只可以話牛鍵煮得夠火候如果男士幫襯都一個好處 就係一次免費加麵 變左唔會唔夠飽 而荔枝茶 本身無咩甜咩 如果喜歡甜 就可以另選其他 我個人可以接受 整體就不過不失 有好有唔好

疫情一日未完，一日都未去到台灣，唔知大家會唔會同我一樣，間中就會好掛住台灣野食，但近來好多台灣過江龍係香港開分店，可以稍為解解癮。老媽拌麵係其中一間，仲要開左係屯巿，近我，冇理由唔去會一會佢啦係咪先🤣餐牌都幾多選擇，我地兩個人叫左一個川味紅燒半筋半肉牛肉麵，一個花雕雞拌麵，一個豆乳香香雞，兩杯飲品。整體黎講都唔錯，份量好夠，食得好滿足，兩個麵都好多餸，我碗牛肉麵牛筋好淋，牛展好入味，湯底都好濃，岩重口味的我😋試左一啖朋友個花雕雞拌麵，朋友話好食，但個人就覺得淡左少少，辣會好食啲🙊至於豆乳香香雞係第一次試，都幾驚喜，個雞炸得香口得黎唔會乾，咬落仲有汁，呢點值得一讚，因為我本身有啲怕佢啲炸雞會唔會炸得好乾，但估唔度呢度有認真看待呢個小食👍🏻不過兩杯飲品就冇想像中咁好飲啦，太甜了，如果有得少甜就好了。

環境：👍👍👍👍👍服務：⭐️⭐️⭐️⭐️⭐️味道：😍😍😍😍影相：📸📸📸📸Encore:92%📝進入前要度體溫 ➖➖➖➖➖➖➖➖➖➖➖➖➖➖➖最近，香港吹起左「老媽拌麵」潮🙈深受大家歡迎之餘連推出嘅即食裝都好快被人搶購一空😂得知「老媽拌麵」竟然係屯門市中心開設分店作為屯門人，表示興奮🙆‍♀️急不及待地帶埋老媽子一齊去嘗下鮮😎.🔸川味紅燒半筋半肉牛肉麵 $78選用半筋半肉去炮製，一次過享有吾同層次口感🥳由於醃得好入味，香氣十足牛肉嫩滑而不爛，味道突出又帶嚼勁而牛筋部分，Q彈綿密，入口即化嘅口感令人一食愛上💕伴菜有紅白蘿蔔同唐菜湯頭，更係成碗牛肉麵嘅精華所在顏色呈深啡色，濃中帶鮮，飲落亦吾會感到口渴即使食哂成碗牛肉麵，仍忍吾住飲多幾啖牛湯🥰.🔸西紅柿雞蛋拌麵 $52自細就好中意食蕃茄炒蛋，樸素而實在拌上台式刀削麵每條都沾上甜美茄濃嘅味道🍅刀削麵煙韌帶彈仲可以免費加底添😋.🔸香煎蔥抓餅 $30台式蔥抓餅真係香D🙈酥脆口感，蔥香味道，大讚👍.🔸洛神花茶 $18作為女士，呢杯洛神花茶就最岩飲😂降血脂，抗氧化，又美顏酸酸甜甜又有獨特嘅味道，容易入口😘

近年興起左唔少台式即食麵開堂食，今日就同朋友黎試左屯門市廣場的老媽拌麵。和其他餐廳不同，點單是掃QR code再電子落單的方式，呢種方式落單相對少見，同時又可以同朋友慢慢商量菜式，比以真人落單的方式別有一種自在的感覺。食物方面，首先叫左兩個主菜，第一味係蔥油嫩雞拌麵，蔥油味道濃郁，雞肉鮮嫩，仲附有一隻勁入味既滷水蛋。另一個主菜係川味紅燒三寶牛肉湯麵 ，這兩個都是店家推薦的麵食，果然無令人失望，湯頭有輕量藥材香帶著麻辣的刺激，麵條我地揀左粗麵，非常有咬口，而牛三寶（牛筋，牛肚，牛腱）各有千秋，牛筋入味又不會咬唔開，牛肚爽口，牛腱吸了湯頭精華，濃郁鮮味。朋友同我兩個人共同叫左幾款小食，分別叫了酥炸甜不辣，煙煙韌韌配上甜辣醬台灣香腸，有配上蒜片加分麻辣鴨血，麻香濃郁，份量亦相當唔少，非常有飽足感豆乳香香雞，炸雞鮮嫩多汁，配上腐乳醬，味道配搭得當。飲料方面分別叫了百香國寶茶加珍珠和鳳梨茉梨茶，味道清新解渴，唔會死甜。我地兩個人食得非常滿足，推薦俾平時喜好台式料理既朋友們。

餐廳是台灣過江龍， 最近在 屯門市廣場開咗新店， 裝修 簡約、 舒適， 環境不錯。蔥油嫩雞拌麵(免費加大麵底)$62先將麵條拌勻蔥油及醬油， 陣陣蔥油香氣撲鼻而來， 煙韌幼身的麵掛上蔥油醬汁，油潤香口， 特別滋味，雞肉十分嫩滑， 配上半隻糖心蛋和爽脆的 大豆芽， 增添吸引 。魷魚圈滷肉飯$68滷肉切成薄片，豬皮柔光亮麗， 鹵得好入味， 皮下帶一層肥膏，口感鬆化，令人吮指 回味， 魷魚圈， 惹味帶嚼勁 ， 拌飯一流， 別有一番風味。澎湖花枝丸( 六粒)$32花枝丸即叫即炸 ， 外皮炸到金黃色， 粒粒紮實飽滿，香氣四溢， 令人垂涎， 口感鮮味和QQ彈牙， 沾上甜酸汁， 令人停不下來， 一口接一口。冬瓜檸檬(套餐升級+$18)冬瓜的蜜甜正好中和檸檬的酸， 比例調得剛剛好， 不會太酸也不太甜， 消暑又解膩，滿滿台式風味。

今日入到黎屯門，嘗試下遠近馳名嘅老媽拌麵，開放式嘅裝修，睇落格局份外開陽。首先我哋叫咗個番茄雞蛋拌麵，麵底好多，而且咬落唔會好淋，番茄鮮味，伴上雞蛋，好有媽媽嘅味道。而我叫咗個鴨血，仲要係麻辣鴨血，原來係空運嚟到香港架，麻辣味夠晒正宗，鴨血咬落依然覺得新鮮，搬上有兩粒雞蛋，好有風味。香煎蔥油餅，上枱嘅時候仲係熱辣辣新鮮煎起，又香又脆口，簡直係一試難忘。牛三寶刀削麵，牛肉夠晒正宗，而且牛展好厚身，牛筋唔會好淋，而且個刀削麵勁有咬口，真係連啲湯都飲晒呀。

除了泰國菜和粵菜，男友同時亦非常喜歡品嚐台灣菜，剛巧最近屯門市廣場新開了這間台灣拌麵，於是今天我們便來到這裡吃午餐了No.1【川味紅燒牛肉麵】$72由於這間餐廳的牛肉是採用了牛展的部份，所以肉質一點也不堅韌之餘，質感更非常細緻柔軟，肉嫩可口，細嚼慢嚥的時候，牛肉的鮮甜味更立即傾巢而出，肉汁四溢，香甜可口，口感豐富而飽滿，讓人口舌生香，回味無窮至於麵條則可以選擇細麵或刀削麵，可惜由於烹調的時間太長了，導致麵條不單止缺乏了煙韌彈牙的質感，同時亦沒有什麼【咬口】，整體的口感都偏淋了一些，幸好麵條的吸湯能力都算不錯，而且湯底亦夠香濃惹味，五味俱全，總算為這碗牛肉麵挽回了不少分數No.2【川味紅燒三寶牛肉麵】$82餐廳所謂的牛腱，其實即是牛展，同時亦是我碗牛肉麵內的「牛肉」，只是這裡額外多了牛筋和牛肚而已。牛筋應該慢火炆了很久了，質感軟嫩得來又有點彈性，同時更充滿著濃濃的膠質，就好像正在吃花膠一樣，口感細膩而綿延，讓人陶醉其中，吮指回味可惜牛肚的味道便比較一般了，不單止堅韌無比，更和清湯寡水一樣沒有任何味道，淡而無味的，簡直味如雞肋，讓人難以下嚥，囓蘗吞針另外值得一提的是，餐廳的麵條份量真的十分

這次一行三人到屯門市廣場三樓吃「老媽拌麵」，看到牛肉麵就想起台灣了，很想很想快些可以外游，很想念台灣呢！這次選擇牛肉麵、小食，以及很期待的鴨血！川味紅燒牛肉麵 $72清燉牛肉湯麵 $72牛肉麵選擇兩種湯底，清燉那個先吃一個湯，湯底鮮甜又解渴，川味那種令人開胃。雖然說是川味，有點辣，不過嚐辣的我，當然不會覺得很辣，不過不嚐辣的爸爸，一嚐已經要立即喝清燉那個湯來減輕辣的感覺，哈哈。兩款湯麵配菜都有紅蘿蔔、白蘿蔔、菇和菜。我最愛就是白蘿蔔，味道清甜，而且煮得軟稔又入味！一款是選擇粗麵（即刀削麵），另一款選擇幼麵，粗麵初時以為會很韌或需要多加咀嚼，但原來容易咬開，煮得軟身，口感也不錯。幼麵那款比起一般米線再軟身些，兩者麵條都能吸收湯底味道，不錯哦！兩者牛肉同樣份量多又大塊，煮得軟綿又入味，而且肉香濃郁；牛肉不會太多筋或肥肉，恰到好處，兩老吃得十分滋味！一口牛肉一口麵線，非常滿足。～～～～～～～～～～～～～～～～～～滷牛腱 $42 、滷牛肚 $42、麻辣鴨血 $68再來就是選擇一些台式小吃，牛鍵及牛肚煮得軟稔又入味，熟度剛好；牛肚一點也不腥，而且很爽口，如果配啤酒很爽呢！滷牛腱很惹味，而且較多有