老夫子餐館 (已結業)

經過大半年嘅抗疫生活，好多人又冇得去旅行，又冇得出街玩。。難得有得出泥食飯，大家都好興奮咁湧出泥~本身諗住3點幾泥食下午茶會少d人，不過仍然係超多人等位，又多人買外賣，等左大約半個鐘終於入座，安排左坐喺最角落位的一張二人枱，未坐之前已發現兩張櫈上都有灘水，服務員都超級忙，唯有自己清理~ 枱上都有黏糊糊的感覺，可能係消毒噴霧掛因為冇食lunch, 我地一次過叫左好多野食，有水牛城烤雞中翼，芝士煙肉白汁焗西蘭花，蒜蓉包，迷你焗肉醬螺絲粉，炸魚蛋，一杯熱茶走，一杯熱奶茶。個雞翼都幾港式下，如果再脆少少會好d. 西蘭花同螺絲粉正常，蒜蓉包有d失望，凍的，似放左好耐咁炸魚蛋唔錯，幾彈牙！奶茶都算濃滑。整體泥緊都算上菜快，落單方便，自己用qr code入去落單就ok, 所以唔洗有人serve都ok. 不過希望枱櫈清潔可改善

今日去左老夫子餐館食早餐，係用QR code order野食既，可以揀麵冧定爽d，野飲既冰、奶、甜量，蛋既做法同多士烘/牛油量👍🏻食物好快就送到，味道唔錯，又唔會好油膩，主題餐廳得黎又唔貴，幾好👍🏻

好久沒有去老夫子茶餐廳。今下專登入去食下午茶。疫症期下要先量體温。門口放咗部量體温儀。只要將手臂放在探熱位，自動會讀出體温。非常方便。坐下發現桌上放上一張二維碼單據。我用Wechat去掃描。自動連接Vgather手機版點餐介面。同時馬上記錄餐桌枱號。按下我想食個下午茶餐。點咗個吉列魚柳薯條。按下確定。資料自動發去櫃枱。有服務員同我核對餐單。等上五分鐘就有得食。等待期間，翻看個老夫子菜單。彩色卡通人物配上漫畫中的標題做菜式名。再加上香港地度場景做背景。老夫子迷就非常著迷。自己好想儲這本菜單。但根本不作出售。個薯條炸到金黃色，入口好脆。個魚柳賣相好正。同樣金黃色，魚肉鮮嫩。但係用紙上碟菜。賣相扣分。好食唔好睇。唔明白點解間餐廳橫裝用上老夫子裝置，但係個餐就用紙碟上？

辣招一浪接一浪，現在只淨下外賣的日子，晚餐到了老夫子餐館點個外賣，自取有七七折，幾抵啊！就算係點外賣都要量左體溫先可以入內，門口有體溫機，申直手就量到幾方便。等左一陣就有得拎，上手熱辣辣，快快回家開餐先。老爹要左美式雜扒飯配黑椒汁，自己就要左焗鮮茄牛脷飯。個茄汁甜甜酸酸好開胃，仲有唔少洋蔥紅蘿蔔等酸料。牛脷好厚身，軟腍易咬，仲有三大塊好多肉呀～老爹個雜扒離晒譜，成兜都係肉！雞扒煎得皮香脆，勁厚身，好味噃。牛扒大大塊，但就韌左啲了。豬扒都係好大塊，少少脂肪邊幾甘香。三塊扒下仲有煙肉同腸仔，同幾粒雜菜，啲肉多到咁，分兩餐都得呀。黑椒汁正正常常，微辣幾香口。飯係珍珠米，軟綿綿有飯香。好飽呀好飽呀好飽呀～哈哈，好耐無食咁多肉，嚴重多肉少菜嘅一餐，食番啲水果平衡下先。

3點3又到左食下午茶嘅時間啦老夫子嘅下午茶餐種類其實都幾多，有成17個餐俾你揀最後我就揀咗其中四個同屋企人開心share，大家都可以安在家中嘆下午茶，健康又衛生青口有三隻，全部都焗到金黃色，下面就係忌廉汁意粉楊州炒飯賣相都唔錯，有啲生菜絲、雞蛋絲、火腿粒餓到有啲手震，所以條魚柳有啲朦朦地，金黃色嘅魚柳都幾大塊差唔多擺咗成個盒，下邊仲有啲沙律添最後我仲叫咗個藍莓芝士蛋糕呢度最好就係外賣唔使另收膠盒錢，抵讚

這間餐廳位於元朗YO HO ！現在推出外賣！食物非常之唔錯！食物都算好有水準！現在推出下午茶餐優惠！我買咗幾個下午茶餐試吓！.香草忌廉青口燴意粉:味道都算唔錯！青口賣相好吸引！食入口都好嫰滑！意粉軟硬適中！食入口好香忌廉味道！香草味道都好香！.藍莓芝士蛋糕:味道都唔錯！食入口真係唔錯！食入口好軟滑！​又唔會好甜味道恰恰好！帶小小脆口！真係唔錯！.芝士西多士:睇見都想食！西多士食入口味道好正！充滿芝士味道食到入口帶小小咸！又有小小甜！相當之唔錯！食入口外面脆入面軟！真係唔錯！.蛋白杏仁茶:飲入口好香杏仁味！味道又唔會過甜恰恰好！飲入口香滑！又有蛋白食！又可以滋潤皮膚！👍👍👍.價錢只係下午茶餐價錢！食到特別好食！真係唔錯！​

受到疫情及政府新措施的影響，晚市時間只能外賣😭。所以就在下午茶時段結束前去買個外賣，再回家享用吧。這次Yoho Mall附近逛完🤭，記得吃過這家食物質素不錯，所以決定去買外賣吧。💥藍莓芝士蛋糕 HKD$30，芝士蛋糕的口感很滑身，而蛋糕味道酸酸甜甜但又不會很甜😋😋，靜靜很喜歡這個口感的芝士蛋糕。💥迷你鮮茄焗豬扒飯 HKD$46，雖然叫做迷你焗飯，但其實與一般外賣的差不多🤭。這個焗飯賣相不錯，面頭還有很多芝士🤤。蕃茄味道酸酸的很惹味，豬扒肉質腍身挻好，裡面是炒飯底所以吃的時候更香口。💥香草忌廉青口燴意粉 HKD$45，面頭有三大隻青口，挻鮮味又有咬感。意粉的調味不會太多，裡面還有野菌令口感更豐富。意粉掛汁挻多，份量不這不失。💥無冰奶茶 HKD$12 / 蛋白杏仁茶 HKD$14，飲品跟餐會有升級加購價😊。這兩杯飲品挻喜歡的💕，奶茶味道濃郁幼滑，蛋白杏仁茶裡面材料很多，而且不太甜又潤喉。

老實說這間餐廳在我心目中印象一直很差。因為睇太子店食評一直徘徊在負評位置。直到佢地結業的時候都係只有一些執咗都唔覺得可惜的負評。所以其實今次的經歷都只係無心稻柳。不過都係開心嘅。餐廳格局都好似其他主題餐廳一樣。充滿了老夫子嘅影子。但佢地的主題食物大部分都係港式茶餐廳食物。我地未入前見到出面的Menu.本來好開心。因為發覺價錢好貼地。但最後發覺原來只限星期一至五。所以都幾失望。但發覺里面都有午餐餐牌就真係好奇怪。再問職員👩‍💼職員就話想叫就要快。因為過一陣就做下午茶。好開心呀。竟然唔係只有星期一至五有供應㗎。我地當然再等一陣子選下午茶啦。以上就係我和朋友選擇的食物和飲品。熱飲係包的。凍飲和特飲就每款都唔同。要睇返你要咩。老實說這些份量真係只係試一試的份量。人均大約$40-$50一個人。質素真係超普通。瑞士雞翼唔夠瑞士汁。根本無咩甜味。乾炒牛河不過不失。又係無瑞士汁味。唔差又唔算好難忘的味道。最後我發覺熱飲個杯都幾可愛。有陳小姐個樣印在杯上。這裡只可以講如果大家想在假期去試新鮮感和平價食物。這裡可以一試。但如果你想尋找特別味道。我想你會失望。

自少都好鍾意睇老夫子漫畫 ， 餐廳全部佈置和畫像，都似曾相識， 曾經在漫畫中看過的 情景 ，令我恍然置身在漫畫 世界裏面， 連餐牌的設計都好似一本漫畫， 食物亦配上得意的名稱，十分有趣可愛， 設計有心思。香煎豬扒拼吉列魚柳 (午餐) $58 (配白飯、粟米汁配餐湯，送咖啡或奶茶)雪耳木瓜湯， 好足料， 十分滋潤美味。 豬扒大件厚實 ，鬆脆可口，啖啖肉汁。 吉列魚柳， 外皮炸到金黃色， 熱呼呼， 香噴噴， 令人垂涎， 魚肉雪白 ，十分酥脆，配白飯一流。和風薄燒牛柳配炒飯及田園沙律 (午餐)( 配餐湯、 咖啡或奶茶) $78和風牛柳薄切， 表面有微微焦 香，肉質軟腍多汁， 沾上燒汁 令牛香加倍提升， 十分惹味 ， 配上粒粒分明的炒飯， 好有鑊氣， 仲有田園沙律伴碟， 新鮮爽脆， 好豐富的午餐。瑞士雞翼三隻( 茶餐)$48瑞士雞翼， 雞翼被瑞士汁滷透了表面， 呈現深啡色， 雞皮相當滑溜， 非常入味，雞肉入口嫩滑多汁， 雞翼配上蜜甜的瑞士汁， 滋味沒法擋。金西多配雪糕$48雪糕西多士是邪惡的化身， 把一球雲呢拿雪糕， 伴在熱辣辣的西多士旁邊， 看見雲呢拿雪糕慢慢溶化及被西多士吸收，令人垂涎

細細個媽媽最鍾意買老夫子俾我同哥哥睇，唔需要解釋就捉咗老公陪我嚟食🥰🥰係兒時回憶☺️☺️疫症期間，我比較欣賞有足夠防疫設施嘅餐廳！起碼唔記得帶搓手液都唔驚！老公一見到就話要飲無冰奶茶，冇加冰嘅冰凍奶茶唔會溝淡咗，茶香奶滑，老公話正！我就緊係扮細路叫雪糕紅豆冰啦😂😂雪糕放咗成幾分鐘都唔會溶哂，證明夠凍👍🏾👍🏾紅豆底有粒粒得來夠哂淋，唔驚un胃！正😋😋老公本身想食海南雞飯架，不過賣哂，所以佢就叫左鐵板什扒，因為我哋唔食牛嘅，所以請店員幫忙走牛，老公話份量充足，鐵板夠哂熱，倒汁時係咋咋聲架！薯格係脆架，好味呀！😋😋雞扒拼吉列蝦係我嘅，吉列蝦出奇好味，粉漿做得好薄，外脆內軟，我請咗老公食一隻，佢幾開心😂😂😂 薯格真係好出色，香脆😍😍😋😋因為我哋每餐都想有蔬菜，所以叫咗個芝士白汁焗西蘭花，佢嘅芝士係拉絲架，驚喜！🥰🥰不過西蘭花如果再軟身少少就會更加入味☺️☺️🤗🤗🤗總括來說，老公話下次要早啲去食海南雞飯🤣🤣🤣

老夫子餐廳呢間喺型點既老夫子主題餐廳，裝修非常有心思，由門外餐廳既裝飾，到入面既佈局同設計，都好似入左漫畫入面一樣，連個menu都特別設計，門口仲有同人一樣高喺公仔可以同佢合照，鍾意老夫子既朋友可以試下。美式什扒跟黑椒汁什扒餐當然有齊煙肉，豬扒，牛扒，腸仔啦，樣樣都大大件，牛扒同豬扒都好淋唔韌，鐵板非常熱辣辣，要小心倒D汁上去既時候彈到呀。我選擇左什扒餐跟飯，個飯係另上既，個飯碟都好靚好得意。牛魔王餐呢個牛魔王餐有牛柳，牛舌，仲有牛肉腸，分量好多。牛柳厚身但又淋有牛味，牛舌亦非常出色，係厚切既做法，口感煙韌，最後係個牛肉腸，腸身好粗，食得出牛肉味。鮮果雪糕新地及金西多配雪糕食完熱辣辣鐵板就食返D凍冰冰既雪糕平衡一下，先食左鮮果雪糕新地，有士多啤梨，菠蘿，火龍果三樣新鮮水果，配上雪糕一齊食，消暑透心涼。之後係金西多配雪糕，呢個真係有驚喜，估唔到西多配上雪糕，個口味咁正，仲好食個雪糕配窩夫，暖暖既西多咸咸地配上冰涼既甜甜雪糕，真係好享受，已經好飽既我都全部掃清光，值得推介。

老夫子，大番薯，秦先生，趙老闆在六，七十年代家喻戶曉的漫畫人物，陪伴了一代人成長。朋友建議到元朗站的老夫子餐廳進午餐，乘西鐵到元朗只是幾個站的距離，夏日炎炎，不需要走在太陽底下，真是非常好的選擇！門前的老夫子和大番薯像便是餐廳的最好標誌，午飯時間座無虛蓆，到處都是老夫子漫畫的人物，連我們坐的桌上也有四格漫畫。看過餐牌，都是非常實惠的菜式。我們點了：鐵板雜扒我們嚇了一跳，竟然有五寸高！有豬扒，牛扒，雞扒，香腸和薯菜。其中豬扒最美味，嫩滑而有質感，配上黑椒汁，份外醒胃。焗豬扒飯豬扒已經說過了，我想提的是飯。飯是珍珠米煮的，粒粒圓潤，加上香噴噴的鮮茄芝士醬汁，好味！瑞士雞翼甜蜜的瑞士汁，肉質鮮嫩的雞翼，吃了回味無窮。西多士伴雪糕（甜品）造成方塊的西多士，一口一件，裏面的飽質很柔軟，又炸得適中，不過火。 飲品紅豆冰和咖啡。紅豆冰多奶，有椰汁味；咖啡香濃，咖啡杯非常有特色。 充滿七十年代風情的一個富特色的午餐，除了品嘗到可口的食物外，還帶走了許多當年的回憶，消費還非常經濟呢！‌‌‌

這是我公公輩時代吧，老夫子漫畫，真的很久歷史 餐廳以老夫子為題，成為間主題餐廳。裝修很多打卡位置，坐位都很不錯枱上齊了調味東西，港式辣醬油好香!最特別有以前大排檔食物飲品，完全有些我未聽過，滾水蛋稱和尚過河?西班牙咖啡? 呆木若雞?黑牛，紅豆冰，菠蘿冰變得普通了因為圖片，我沒法被老夫子玩意吸引!忌廉溝鮮奶，多了一個棉花糖 雲層好可愛!我把雲都吃了，再溝來喝，對嗎?我也不知道如何喝，哈哈!我們選了一個家鄉鹽焗雞飯，今日例湯是姬松茸湯，不錯呀 每日不同無味精例湯，很幸福啊!鹽焗雞味道上面很沙薑鹽，雞肉很嫩，豉油是帶甜配飯完全非常美味! 無骨海南雞超多人吃，我們午餐時間已賣光了……炸蝦意式藜麥南瓜香飯，很健康感覺新款啊!南瓜味道比較淡口味，珍珠飯濃濃汁煮成意大利飯口感，軟軟的，健康食物就是味道淡一些我們貪心選了一個菜，風沙炸豆腐，豆腐超嫩，剛上桌有些擔心，因為顏色深了點……一吃又非常惹味，椒鹽蒜碎很香，豆腐很嫩很白，滑滑像炸鮮奶!驚喜餐廳選擇很多，除了懷舊食物(瑞士牛河，無骨海南雞，蕃茄焗豬扒飯，大大份雜扒餐);更有新派健康藜麥飯，意粉類。

有一天經過形點二期發現了一間以'老夫子'漫畫人物爲主題的餐館，第一時間想起我哥哥！因爲'老夫子'漫畫是伴着他長大的！ 一定要帶他來！今天約了他同來，兩兄妹撐撐枱腳…… 五十後的他表現 雀 躍,餐廳每個角落 甚至天花頂 都佈滿漫畫人物，老夫子， 大蕃薯， 秦先生，陳小姐， 彷彿走入時光隧道…… 勾起了童年 無憂無慮 看漫畫的歡樂時光~新簇的 漫畫插圖menu菜式豐富且口味創意,還有多款兒童套餐~漫畫插圖鬼馬生動！在印有連環圖的枱面上愉快的翻開Menu……選了:兩份主菜+$ 25 轉爲套餐 跟沙律或湯，飲品，凍飲+ $ 3餐湯選了一中一西個人喜歡西湯多些！羅宋湯湯底很香濃，中湯潤喉肉味濃。什果沙律醬料酸甜適中，很新鮮！奶茶香滑，檸檬四季冷泡茶 ，這個飲品很特別，檸檬的清新，茶的清淡口味甘甘甜甜，很舒服！小食……瑞士雞翼 $ 68醬汁閃亮，肉質嫩滑，甜味適中，比起 馳名高級餐廳的 毫不遜色!炸手指 $ 46酥酥脆脆！魚肉鮮嫩，沾上沙律醬汁，非常滋味！芭提雅式燒倉魚 $ 78表面燒得香脆，沾上泰式酸甜汁很有泰式風味！鮮蝦忌廉藜麥炒意粉 $ 6 8滑滑醬汁鮮蝦爽口，粒粒藜夢口感特

今天入元朗找朋友，朋友推介去老夫子餐廳食下午茶，點了蕃茄豬扒螺絲粉+涷0茶，好濃蕃茄湯、0茶夠茶味，整體滿意。現在習慣食嘢前都搽酒精搓手液，放下介子都忘記了，行完街才記起介子留咗係餐廳，感謝餐廳李先生幫我keep起，謝謝🙏🏻