老夫子餐館 (已結業)

早前去咗老夫子餐廳食午餐，首先叫咗一個法式薯蓉焗田螺，田螺好爽，而且啲薯蓉好綿，焗得啱啱好！再叫咗一個豬膶通粉配煎蛋及甘油脆豬，啲豬膶食落去好爽口，好香豬潤味，而且個煎蛋好滑，個太陽蛋個蛋黃好香！仲有叫咗一個炸手指魚，外脆內軟，外邊脆卜卜一咬落口好熱辣辣，而且好軟綿綿！仲叫咗一個白灼菜心，啲菜心好甜，又唔老，又無根，新鮮菜！仲有瑞士雞翼，個雞翼食落去有啲甜，但係又唔會over左,而甜中又會帶啲鹹，食落口感豐富，而且個雞翼好滑好多肉，肉質鮮嫩！仲叫咗杯蛋白杏仁茶飲，飲落去好香嘅杏仁味，而且又唔會好甜，加上有蛋白，所以飲落去好有層次！

今日食評有✍🏻老夫子餐廳@yoho mall試食指數⭐️⭐️⭐️⭐店舖衛生⭐️⭐️侍應態度⭐️⭐️((每項5⭐️為滿分))·今次有$300-coupon去『試食』點咗啲平日少食嘅嘢去試吓·我哋好似『飢民』咁全枱食物碟碟清🤣·因為想試多啲食品所以大部分都係單點·瑞士雞翼⭐️⭐⭐⭐️/5我一個人KO.5隻雞翼汁香濃而不咸，正，有沙律菜伴碟解肥膩炸手指魚⭐⭐️/5炸粉有點厚，太大舊，好難「斯文地食」清炒菜心⭐️️/5菜老，如果要搵樣嘢讚就係。。。少油=冇油，夠晒健康薯蓉田螺⭐️⭐⭐⭐️/5呢個夠驚喜，薯蓉香濃牛油味但口感不油膩，田螺配的汁剛剛好，最重要夠熱豬膶通粉+太陽蛋+包⭐️⭐⭐️/5正常豬膶米粉+熟蛋(走包) ⭐️⭐⭐️/5正常抵讚係粉底可自選軟硬程度及不同類型的蛋去選擇杏仁蛋白茶⭐️⭐⭐⭐️/5呢個都堅正，但甜咗少少🤏🏻·朋友仔食set食到悶悶可以參考下上述散點指南😉👌🏻

呢度嘅裝潢好值得影！餐具桌椅處處都係各種老夫子同佢朋友嘅圖案。之前黎呢度食早餐，都好豐盛，三四十蚊有一個沙爹牛肉公仔麵、一份炒滑蛋、一份多士，再配埋一杯港式奶茶，簡直係最正嘅港式茶餐廳早餐！相比其他主題餐廳，呢度嘅定價算平，鍾意老夫子或者香港漫畫嘅朋友絕對唔可以錯過！

主題餐廳比人的感覺就係童年回憶。老夫子的漫畫無人會唔識。進入到餐廳就好似回到童年一樣，裝修擺設以及餐具都係老夫子漫畫中的人物。飲品叫左杯特飲鮮薄荷青檸沙冰，微微的薄荷再上酸酸甜甜的青檸味，真令人開胃，冰涼。熱飲杯有老夫子個樣，感覺要錫到佢一樣。前菜叫左個三文魚沙律🥗，價錢合理，仲可以跟餐半價叫小食，仲配埋飲品。抵！廚師推介水牛城烤雞中翼，有4隻，仲配有生菜點綴，酸酸甜甜的醬汁，雞翼外皮香脆。好開胃。主食離不開飯，叫左個自選二人菜餐，鹽焗雞（例牌）好有鹽味，廚師味道重左少少。拍薑菜心炒牛肉，好有薑汁味，牛肉入曬薑汁的味道！下次可以再試試其他菜式！

呢間真係充滿回憶的感覺 因為係老夫子主題既餐廳 細細個最鍾意睇老夫子☺️雖然佢本身係一間普通既茶餐廳 但食物質素都真係唔錯 焗豬扒飯係我最鍾意食既 塊豬扒都真係好大塊 飲品方面都唔錯 有用心去沖🤣

599•Eat疫情下的食肆怕多人辛苦排得嚟又唔好食食外賣食到悶想岀去搵食又驚唔衛生我哋599•Eat幫到你無論大鋪小店我哋都會盡試盡講今日食評有✍🏻老夫子@yoho mall試食指數⭐️⭐️⭐店舖衛生⭐️侍應態度⭐️((每項5⭐️為滿分))還記得老夫子在yoho mall 開分店的早期掀起一陣排隊潮早期的裝潢確有特色餐牌設計也看岀心思可是日子久了物件也看岀了『歲月痕跡』好啦講番食評我哋點了一份茶餐另一份散點雞扒牛扒白汁配飯跟紅湯送熱檸水(@$58)另一份係豬肝米粉配熱鴛鴦(@$70)電子QR code下單內容細緻，連米粉淋身爽口都可以揀，仔細度值得一讚可惜岀品水準絕對係『睇運氣』😂我點咗淋米粉，岀品係爽口嘅，好難想像爽口嘅會硬到咩程度😜至於雞扒牛扒都係薄切價錢反應厚薄所以我覺得冇問題🥩味道係茶餐水準👌🏻各位到電子下單的餐廳盡可能自行學習如何下單過程中見到有年輕客人極抗拒用QR code下單 和職員周旋咗一陣😏最後『顧客永遠是對的』改由手寫下單🙄

喜歡這裡安全衛生，不太多人落單以手機掃描落單，衛生程度升級，最喜歡坐2人卡座很舒適。 餐廳老夫子圖案很漂亮，來吃心情也變好了豬潤通粉湯底雖然不是豬潤水，但偏喜歡它出前一丁味道豬潤很薄很爽，一點都不膩。多士超厚，帶甜甜地味道太陽蛋或炒蛋都不錯，熱熱的不是先煮好，即煮的

好少主題餐廳開甘耐都仲生存到有時見依間老夫子仲要排隊添假日lunch 佢都有lunch set 就黎試試最後我地點左個2人set裝修環境都keep 到幾新淨先上野飲，凍檸茶同奶茶既茶底未夠濃，未去到茶餐廳水準,但奶茶都算滑例湯飲得出有味精感覺，但都可以叉燒炒蛋好大碟，勁多叉燒，而個叉燒唔算肥，蛋夠滑身咕嚕肉件數都好多下，唔算多肥膏，炸得夠脆，味道唔會偏酸，唔錯仲有一人一碗珍珠米白飯，但無咩米香，食落都夠軟熟食物質素做得算唔錯，依個二人set 應該起碼可以食飽三個人，抵食同埋餐廳用QR code 點餐～～有咩唔明問侍應都幾樂意答

自細已經好鐘意老夫子 有呢間餐廳一直好想試下雖然都係本地餐廳冰室既菜式 但其實都好好味架我地叫左二人餐 都好抵 百幾蚊個咕嚕肉好好味 唔會過甜過酸 而且用左新鮮波蘿 肉都唔會好似快餐店咁炸到乾曬 佢係好爽口新鮮 好味另一個餸就係霸王雞 味道惹味 加埋蔥油都好夾之後叫左兩個小食 一係水牛城雞翼 好香辣椒仔味 一D都無偷工減料 另一樣就係薯蓉焗田螺 薯蓉好滑好香牛油味 係到食到都幾特別最後仲有例湯同野飲奶茶好香茶味 而且奶都好足 飲落好滑！

雖然是普通嘅茶記經營，但光顧絕對是「情意結🔗」，老夫子漫畫夠太貼地又深入人心，本地創作都要支持一下。餐廳🍴滿佈老夫子嘅角色裝飾同佈置，食物算是比較經濟😌———————————————————————————🍽薑蔥滑牛麵🍜配炒滑蛋厚多士🥪💬滑牛又處理得幾好味😋，落單仲可以揀麵嘅軟硬度，麵包嘅烤烘程度，太細心了吧🤣.🍽豬排蘿宋湯螺絲粉🍜🐽💬厚切原塊豬排🥩，大大碗幾抵食，下午茶餐都可以好飽肚😅.🗣雖然有好多冰室陸續登場，不過要持續多久都要看質素同誠意🧐

老夫子餐館，以港人熟識的老夫子漫畫作主題🤩🇭🇰，裝修超得意，牆壁和餐牌上都欣賞老夫子漫畫，餐廳有時仲會播放出老夫子大番薯佢哋嘅對話🤣好盞鬼🤣📍爐燒肉眼扒🥩🍚（$88）一樣係份量好大， CP值好高，肉味十分香濃，肉質厚嫩多汁，配菜是清爽蔬菜🥗，營養均衡😋😋📍美式蘋果豬扒🍎🍖🍟（$68）大推🙌🏻🙌🏻🙌🏻🙌🏻將豬扒蘋果層層疊，賣相唔錯，有氣勢🤣。豬扒質素都唔錯，份量多，而蘋果上有脆卜卜的焦糖，好咁多層次，玉桂味香。當然唔係米之蓮餐廳比，但如此質素，已經好過好多高層餐廳，而且價錢竟然咁平！📍芝士西多士🍞🧀（$33）西多士煎得香脆可口，外脆內軟，應該係使用片裝芝士，雖然沒有拉芝效果，不過勝在每啖都有芝士香，鹹鹹甜甜，唔錯唔錯！📍馬來咖喱牛腩配法包🐮🥘🥖（$44）好多牛腩🐮，牛腩夠軟夠腍，重點係咖喱汁好濃郁，辣辣地好惹味🥘，都好欣賞佢哋用嘅法包，外脆內軟🥖📍大番薯玩意（香橙黑鑽石💎）/老夫子玩意（忌廉溝鮮奶） $38造型有趣，很有氣勢，杯上有巨型棉花糖，見到好開心🥳🍧📍曇花一現（$22）取名有趣，都係用返佢哋漫畫嘅名稱，其實係單球雪糕🍦

假日下午3點幾去，要排隊，門口自助用餐廳iPad禁飛門口擺放好多公仔QR code自助下單-干炒牛河，幾有鍋氣，色水唔錯，味道都ok-豬扒包，正正常常，無咩特別-紫薯黑鑽石，麻麻地，較稀，黑鑽石即係涼粉杯墊好靚得閒下午茶黎食都唔錯

老夫子絕對係香港人嘅童年回憶，瘦編依家工作會照顧一啲小朋友，佢地都好鐘意睇老夫子嘅漫畫，都仲好岩依家小朋友嘅口味。平時係Yoho Mall行街，見到依間老夫子餐館都會想試下，因為佢個裝修好靚，黑白風打卡一流，仲有啲LED老夫子燈。🤩-今次終於抽左一晚同屋企人去試下，都幾滿足，全場勁多一家大細，好多小朋友，所以個場都有少少嘈。餐廳食物走平民茶餐廳路線，有好多選擇，由焗飯、意粉到常餐都有。屋企人揀左酥炸手指魚配忌廉野菌燉飯同匈牙利紅酒燴牛肋條配珍珠飯，加左錢升級做套餐，包埋餐湯，沙律同餐飲。而我因為唔太肚餓，就叫左個番茄豬膶烏冬。😋-整體賣相幾好，未去到好好食，但平民價錢黎講其實都算唔錯。我個番茄豬膶烏冬其實好正，啲番茄好足料，勁濃郁。屋企人都叫左杯黑牛，朱古力雪糕加可樂，回味下以前茶餐廳嘅味道。👍🏿-味道評分▶️🌕🌕🌕🌕🌑 (4)抵食評分▶️🌕🌕🌕🌕🌑 (4)回購評分▶️🌕🌕🌕🌕🌑 (4)-➡️ 老夫子餐館 (元朗)📍 元朗朗日路8號形點二期1樓A101號舖-

元朗形點二期有一間以老夫子做主題嘅餐廳 店內嘅裝修， 餐桌，椅子，餐牌… 都有老夫子一系列人物的肖像 確實勾起不少港人的童年回憶餐牌生動有趣 加入了老夫子的插畫 感覺好似睇緊漫畫一樣 餐廳以港式美食為主打 傳統美食中並加入新穎元素 打破傳統用QR code形式落單 既方便又環保 鮮茄焗牛舌飯$65 鮮茄醬汁 中加入粒粒蔬菜 增加口感 醬汁酸甜度適中 並加了芝士烤焗 香味撲鼻 米飯是炒底的 又香又乾身 唔會黐埋一舊舊 另外牛舌非常大片 以厚切方式呈現 勁有趙口海南雞配油飯$75 大大碗雞油飯 成座山咁高 香而不膩 雞件已經去骨 啖啖肉超滿足的 肉質嫩滑是僅僅熟的那一種 依然充滿肉汁 雞皮爽脆又不會太肥 配以海南雞醬汁 風味十足追加 炸咖哩角六件$14 即叫即炸 熱辣辣非常香口 $14有6件 超抵食白酒煙肉煮蜆$38 非常有驚喜的一道小吃 白汁濃傑度適中 能夠掛在蜆肉之上 有淡淡的酒香 還有煙肉的鹹香 蜆肉鮮味十足 肥美冇沙 越吃越開胃一口西多士配雪糕$42 一啖一口細細件 方便又易吃 糖漿改為煉奶 味道更香更濃 配以雪糕一起吃 有種冰火交融的感覺 作為飯後甜品是不錯的選擇鮮薄荷青檸沙冰$

老夫子真係我地呢代人既集體回憶 記得細個果時成日扭屋企人買老夫子漫畫俾我嫁 （呀！唔小心暴露左年紀添！） 作為一個曾經迷過老夫子既老餅 當然要去老夫子餐館朝聖一番啦！餐廳既裝修好得意 成間餐廳都係老夫子同埋大蕃薯  老夫子迷一定實鍾意3點3去到 岩岩好係下午茶時間 由於冇食lunch實在太肚餓喇 我地一行二人叫左3個下午茶餐黎share1）焗迷你豬扒飯雖然叫迷你焗飯 但豬扒一d都唔迷你 豬扒份量多又厚身 岩晒我呢d貪心既食肉獸！豬扒好爽嫩 而且仲啖啖肉添呀！個飯底係炒飯底 一d都唔hea!2）芝士煙肉白汁焗西蘭花 （叫左少芝士） 作為呢道菜既靈魂 佢地既白汁非常稱職 「濃」、「香」、「滑」佢全部都做到 我地食到好似用d西蘭花黎抹隻碟咁 一滴白汁都唔想放過！3）瑞士雞翼三款食物當中我地兩個都最鍾意呢款 雞翼既色水好靚 食落既入味又嫩滑 好食到簡直令人變得自私呀！想自己食晒三隻完全唔想同人分享 哈哈！而價錢方面 大家唔好以為主題餐廳就一定貴呀 佢地既價格係同老夫子一樣咁親民！而家跟餐仲有多款抗疫老火靚湯可以揀添呀！P.S. 今次真係好驚喜 因為好少主題餐廳價錢親民而且食物高質 唔怪之得呢度