老夫子港式餐廳 (已結業)

今日同朋友去咗emax睇戲，睇戲之前就係呢度食定lunch先～見到呢間老夫子餐廳既主題同裝修幾有特色同埋菜式比較多元化，所以就揀左呢間😅我叫咗個海南雞油飯轉雞髀加油菜，朋友叫咗個口水雞飯港式餐廳上菜果然係好快👍 分量仲好大我個海南雞轉咗雞髀舊舊都好滑，唔會太肥，個飯好香雞油味得黎但又唔會太油😋 有兩款醬揀， 仲配咗啲涼拌青瓜，味道好四川，麻麻辣辣好滋味👏跟餐嘅菜十蚊都幾大碟，唔會煮得太淋朋友嘅口水雞佢話個醬汁都好正宗惹味，同出面四川餐廳食嘅好相似，估佢唔到😯😯叫咗杯熱柚子蜜都好慷慨，一啲都唔淡餐廳佔地好大，裝修有特色， 仲不停播住陳松伶唱果首老夫子主題曲，氣氛好歡樂咁😂