老厝邊

营业中

休息中

一向係炸甜不辣嘅愛好者，所以難得去荃灣午餐，就周圍搵吓有邊間台灣嘢有炸甜不辣食。openrice search完發現喺荃灣廣場斜對面有間高rating嘅台灣菜館，即管就去試一試！荃灣廣場對面嘅大壩街同享和街出面多餐廳，所以食飯時間嚟一定周圍都係人。跟住google map，果然係會行過籠！所以記得望清楚街號。餐廳有上下2層，入面有舊台灣風格嘅裝修，值得打卡。平日午市時段多一個套餐-$10嘅優惠！本來想試一試牛肉麵，但睇相俾紅糟肉吸引咗！所以最後點咗紅糟肉便當同凍峰蜜檸檬椰果，另外加咗一份炸甜不辣。凍峰蜜檸檬椰果🍋已經揀咗微糖少冰，但可能係峰蜜嘅關係，仍然係超！級！甜！飲咗一半後真係頂唔順，加咗水沖淡先ok！但整體其實味道好好，加上椰果份量都多！紅糟肉便當🍱正宗嘅台式紅糟肉會用五花腩，店內嘅紅糟肉同樣肥瘦參半。現炸所以外層非常香脆，加上可能切得細細條嘅關係，咬落完全唔似食梗肥膏。再配上帶甜嘅醬汁，感覺就似食梗炸蜜汁叉燒，食完一舊就會停唔到想食下一舊！台式便當通常會跟幾款配菜，今日有涼拌椰菜花，炒蒿筍片，炒大豆芽，跟半隻鹵蛋。配菜不過不失，有啲蔬菜食吓都係好事。炸甜不辣🍤甜不辣嘅叫法源自日

✨老厝邊✨ 荃灣正宗台灣菜🤩 #kg_新界 #kg_九龍𝙁𝙤𝙤𝙙 𝙤𝙧𝙙𝙚𝙧𝙚𝙙 -起司肉鬆蛋餅 ($40) -滷肉飯 細 ($34) -眷村牛肉麵 ($69)-珍珠茉香奶綠 ($25)🧀起司肉鬆蛋餅🌯 $40必食推介!! 芝士+肉鬆呢個組合真係冇得輸！點上側邊甜甜咸咸嘅醬, 感覺好新鮮！(◔◡◔) ♥ !! 🍚滷肉飯 $34 有分大同細碗 滷肉肥美香 份量啱啱好 撈飯食一流！(*≧ω≦) ♥ 🍜眷村牛肉麵🥩 $69麵質彈牙爽口, 湯底濃郁, 加埋少少酸菜, 好正宗！(˶‾᷄ ⁻̫ ‾᷅˵)🧋珍珠茉香奶綠 $25 味道一般 唔洗特別試～ 我地臨走前問收銀呢間餐廳個名點讀🤣 原來厝’係讀’醋’, ‘老厝邊’台語係‘老鄰居’咁解 長知識了～ ٩(˃̶͈̀௰˂̶͈́)و 𝙍𝙖𝙩𝙞𝙣𝙜👅好食：8.5/10🏠環境：8/10👍🏻性價比：8/10人均消費：$84📍老厝邊 (荃灣)荃灣大壩街25號地舖大角咀埃華街92號地下#konggirlss #荃灣美食 #荃灣台灣菜

老厝邊 (荃灣)一直都想試下呢間食台灣野既餐廳，前兩日終於約左大學好姊妹食晚餐🥰✨起司肉鬆蛋餅 $40小編推薦呢款招牌菜式😍😍 即叫即整熱騰騰😆肉鬆同芝士既比例剛好，蘸上旁邊甜甜的醬汁，味道好夾，推薦❤️✨ 滷雞腿便當 $66呢個便當🍱份量偏多，雞腿🍗好大隻啖啖肉😋 而且仲有豆角、豆芽等蔬菜，營養均衡～✨ 花雕醉雞 $46花雕味恰到好處，唔會蓋過雞肉鮮味，肉質嫩滑，再加了枸杞，天然甜味且具明目功效喔～✨ 珍珠烏龍奶茶 $25可以自行選擇甜度和冰量，小編揀左微糖、正常冰，烏龍茶香味濃😍，而且珍珠好QQ～地址：荃灣大壩街25號地舖

大壩街係我成日去嘅地方，作為荃灣人，仲要係荃灣西 人（係荃灣西嘅人，唔係荃灣嘅西人），喺荃灣廣場睇完戲，行完街，都會黎大壩街食飯。而老厝邊算係近呢年新貴排隊店。老厝邊一入門口，唔大，但高樓底有閣樓，有閣樓我一定揀坐閣樓，之後影落樓下，好喜歡居高臨下嘅感覺！我係飯桶！尤其晚飯，我傾向叫飯食，所以我今日叫左飯！放棄唔食肉燥，唔係大雞扒，就係見佢有紅糟肉。紅糟肉便當 ＄68紅糟肉台灣一般係用五花腩，香港人會覺得太油，所以呢個紅糟肉便當用左豬扒做，就有咬口，香得黎又唔會咁肥膩。鍾意食叉燒嘅朋友就冇理由唔喜歡紅糟肉，佢呢個就似係炸左嘅口感，少少似叉燒嘅味道嘅豬扒。因為始終油都係偏油，配返脆肉瓜同芽菜就平均返哂！你睇成個set幾青春？好似返左大學果陣咁，台灣青春愛情劇男主角呀大佬！半筋半肉麵＄76食台灣野冇理由唔叫牛肉麵，湯底係夠濃夠味嘅，都或偏冧身左少少，所以台灣麵我喜歡食拌麵多一點。牛肉同筋份量我覺得係多，男人都唔怕唔夠食，筋我覺得還好！肉，少少失望，唔夠牛味，但係都軟滑嘅。薯餅起司蛋餅 ＄36去親台灣，我係一定幫襯早餐店，蛋餅同粢飯都必食！香港有冇好食嘅台灣粢飯？有嘅不妨話我知，今晚叫左蛋餅

🔸香噴噴炸雞扒 $40好大份，大份到以為佢俾錯咗兩份🤣即叫即炸，熱辣辣上枱 炸粉唔算厚，整得幾好👍🏻不過略嫌唔夠多調味粉如果鹹啲會更加好食🤣味道：7/10性價比：8/10🔸招牌牛三寶麵 $83牛三寶材料有：牛肉、牛肚、牛筋牛肉都有三大塊今次揀咗蔥油乾拌滷水味唔算濃不過旁邊嘅鹹菜搭救返😂牛筋炆得好冧，容易咬開麵有好重醬油味乾撈麵彈牙香口味道：7/10性價比：6/10🔸古早味滷排骨 $38排骨超大塊，成個手掌咁大🖐🏻排骨煮得好冧 味道剛剛好，唔會太咸炸得香脆唔油膩豬肉原本有味道古早味唔會蓋過豬肉味味道：8/10性價比：8/10🔸滷大雞腿 $36滷水味唔算咸 雞肉本身都醃得入味 肉質正常冇雪味 可以話係正常發揮味道：7/10性價比：7/10🔹環境：座位以2人枱為主但係四人坐嘅話都唔算迫 🗣不須加一服務費-人均消費：～$100-整體味道：7/10性價比：8/10-#老厝邊📍荃灣大壩街25號地舖

荃灣大壩街這間台灣食店 樓高兩層店面和內裹裝横 帶點古早懷舊味👍🔸️香蔥油乾拌麵💰40 蔥油控必點 正碗麵香噴噴 面底煙韌有嚼勁 撈埋台灣特製醬汁🤤 🔸️半筋半肉麵💰76 湯底香濃帶點甜味 好飲👍 牛肉大塊厚切 入口軟腍又帶 有筋位💕牛筋Q彈有咬口 牛魔 王至愛🔸️香酥炸排骨💰36 每次來都必點這個美食 即點即炸 色澤酥脆香口 長過隻 手掌 份量十足 好抵食😋古早味系列🔸️蜂蜜檸檬愛玉💰24🔸️檸檬紅茶💰24

荃灣區真係有好多嘢食，今日就揀咗去食台灣菜呢間叫老厝邊。裝修都好有台式風味，餐廳位置都算多有兩層，食物嘅選擇亦都好豐富。滷肉飯（小） $34滷肉切到細細粒，好有油脂香，醬汁都好夠，飯粒分明軟熟。薯餅蛋餅$36薯餅配蛋餅呢個配搭真係好新穎好少食到呢一個組合，估唔到味道咁夾，薯餅鬆脆， 蛋味香濃，外軟內脆嘅口感，識落口感豐富好有驚喜。香炸魷魚$36魷魚炸得好香脆，炸粉薄薄一層，魷魚彈牙好有嚼勁。滷大雞腿$36十分嫩滑嘅雞腿，滷水汁嘅味道非常入味，味帶鹹香，雞腿啖啖肉，而且雞皮都好薄好易夾黎食。香滷排骨$38排骨先炸好再加滷水汁，依然保持到排骨嘅香脆，經油炸過份外香口又有滷水味，而且份量仲要好大塊。經典珍珠奶茶$25茶味香濃，珍珠都好Q彈，可以自己寫需要嘅甜度同埋冰量。整體CP值真係好高，叫咗咁多嘢食都只係$205埋單，喺荃灣食台灣嘢好推介黎呢間餐廳。

見個個都讚蛋餅咁好食，決定親自過嚟試試佢，驗證下佢咩料😙😙滷肉便當滷肉肥胖均勻，份量一啲都唔吝嗇！仲搭配左幾款小菜，全部餸飯一流～起司肉鬆蛋餅呢間的蛋餅堅幾好食，餅皮好香好脆又少少煙韌，餅皮與蛋蛋二合為一，再夾住芝士肉鬆，呢個組合味道真係好match ，芝士又有少許拉絲，好邪惡😉藥燉排骨湯米粉😆😆幾濃香藥膳味，米粉索哂啲湯，都唔錯嫁👍愛玉芒果綠茶無特別要求甜度剛剛好，入口都幾重芒果果味～

《老厝邊 - 荃灣》次次去呢間台式餐廳既時候，望住個招牌都會諗左一陣🤭到底中間個字係點樣讀呢？今次終於有人答到我😂同行友人係個書卷味濃既文人，行完街搵野食期間佢一手指住個招牌讀個餐廳名果下真係覺得好勁😬可能係我中文水平差啦😝今次同呢位朋友八點幾先入座食飯，過左peak hour唔洗等位可以直入真好，因為平時佢既人流都真係好多下😅一見到人多我就唔想排呢🤪我同朋友各自點左一份主食同一杯飲品，另外再加多份蛋餅share😎份量好多我地兩個人係食唔曬的💁🏻‍♀️半筋半肉麵 $76牛肉麵湯底當然係要試個傳統既紅燒牛肉湯啦，湯底好濃醬料同香料味，麵既質地相對較淋，如果喜歡食彈牙口感既人可能會覺得無咁過癮😉不過台灣麵係咁，相對黎講較為掛湯，牛肉同牛筋既份量都唔少下，多到我要係咁夾肉比我朋友食，牛筋香軟而又有咬口，不過食得多會有點膩呢💁🏻‍♀️紅糟肉便當 $68朋友個台式便當其實都幾有地道風味，紅糟肉食落有啲似鹽酥豬扒咁，咬落酥脆有油香，同淋有醬汁既白飯係perfect match🥰另外既配菜就有脆肉瓜、芽菜同鹵蛋，食材都幾豐富架💁🏻‍♀️薯餅起司蛋餅 $36對比起主食，我更喜歡呢一款蛋餅😝平時多數都係食芝士

前排睇完「想見你」就好想食台灣菜雖然依家台灣開左關，但未請到假😢我知道荃灣都好多台菜選擇今次試左老厝邊先！🛎 $34 滷肉飯（細）呢度既滷肉飯超抵食明明係叫細碗，但都超大碗！滷肉有肥有瘦🐷汁又夠多夠曬撈咁大碗飯下次黎都一定會再叫😍🛎 $80 海陸炸物拼盤有鹽酥雞、魷魚、花枝丸、甜不辣、四季豆、玉米筍既一大碟拼盤而我最欣賞既係甜不辣😏雖然外層炸脆，但咬落煙煙韌韌，好彈牙🤣炸魷魚同鹽酥雞都幾juicy～🛎 $38 肉鬆皮蛋豆腐之前冇食過呢味冷盤就係同菜名一樣係肉鬆+皮蛋+豆腐👀再加啲蠔油、糖、醋混合而成嘅醬汁～冇咩特別🙈🛎 $46 花雕醉雞係雞腿卷黎～好滑又大件😍夠凍，而且花雕酒味香濃！平時唔食雞皮既我都忍唔住食曬🤩🌐 環境/服務店舖位於荃灣廣場對面街店內裝修有老式台灣既味道📸位置都幾多，有兩層✌🏻要人齊先可以入座～

嚟到荃灣食台灣小店😛😛好地道 玉米起司蛋餅裏面嘅芝士可以拉絲，但唔會太熟又唔會太生，都幾滑身👍🏼炸甜不辣好好食👍🏼👍🏼👍🏼一定要試，佢個外型似薯條，但佢個質感係煙煙韌韌，好有特色又唔會覺得好奇怪👍🏼👍🏼大腸麵線(小)已經好大碗😂😂😂第一次食呢種湯底，好似碗仔翅咁比較夾潔身，麵都較林，好特別！值得一試紅油炒手皮薄餡靚，包得好大粒見到佢啲台式飲品好平，就每人叫咗一杯試下，都唔錯，唔會死甜Overall 大大份好抵食！會encore

星期六嘅荃灣，普遍餐廳都要等位或full book,同友人途經呢間台灣菜餐廳，見佢食物選擇多，價錢唔算貴，就決定一試。座位少少迫，但可以接受，牛肉麵多人點，可以從兩款湯揀或者揀撈麵。我同友人叫咗個紅燒湯牛肉麵，面質比較林身，無咩咬口，牛筋好林，份量都足，湯底有口甘味但比較淡，唔知係咪就收工所以唔似其他食評講嘅好咸。另一個主食就叫咗藥膳排骨米粉，湯嘅香味有藥材味，但飲落就好淡，米粉量少，排骨量適中。女士夠食但男士就會唔夠。小食叫咗麻醬茄子，好好食，茄子顏色仲保留到同幾凍，夏天食應該更正。另一個小食就叫咗鹽酥雞，係炸得幾乾爽，調味適中。

荃灣呢間台灣嘢食小店成日都要排隊等位，星期一晚見等位嘅人唔多，就等咗一陣入去食晚餐。滷肉飯$42我哋揀咗大碗，滷肉甘香肥美，帶少少甜嘅肉汁好係好好伴飯，珍珠米又軟糯，簡單又好味😋半筋半肉麵$76牛肉麵好豐富，牛筋煮得好淋滑，而且入晒味😋牛腱亦都鬆化入味，配上煙靭嘅麵條，掛滿濃郁湯汁，正👍🏻香蔥牛肉起司蛋餅$42蛋餅餡料好足，卷住滿滿嘅綿綿芝士同埋咸香牛肉😋，如果香蔥份量再多啲會更加香塔香鹹酥雞$39鹽酥雞炸得好香口，外脆內裹保持肉汁，調味亦都啱啱好惹味😋

講到荃灣台食通常都會想起….排長龍排到天橋底果間呢..其實仲有間都幾抵食質素都唔錯嘅台式食店～雖然食店都要排隊，但都只是10-15分鐘的事！餐單都多選擇，價格相宜！超濃芋泥蛋餅 $42 （配蒜蓉甜豉油醬）味道有驚喜，芋泥微甜配合咸香拉芝恰到好處，強烈建議沾醬，有加乘作用！塔香鹹酥雞 $39 大大粒雞肉嫩滑唔乾，抵食！香酥炸排骨 $36 大大塊juicy嘅，味道比外貌有實力滷肉飯 小 $34 正常水平，不過米飯感覺較濕！珍珠麥香奶茶 $25 質素同般台飲店相近，亦平過部分台飲店凍冬瓜檸檬 $23 呢杯超欣賞，果種翡翠檸檬味道清新突出！重點是全店免加一，抵食！

#藥膳排骨湯米粉 $62好香藥材味 但飲落個湯唔會有藥材苦味 反而有啲回甘米粉唔會好快索晒啲湯 排骨亦煲得好腍#滷肉飯 （小） $34滷肉好惹味 雖然叫「小」 但都好大碗😅 女仕啱哂配返塊 #黃蘿蔔 唔怕食到好膩 唯獨啲飯多水咗少少🫢🫢#海陸炸物拼盤 $80#鹽酥雞 #炸魷魚 #花枝丸 #甜不辣 #四季豆 #玉米筍 呢個好開心😍 款款都有 一次過滿足哂叫咁多樣炸物嘅慾望🤭🤭樣樣都咁開心 炸粉簿 但又唔會皮肉分離 唔會好乾身炸完灑上椒鹽 鹽酥雞都仲好Juicy 個人特別鍾意😍粟米筍🌽同魷魚鬚😋😋😋推🙌🏼推🙌🏼推🙌🏼#起司肉鬆蛋餅 $40記得要趁熱食♨️肉鬆+起司🧀️ 呢個組合永遠都冇得輸蛋餅煎得好薄 餡料夠哂多起司 內裏夠哂軟綿綿😍#旺來烏龍 $27旺來=鳳梨 🍍 所以係 鮮鳳梨汁+烏龍茶幾有驚喜👍🏻 又夠fresh 推🙌🏼推🙌🏼推🙌🏼#蜂蜜檸檬愛玉 $24酸酸甜甜 夠哂開胃👍🏻記得叫 #微糖 咁就酸甜比例剛剛好😉溫馨提示💁🏻‍♀️估唔到平日晚8點都要等位 不過好在只係等一張枱幾分鐘時間 俾我地商討吓食咩🤭🤭=====================#懲罰 #黃色經濟圈 #yellowtsue