翡翠拉麵小籠包

营业中

休息中

最近見到＂翡翠拉麵小籠包＂指定款式小菜做緊半價優惠，不過有限制，1至2位可以選擇一款菜式。3至4位可選擇兩款。5至6位可揀三款，7位以上可揀四款。有十款小菜選擇，當晚選擇左雞火炒飯丶瑤柱賽螃蟹。呢個半價優惠表面上好似好低，但係事實上係一般，因為份量係減少左😅。另外仲叫左上海小籠包$40丶嫩雞煨麵$68丶菜肉雲吞湯$52丶上海排骨拉麵 ，可以選擇轉龍鬚麵(幼麵)，加擔擔汁。全部都保持水準，店員亦好有禮貎丶同埋好細心，經常都會幫我哋斟茶。當晚竟然有禮物送，就係一支消毒酒精搓手液。

今晚又食上海野啦，小籠包子當然唔少得，一籠四粒即叫即蒸，入口熱辣辣，配上醋汁及薑絲，一咬d肉汁咇出黎，鮮甜，皮唔太厚，真係要一口食晒成隻！另外有糖醋魚柳，味道酸甜，相當開胃口，外皮炸至香脆，魚肉唔乾，幾鬆軟，啖啖肉正呀！當然唔好錯過配料嘅桃肉粒！加多碗菜肉雲吞湯麵，份量相當對眼，要求多蔥真係做到！粒菜肉雲吞皮薄，餡料調味適中，放入口中有軟綿綿感覺，而個麵係師傅手打，食起上嚟口感比較彈牙，相當唔錯！

疫情未完， 我們聽從專家意見， 免去人多的地方， 但興生， 點都會一家人聚餐。 外賣回家享用是其中一個方案。現在外賣有75折。好抵食。 食物保持水準， 食物放满一檯， 一家人開開心心食餐飯，是美好的事， 大滿足。

睇完戲就過左去一田果邊嘅新城市廣場"翡翠拉麵小籠包"N年無食過 係時候重拾回憶啦 以前仲係新城市一期地下經店員推介匯豐卡有套餐優惠 所以就揀左2人套餐$366果然唔貴 又飽上菜好快 店員勤快鎖江肴肉透明肥羔係好特別嘅質感肉質亦好爽凍食一流上海小籠包 x 2 食過翻尋味再叫多籠皮薄餡靚 上菜熱辣辣金銀蛋浸菠菜份量夠 唔油又清淡連汁都撈埋黃金蝦球邪惡嘅咸蛋黃蝦球好大同爽升級左蟹粉蛋白薑米炒飯蟹粉好多 炒飯粒粒分明 蛋白夠多 正鮮磨豆漿 略甜 但夠熱檸檬薏米水 超級多薏米飲完食埋薏米飽哂

好久不見 又是時候相約舊同事飯聚 順道交換一下近況 最近愛上吃中菜 尤其是上海京川滬菜式 順勢再去翡翠拉麵小籠包 雖然是平日夜晚 不過人都不少 踏入7點後更有人排隊等枱 幾誇張 兩個人的晚餐 加上翡翠拉麵小籠包正值18周年 所以點了好幾款菜式上海小籠包 雖然略嫌包皮唔夠薄身 不過湯汁豐富鮮而不膩 肉餡料味道不錯 肉質鮮甜有口感 口感略有層次 有淡淡油脂甘香 咬落唔算鬆散 味道中上鮮肉鍋貼 煎得不算焦香 底部亦不夠香脆 不過咬落皮韌有口感  肉餡味美 不會太油膩 食落有點鮮甜 有點肉香回甘 美味燻魚 肉質外焦內軟 味道十分豐富 咸香中帶着鮮甜 吃著還有淡淡魚干香 回味甚久 不過略嫌橫骨太多 吃時需要專心 不過作為下酒佐餐兩相宜既小菜來說 算是水準不錯 五香牛肉拉麵 五香牛肉其實說到底是帶點甜味既牛展 每片都是一致既厚度 肉味不算濃厚 雖然不至於極腍 不過咬口尚算不錯 是肉香差了點 拉麵反而蠻有驚喜 有嚼勁之餘仲非常有筋度 彈牙滑溜  配合蔥花令香氣提升 味道更好 百頁結烤肉 說實話賣相實在好一般 顏色也不太討好 烤肉太肥太油  百頁同

夜晚嚟一田呢邊行街好似無咩野好食 見到呢度個餐牌做緊一個$18有一款菜式嘅優惠就入嚟食下啦 每枱只可叫一樣 我地揀左加$18賽螃蟹味道ok 不過我覺得佢唔夠熱 但係食食下有一小塊殻另外叫左一個前菜雞絲粉皮 普通野 唔會伏亦都無驚喜仲有一個五香牛肉拉麵 最失望係呢款 完全唔係我想像嘅樣 個湯勁淡 仲有塊牛肉勁難咬開 不過佢都有幫我地剪開左個面本身我同朋友諗住去食甜品 所以是旦叫左少少野食就算 留番個胃食甜品 唔知呢度係咪其實出名要食小所籠包呢 食其他野好似伏伏地咁

今晚又食上海菜，呢一間都經常去食！紅油抄手外皮薄又滑囗，入面饀料唔算太多，一囗一隻夠豪邁，醬汁唔算辣，反而有點香甜！最喜歡飲酸辣湯，想飽肚一點就要湯麵，麵係師傅手打，唔易斷，幾有口感；而湯嘅酸辣度平均，配料普通！另外叫多個金銀蛋浸菠菜，唔太咸，菠菜幾腍滑！

翡翠拉麵曾經係我同老婆拍拖時嘅長期飯堂，今日就帶埋阿仔一齊黎回顧一下。...首先上枱係阿仔叫的蔥油拉麵，非常開噴噴！阿仔變得越黎越重口味......老婆叫左呢個素擔擔麵，我試左幾口。素湯底辣度強勁，沒有蔥蒜味，也沒有雞湯底的濃郁味道，令我沒有追吃的慾望。但我老婆鍾意呢個素版本多啲，因為她一向不喜蔥蒜。...本來想回味清燉牛肉湯拉麵但現在已經沒有了，唯有改吃雞湯拉麵。好濃郁的雞湯！先喝幾啖湯，然後將湯倒入麵中同吃，每啜麵都索滿濃湯味，好正！.麵條真係佢地嘅強項，麵質順滑、入口有咬勁，掛湯力也特別強。...醉豬手係每次必點的，一直以來我都覺得佢地嘅醉豬手係最好味，豬手勁爽，並且索滿醉雞汁，每啖都充滿玫瑰露的香味。軟骨可咬，可連皮肉吞下，剩下咬不動的骨其實好少。...皮非常薄，要小心翼翼地夾起。好味，肉鮮美又多汁！...素食之選：

今晚食媽咪生日飯，媽咪至愛上海野，但今日有點忙，所以近近地係沙田食。食媽咪至愛，因為得呢間有高力豆沙球。Although今日係平日，都驚無位要等好耐，所以一朝早打左去book位。但點知最後去至，都係要等位，大約等左15mins就有位。去到嗌左個煎小籠包，小籠包，小黃魚，上海炒道粗炒，賽磅蟹，仲有奶油津白。五個人食，其實可以嗌多d,不過屋企人食吾多，所以都夠食。之後，當然要叫甜品，溢左鴛鴦高力豆沙球，有點兒甜。

用呢個標題並不是因為同老友食飯，而係翡翠拉麵小籠包比我嘅感覺就似係一位間唔中需要見嘅老友，耐不耐就要食一次鎮江小排骨-份量都唔少，不過唔係太岩口味，可能我期望係黑色果隻鎮江骨既味道啦雪菜蝦仁炒飯-有鑊氣，啲飯炒到一粒粒，夠乾身，蝦既份量算多小籠包-雖然唔係食過既小籠包之中最好，不過都係必嗌，爆汁排骨麵-啲排骨好食，小小肥啱啱好，唔算太油，個面就比較清淡，不過不失啦另外估唔佢啲茶又幾香咼，直頭想問個姐姐有無得賣

呢度好多人排隊㗎好多 不過比起以前真係爭好遠生意差咗好多佢嘅手抓餅真係好香脆好好味佢個豆腐皮蛋皮蛋係細細粒嘅鵪鶉皮蛋so cute真係幾好味嘅又唔會太辣豆腐真係好滑加埋一齊食好好味皮蛋仔真係好正海蜇真係幾好味呀夾埋嗰個辣汁幾正佢最近有個鐵板魚頭真係幾滑又惹味跟住魚脂又多佢個炒年糕咁細碟嘅不過我嫌佢個年糕淋得滯佢個酸辣麵我又麻麻地喎唔夠酸唔夠辣小籠包同普通小籠包差唔多冇乜特別呢度啲姐姐真係幾好客仲送咗甜品畀我哋食

同家人食lunch，三個人叫左小籠包、排骨拉麵、鮮肉鍋貼、椒鹽小黃魚同原盅雲吞雞湯...小籠包一般，肉餡唔鮮味，熱度唔夠。排骨拉麵有四件小排骨，層炸皮有舊肉既一半，偏厚身，索左d油，麵就okay..個原盅雲吞雞湯賣相同menu差好遠，明白圖片只供參考，不過真係細份好多...62蚊得二舊梅既雞同二粒雲吞仔，個湯都係味精雞湯...唔推薦小黃魚偏濃味，有d咸，魚肉質素尚算正常...質素比之前差左好多，難怪少左人等位

約了爸爸吃晚飯，因為老人家比較喜愛食中餐所以便選擇了新城市廣場的翡翠拉麵小籠包。我們選擇了匯豐信用卡這個二人套餐，因為計過這樣比平啲啲（超過$250都係有九折）戴咗金銀蛋浸菠菜，糖醋排骨，豬扒拉麵，黃金魚柳同埋例牌嘅小籠包。首先講小籠包，我個人10分喜愛吃小籠包，可是翡翠的小籠包是皮比較厚的那一種，雖然肉汁很多和很鮮味，我還是比較喜歡鼎泰豐那一種皮薄的。另外其他菜式水準十足，上菜速度10分快，有時候連鎖店就是有這樣的保證。這個兩人餐是超級飽的！要很努力才吃得完

到翡翠拉麵小籠包吃晚飯，看到有一個匯豐銀行信用卡的優惠套餐，就點了這套餐。我們選了雞絲粉皮、小籠包、白玉花雕蒸蝦球、糖醋雞球、雪菜蝦仁炒飯、豆漿和桂圓杞子雪梨茶。雞絲粉皮味道不錯，只是醬汁略稠。小籠包的包皮不夠薄，幸好餡料味道不錯。白玉花雕蒸蝦球最好吃，白玉就是蒸蛋白、很嫩滑，蝦球很大隻，而且爽口彈牙，這菜式清清淡淡，很適合夏天。糖醋雞球的味道也不錯。雪菜蝦仁炒飯，味道很好，但飯太硬。豆漿好喝，桂圓杞子雪梨茶則太甜。這店的侍應工作勤快，要什麼，很快便送上，另外用完的盤碗，也很快收走。這店顧客很多，幸好我是黃昏六點到達，不用等位，我們七點離開時，門口滿是等候的人。

先來點了招牌四川擔擔麵，味道不算太辣， 花生醬味不算香濃，麵份量不算太多，很快吃完，味道一般。另外還點一份上海排骨拉麵味道會比較清一點，而且麵會剪開一半，份量不多，吃兩、三啖就吃完了。排骨是煎炸的，口感不錯。再來就是鎮江排骨，味道酸酸甜甜，十分開胃，肉質嫩口，味道不錯。最後就是重點的上海小籠包，一句話就是皮薄，肉嫩多汁，趁熱食。來過總結，等候堂食時間比較久一點，環境舒服，上海小籠包是推薦食的， 其他就覺得一般，價比性不高。