翡翠拉麵小籠包

营业中

休息中

講真 覺得新城市好少嘢值得食全部都比較貴 同埋好多人排隊回憶中 翡翠拉麵小籠包係幾好食仲要有好耐冇食過😮‍💨😮‍💨今次就再嚟尋味🥺🥺點知有啲失望🙍🏽首先當然係要講下小籠包小籠包仲係皮薄餡靚 好Juicy水準有返咁上下價錢又唔會好貴 所以都幾滿意嘅然後到呢個水晶肴肉唔知係咪我口味變咗呢以前我食上海菜我好鍾意叫呢個因為覺得自己整要好多功夫但係今次叫我又冇覺得好食又冇咩想挑剔佢嘅地方就係覺得唔係咁鍾意食囉…唔講咁多~中立啲呢個水煮牛肉麵就係最令我失望嘅地方！細細個 呢個就係我必叫嘅 因為我真係好鍾意食辣 但係呢次食就大失所望… (以前叫親～啲姐姐一定提醒我，呢個好辣喎～）依家用手機點餐 唔可以揀辣度 佢好似自自然然就將辣度調低左食落都唔夠味 啲麵有偏淋身最後呢個上海炒年糕份量比較少 調味得普普通通唔叫難食 唔叫好食🙍🏽呢餐晚餐連埋+1同茶錢差唔多$400賣單～我應該唔會再光顧㗎喇 Bye bye 我從前的愛😭😭😭👋🏾

入座後, 店員隨即奉上熱茶和餐前小食, 這些當然不是免費的, 是中式餐館約定俗成的收費, 不過, 若點滬式滋味下午茶, 茶費則免 。滬式滋味下午茶1) 茶 免費2) 餐前小食 $83) 酸辣湯拉麵 (精裝優惠) $584) 高力豆沙 (2件) $185) all + 10%酸辣湯拉麵雖說是精裝, 即份量較少, 但麵量仍然豐富。店員落單時查詢是否需要剪麵, 是細心位。 酸辣湯看似偏少, 只是麵條掛滿湯的錯覺。湯料不多, 筍略老, 有渣, 味道是中規中矩的, 略微偏酸及辣味不足 。高力豆沙兩件均有淡淡蛋香, 質感鬆軟, 面頭佈滿糖粉, 甜度剛好。唯豆沙份量一件正常, 一件極少, 並不完美。

翡翠拉麵小籠包初秋 menu 一共有 8 款限定蟹粉佳餚兩個人只試得 2 款：蟹粉小籠包、蟹粉鍋貼 🦀蟹粉小籠包 🦀橙色蟹粉點在小籠包頂，蟹粉黃油沿小籠包頂向下流隔住小籠包皮都見到橙色湯汁咬開有蟹的鹹鮮味，鮮香濃郁肉餡裏面有埋蟹肉絲抵食！蟹粉鍋貼 🦀是蟹粉小籠包的熱氣版隻隻都脹卜卜鍋貼皮煎到脆卜卜咬開仲有肉汁，餡香湯鮮鎮江排骨 🐷以小食前菜來說，份量是比較多叫碗麵 (牛肉麵以外)，配這碟排骨，好夠飽肚整得幾好食，次次都好容易地骨肉分離，調味酸甜適中不過今次排骨肉質偏韌和乾身酸辣湯拉麵 🍜🌶️剪麵會容易 share 入口酸酸地，幾開胃隨後的辣是從頭 keep 到尾，慢慢辣上去配料意外地多，有豆腐、木耳、雞絲、豬紅切成細細粒感到像食碗仔翅加辣最後，要了杯凍豆漿始終有豆漿，先有食上海菜的感覺 😌

當晚打風，夜咗收咗工費事煮，好彩搵到地方食嘢。我哋兩位叫咗招牌上海小籠包一份。中規中矩啦，皮當然可以簿啲，但都可以的。嫩雞煨麵，清清哋，有啲肉、有啲瓜，有我亞媽煮嘅味道😆。唔夠喉，叫多份肉雲吞湯。皮不太厚，餡料足料，正常好味。坐得舒服的，不太多人，尤其當晚打風，人流少咗。電話落單，我自己就麻麻哋，人懶無藥醫😜！好彩當晚都順利的。上菜都快的，都容易叫待應斟水。 喜歡他們每杯水都有杯蓋遮住，既保暖又衛生。

191027082022，今晚黎到呢間上海菜店，其實呢間都食過好幾次但一直都沒有寫上食評，今次補返。1910唔知係咪疫情緊張左，今日係唔洗點等位同埋人流比以往少，入到去坐低就開始點餐。小籠包係必點，每次水準都一樣，熱辣辣送到包內肉汁豐富，加上些醋就非常配合。炸銀絲卷都係即炸，外層香脆內層一絲絲加上練奶，正。海蜇就非常之...粗，有口感爽脆有聲。四川擔擔麵，麻醬豐富充滿整個口腔。乾蔥油撈面，味道比較淡但另外我點左個乾煸四季豆配上撈麵反而不錯。最後加個凍香芋爆珠豆漿作完結。

今日星期日，同老爺，奶奶同埋姑仔行完街去食嘢。係沙田星期日食晚飯周圍都好多人，好在我哋6:15pm就去攞位，所以好快有枱。第一次係依間食，環境舒服，我哋4大1小，服務員比咗張長卡位我哋，坐得好舒服。服務員態度有禮，我哋不繼問嘢，但他們都很耐心解答我哋。食物味道啱啱好，唔會太鹹太甜。炸銀絲卷炸到外脆內軟超級好味。清燉雞湯拉麵雞肉小咗啲，但個湯好清甜，同普通湯拉麵味道係唔同啲的，其他食味都好好味，滿意的一餐！

呢間餐廳以經幫襯左幾次，啲食物同埋服務質素一次差過一次！（決定以後唔會再去幫襯）今日一家人去完shopping 見有啲肚餓見又就腳於是就選擇左呢間！叫左個小籠包味道都唔錯，又夠熱！一碗菜肉雲吞面，呢個就好差,個湯同埋個菜肉雲吞直頭冇味道同埋一碗紅油牛肉拉麵，呢個又係非常之差喝啖湯又係冇乜味道，呢碗野應該係熱水加啲辣椒油！ 仲差過普通一碗公仔麵！ 其他啲配菜都冇乜特別好普通！ 服務又係非常之差要嗌好多次先有人落單！總括嚟講（10分為滿分）食物3分環境6分服務3分價錢3分

暫時香港黎講對比差唔多價錢的上海食店，我覺得呢間質素較好。不過物價通漲，感覺上海粗炒份量比以前少。菜多過麵。小籠包好味，皮簿餡多汁。另外佢既水煮牛肉麵味道亦好。豆沙鍋餅略嫌唔夠乾身。

翡翠拉麵出咗素食餐牌都好耐，仲以為玩一排會唔見咗，估唔到Keep 住有呢！不過之前試過個小籠包有啲失望，所以今次冇嗌了。其實咁耐以來，翡翠拉麵嘅香煎素鵝係我必叫之選，因為佢真係整得好好味！外皮好酥脆，裏面嘅菇濃又滑。另外叫拼盤可以自選，我揀咗上海烤夫、小皮蛋豆腐、中間個肉係真肉，老公嘅。我嗲哋媽咪係上海人，過年必定會整上海烤夫，凍食熱食都得。😋 而家冇同媽咪一齊住，間中自己整，其實都幾麻煩。因為一整會整好多，又食唔晒，呢個出去食方便啲。另外細粒皮蛋幾得意，可以一啖食一粒，味道都唔錯。不過都係大隻流心正啲。

食小籠包一定要來翡翠拉麵小籠包🥰🥰🥰每次諗唔到想食乜嘢我就會嚟依度食😅😂😅😂因為有我最愛嘅嫩雞煨麵 小籠包 手抓餅今次同朋友去完環球嘉年華都翻返嚟沙田開餐😍😍😍😍😍食物保持一貫水準 正正正每次黎食都唔會厭😋😋😋😋😋😋而且價錢合理😎😎😎😎今次因為有四個人可以再嗌多啲嘢食😝😝😝😝薰魚亦都係我嘅首選之一鍾意食辣嘅朋友仲可以叫呢個小皮蛋老公同朋友都話10分正，要再encore👍🏻👍🏻🥳🥳🤫🤫

點了上海粗炒/小籠包/春卷春卷是素的椰菜冬菇，冇大驚喜小籠包水準保持到上海粗炒完全退步了，全無鑊氣約3個月前食過係咁，今日再試多次幫襯了超過10年，要另找好吃的粗炒了

位於沙田站，新城市廣場第三期「翠拉麵小籠包 」，平日晚上一行四人，我哋一早book定位，所以直接入座，餐廳都好多人，咁我哋叫咗滋味蟹粉4人套餐，另外再加左 一碟香煎素鵝。呢個套餐都幾豐富，有蟹粉蝦球鍋巴（4件）、雞絲粉皮、鎮江排骨、醉豬手、花雕醉雞、蟹粉小籠包、重慶水煮牛肉、蟹粉豆腐煲、四川酸辣湯、魚羹，仲有豆沙餅甜品，每樣份量都足夠，質素平均，而且好味，服務員友善，我哋埋單$993 。值得再去的餐廳！

之前喺翡翠食咗信用卡優惠嘅套餐兩次，覺得又好味又抵食。今日同老公仔又來食啦。今次我哋又係用信用卡優惠，叫咗個套餐食😋😋個套餐真係好抵😂😂😂😂😂首先係椒鹽炸豆腐粒，整到一粒粒金磚，外脆入面超滑，不過個人覺得個味可以濃味少少，同埋好似可以再熱啲😂唔知係咪天氣凍關係有影響呢🤔不過都令我食唔停口跟住當然有食小籠包，不過不失啦再嚟係菠蘿雞球咕嚕肉，有洋蔥青椒紅椒菠蘿🍍，好開胃跟住我哋仲揀咗酸菜魚，酸菜魚個底有啲透明寬薯粉，魚片好味，唔係一嚿嚿嗰啲鱈魚另外我哋仲揀咗上海粗炒面，都係正正常常啦最後我哋揀咗桂花酒釀丸子，一人一碗，作為呢一餐豐富晚餐嘅甜品😚😚😚呢個餐真係可以食多啲攬住個肚走🤣🤣🤣

平時嚟沙田食嘢都係食燒肉飯，咁啱行過拉麵店見到佢又有蟹主題嘅食物就入左去。今次叫左兩碗麵，一個小食，一個湯。道先個蟹肉麵我覺得同圖片有啲出入，實物細碗啲同埋唔夠多蟹肉同埋食落唔係話咁好食，油味較多。水煮牛肉拉麵就好大碗，都夠辣，不過不失。梁溪脆膳，我覺得略為酸左d，加多小小甜度會好啲，分量亦適中。原盅花膠雲吞雞湯，唔錯嘅，無乜味精，小朋友都適合飲，有兩小片花膠，雞肉都滑整體service 都幾好，環境亦坐得舒服

今時今日香港隨心入一間餐廳食飯冇諗過食餐上海菜都會有去咗酒店嘅感覺。翡翠拉麵小籠包一直都有食過唔同分店，一般印象只有正常水準，冇太大其他感覺。———————————————今日星期日因為周圍好多人，所以都係隨心選擇餐廳做晚餐之選，難以想像從取票，到安排入座，以至下單，用膳過程，以及尾聲，上至門口櫃枱，下至樓面，全部侍應都非常好禮貌及主動，實在太耐冇喺香港試過。———————————————今次食信用卡優惠套餐，300幾蚊+10%掋到爛，兩個人食綽綽有餘，炒飯有鑊氣同飯香，其他小菜正常水準，性價比極高，以及服務態度好嘅前設下，成餐飯用膳感覺非常良好，在一次高度讚賞所有員工服務態度。