翡翠拉麵小籠包 (已結業)

是次係同外國朋友聚舊, 但估唔到BOOK 位都受到咁對待, 半數人到齊都不能入席, 要等到人齊先再輪候, 要我朋友一齊等, 幾失禮.......叫碟小菜, 3 碗甜品包括:1. 小籠飽(OK 啦! 有肉汁...)2. 鍋貼(幾香脆, 有肉汁...)3. 肴肉(幾香肉味, 切得大細適中)4. 海蜇(幾彈口, OK !)5. 上海粗炒(普通...)6. 擔擔面(少少麻辣, OK !)7. 黃鱔糊(好多油...)8. 高力豆沙(OK, 味道適中...)9. 酒釀丸子(好難食, 唔知點形容...)10. 豆沙鍋餅(OK, 唔錯!)其實每碟份量都是唔多, 所以價錢都略貴, 不過味道還算OK !

之前有個weekend去食，大概三四點，當我同朋友已食飽預備埋單，諗住飲多少少茶之際，我朋友發現一塊透明片狀的物體在杯內(細個杯底少少)，因為呢間餐廳係用玻璃杯，我地即刻好驚，相信係玻璃碎片，所以我都檢查一下我自己杯茶，初時未有發現，之後望清楚竟發現一條大概像手指甲大的玻璃碎片。因此，我地叫左一個看似比較senior的侍應過來問過究竟，個侍應望了一望，然後同我地講要攞開睇清楚，當時我地即刻截停佢，攞返兩杯茶，倒了大部份的茶，再攞呢兩塊玻璃碎放在枱上。個侍應呆了一呆之後問我地需唔需要看醫生，因當時我同朋友都沒有感到不適，所以都話無需要，之後呢個侍應道歉過後就攞走了兩杯茶同玻璃碎片，再安排幫我地換過杯茶。當呢間餐廳的經理得知呢件事件，亦有埋來問我地需唔需要睇醫生，亦勸我地去醫生到檢查。在整件事件裡，佢地只係問我地需唔需要去醫生，這會令我覺得︰係咪個客無被玻璃弄傷，就可以當無事。而且，佢地沒有提及佢地會如何處理，例如:如果睇完醫生真係有問題or無問題都好，佢地會怎樣跟進呢件事件，亦沒有詳細解釋點解茶裡面有玻璃碎片，我個人覺得處理得非常差。雖然這可能是個別事件，但係一件可以傷害客人健康的事件，

成日經過都無入去...今天老公專登還我心願...! 中午時份未係人潮高峰...唔駛等...不過..入到去都坐得幾迫! 第一個感覺係坐得唔舒服!老公拍板叫左1. 蠔油燜荀, $38...第一次食既荀...我覺得凍既好味同埋佢好油!2. 四川擔擔麵, $30...酸味重過麻醬味...又辣...我都係覺得旺角西門町好味!3. 蘿蔔絲酥餅, $24...熱到好似100度咁...幾鬆化唔錯!4. 清炒津白, $42...又係好油....不過...都幾淋身!5. 香煎南瓜餅, $28...三小個....裡面包住紅豆砂...唔太甜...岩岩好...!6. 薑茶湯丸, $20....薑味唔夠...湯丸芝麻餡唔係好夠....!兩個人抱住個肚走....好飽呀...!

今晚一家去左翡翠拉麵小籠包食晚飯, 其實我已經去過幾次, 不嬲都覺得唔錯, 今晚就首次同爸爸媽媽連同多年冇返香港婆婆一齊去試下!我地一行五人, 由於假期關係我地決定早少少食晚飯, 我同女友六點未夠就去位, 由於早所以唔使等位! 首先讚一讚佢地服務態度, 未齊人都冇催我地叫野食, 而且仲不斷幫我地添茶, 飯後縱使好多人等緊位亦都冇趕我地走, 學劉德華講今時今日咁服務態度先得架!好咁我地叫左雞絲粉皮, 小籠包, 蒸素餃, 排骨湯拉麵, 炒蝦仁, 上海炒年糕, 蘿蔔絲酥餅, 菜(唔記得咩名堂, 不過有津白, 小棠菜同冬菇)同埋蔥油餅! 雞絲粉皮好香好滑, 配埋d青瓜加埋d麻醬, 好味好開胃; 小籠包直頭冇得頂, 只要夾得好唔整穿佢, 小籠包裡面d湯好多, 直頭食完一個再一個, 正呀! 蒸素餃皮薄, 菜加d粉絲, 好爽口; 排骨湯拉麵又好, 拉麵d湯好清, 麵軟硬好, 排骨炸起唔油好香脆; 炒蝦仁好爽好清唔油, 雖然同幅相相比下好似少左好多, 不過都真係好味, 算佢啦! 上海炒年糕又係得, 年糕好好咬口, in in un un, 好鬼過癮, 連不嬲都唔鍾意食年糕我都食好多; 蘿蔔絲酥餅好脆,

(18/7)眾人點選此店，但店員聲稱有位後還要等待三十分鐘，四人同行，每人三十分鐘，則給了合共一百二十分鐘的時間。有數間分店的它，標榜著它那有質素有環境的外觀，吸引時下的消費者。按下不表，看看食物如何才決定？清炒津白、小籠包、擔擔麵、鱔糊炒拉麵、炒年糕、雲吞雞、蘿蔔絲酥餅，逐一看看，那津白，也是正常合理味道，沒有過腍，平衡整晚的油膩菜式；小籠包，熱辣燙口是事實，皮薄還是不太認同，還有那包內的肉是過實；擔擔麵，為了那湯？始終難如其願，太多的麻醬，麵條始終欠缺了那份質感，若干分鐘後足以脹了起來，還是那詠藜園的見真章；鱔糊炒拉麵及炒年糕，這兩碟味道差不多是一樣，絕對是既濃且咸，吃了兩口已沒有再吃，而雲吞雞，與炒津白差不多，合理味道，但有局限。反而是蘿蔔絲酥餅是較為好吃，鬆化，真的有蘿蔔絲，不只是蘿蔔蓉，味道不會過咸或過淡，可以值得吃。整晚水準是普通，絕對沒有必要獻給那一百二十分鐘及接受那種徹頭徹尾的拖延。

你們好！呢間野門面好似好靚，但係服務同大家樂差唔多。野食都好味，不過冇驚喜，一般上海食物。價錢就唔平，兩人每人一百三十元。等了三十分鐘，唔值。應該冇下次。食上海野我會介紹首選奧海城金滿庭！多謝!

今日同朋友聚一聚，因放工太晚，無乜選擇，來了這間小籠包，點了擔擔麵(好食)、小籠包(一般)、紅油抄手(超一般)、回鍋肉(唔好食)除了擔擔麵比一般店舖好食外，其他我點的可以不試。我和朋友一行二人九點半左右到達，都要等三張枱，入到去，幾整潔，但真的覺今時今日的搭枱安排比較不舒適，感覺像到快餐店或citysuper咁。所有伙計都不會替人客加水，叫了都會話忘記了(相差10秒)，賣單，找錢，離開都不會說多謝或再見，不是很大問題，但很奇怪，快餐店好似還舒適點=)

約親朋友仔行海運, 又無乜意見食乜都會嚟食, 貪呢度平靚正嘛！今次我哋四個人叫咗：脆鱔：小吃, 味道同質感都好好, 大大碟, 可惜今次唔夠熱...素黃雀：蒸既素卷, 裡面全部材料都切了幼絲, 夠爽口, 腐皮面亦無肉味, 正得一試。上海炒年糕：年糕軟硬適中, 亦無我想像中油膩。小籠包：我的至愛^^非食不可, 充滿肉汁的包子, 一口咬下去, 很滿足^^ 不過小心燙口！甜品有：高力豆沙：糖霜面不太甜, 糕點發得剛剛好, 十分彈口。豆沙不會太甜。酒釀丸子：很香的桂花, 丸子彈口, 再清一點更佳。什果杏仁豆腐：無食唔知添：P 我唔食杏仁...朋友又無講好無食, 不過係用罐頭什果！要一提既係佢哋既茶好香, 好似係荔枝茶。食飽飽, 坐陣傾吓計, 飲多杯茶就可以消吓油膩啦^^

朋友仔生日，特意來試下，但crystal jade 星期六、日不可訂位，仲要齊人先比入坐。幾經辛苦，終於可以入坐，一人去就比左間房我地，間房可坐十二個人，但我們只有六個人，細問之下，先之原來要同埋其他人一齊坐，好奇怪囉。張檯有個轉盤，咁都唔知應唔應該張d野食放上去，放上去又會阻左其他人，唔放上去又好唔方便，真係好奇怪。要對住d唔識的人食飯，好唔佑點咁，因為我地佔最多人，一定比較大聲，釨唔好意思架嘛。不過d野都幾好味，我地叫左:1. 黃金蝦2. 沙窩雲吞雞3. 糖醋雞球4. 小籠包5. 紅油抄手6. 雞絲粉皮7. 抄年糕8. 酒釀丸子9. 豆沙窩餅不過我覺得勁勁唔抵，個黃金蝦數埋都唔夠15隻，最離譜係個沙窩雲吞雞囉，成120蚊，佢話六位用，每人分得1碗湯，得一粒雲吞一條菜咋，大家咪叫依個呀。其他的都好合理，我地六個人食左513蚊。

前幾日同男朋友終於試朋友口中話好好味"翡翠拉麵小籠包"...七點幾去到,竟然唔駛等位~我地試以下幾樣:1)酸辣湯:得一人份量,都幾細碗~不過有好多料,味道就一般啦~2)紅油炒手:個汁有少少偏辣,但D雲吞皮好薄、個餡好新鮮,幾好味!3)小籠包:真係非常唔錯,尤其係入面D湯汁,一咬即刻飛出,好好食!4)上海粗炒:有好多而且入面椰菜好鮮甜,不過好似多些少油,但都值得一試!5)豆沙鍋餅:個皮炸得香脆、D豆沙餡就熱辣辣,好好味!呢度既service冇D人講得咁差,都算幾有禮貌而且不停加茶,都幾滿意呀~

一直在尋找印象中的滋味，我很想能在香港吃到真正的生煎包。但奈何去到翡翠，她還是給我一個普通菜肉仔，求其煎了煎充當「生煎包」。到底他們明不明白「煎包」和「生煎包」完全是兩回事！能不能對食物認真點？在香港到底有沒有人懂得尊重這門手藝？最糟糕是開正旗號的上海菜館也賣些假貨，真是的…好懷念小楊生煎，難道真的要到上海才能吃一個肉汁滿溢的真正生煎包？

尋日訂左位7點中，唔知去等齊人至入得，好在D fd都好快到，俾左卡位我地坐~我地原本散叫，但費事諗，所以叫左個４人餐，再加左幾個小食小菜！個餐入面有：１）鎮江洧肉- 本人至愛，唔錯２）醉雞- D酒好苦，不過我覺得幾入味３）魚- 唔記得叫咩名，個汁似生炒排骨，不過主角係魚，要熱食，唔係會痴埋一舊，好在無骨４）波菜- 幾清，有Ｄ青扁豆，唔咸５）羹- 有D偏咸(唔知係咪我落左Pepper)，有ｄ豆腐絲，蛋絲等６）唔記得咩名- 有筍，冬菇，有類似腐皮包住小籠包o既肉o既物體，都唔差７）炒飯- 不太熱，可能我地唔係即食，無油偏乾，似叉燒炒飯，幾好，熱仲好８）高力豆沙- 面頭有d似葡萄糖o既糖粉東西，開頭以為沙翁，一啖咬落去，質感係個心溶溶地包住溶溶地o既紅豆沙，我因為唔食紅豆，所以淨係食左個面，唔錯~另叫：１）小籠包- 皮真係薄，要好好好小心夾至得，味道唔錯，好熱！２）鎮江骨- 幾好３）蘿白絲酥餅- 一樣係我至愛，酥皮脆，個心好熱好熱，好美味總括黎講好好味，尤其是小籠包同蘿白絲酥餅，食到我地好飽好飽，有ｄ都食唔哂，我諗其實唔駛叫餐，不過唔想諗又好肚餓至叫餐，識得叫唔駛咁貴，我地仲坐左好耐傾計，其

每次老闆請食lunch都黎呢度食....每次都係vip room, 每次食担担面,小籠飽,宮保雞丁,咕嚕肉,紅油抄手,蔥爆牛肉,辣子雞......好多辣,我唔食得辣只有就住食...我最愛的担担面&咕嚕肉就一般, 反而其他(小籠飽,蔥爆牛肉)可能要求低d所以覺得幾好,但都係比較喜歡times sq. 的金滿庭....服務都不是好差, 仲有講有笑...價錢實惠...抵我地忠實支持~

其實會去呢間餐\廳係因為我有朋友之前去過沙田分店所以才會諗住去開尖咀就食呢間！其實我都好明白家下大多食市都要求人齊才可入座，當時我有一個朋友未到，我們便問了接待員未到是否要重頭等，她話到左通知她就得。點知我地通知她時，她話家下等多四張。ok...心諗鬼叫自己過了number咩....點知問都唔問俾左張超大的叫我地搭....我們問她可否唔搭...她話得點知我地企埋一邊..無人理....等了十幾分鐘入左好多人...我和朋友便忍唔住再問她啦先至安排我地入座，最衰我地一叫完甜品便俾張單我地叫我地埋單走人...連舊野都未食個種...一定唔會再去呀！我們叫了...小籠飽、醉雞、上海炒年糕、鍋貼、四川麵和抄手。甜品..高力豆沙..但唔及我之前食過的地方好味！其他食物黎講都算ok....

星期六和朋友來這裡lunch,看門面不是很大,沒想到裡面有頗大的地方,但坐位也是很貼近,而且油煙味都幾重,吃完後衣服仍留有陣陣氣味,抽風系統真係要改善一下.由於朋友想吃下午茶,所以都不敢多叫食物,叫了1.乾蔥油撈麵$30--炸過的乾蔥加上少許麻油的上海幼麵,另附有一碗雞湯,食材真的很簡單但卻美味,幼麵幾煙'un',不用加湯已覺好好味,朋友試了一撮加了湯的,她說還是不加湯好吃.2.小籠包$24--1籠有4個,包內有湯汁,皮也不易夾破,味道也不錯,只覺肉比較實.3.蘿蔔絲酥餅$22--一客3件,新新鮮鮮的本來不錯,但我和朋友都不太喜歡蘿蔔絲火腿餡是撈過雞湯煮過的,雞湯搶了蘿蔔的鮮甜味,取而代之的只吃到雞湯味,若不用雞湯煮過我相信會更好.