翠華餐廳 (已結業)

去club之前一大班人o黎醫肚~ 我叫o左個什錦海鮮烏冬~ 唔記得幾錢啦~ 但一定抵食, 因為多料到d朋友話係滿漢全席~ 有魚柳, 青口, 蝦, 魷魚,.....全部打孖上喎~ 好大碗呀~~~~ ^_^

今日就同幾個同事去幫襯，可能係一點未夠的關係，都好快可以搵到位。午市套餐叫了薰衣草﹝！﹞燒春雞併廚師腸，見隔離檯碟飯非常之多，所以就要了薯菜。先來的白菌忌廉湯一般茶餐廳水準；燒春雞有半隻雞，幾大隻，應該係燒雞而非燒春雞。淋面的汁唔係太食到薰衣草味，真係唔知好彩定唔好彩。隻雞當然不能與Arc Brasserie的春雞相比，但茶餐廳水準來說是合格有餘；薯菜不是焗薯或薯條，而是炸薯塊，加埋D配菜已經飽了十成，不用吃那條普通到不得了的廚師腸。同事有叫的咖哩雞翼好大碟，馬來咖喱仍然好食；另外亦有叫墨丸河，幾大碗，都無多湯少河的現象。餐後飲熱奶茶，又係一般茶餐廳水準。侍應服務算係咁，始終午市呢度千軍萬馬，態度有唔好都唔奇，我就覺得OK。個餐40蚊，算係咁啦！

雖然我好欣賞佢地個沙爹牛根腩湯河.但係佢地無乜Set meal.下下食野都要分開叫野飲.食個湯粉加杯野飲成四十蚊.加上always落錯單.我覺得貴左D囉.咁我不如行過兩步去杏花樓食個客飯餐($32有三味飯+甜品/飲品)仲抵啦..

1.不談價錢,但品質就跟一、兩年前差了不少!另外如湯河D湯有咁多得咁多,D河有咁少得咁少。凍飲D冰,有咁多得咁多。成個食神咁!2.認住禿頭老細,把鬼過把鬼!有一次2人上到二樓,原本先被樓面supervisor安排座卡位;但說時遲那時快,禿頭老細安排另外3位食客"打尖"。本人跟禿頭老細理論,他回應你去別家也沒所謂。所以話:中環翠華好多人幫趁(但不代表它掂),多一個客唔多!

雖然o係中環,但係俾$40食個午餐, 一d都唔值!午餐款式少, 來來去去都係雜扒,龍利柳... d意粉又一pat pat.好啦... 唔食午餐啦... 散叫炒粉麵(質素好過d午餐既)加杯野飲$5x抓數... 無計, 我唔去仲大把人去... 不過有$$都唔係咁晒!!

好耐無去，lunch time 依然多人。<br />以前o黎襯都係墨丸同墨魚片烏冬，因為爽口又彈牙，其他地方好難食到的。<br />今次見到人o地食set lunch 好似幾正，所以我都叫了set lunch，係煙肉雞扒配Angel Hair。<br />好味尤其是Angel Hair，一般茶餐廳是食唔到的。

要趕份artwork 俾client，幾個同事要大好Friday holiday 留低加班，真慘情。到這裡買外賣，叫了三款咖哩食品，分別是雞、牛筋和魚。其中咖哩雞最好食，牛筋就最失敗，因為根本未煮透仲好硬。每款咖哩入面都有一舊幾大的薯仔，但又係未煮透所以幾難食，早知叫佢唔使俾薯仔要多D 咖哩好過。可幸三款咖哩都唔係好同味，可見不是mass production 而是分開唔同料而煮的。不過個take away pack 就真係包得好穩陣，唔好話中環區，拎去深圳都可以！<br />總共百二蚊，中環區外賣來說算貴。

大大堆頭, 飽到暈....<br />同事極力推介奶油大脆豬,幾好食, 不過食一半已經有D 上喉嚨錠既感覺,同埋真係好肥...(照食)<br />其實樣樣都幾好食, 除左curry...<br />

至正墨丸及墨魚片，好彈牙爽口，其他地方好難食到。

次次落完pub, 都會去依度食宵夜~ o野食唔錯o架~今晚去食dinner, D staff好搞笑~ ^_^

走中價多完化茶餐廳路線，食物明顯以大件夾抵食作招徠，若你叫午餐或晚餐都好難會食你唔飽。除一般指定茶餐廳食品外，馬來咖哩類同瑞士汁類都值得推薦。其他如印尼炒飯，海南雞飯和墨魚丸河都唔錯。係就係貴D，兩個人食茶餐廳都過佰蚊，但因味道和款式搭救，都可一試。

面積頗大,共有三層但午飯時間仍很難找位子.食物水準一般.價錢在中環來說並不太貴但以茶餐廳來說則貴了點.

係茶餐廳文化未咁巴閉之前, 翠華已經開o左好多間, 我o係九龍食開好熟個間, 原來都係佢地o架!中環翠華聽講係佢地旗艦店(似唔似財經版用詞?), 全日都咁爆,真係叻(中環茶餐廳多成咁!)佢D 沙嗲牛河, 我以前都好鍾意o架, 依家覺得好漏下, D 即叫即炒item (豬扒炒意& 茄牛飯炒底, 好味!) 大部份都幾好, 鑊氣夠又大碟, 兩個人食差唔多. 至於早午晚o既set meal, 出名抵食, 難得D 伙計阿叔咁厲利, 快手快腳又無乜晦氣, 好o野!

又同北極熊、ringo 等食版人去中環翠華食宵夜~今次點都要試下個沙爹肥牛河點巴閉~~~d 肥牛好似無咩味，要靠d 沙爹o黎吊味，~不過沙爹又唔係落得多...收你$26 值唔值就唔知~不過在凌晨食到肥牛河都算難得喇~ at least d 河粉到o左凌晨都食唔出隔夜的感覺..一碗就飽喇~~平日唔係咁o架~點解？食龍肉都無味.....搭車期間得知馬會見習生鄭昌達跌馬昏迷左三日終於不治，天呀!!!點解鑊鑊都天妒英才？先有林嘉誠、簡慧瑜...........但係點解有d 熱到冷爆d 牛鬼蛇神在嚴重車禍中都吉人天相??? 真的唔公平..!!雖然小弟同鄭非親非故，不過作為有血有肉的馬迷，難免有點傷感！希望小鄭安息啦~唉...............................................

翠華d野牙...okay囉...d人成日話沙嗲肥牛河點正點正~食過你就會覺得佢不外如是只係一碗普普通通既肥牛河~沙嗲味唔特出~!仲有~請大家唔好叫0個d有"日汁"既野黎食(日汁雞扒就係好例子)~乜鬼日汁姐~咪又係豉油加糖溝出黎既(仲有重手味精)~次次嗌親呢味野都咸到嘔~!不過其他野都唔差既...值得一提~銅鑼灣總統商場附近0個間既service奇差~成日迫d客食食0下野調檯~上次去足足被人迫遷4次有多~玩咩~!