翠華餐廳 (已結業)

以前都聽講呢度d好食,雲吞麵雖然都ok,但係成20幾30幾蚊一碗真係幾貴...

翠華, 都係去佐敦好!唔係吹水, 可能中環既佢地服侍開名人闊太, 我地呢種牛記笠記入到去既遭遇就簡直同佐敦係完全兩回事!第一次: 座低十分鐘, 杯茶都飲完, 都無人主動招乎, 可能佢地忙啦, 我自己走番出去算數。第二次: 原來下午茶張菜單同佐敦係唔同0家! 無香茅豬扒麵同西多士套餐呀(真係見唔到佢有餐牌), 叫個其它套餐食, 質素一般, 價錢好似比佐敦仲貴少少添。第三次: 食晚套餐, 但大“行貨”啦, 真係無佐敦既質素呀～唔通要散叫? 逐碟計先至會有好?有機會係要問何四太食開咩至得............

琴日走左黎tea...食左個咸牛肉炒蛋潛艇+ 熱奶茶....D蛋加左蔥炒...個包又烘過..又有牛油...超好味...食半件已經好飽...

成半年冇光顧了﹐上兩星期﹐聽音樂劇前去了吃﹐埋單後點計都計唔倒個總數﹐昨晚一個人去。看清了餐牌﹐原來魚蛋粉加了2元﹐油菜又加了1元。22元一個魚蛋粉﹐魚蛋一般貨色﹐湯底過咸﹐菜心一樣咁新鮮﹐冇用D爛菜。另外餐廳又推出了叫“金銀蛋麵”的東西﹐其實是炸魚蛋加普通魚蛋﹐要24元一碗。

20041213 3pm響中環上完training course, 同幾個同事o黎食o野, 大家都相當餓.我要o左個下午茶餐, 揀o左沙嗲肥牛雲吞撈粗麵+ 熱奶茶.好食就幾好食, 呢度o的沙嗲肥牛always 係得! 但係張檯勁細好逼食得好辛苦. 奶茶就一般.

上次哈佬喂夜蒲中環時間未到去食返餐set dinner 六十幾蚊,野食幾好,但作為一間茶餐廳就都幾貴下上次北上做野仲見到D火車有賣廣告tim!

20041023 3.30am夜蒲後宵夜指定地。斗門大蝦球撈粗($34)，好正，夜媽媽蝦球都仲鮮甜勁爽。朋友食蛋牛治，好貴呀o下！$26一份！！！！

20040906 8.30pmhappy hour 之後第一餐, 加多個朋友.5人食- *淨四寶+魚皮餃*金銀魚片頭豬軟骨冬蔭公湯底米線*煎蛋o加喱飯*豬軟骨撈公仔麵- 我食呢個, 普通啦, 汁o吾夠濃, 早知食時蔡大蝦撈粗啦~*魚湯浸西生菜x 2*魚湯浸菜心*腐乳通菜- 推! 個腐乳汁好得*熱雪梨茶x 4 - 這是我最愛的秋冬飲料,滋潤滋潤嘛~*凍檸茶(小甜) x 1total 埋單$260

今日同媽咪0係到食lunch,我例牌叫海南雞飯,媽咪就話想食炒河,睇0左好耐都冇咩頭緒,就問呀部長哥哥,點知部長唔好老皮,只係點我媽咪睇魚蛋河0個版,人地要炒河唔係湯河呀,諗到有咩好就唔洗搵你啦....之後我幫媽咪睇時,佢自己見到有個菜叫紫蘿雞塊炒麵,好似几靚,就叫黎試試,媽咪仲轉0左炒河.46蚊碟.原來係紫薑+菠蘿炒雞塊,我試0左一啖唔鐘意食,因為唔鐘意食呢d薑...入面仲加0左青椒去炒,開頸媽咪話d雞球好食,好瘦冇咩肥肉,而且係新鮮雞几好.但食到一半已經話唔得,d雞冇味....好難自己食哂...反而d河佢話炒得好有鑊氣咁話.我諗佢個河都唔太得,媽咪食到未都係食0左我個海南雞飯...而我個飯今日好得,個例湯係木瓜湯,好清甜,小吃有碟醃苦瓜,出奇地好食同開胃,又唔太苦酸酸地~正!個雞又好食,唔會整得太生又唔太熟,雞仲好嫩,而且肥瘦岩岩好~

我好鐘意食佢0既海南雞飯,d雞好鮮嫩,個飯都好香雞油味,而且個醬汁酸酸甜甜好開胃~希望禽流感冇影響佢0既日常供應啦

今日午餐同媽咪食翠華,佢叫咖哩石斑魚飯,我叫法式海鮮雜扒餐,2個人都食到好飽好滿足個海鮮餐勁多野食,60蚊又唔洗加一,先上個caesar salad,不過d麵包糠好似"益"左....同埋冇芝士,不過算啦,佢都唔係出名做西式沙律.之後個羅宋湯都好好味,好香蕃茄味~又少少辣.仲加塊大多士,食到呢度已經飽飽地.之後上個海鮮雜扒餐,好大份呀,入面有銀雪魚扒,豬扒,青口,帶子同蟹柳,配菜就有焗薯,蘿蔔同西蘭花,再加個餐飲,食完好飽.媽咪就話個咖哩辣左dd,但都好香好入味.佢仲叫個甘桔檸蜜,好好飲呀~不過午餐時間真係好多人...

今日下午同媽咪食,坐地下0個層,對住收銀,見到3個收銀姐姐之中有一個好似上原多香子,下次你去食不防留意下~

起碼我去甘多次, 都無咩話懵下懵下既火記... 而且它們的晚餐時常轉款, 就算日日去d 送都唔會悶, 食物多選擇.... 係價錢就麻麻地抵囉... 我通常都係去食魚腐魚春卷米線.... 都22.00 ...而且都幾大碗... 我多數食唔晒.... 晚餐就都over 50.00 .....

昨晚一點幾去食o野, 叫o左碗$17 o既菜遠全蛋麵, o個個伙記居然反問係咪菜麵, 好似連自己鋪頭o既食物都唔識咁款, 態度又差.<br />過o左十五分鐘之後, 我o既'菜麵' 終於到, 佢話呢個就係你個麵, 問我係唔係. 我當然話唔係啦! 因為裡面一條菜都冇, 淨係見到o的雜丸. 佢解釋話好好味o架! 叫我食啦! 本來我想叫佢換, 但係趕時間所以哽o左佢. 不過我唔知道原來碗野要成$21. 都唔知係咩伙記!! <br />我大量冇追究, 不過一定冇下次! 哼!!

$20幾蚊個早餐其實唔算平﹐服務亦一般﹐但有兩樣野令我好IMPRESSED﹐首先﹐有非吸煙區﹐上樓梯成層都禁煙(如沒記錯)﹐茶餐廳黎講真係絕無僅有﹗對我呢D患有鼻敏感的人黎講﹐餐廳有非吸煙區真係德政﹐值得支持。第二樣野就係$10 個的奶油豬仔包﹐好鬼大個﹐又香脆﹐煉奶另上﹐有D似食炸饅頭﹐但就一D都唔油膩。做早餐一流。其它食物水準一般﹐我下次食可能會淨食兩個奶油豬仔包算數!