翠華餐廳 (已結業)

星期日要過太子大廈幫媽咪買點東西，行o左好耐最終都係買不到，腳軟軟又未食lunch，一心去吃熱狗，但真係太，於是入了翠華。個下午茶餐竟然畏$30，真係貴，見到有熱狗單叫，照殺。個熱狗都幾巨型，條腸好長，仲有一兜仔茄汁焗豆送，熱狗包烘得外脆內軟，腸不過不失冇乜特別，以$18來說也吃得過，起碼好過要下午茶餐，只是多杯飲品，我寧願吃完再去買杯果汁算了。

今日Happy Friday，lunch time 唔留係公司，同同事出去搵野食。一提起翠華，第一個感覺就係好迫同貴，不過有個同事話想食，我都冇乜所謂。一入到去只見人頭湧湧，好不容易先搵到位安頓。唔想麻煩諗食咩，3 個人都叫了一樣既set lunch。先來南瓜湯，熱呼呼的南瓜味十足。之後再來個洋蔥牛扒伴天使麵／薯仔，幾十蚊既快餐都唔預佢會好好食，０的牛扒雖然見血既，但係切落感覺非常韌，加上佢個把唔係用黎切牛肉既餐刀，我地幾個出盡九牛二虎之力先搞得掂塊扒！同事重笑謂食完重餓過未食，因為用哂０的力黎切扒。伴碟一碗小小既天使麵，混合洋蔥汁一齊食，又幾好味喎！最後一杯熱檸茶味道略酸，不過不失啦～食過lunch話咁快又要開工，翠華內既繁忙正好配合一眾打工仔的步伐，大家都係咁匆匆忙忙。

昨日中午去中環，忽然想起這裏的冰火菠蘿油，便來食點東西。我們叫了冰火菠蘿油、瑤柱珍珠雲吞麵，奶茶和茶走。冰火菠蘿油- 內皮好脆，但太乾身，有點像合桃酥，味道變得怪怪，唔多喜歡。瑤柱珍珠雲吞麵- 水味太重，雲吞還算ok，都係麻麻。奶茶- 茶味幾夠，奶味又唔會好重，幾好。茶走- 比較上甜了點，奶味又重了點。價錢貴，味道差，相信都唔會再來了。

7 January 2006 - 下午茶四點零五點，友人想食魚旦河，所以黎咗呢度！水準依舊，唔錯，原本想叫佢個厚多士，但係都係忍唔住叫咗佢個茄旦治，因為呢度既旦治真係幾大件！正！朋友仲話我個茄啲水份洽到好處唔會整爛個包！不過總括翠華太貴！

除夕夜七點半, 超多人, 俾人點左去一個o係廁所門口o既檯, 仲要o係隔離食煙, 真o係有d想過去黃枝記...一見有個卡位空出o黎, 就梗o係第一時間霸位, 唔理得個哥哥仔o係度呀枝呀joh...朋友叫豉椒排骨炒麵, order 落左菜遠排骨炒麵, 梗o係叫佢換, 結果我食晒個魚蛋墨丸魚鮫河, 佢碟麵都未o黎. 我個河o既魚蛋爽口但有朕"壓"味, 墨丸好粉, 又得一粒咁少, 魚鮫就幾好, 河粉滑, 但好淋, 好彩未至於碎晒斷開一截截; 個湯最得. 朋友就好鐘意個豉椒排骨炒麵. 埋單一百三十有找(連一喜力).

尋晚o係度「慶祝」除夕(!?)食左個元旦大餐...真係幾豐富$98 有沙律有湯有主菜有甜品有野飲吞拿魚沙律幾好味~ d 菜幾新鮮個汁都幾好不過d 吞拿魚好似冇乜味咁忌廉湯普通野啦...佢話係「露筍忌廉湯」不過完全搵唔到一粒綠色既物體個湯好大碗..飲完都飽左幾成主菜係肉眼扒伴青芥末汁....塊扒好大塊@@\"真係差唔多成個碟咁大冇乜牛味不過好淋..個汁幾香就真甜品原本係芒果布甸不過最後黎左一杯類似cream 既野不過幾好食，都冇所謂既屋企人食星州炒米、肉絲炒麵、海南雞飯好大碟亦都係好味既~service 除左一個waiter 係遊魂之外其他做野都好爽快值得一讚

魚四寶(鯊魚)湯米線:四寶中的魚蛋同墨魚丸很一般，而魚腐同魚卷香香地, 索埋D湯入口幾好味。魚湯唔算非常出色，但個人認為已比一眾坊間茶記出色。米線是大路貨，一般得很。凍奶茶: 不錯哦，奶味幾特出。凍飲用的是碎冰，是個人喜歡的類型哩。埋單$41 是偏貴，但朝早十點幾十一點時間，眼看店子都是絡繹不絕，真是經營有方。

去過兩次... 一次食dinner, 叫了個牛扒炒公仔麵. 估唔到d 麵幾彈牙wor, 以公仔麵0黎講又唔算好油膩, 唔錯. 不過我overestimate 自己0既食量, 叫了一碟自己食(as opposed to 同人share), 結果食剩近1/3 碟@_@另一次係去食宵夜, 叫了個油多+ 熱奶茶. 油多個樣好靚, 烘到金黃色的, 不過食落就幾失望, 唔係想像中咁外脆內軟的. 奶茶一般啦, 自從我幫襯過附近蘭芳園後, 已經對其他茶餐廳奶茶完全失望了. =P環境ok, 幾乾淨, 但個人覺得佢開燈開得太多, 好"燦眼".d 伙計之間講0野粗口爛舌, 但對客人幾有禮貌, 算係咁啦.

星期六下午仍要開工, 完成後已近下午四時, 和同事嘉菲猫不約而同想到這裡吃點東西.分別點了魚旦河, 瑞士雞翼撈麵, 熱鴛鴦.膽敢自稱"咖哩稱皇, 魚旦稱霸", 魚旦都有啲料到, 有魚味, 彈牙. 忽發奇想, 如果賣埋"咖哩魚旦" 咪天下無敵?!瑞士雞翼撈公仔麵, 雞翼有甜味及小小豉油香, 有三大隻(翼尖及中翼), 啲雞膇呢? 不知道太平館的味道是否一樣, 不過我覺得嘜都假, 最緊要杯茶/啡要掂. 熱鴛鴦唔錯, 和同事吹吓水, 成個人refresh 晒.

都黎過呢度好多次啦，都係食lunch多，食過最好食既係雪魚焗飯，好香好好食，份量又大，一個女仔一定食唔晒。其他野如多士、炒粉麵等都只係一般，冇乜特別。呢度ｌｕｎｃｈ時間真係好嘈，嘈到朋友講乜都聽唔倒。

在附近剪完頭髮(都成個月咯)碰著落大兩,無處可逃加上無食lunch,就一個人走左入翠華食番個tea見枱面推介脆豬,就要番個奶醬脆豬+COT,凍飲仍然鬼死咁大杯,脆豬件頭都唔細,塗上厚厚奶醬叫做交足功課啦,不過我情願佢少點醬多點奶,因為實在係有點哽喉,都係鍾意傳統厚多士多o的其實這次食tea的前幾天已經又和朋友來食晚飯,我食魚旦冬蔭公湯底米線,朋友食晚餐的帶子牛柳. 出乎意料地我碗米線幾得喎,普通魚旦米線食得多,原來加多羮冬蔭公醬(呢羮野要加五蚊架!)又幾鬼好味,唔錯唔錯!當然成三十蚊碗魚旦粉值唔值就見人見智啦!其實翠華勝在水準穩定,價錢就...中環黎講ok啦!

朋友叫set dinnner，牛油多士超正，塊多士咬落去果種脆脆地又鬆軟o既口感真o係正。野菌忌廉湯算吧啦﹐稀到死。主菜令朋友失望，o係雞球同蝦球同d青椒洋蔥串成skewer，望落好養眼。食落﹐d 蝦球未煮熟! 朋友個mood 就俾d 生蝦ruin 左，成個dish 唔想再食。後來有侍應經過問起，話即刻炒o幾隻蝦補數，朋友叫佢唔駛，都o係炒左三隻大蝦球出o黎，有蝦子舖面，仲要食落非常爽彈，朋友就用兩隻蝦撈埋淨返o既飯! 我食日本蟹肉雙蛋湯烏冬，蟹肉係假蟹柳，成個dish 淡到飛起，o係隻太陽蛋似樣d。服務出奇地好，周日夜晚唔多人應該o係主因。

2005年8月1日(星期一) 下午7時45分這晚在附近辦點事，因不想諗太多，便進來解決我們的晚餐。海南雞飯($46)：這裡所謂馳名的海南雞飯，雞件毫無雞味，肉質又不嫩滑；雞油飯夠油但沒有味，反而隨飯附送的例湯還可以。魚蛋魚腐豆腐麵線($31)：我們從未吃過如此無味的麵線，魚蛋毫無質感、絕不彈牙；魚腐完全無味，不知吃了什麼似的；湯底淡如水般，同樣亳無味道。個人覺得這碗豆腐麵線絕對不值，簡直有被騙的感覺！奶醬多($8)：因為好像沒有吃過東西，所以最後要叫奶醬多來頂一頂肚，這裡的奶醬多是厚厚的，外脆內軟，伴著原粒的花生醬，味道和口感也不錯，這個晚餐才有番小小滿足。

久仰大名, 終於去o左呢間高檔茶記....2個人, 要o左:1) 魚湯魚蛋&片豆腐麵: 唔知咩係「豆腐麵」, 不過又真係有d 豆腐ga wor, 但係d 麵係一節節o甘ga, 而且比較硬, 我唔係o甘buy lor2) 魚湯浸通菜: 幾好, 好清, 不過講真, 咪又係味精湯.....3) 「日本」綠茶雪糕紅豆冰($26): 呢個真係好唔得lor, 成$26, 明知貴ga 喇, 不過想食ma, 咪要lor, 點知, d 紅豆係又唔夠淋, 又唔夠甜, 唔好食ar, d 所謂「日本」綠茶雪糕咪又係o甘, 我feel d 綠茶味唔夠啦, 我自己就唔多覺佢係really 「日本」雪糕lor~service 一般, 其實都無咩servicetotal $70 , 只係for「攝牙'la'」的price

究竟翠華有甚麼吸引名人闊太幫襯呢？我去過一次，覺得原因有三：1)位處中環；2) 多名人去，大家都是「平輩」，多一分親切感；3)故此，既是平民化茶餐廳，又不失格調，就可放心體驗茶餐廳風味。說真的，味道如此普通，又如此多人，侍應都愛理不理的樣子，我這些平民百姓，只是為了它在LKF一帶最經濟才幫襯，heehee！茶餐廳來說其實也不便宜，不過這是翠華的標準吧？因為其他地方的翠華價格也是稍高的，但服務比LKF那間還好一點。