翠苑甜品專家 (保和大廈)

营业中

休息中

因為大暑，中醫叫我食多啲綠豆沙降火，所以晚餐之後要去灣仔做少少嘢，於是黎咗呢到食糖水之前都有行過呢邊但今次係第一次食可能時間比較早，所以無咩人黎食糖水~一人一碗綠豆沙，雖然唔算太沙，但比起出面其他糖水甜品店黎講都算大碗，非常足料，好多海帶同綠豆，而且食得出有好香嘅果皮同臭草香，(而另一碗直程有塊果皮~)而且甜度又剛剛好，食完好潤好飽肚~價錢唔貴，只係$15碗~足料又抵食，有機會再黎食過 

去親灣仔，而又想食中式甜品，呢間一定係不2 之選。尤其我男人最鍾意呢到嘅腰果露，佢有時會買外賣比我添。不過佢鍾意啫，我有大把嘢想食。原先想食芝麻糊加湯圓，但食飽，呢個選擇真係梗飽，所以最終選左腐竹意米加蓮子。而家無乜地方可以食到蓮子，呢到嘅蓮子仲要鬆化，總之如糖水款式合適嘅，必加配料之選。其實呢到嘅芝麻糊生磨又係正。上次食左桑寄生蓮子茶又係正，我試過食一間都算老字號，個桑寄生食完，個口直頭“鞋”到一個點，想食過第二樣甜品。不過要牡特別一提，佢嘅腰果露只係假期有售，夾好日子先黎食。十幾廿蚊食到咁嘅水準，我一定keep住黎。

餐牌上見到有芝麻糊、杏仁糊、合桃糊、 冰花燉蛋、蛋白燉奶…又有糊類拼燉奶～ 簡直立即患上咗選擇困難症！！！身旁嘅客人又無人叫糊 (佢地食桑寄生蓮子蛋茶、木瓜燉雪耳…)。擔心芝麻糊唔掂…最終都係點了我的至愛—熱芝麻糊。原來有驚喜呀！超好食，芝麻味好香濃，夠熱；碗野夠哂黑色 —— 表示芝麻落足料（粘米同芝麻嘅份量比例亦恰到好處)。加上質感好幼滑好想encore食多碗～ 已經決定下次再嚟！

中式糖水鋪真係買少見少，尤其係商業區。呢間翠苑我幫襯過好多次，食過桑寄生蓮子茶，芝麻糊，合桃糊，腰果糊，燉奶，喳喳。今次食蕃薯糖水，平時我對薑味好抗拒，屋企炒菜最多落兩薄片薑，而且只限綠色菜，其他蔬菜都唔俾媽咪落薑。不過呢碗蕃薯糖水既薑味我就好接受啦，仲好鍾意添，聞落好淡既薑味，食落就好夠辣，食多兩啖要脫衫添呀，一路食一路心諗：嘩！好驅風呀！好驅風呀！蕃薯大大舊，好粉，煲到好綿好好食，十幾蚊一碗好抵玩。

和朋友於灣仔附近晚膳過後，一路散步到翠苑甜品店食甜品。大部份都係中式糖水，但座落於灣仔區的甜品店價錢居然係親民價！天氣凍冰冰，點了熱的木瓜雪耳燉雪梨滋潤一下，雖然份量比較少但十分足料，雪耳爽口，糖水不會太甜、會再返嚟試試其他款式！

總於一個人嘗到這店出品，吃到有點飽，但也貪心的要了一個核桃溝杏仁糊。糊不濃，不會漿口，老實說無論是核桃還是杏仁味道都不會太突出，不會是靠近鼻孔就能聞得出味道來，就算吃進嘴裡也只是一絲絲的香味，而甜味非常適中，不會很甜，我覺得味道是不錯的，中間水平之上⋯⋯如果味道可以更濃郁一點當然更好。一碗二十元，在港島區選擇不到，就算在西環的一家甜品老店也索價到三十多，對於灣仔區來說，雖不是在什麼大街上，但這價錢已經沒什麼要求了。

吃吧一頓貴夾唔飽嘅晚餐我哋決定要去食糖水溝貨平衡一下心理！好友們選了這間翠苑 甜品專家，我還是第一次來幫襯都幾旺場喎！好好彩我哋到時還未有人等位，不消一會有客走我哋便可以入坐了！翠苑買嘅全部都係中式嘅糖水，好耐冇幫襯過這種糖水鋪了！！記得上次我們一衆辣友去佳佳掃餐牌多暢快 。貪心的我們左揀右揀終於揀到自己嘅心水{合桃糊燉鮮奶}$20，其它好友分別揀左紅豆沙，桑寄生蛋茶，合桃糊，芝麻糊燉鮮奶仲有腐竹雞蛋添！！好友KK的合桃糊(右上角)呈粉紅色很嚇人呢haha~這個合桃糊燉鮮奶好鬼過癮㗎喎！初時以為燉鮮奶上合桃糊，原來合桃糊係藏在燉鮮奶內，這個做法都挺有心思，雖然食落味道不是好吃到升天，但係亦都算夠香夠滑，而且味道唔會過甜，合桃香加燉鮮奶原來都幾夾㗎。

一直街坊幾年也常幫襯，自問不是煩客，今次我忍不了這位阿姐的態度，話說我要一碗芝麻湯圓，個阿姐比左4粒我，話餘下煲緊叫我等陣。我話好，之後食完我呆坐十分鐘，見到鄰枱個女仕有，我咪問阿姐是否我還有湯圓未上？點知另一個成日在店和熟客大大聲講屎尿屁的坐著阿姐話：你4粒咪收你4粒錢囉！我答：我以為一碗6粒，同埋係你們叫我等。阿姐：一碗5粒，何來6粒，你食幾多粒我咪收幾粒錢囉！本身廿蚊，你4粒咪$16，你唔要果粒咪得囉！我：剛才另一位職員冇同我講，只叫我等。之後另一位比了一粒我。第一由頭到尾只叫了我等第二我只客氣問是否會上回餘下的湯圓，這不禮貌對待我十分不滿，食物很好的，在廚房老闆娘也忙著，辛苦你們了！其實這3年食物水準的確下降了些，有食雙芝奶（味道不錯）之前一直食桑寄生茶，因為越來越淡就轉芝麻糊比較糊口，所以又試芝麻湯圓，（一般，不過不失）總括：我其實一家也是常客，今次我真的被氣憤了，我不在場爭論是覺得來吃甜品想抖下氣讓生活一點甜，沒想到開糖水店本出發點也做不到。你有你風格我有我選擇，只好從此和此店寫上句號。

今日同朋友食左兩碗糖水,d 糖水已經太甜又似用水開放咁款,我同我個friend 已經冇出聲.食左陣就傾下計. 當時大約9點鐘. 店內大約仲有一半坐位空左. 誰不知個60幾歲阿婆老細定侍應行過黎話"e 度唔係比你用電話同傾計, 冇野再叫就要埋單", 我跟住就話"如果係咁我就唔再黎", 跟住個阿婆老細就話"隨便你啦,唔黎就唔黎"...我想請問係咩服務態度?! 糖水店灣仔有其他選擇, 我仲咩要再光顧一間恃老賣老,服務態度惡劣, 糖水太甜不合格似撈粉開既所謂老字號糖水店? 無謂貼錢買到難受, 我地唔係難民或者監犯!!!!!!!

一家人預早在家吃過晚飯，之後送小友去上課。下課後時間已不早，天已變得黑漆漆。此時自不然不能吃得太多，否則便要飽撐得睡不著。在這一刻最妙不過的選擇，便是坐低嘆個甜品後才上路回家...."翠苑"這個老甜品品牌，老早已在其他分舖試過，但這一小所在灣仔區小巷內的分店，本人就是第一次前來。對這裡的出品小弟沒有甚麼特別的印象留下，所以說當成是新店試也並不為過....這兒主打的是一系列老式舊式的傳統甜食。說實在走這一類風格的店子已越來越少了....所以每當碰到這些店時，小弟都是非常樂意去嚐一嚐的....小友點的是燉蛋....入口滑溜滑溜的，蛋香足甜度足，好吃....我的紅豆沙味道也蠻不俗的 ---- 質地起沙之餘又有濃厚的陳皮香；紅豆粒粒全已被煑至溶爛和湯融為一體；甜度方面亦調得相當合吾之心意，不會甜至咯喉之外又不會味淡如水....於這一類走老舊風格的店子，除了有好食物之外還有濃濃的人情味....好像今天整晚負責企堂的落單阿姐都和小友逗笑，態度親切得不得了....所以我這種老頑固，一直都對這種老店情有獨鍾....

今日見工完，路過吃一碗定定驚叫左木瓜燉雪耳潤下自己，一來很足料，雪耳很多，木瓜有咬口不太林可惜是木瓜沒有了果香，甜味來自過多的冰糖。只吃到真正的糖水。整休係會有比較同失望的，見佢都算是出名的舖頭。地方很大，位與位空間吾算迫，阿姐都幾有禮貌。

After having dinner with my dad at Chirashi, my brother and I decided to bring home some Chinese desserts from Tsui Yuen Dessert, which was down the street from where we had dinner.When I don't know what dessert to choose, I would usually just order the Sang Ji Sheng Egg Tea.When I placed the order, I just said Sang Ji Sheng Egg Tea, and both of the servers didn't ask me whether I wanted it plain or with red dates or lotus seeds; they just gave me the Sang Ji Sheng Red Date Egg Tea.  (I didn't r

飯後甜品時間，今日想食傳統中式甜品，突然諗起呢間位於不起眼位置的糖水店。 店內供應的均是傳統糖水，當中腰果糊寫明史限星期六、日供應，價錢親民。看門外貼著的雜誌報導，介紹這裏的芝麻糊燉奶，好啦！就你啦！有些糖水店的xx(oreo,紅豆etc.)燉奶，與普通燉奶的分別只在於在面頭加上少量配料 當店員嬸嬸端上燉奶時，看到這芝麻糊小點的時候，心想，又中伏！豈料，原來內有乾坤！在那小點上 一筆！ 原來芝麻糊都堆在燉奶中間。芝麻糊的份量不多，香味亦不太突出，但尚算滑。燉奶香滑，配以芝麻糊，不會太單調唯一弊處就是燉奶不夠熱！

呢間見到佢係中式糖水 入面感覺好家庭式 見到係姐姐哥哥打式 都好多位 不過因為我返緊工食飯買 所以外賣 簡左好耐決定試左個合桃燉奶 佢地都超快 本身已經有整定係到 直接倒返入個碗到 因為我外賣返公司食 佢既份量較小 個兜係唔滿既 食落去燉奶較實 唔係好滑 不過味道好濃 似維記牛奶既感覺 中間你見小小啡色既合桃露 原來佢係係個燉奶入面 一路食一路慢慢流出黎 好驚喜 合桃露好結身 不過冇乜合桃味 勝在唔甜 食落去唔會好膩 整體黎講 呢碗20蚊算係咁

係灣仔返工一段時間，少有經過呢條小巷，小巷內滿滿食店，琳瑯滿目，吸引我進去看看。當中一家中式糖水店，佈置傳統，正合我心意。 店內整潔，職員都滿有傳統風味有鄰家媽媽的感覺。 返回正題，是日點了核桃糊，芝麻糊敦鮮奶還有紅棗桑杞生蓮子旦茶。核桃糊非常香滑但又不會太甜味道洽到好處，芝麻糊敦鮮奶都非常特別甜度適中絕對不會覺得漏，最後紅棗桑杞生旦茶用料十足滿滿的粒粒紅棗和蓮子味道濃郁而且蓮子亦夠鬆化。食完都非常回味一定要返兜再食了！！