翠苑甜品專家 (保和大廈)

营业中

休息中

朋友嗌嘢食個阿姐鬧人， 好大聲鬧佢，。你冇睇字嘅咩？ 加埋個阿姐啲唔鹹唔淡的 廣東話話鬧咗一陣。我哋真係唔知佢講乜嘢。 其實嗰一刻真係想起身走。不過猶豫咗一陣。 落order嘅時候，佢聽咗四五次都聽漏聽錯。我都想問返佢， 你冇聽字嘅咩？ 真係過分。收錢嘅時候唔清晰有疑問， 佢就大大聲鬧返你， 加湯圓唔使錢啊？ 前面有個阿哥俾錢付款嘅時候俾啲散銀佢， 都俾佢鬧咁多散銀， 超大聲超冇禮貌。 係你自己間舖頭寫住只收現金咋喎 ！ 睇返OpenRice先知道咁多負評， 不過可能大部份人都好似我咁，直接衝入去， 特登寫返篇文，留返個體驗比其他網友！

今晚去咗翠苑買糖水，記得之前曾經食過翠苑，印象之中都過得去，估唔到再食就中伏，今日幫襯咗合桃糊，完全唔掂，合桃糊非常多粉，一嚿嚿，食落冇乜合桃味，我覺得自己好似食緊用馬蹄粉開嘅熱水，啲糊好似漿糊咁漿住個口，如果盲測應該唔會知道自己喺度食合桃糊。雖然廿幾蚊碗價錢唔係貴，但係性價比極度低，完全係冇良心，冇誠意，食完碗糖水覺得非常之飽，因為實在太多粉，如果想減肥，晚餐用廿幾蚊食碗糖水，包保唔會再食得落其他嘢，不過由於我唔想減肥，所以絕對唔會再幫襯下一次。

係唔同分店都食過但今次係真實感受到店員態度非常惡劣人客已經冇乜個洗碗阿嬸抹枱個時叫我地自己行去攞糖水呢個唔係問題我預左冇咩服務可言講真啲糖水已經唔係好食嗌一碗熱合桃糊同一碗熱合桃糊燉奶兩碗都唔熱兩碗都冇合桃味可能係開粉都唔奇食食下另一個阿嬸走出嚟話另一枱兩個大陸遊客叫佢地快啲食啦個兩個遊客一個黑曬面另一個話行啦我們在這裏休息一下個阿嬸就話休息你地想坐幾耐？（仲講左好多野）我地聽到就快快手食完快啲閃我唔知個兩個大陸遊客坐左幾耐但我聽到都覺得唔舒服我岩岩食完擺低隻匙羹個洗碗阿嬸即時走過嚟問俾錢未？真係冇下次我咁大個人都未試過一食野野放低餐具就俾人問俾錢未祝呢間野早日光榮結業

The desserts are reasonably priced, indicating that this is a shop that has been doing neighborhood business for many years. However, in terms of service, it is definitely lacking. The attitude is not extremely poor, but it is far from being good. Initially, I just chose this dessert shop for its convenience, as it was the only one near my hotel. I entered the shop, sat down, and looked at the menu, but no one came to take my order for a long time. Besides the boss, there was only an elderly lad

因為喺附近工作關係，我間唔中都會嚟呢度食甜品。因為公司附近冇乜甜品舖，都會貪方便去翠苑度食。每次見到廚房嘅一位女士，都會見到佢黑晒面，態度惡劣，對客人極度唔友善。琴日8號風球落波，我趕返公司做嘢，放工後又貪方便去翠苑食。又見到黑面神，加上發現食物質素每況愈下，我決定以後唔會再幫襯。

今日同同事食完飯就嚟咗呢度食甜品，門口望落去都似係傳統糖水舖，我自己對於傳統糖水都幾鍾意👍🏻今次揀咗芝麻糊食，佢係一個好濃郁嘅芝麻糊，未試過好似接近啫喱咁口感😂感覺都幾特別，味道都不錯😋

已經好多年冇食翠苑，估唔到咁多年都冇進步過。我想食芝麻糊，又想加粒湯丸，點知得芝麻湯丸，我就只係加一粒試味算。點知呀姐叫我加兩粒，我就估到湯丸一定係伏啦。殊不知芝麻糊同粒湯丸都好普通，我是但食完就起身走人，不帶走半點雲彩。我都好聲好氣問店員有冇得比八達通，點知呀姐話「都話咗只收現金落！」我心諗，幾時有講？加上佢講野口音太勁，好難聽得清楚呀！我諗黎緊日子都唔會再去翠苑任何一間分店啦，都唔明點解架店仲生存到！

有一位女士態度好差，問咩講咩都語帶晦氣，得罪佢咁。嚟到叫嘢食，幫外國朋友一次過叫埋，朋友突然轉呔，我都講咗唔好意思，個女士啲語氣仲要單單打打，惡到我都疾一疾。叫咗海帶綠豆沙係融到一粒豆形嘅豆都揾唔到，成碗係一pat綠豆泥湯咁，唔係有啲海帶我會以為佢畀錯嘢我，賣相好難睇，食稀嘅糊仔咁，一啲豆嘅口感都冇。朋友嘅楊枝甘露亦唔好食，冇乜芒果味，同埋食得出係唔新鮮。真係唔建議去，唔好食又盞去俾佢鬧。同行幾位外國朋友，佢哋聽到佢啲語氣都問佢做咩咁嬲。佢真係好失禮。

我每次幫襯佢，都會講到明係要凍嘅，但係佢仍然係會畀熱嘅我有時我會要加蛋，而佢為咗放到隻蛋入碗糖水度，會將我碗糖水倒咁啲先頭先我卒之忍唔住口，問佢係咪又係倒咁啲糖水先至放隻蛋入去，佢起初扮聾，我質問咗佢幾次，佢卒之答佢有我唔放過佢，就話「咪就係囉，食得嘅嘢做乜要倒咗佢呢？」佢又唔答我

好反感，目擊店員無理鬧客，見有兩個女仔未食完已經俾店員大聲趕人，大聲到成間鋪都聽到，俾錢幫襯仲要欠咗佢咁，仲要一而再再而三，鬧到佢哋食完為止，俾佢嘈到我自己都無哂心情食，何況糖水只係一般，簡直貼錢買難受

於1/1/2024黃昏時間，見openrice餐牌價錢ok，本來諗住電話落單，外賣自取，可惜聽電話個員工一聽到我只叫一碗，就好寸咁話 ：「你一碗打乜野電話呀！自己過嚟落單啦... ...」 好彩我一日未俾錢，一日都仲有選擇權，附近大把舖頭歡迎電話外賣，甚至用openrice外賣自取功能... ...唔怪得無生意啦，啲員工咁大權力去自行決定唔接單！老闆， 不如你統計吓，因為啲員工，導致幾多張單無接到啦... ...

呢間野真係極品🙃🙃🙃本身諗住揀一間中式甜品試，入到去之後又催你，即刻落單，連餐牌都未睇倒，諗住有禮貌同佢講話遲少少，再叫佢落單，又串我地「你地唔係未諗好咩?」，心諗都係落單姐。食食下有五人想入，竟然行過黎，話叫人快啲食完走，碗野都未食完，點走啊？😡😡😡😡真是服務質素差到一個點👎👎

星期五晚，我們一行三人晚飯後還有說不完的話題，就決定揾糖水食，由金鐘行往銅鑼灣，在經過灣仔道途中發現這店，又剛好有位，當然要幫襯。應該是由幾名北方女士營運的這店，售賣傳統港式糖水。合桃糊，甜度適中。燉鮮奶，22:15來到，已是最後一碗。桑寄生蛋茶，很有童年回憶的糖水。全店的糖水由二十多元起，在香港寸金尺土的地方，這裡的座位已算坐得舒適，並無出現要背脊貼著陌生人背脊的情況。這店23:00關門，過了幾分鐘，店員阿姐再次提醒餘下的食客要離開，我們當然聽話離開，不阻人收工。看食評見到有人提到店員的態度不好，但我反而覺得阿姐直腸直肚真性情。

經過附近得一間糖水鋪就入去試下，味道一般，樓面呀姨態度差，唔會有下次！坐低睇食咩 已經吹三催四堂食楊枝甘露用外賣碗偏少芒果肉朋友叫左碗碗香芋椰汁芋圓就中規中矩啦！

已經幫襯咗好多次，但係今日外賣自取薑汁燉奶，竟然係酸嘅，打電話去同店員反映，店員沒有驚訝的反應，明顯不是第一次發生。感覺真的很沒有責任心，變質的食物也賣出來。家中老人芝麻糊混燉奶一起吃，吃不出是酸的，當我食燉奶嘅時候先至發現係酸嘅。雖然店員在電話中有道歉，但係食壞肚子可大可小，希望店舖老闆會良心經營，不會再有同樣事情發生。芝麻糊好膠，品質越來越差，雖然價錢好平，但我寧願店舖調高價錢，提高質量，對得起食客。