翠河餐廳 (已結業)

同老公食晚飯，見MX超多人，行去翠河食，諗住比多次機會，但係......叫咗2個晚餐，一個炒粉，一個湯飯，結果係兩樣都超級咸，炒米咸到有些苦，奶茶唔夠茶味！對個腎真係超級負荷，血壓幾級升

諗住快食，就走左去翠河食午餐。見到鮮魚湯飯 以為清清地，再跟個中湯，以為食得好健康啦。但點知食完只能講，味道已經不想評論，但真係好口渴。忍唔住寫個食評 提醒大家小心中伏！

唔好意思，無諗過第一次寫食評係劣評，但真係要鬧，之前呢間分店已經試過員工態度有問題，今日再遇到。送錯嘢仲要好無禮貌咁講”對唔住囉”講左四五次，真係好恐怖。其實之前已經不斷聽過員工鬧客，另外，呢間分店長期唔夠人，長期勁多枱唔執。話送碗湯最後又無左影，今次杯凍檸水仲要一塊過厚檸檬唔切，我忍唔住啦，我真係因為要寫食評先要申請呢個acc

幾個月前，一打開餐具抽屜已湧出大量漂白水氣味，已同職員反映，但今天一樣同幾個月前一樣，完全冇變過，是否食客既安全問題，完全漠視食物安全，同直接飲漂白水無乜分別，🔥🔥一間係全港有數十間分店既公司，是否連一丁點既責任都唔需要去負，要食客一路進餐一路放漂白水氣味入口，呢D公司為左再賺多啲，良心好過既咩，我好想問下，呢啲高層如果在家洗既進食用具是否都落咁多漂白水？請唔好掩住良心去經營生意🙏🏻🙏🏻

I went here the first time for breakfast. I experienced Terrible service and the waitress has a terrible attitude. Apparently black coffee to them means include sugar. Customer service is non existent because the serving staff don’t want to do any work. Food quality is poor. For the same price you can go to much better HK style cafe.

唔知點解, 次次經過翠河, 都無咩意欲入去幫襯.如果唔係女友話想試試, 相信仍然直行直過!首先, 冷氣嚴重不足, 個經理話, 壞咗一部冷氣!但餐廳有成九部冷氣機, 壞一部唔會噤大影響掛..... 相信.... 應該係得一部冷氣正常吧!好鬼熱!女友點咗個梅菜扣肉同魚香茄子煲, 我熱到無咩心情㨂食咩, 女友話事吧, 我只想快快嚟杯凍0樂!望咗兩眼 menu, 價錢又唔係貴喎, 牛仔骨, 人地賣緊80蚊以上, 翠河60蚊咋喎!當然, 好大機會將貨就價..... 得兩三件牛仔骨!諗到哩點, 即刻對個扣肉同茄子煲嘅份量無咩記望.事實亦都係, 扣肉同茄子煲, 份量同價錢成正比!扣肉肉質鬆軟, 肥肉部份軟滑, 可惜味道過咸身后傳嚟響亮嘅"咋咋"聲, 當然係魚香茄子煲發出吸引之聲! 所以未食已經加分!一上枱蒜香撲鼻, 但咸魚唔係梅香極可惜, 而且份量略為不足.魚香茄子煲熱辣辣, 冷氣又唔夠, 食到一頭汗!不單只我熱到傻, 手機都熱到傻, 入到餐廳居然無哂接收!好鬼熱！熱到連okay都俾唔落手！

等極都冇人落單，由9點33分等到50分先有人落單。D員工態度好差， 有啲就唔瞅唔睬，有啲叫你等陣跟住又走咗去。嚟嘢食個速度又好慢，催咗幾次都未嚟。又唔係唔夠員工，目測都見到有五六個。

今天帶狗狗到土瓜灣做美容，需時兩小時，便和老公到後面街食午飯打發時間，這間翠河從門外看進去比較大，空間寬敞，可以好好的邊吃邊等。我們點了一客是日快餐－咖哩雞飯，和蕃茄海鮮湯飯。咖哩雞醃製過又煎過，很香口，雞肉嫩滑，而且無骨又啖啖肉，配幾粒薯仔，非常滋味。咖哩汁又香又濃，配飯一流，不知不覺就清碟了。蕃茄海鮮湯飯有驚喜，就以為是很普通的蕃茄湯，這個蕃茄湯卻有點不同，帶點酸酸的，很開胃，但又不失蕃茄的香甜味，酸酸甜甜，蕃茄爽滑可口，海鮮配料有蝦球，魚塊，蛋花，魷魚，蟹柳，薑絲，配料吸引湯的精華，微酸清甜，絕對推介之選。

無任何生果的雜果沙律，賣相又差，基本就是薯仔加粟米，分量又少，無野飲，但價錢貴過一個下午茶餐，還要無咩沙律醬，嚴重中伏，下午茶算抵食，但那碟沙律嚴重破壞心情，一句，當顧客係水魚，唔會有下次囉

週日下午飢腸轆轆，適逢父母外出，唯有獨自到附近的茶記祭祭五臟廟。茶記離家只有幾步之遙，雖然我稱得上是多年街坊，但因我和家人不是外食族的關係，這次倒還是我首次造訪。環境頗為舒適，座位寬敞，一人入座仍可選擇卡位。抵達茶記時恰巧是兩時正，下午茶時段剛好開始。因著實是十分飢餓，便在點了油占厚多士餐和熱檸賓後，再額外單點了一份瑞士雞翼。熱檸賓正正常常，但多士竟然不是暖烘烘的。眾所皆知，多士的溫度乃是靈魂所在。因此，多士上桌時稍微冰冷已是大打折扣。加上多士本身不夠外脆內軟，果占的份量亦略嫌不足。 瑞士雞翼一上桌便已察覺賣相欠奉。一嚐後，竟有淡淡的苦澀味。看來雞翼似乎煮得過久，令瑞士汁燒焦了，導致入口有股燶味，愈嚐愈苦。一個不留神，甚至有蒼蠅飛過來依附在雞翼上。因加點了一客瑞士雞翼，盛惠六十大洋。整體而言，食物質素有待改善，不會再訪。

Weekend近近地同屋企人去樓下食，雖然得嗰幾檯，但staff動作都比較慢，叫左一陣先有人應。坐低左仔細睇下，發現都幾dirty，檯底地下有d used toothpick and tissue 都無人掃。清清地叫左個紅燒豆腐 $55，另外原來可以加$9變餐，有個例湯同個白飯。明明叫豆腐無叫菇，因咩解究菇多過豆腐？份量都算大份，兩個人唔大食飲埋湯都夠食，但係味道真係一般般，無咩鑊氣。例湯好大舊骨，下面好多湯渣，得幾啖飲。

星期五夜晚8:30pm去到竟然無咩人，大把位。要左個XO醬爆雞球 $64，黎到完全唔係雞球樣以為錯左，要叫個manager過黎confirm左先敢食。total得個6片，下面全部係d青椒芹菜拖起，我都唔食嗰d嘅，激死！味道方面，係個例湯好味dd，個飯又硬又凍，個雞唔睇返張單都唔記得叫左XO醬炒，鹹味就有，中間得個兩三條XO醬絲，唯一「好彩」係d雞無咩肥膏，都有d肉食下。下次真係寧願唔好咁懶，搭車出去食好過！

我是一個較為內斂而老實的人，一般不太差的餐廳，我都不想寫食評而影響餐廳形象，亦希望餐廳有所改善！但翠河餐廳令我非不得不表達意見，因為實在真的太差了！不是單一食品，而是要煮的都很難食，其員工的服務亦一樣~懶散，地方污穢到連枱面都黐立立，烏蠅周圍飛，我們簡直覺得中計而浪費咗個肚呢！點解話中計呢⋯⋯當天，我同同事一行三人第一次到當區工作，大家都覺得肚餓了，但又不知那間餐廳ok，所以就靠是否多人光顧然後決定到那裏午膳！當我們從窗外望入餐廳還以為翠河餐廳都有幾多人光顧時，誰不知，進去後先知原來這間餐廳只是得一兩枱客，其他原來是員工，他們站近窗口位，遠看以為是食客呢！好了既然坐下就決定試一試啦！我們只是點了普通得不過普通既下午茶餐。結果，我們就算餓都吃不下，不是份量多，而是難食到一個點。。。雪菜肉絲炆米份配凍檸茶，雪菜原來可以好鹹，連米粉都連帶一樣，好似放了一大匙羹鹽，今天總算見識過鹹原來可以這麼鹹的。至於凍檸茶，莫講於談論茶味，而是見色不見味。我佩服當天既沖茶師傅，遠看還以為是有水準既茶呢！簡直魔術手！芙蓉蛋飯呢⋯⋯啲雞蛋老到好似樹皮咁，而且𥚃面只得芽菜、火腿及洋蔥，連一粒叉燒都無，不知是否自己

本身都唔期待有幾好食不過諗唔到會咁難食🤦🏼‍♀️🤦🏼‍♀️🤦🏼‍♀️普通茶餐廳都好食好多叫左二個小菜椒鹽鲜魷炸粉勁多勁厚鮮魷肉冇乜雙葱爆豚肉肉得大概4片仲要係又乾又硬湯味極味精飲完喉嚨勁乾冇下次🤮🤮🤮🤮🤮🤮

係土瓜灣都有間翠河，位置唔係大馬路非常好，仲有幾顆樹係門口，感覺幾舒服。店面好大，貫徹連鎖店特色，多卡位，而且D位幾好坐。景觀開揚，大玻璃，冇咩人和車，街坊客多。醒晨早餐都有幾多選擇。蒜香牛油多士好唔錯，蒜味十分香，多士也很脆。熱奶茶入口順滑，不會有澀味。服務不錯，紙巾係枱上任用，加分，服務生也很殷勤。菜肉餃子雪菜肉絲湯米線 ($31)正常味道，但肉絲較少。熱咖啡甚為香濃，有質素。鮮茄薯仔湯通粉配磨菇腸和豬柳漢堡($30)湯底ok，薯仔太硬，唔入味。有磨菇腸，都幾健康，而豬柳漢堡也不俗。