翠河餐廳 (已結業)

嗰日太肚餓，見翠河新開張就入去食下下午茶選擇都多，但係麵同飯就唔太多，叫左個魚香茄子炆米，嚟到先知原來係米線...之後嚟到碟嘢個樣太核突，其實佢個炆米配搭得好怪，米線已經好林，仲要再用啡色汁嚟炆，唔知係我要求高定係點，食唔落即刻走咗(口感好軟一pet pet 咁)。 不過淨係為咗飽肚我諗總會有人食得落嘅。我就唔得啦。

一般都少食比較高卡食物, 但為食嘅我就有時都會食左先算。今日天氣太過熱, 冇乜胃口, 經過翠河, 突然想食...西多士同飲凍野。原來佢係冇淨係西多士嘅下午茶餐, 但我又唔想配雞亦, 最後阿姐話, 散叫... 散叫, 就要預左會貴少少, 但又好想試下呢間整得好唔好食, 第時可能多個選擇丫嘛....西多士 - 牛油唔係另上, 已經放左入去, 溶左... 唔係太平均, 有啲位好牛油唔太好食. 好彩佢個蜜糖漿係另外比, 蜜糖漿比較稀, 但唔太甜。凍鴛鴦少甜少冰 - 一般正常茶餐廳咁啦.總結, 下午茶餐牌好似都多野食, 對於一啲唔食雞/牛, 就選擇會較少, 呢點要留意。冇淨係西多士茶餐呢一啲叫做普遍嘅下午茶餐, 有啲失望。西多士不過不失, 堂食應該會好食啲。如果外賣係牛油另上一舊, 咁就 OK 了。師奶仔性格, 就會隔下有冇其他選擇, 就住個西多士呢, 隔離有間美心MX都有餐 (有花生漿/火腿芝士), 價格比較便宜。