翠河餐廳 (已結業)

唔知點解, 次次經過翠河, 都無咩意欲入去幫襯.如果唔係女友話想試試, 相信仍然直行直過!首先, 冷氣嚴重不足, 個經理話, 壞咗一部冷氣!但餐廳有成九部冷氣機, 壞一部唔會噤大影響掛..... 相信.... 應該係得一部冷氣正常吧!好鬼熱!女友點咗個梅菜扣肉同魚香茄子煲, 我熱到無咩心情㨂食咩, 女友話事吧, 我只想快快嚟杯凍0樂!望咗兩眼 menu, 價錢又唔係貴喎, 牛仔骨, 人地賣緊80蚊以上, 翠河60蚊咋喎!當然, 好大機會將貨就價..... 得兩三件牛仔骨!諗到哩點, 即刻對個扣肉同茄子煲嘅份量無咩記望.事實亦都係, 扣肉同茄子煲, 份量同價錢成正比!扣肉肉質鬆軟, 肥肉部份軟滑, 可惜味道過咸身后傳嚟響亮嘅"咋咋"聲, 當然係魚香茄子煲發出吸引之聲! 所以未食已經加分!一上枱蒜香撲鼻, 但咸魚唔係梅香極可惜, 而且份量略為不足.魚香茄子煲熱辣辣, 冷氣又唔夠, 食到一頭汗!不單只我熱到傻, 手機都熱到傻, 入到餐廳居然無哂接收!好鬼熱！熱到連okay都俾唔落手！