翠園 (形點 I)

营业中

休息中

呢間份店既食物正體黎講好難食！叫左五樣食物：奶皇包：正常，有水準。帶子菜苗餃：d皮爛既，穿晒窿，d饀漏晒出黎，仲好意思出菜俾人食既。甫魚滑燒賣：好似未蒸熟咁，兼好好好難食。鮮竹卷：唔夠熱，d毫油汁係凍的，好似啫喱咁。牛肉腸粉：唔夠熱，d牛肉仲係硬既。在場打點既員工，服務態度不佳。如果同附近既利園比，無論食物質素或服務質素，差幾皮。

嗰日約咗阿姨同媽咪去飲茶，飲完茶先返工。 我哋叫咗幾樣點心同埋一啲炒嘢食。入邊炸兩係趣嘅，腸粉夠滑，味道尚算可以。蟹鉗夠脆、入面蟹鉗新鮮 ; 燒賣還可以 ; 松茸蘑菇包入面冇乜餡，味道一般。整體嚟講太多油，紅椒同綠色椒都係辣嘅。呢一樣係嗰日叫咗咁多樣嘢啲中最差 成碟嘢完全乜味都冇，鹹味冇，甜味又冇。最後難食到唔想再食，決定問侍應拎咗個外賣盒拎返屋企，等夜晚加豉油加嘢，再炒個返熱先再食。當我哋埋單嘅時候，有一個著黑色西褲套裝短頭髮嘅女經理埋嚟埋單，我哋覺得個價錢有出入，所以就攞張單 check 吓。發現見到佢單上面打咗 3 次外賣 $1，於是…… 就有以下嘅對話……我哋：「我哋只取咗一個外賣盒，點解打三次？」員工：「呢個係膠袋費。」我哋：「我哋冇要膠袋喎！我哋只係要咗一個膠盒啫！」員工：「咁都係收多你兩蚊啫！」跟住即時火都嚟埋我哋：「而家唔係 $2 嘅問題，係你態度嘅問題，同埋係你哋做錯咗。」p.s 員工服務態度極差，態度極懶散。

茂利 生日梗係要想去食餐好， 早輪去東海簡直就係中伏，諗住食下翠園嗰啲餐， 叫做名牌有信心 ！首先唔講好唔好食，淨係整個過程！！！我係兩三個禮拜前訂枱，感覺非常混亂失敗。都算！一早訂咗嗰個壽包跟住又話畀我知要等30分鐘，好似冇訂到咁樣！我confirm咗幾廿百次都做唔到嘢！一話佢就唔使10分鐘到！其他食物只能講句不過不失！ 總之香港就亂曬㗎啦，以前嘅名牌唔好再信喇！服務態度又唔友善！又 彈彈聲 咁樣趕住人走！味道仲唔會話有特別好嘅感覺！！！唔知係咪我口叼咗？？？ 唔中伏都中箭！😭

1.食物質素同價錢不符，味道一般，價錢偏貴😑2.落單五樣野，上左一樣，無唸拒漏單，結果就係漏😑😑3.飲茶限時，如果你上野速度有番咁上下，你限時都無可厚非。但上野速度同西餐廳真係有得揮，想加單都要睇下時間😑😑😑4.加一服務，唔覺有咩服務，聲線大、無笑容、黑面就有😑😑😑😑第一次黎翠園，感覺真係好一般，第一次寫食評，覺得拒差到去某個點，忍唔住要負評，總括一句：謹有此行，絕無下次...

黎到翠園，今次點了叉燒飯，叉燒大大碟，咬落去軟軟的、鬆化，咪睇佢切至大大舊，好厚，好好味，無得挑剔之後叫了煎釀三寶，件頭夠大，尖椒釀了蝦膠、茄子釀了魚肉（肉有陳皮味）、豆腐釀細蝦，三件連豆豉汁，美味至極，尖椒少少少許辣，我不吃辣也覺美味最後不少得我至愛的燒賣，一次過吃到四款不同的燒賣（鵝肝、鮑魚、蝦、蟹子）四款都要試，我真係唔識選邊款最好味，總之一之過試曬，沒有一款令我失望。翠園的普洱茶，茶味香醇，也可一試。

翠園-無論是在工作上和同事午餐或平日放假和家人的聚餐都會是大家首選的好地方位於Yoho mall I 的翠園必須要早點去取票, 每次都需要等待, 尤其是假期的日子為大家推介的幾款點心時是每次都會叫到的,必試的海龍王腸粉, 其實佢係腸粉包住炸兩, 然後有蝦肉在裏面, 面頭還有蔥花, 點上甜豉油吃是好好味啊第二款的點心: 是我最愛的蝦餃(一籠有四件)這裏的蝦餃是我心目中最好吃的一款, 真真正正做到的皮薄餡靚, 點心中的上品, 必食然後就是黑金流沙包(一籠有三個), 流沙包內的流沙新鮮滾熱辣, 甜而不油膩, 是市面上少有出色的流沙包最後必吃的是珍珠雞(一籠有三件), 糯米香噴噴, 配上瑤柱蝦米和冬菇, 餡料十分足夠, 熱辣辣的送上, 滿足啊翠苑菜單上供應的還有不少的小食和炒粉麵飯都出品穩定, 基本上大大小小款式都試過, 質素有保證啊

滿懷期望地來，然後帶著失望離開！最喜歡菜苗餃子餿掉了，酸酸的於是叫經理撤走了，燒麥肉質也不是太新鮮，覺得味道欠佳，蝦餃有點太熟，都係純屬個人意見，覺得唔好味。唯一最好就係杯茶，飲左好多茶。

母親節飲茶一行動12人等位等左好耐，無法子啦，大時大節🥺🥺🥺等左成嗰鐘終於有位啦，好感動既一刻翠園係美心集團既品牌黎既，仲會有一間係您左近既我地嗌左好多點心呀，有「蜆蚧酥炸鯪魚球」「雞絲春卷」「菠萝焗餐包」「陳皮牛肉腸粉」例牌叉燒「奶皇飽」「老翠園煎粉果」菠蘿包，黑松露餃「豉汁蒸鳳爪」豉油王炒飯，牛肉河粉等等最好食既就係我特別點選既例牌叉燒，每次去美心都必食既系列，係有啲水準既，其他點心🥧就好一般，唔太出色，味道咸左啲🤪🤪

YOHO mall 都好多茶樓，如果想容易搵位，揀翠苑都OK，因為座位比其他酒樓大好多! 翠苑有個特別之處，就係可以揀一啲比較靚嘅茶，會用玻璃瓶坐熱，同用雙層玻璃杯，所以鍾意嘆茶嘅人可以多一個選擇！價錢一般係$40，計兩個茶位，所以Double人數會抵啲！今日再去翠苑，原來加咗價，每樣餸貴多兩蚊！食物質素都OK！最緊要夠熱！不過翠苑較入的位置都好嘈又迫，茶客要注意！燒味質素平均好食！可作推介！👍👍👍

約咗幾個老友在元朗聚舊，晚飯就在形點I，貪近西鉄站，交通方便！人流很多，要等一會才有位！地方唔錯，坐位舒適，服務員招呼都好好！點咗個四人套餐（$698）並非全包，茶芥及加一另計！菜式有义燒油鷄雙拼鮮蝦瑤柱豆腐羮西蘭花蝦仁帶子南乳齋煲清蒸沙巴龍躉义燒同油鷄食味唔錯，算有水準！鮮蝦瑤柱豆腐羹亦係好好食，蝦肉亦好新鮮！西蘭花蝦仁帶子，帶子好大粒，亦有鮮味，蝦仁都好爽口，這菜賣相亦好吸引！食味亦佳！南乳齋煲，份量不多，製作和食味亦欠水準，特別係D豆腐硬而無味！蒸魚都算有水準，火候剛好，肉質亦嫩滑！加多個白飯，就剛剛好！

剛開張既時候，一家人同親戚打算開開心心去食生日飯，點知成晚係食完一道菜，等至少十五分鐘先上下一道菜，已經好掃慶，愈食愈嬲🤬😡，食完成枱人都好嬲，真係！今次同行有朋友提議去呢間，先無奈地再入去，結果成枱人又係食到一肚火👿點心上哂，爭個燒味雙拼米粉，追左幾次，點心都食哂先話無其中一個燒味，仲問我地係咪燒味飯。好喇，轉第二款燒味，等左又至少半個鐘，又話無另一款燒味👿👿最後嬲到唔要，埋單走！等緊埋單個陣隔離枱阿叔都大聲話等埋單都等到天黑，點做野！見到有d樓面就企埋一堆係度好似吹水咁，點敢再黎啊！呢間野真係請都唔好去，除非想俾錢買難受😡

翠園是我其中一間最愛的中菜，今天試下元朗的翠園，叫了四個點心，包括是XO醬煎腸粉、煎蘿蔔糕、松茸蘑菇包、四色燒賣， XO醬腸粉10分好味，因為XO醬均勻地在每一條腸粉上，不會過辣，也不會太清淡，但是份量較少，最愛是松茸蘑菇包，每籠有三個，由於餡料是菇，所以吃了不會覺得太油膩，合想不吃肉的人士，蘿蔔糕沒有什麼特別，最特別是四式燒賣，分別是帶子、鮑魚、鵝肝、蝦，我認為鵝肝偏淋，其他三款也很美味，最特別是一次過可以是四款口味，值得推介。

同朋友慶祝生日，見到有信用卡8折promotion，叫左半席加一碟鐵板叉燒。蘿蔔條雖然有點油膩，但味道唔錯，作為前菜好開胃！叉燒好爽口，但我覺得麻麻地，鍾意全肉多啲石斑兩味一般，都係成條蒸最好食；最驚喜係醬油雞，雞肉滑，口感又清淡；最後仲有甜品馬蹄露，好豐富嘅一餐！地方好大，不過檯同檯之間有點迫，略嫌嘈吵咗少少！

我們一行幾值到翠園吃晚飯，點了龍蝦龍躉套餐，信用卡有八折，先說湯方面，足料好味，每碗他也有冬菇和花膠，龍蝦味道尚可，足夠六人份量，龍躉兩味吃法令我感驚喜，一是炒二是蒸，兩個做法的肉質彈牙，我較喜歡炒的方式，還有足份量的兩大碟時蔬，我較喜歡吃金銀蛋時蔬，另一款螺片生菜則油膩一點，醬油雞又滑又嫩，無可挑剔，炸蘿蔔條有新鮮感，最後甜品是馬鍗露，味道較一般，全晚幾乎坐無虛席，平日晚上品嚐這套餐較假日為佳，幾名友好，想試中餐，美心中菜不會讓你失望。

今日大家姐帶我地去翠園飲茶，話D茶幾有特色翠園在Yoho Mall商場入面，朝早九点半去仲有好多位今次我地4個人叫左"茗茶” 系列2款:珍藏舊普洱$32、太極香片$30嗰杯好有特色，唔係用紫砂茶杯，係用玻璃杯，由於有個內膽，所以飲嘅時候杯身唔會熱，唔會辣親隻手普洱同香片都幾滑，鍾意嘆茶嘅可以慢慢坐，由於坐位濶落，嘆茶一流D点心質素一般埋單$230