翔壽司 (已結業)

經過好多次但係都無衝動入去，但係今次俾佢個八折吸引住，所以就決定入去試吓！晚上8:30到需要等位，因為本身座位都唔係太多，等咗大概15分鐘就有位啦！現在做緊拉佢Facebook會有八折優惠見到有一啲一人套餐，仲有一啲$150.10件壽司揀，亦都有散叫。我哋就散叫食食吓先記得影相，所以有啲壽司款式都冇影到相，材料非常新鮮。推介海膽壽司，食完一件之後再點食，鰻魚手卷鰻魚非常厚身，我喜歡佢蛋壽司，感覺唔似平時叫貨的蛋咁硬同實，赤貝刺身有鮮味，甜蝦大隻整體的壽司都好味，不過再睇下餐牌，熟的壽司款式不太多。

今日約了朋友在尖沙咀shopping , 行行的時候經過一間壽司店，店舖的骰，原來是翔壽司！之前聽朋友說是站立吃，所以打算入去試試，但原來經已改為坐著吃，大約有10幾個位置，而且也寬敞舒適！今日點了上壽司盛合和炙燒壽司盛合..三文魚籽大粒！鮮帶子啖啖肉！赤蝦，池魚等刺身大件過個飯團，所以一個人吃也可以不會太多✌️炙壽司吞拿魚腩大大件👍🏻每件也很可口👍🏻壽司全是師傅現場即叫即手握！總括然而食材新鮮，價格也合理！

星期五的晚上通常回家跟家人晚餐，但剛 上他們旅行了，加上又上班太累，沒大心情約朋友吃飯，於是獨個兒在尖沙咀中逛逛找晚餐，見到立食壽司又正好星期五，對自己好點兒，就進去就是了！說明對自己好點，便叫了精選刺身（$138），有5點，包括帶子、甜蝦、三文魚、油甘魚及池魚。師傅很好介紹每款刺身及進吃次序，讓我好好品嚐。全部都很新鮮美味，當中最欣賞是池魚，魚味比平常的濃，肉質很有彈性，很好吃。另外其實我叫了火炙左口魚邊、赤身及中吞拿魚腩刺身（太急都先吃掉了忘了拍），左口魚壽司經燒烤後變甘香，微暖的溫度加上入口軟化的質感，超正！赤身（左面）很肥，沒見過咁肥美的赤身，師傅說店的貨都不是急凍，都是新鮮，加上切的部分近腩位，因此脂肪比例都多一點。我吃下去真是哇一聲，沒筋又軟，根本跟吃中吞沒分別！再吃真的中吞，神奇！肉更軟；都未嚼多幾下都滑到喉嚨裡，魚味比赤身更濃厚，超滿足！不過相比起赤身；赤身更給我驚喜（平常的都好腥又多筋）🥰吃刺身的同時又叫了一杯細生啤，雖是獨個兒吃飯喝酒，但嘴巴及精神都是幸福的安慰！

今晚收夜，老公來接放工，又係時候去找立食壽司，尖沙咀兩條街，有三間立食，之前試了兩間，兩間也性價比高，今次去最後一間，就是厚福街的翔壽司。門口標示了like Facebook 有8折優惠，好似好開心咁有折扣⋯😆。我們9:30左右去，等了5分鐘就有位。一入去，靚靚侍應幫我掛起外套，窩心的服務呵！🥰我們叫了12件自選套餐，另加3個手卷和一件辣味三文魚。🍣12件自選套餐$158: 餐單中有很多款式選擇，我們叫了炙燒三文魚腩壽司、炙燒帶子壽司、炙燒左口魚壽司、深海池魚壽司、甜蝦壽司，赤海蝦壽司、牛油果軍艦、吞拿魚腩軍艦。我們最喜歡炙燒左口魚壽司，充滿陣陣的魚油香。其他不過不失，無什麼特別。🍣辣味三文魚$9 ：一件無辣味的三文魚😝🤨手卷：我們叫了加州手卷、三文魚子手卷 和八爪魚手卷，三文魚子手卷一拎上手就滴水⋯🤪。個座仲要傾斜⋯🤣我個人喜歡壽司飯帶有少少的醋味⋯但這𥚃的壽司飯就無⋯有趣的是一件件壽司中的飯沒有什麼味道⋯仲有點硬，但手卷卻🈶️非常濃的醋味，可能晚上趕收工？這間立食無什麼驚喜，價格就算打折了，其實也與其他立食差唔多，如果再選擇食立食，我還是喜歡同區另外兩間⋯😝至少另外兩間上至食物質素，

是日和友人high tea睇戲,完場晚飯時間見還未算肚餓於是決定搵間壽司店輕鬆食。想起厚福街內有一間小型壽司店,全店只有一張長bar枱,約10個坐位。6點半到達已見小店滿坐,等了30分鐘終於到我地啦!!在等候時間已經和友人決定好!要一個鮪壽司拼盤+上壽司盛合鮪壽司拼盤有普遍的赤身,中腩及大腩位置由油脂最小的赤身開始順序食,腩位呈淡粉紅,新鮮非常。拼盤其中之一重點-腦天腦天即是吞拿魚的後腦部分,在香港的餐廳比較罕見。其特色是粉紅,由於不是腩位,有小許筋肉,口感煙韌,魚脂卻像中TORO一樣豐富。另一重點-炙燒吞拿魚面脥肉跟前者一樣魚油滿佈,師傅輕輕在表面炙過,魚油香再帶點燒焦感。上壽司盛合亦非常出色,以這價錢可以品嚐的如此高質的壽司真的無可挑剔

話說上次食過一次覺得呢間立食店既手準同quality唔錯，所以今次自己行街行到餓餓地又番番黎食~今次番黎同上次有小小唔同既就係佢地加左D椅子比客人, 等大家可以舒服咁enjoy佢地既手握壽司/刺身等…今次冇再order自選壽司而係order左一份<<特上壽司盛合>> & <<精選刺身(二人前)>> <<特上壽司盛合>> $250入面都係一樣有十款pre-set既壽司海膽、三文魚籽、牡丹蝦、帶子、炙燒金線鯛、 拖羅、 深海池魚、池魚、油甘魚&真鯛壽司全部本身都有Wasabi，唔食wasabi既朋友仔要留意下喇!牡丹蝦非常飽滿，黏性高，新鮮但唔算太鮮甜~拖羅唔算好肥美，唔係入口即溶嗰隻~不過佢既質感都尚算軟滑海膽香甜新鮮，口感較帶creamy， 三文魚籽粒粒都好飽滿、鮮甜&新鮮，唔係死咸果隻。一啖將佢放入口，甜味在口中慢慢爆發~~~炙燒金線鯛，表面鋪左少許薑和蒽花，炙燒香還好，略嫌薑味帶唔出佢既鮮味，反而cover左魚本身既味道。<<精選刺身(二人前)>>入面有三

今日夜晚冇乜嘢做🤔，行過厚福街，見到呢間壽司舖🍽 咁我作為一個好鍾意食日本嘢嘅人😈，見到好似幾得意😎，就入咗去試咗幾款嘅壽司🍙 加埋一個刺身拼盤🦐🐙🐟 一入到去嘅時候，已經見到師傅好專心咁準備食材心諗呢間舖頭應該唔錯，等咗一陣，刺身終於到啦， 個賣相都幾吸引 睇落去每一樣嘢都好新鮮啲刺身食落口每一樣嘢果然真係好有鮮味 完全拍得住高級食材店嘅水準，跟住，冇幾耐 壽司都嚟到 我今次叫嘅呢個係十件壽司嘅組合每一樣嘢都各有特色，整體嚟講呢個呢個係一個唔錯嘅組合每樣嘢都配合得好好 值得試一試😜

又係厚福街搵食 今次試吓食翔壽司！鋪頭細細地但坐得幾舒服！可能我哋兩個人都唔係好餓源故，所以我地每人都只係叫咗份自選壽司！第一份，我就叫咗三文魚、三文魚腩、火炙三文魚腩、吞拿魚、火炙帶子、火炙金線鯛同埋飛魚籽軍艦。而第二份，同行嘅朋友就叫咗魷魚 三文魚腩 火炙三文魚腩 真鯛 深海池魚 帶子 赤蝦同埋甜蝦！對我地兩個三文魚控嚟講，呢度嘅三文魚腩好吸引，大啖肉之餘，食落又唔會好油膩，又有好幾款唔同類型嘅三文魚俾我地去揀；另外，覺得比較好食嘅係甜蝦！夠哂大隻，所以入口好有口感！其他魚生類嘅壽司都好鮮甜，完全唔係啲急冷雪藏嘅魚所整出嚟，所以我地兩個都好享受！

今日屋企無飯食，收左工係尖沙咀附近行下同睇下附近有咩岩食。反正一個人自己去左厚福街呢間翔壽司，一次半次要食餐好啲。6點9去到入到去位置唔算多，十多個位左右，但已經坐滿左8成人都幾多人幫襯。岩岩比左個靚位我可以睇住師傅整壽司。叫左個精選刺身(二人前) $138，同一個特上壽司盛盒 $250刺身有三文魚、帶子、池魚、甜蝦、油甘魚，都係厚切，全部都好新鮮又鮮甜，我覺得最好食都係帶子，應該係北海道帶子黎味道同係日本食差不多。壽司有海膽、三文魚籽、牡丹蝦、帶子、炙燒金線鯛、拖羅、深海池魚、池魚、油甘魚、真鯛。壽司真係睇住師傅用心制作，我都係鐘意食海膽夠甜無腥味、拖羅入口即溶油脂夠香、牡丹蝦腍性甜度一流，另外一定推薦炙燒金線鯛，加左啲薑和蒽，好香口。所有刺身、壽司都係即叫即切，手握壽司。無腥味夠鮮甜。

之前曾經去過呢度食壽司，覺得價錢適中，而且品質屬於中上檔次，成日都好想同媽媽你黎試下，但係因為立食嘅關係，媽媽一定唔鍾意企喺度食飯，佢一定又話好攰隻腳痛咁，今日經過餐廳門口見到佢終於由立食，變成有高腳椅可以坐，下午茶時間又冇乜人，最重要見到門口話六點前埋單全單有七折，即刻同媽媽入去食返幾件。上次試過呢個吞拿魚海膽飯，份量唔多但係非常好食，吞拿魚茸我最鍾意，配海膽一齊食真係勁甜，連埋三文魚子一齊食，口感非常好，雖然一個要$138，但質素好高所以真係食過返尋味。另外我地單點叫咗幾款壽司，我同媽媽都非常滿意，刺身非常新鮮，部份刺身厚切增加口感，火焰壽司有少少焦香味，將魚嘅油份迫左出嚟，更加覺得鮮甜好味，而家可以坐係度食，以後可以多d來啦。

聽講我細佬今日去尖沙咀返工，所以收工約埋佢一齊食飯。因為佢知我鐘意食日本野，所以提議我去呢間翔壽司，去到見到話立食好似唔係咁好，但見到有凳坐就入去食啦。雖然地方唔係好大都可能坐十幾個食客。自選壽司$158 有10件，壽司點左火炙三文魚腩、吞拿魚、帆立貝、甜蝦、油甘魚、魴鮄、深海池魚、蔥吞拿魚腩軍艦。所以壽司都係魚生即切，即叫即握。火炙三文魚腩因為燒過更加迫左啲油脂香出黎，入口即容。吞拿魚、油甘魚、魴鮄、深海池魚，都好鮮味一啲都唔腥。帆立貝都幾厚身鮮味。甜蝦都幾大隻，應該係日本甜蝦，腍性高又鮮甜。蔥吞拿魚腩軍艦係魚蓉黎，色澤鮮紅帶油光，軟滑口感，魚味清甜。都算平價現握壽司，整體都唔錯。

收工經過試一試，門面睇落唔錯，店鋪衛生環境都好好，員工亦好友善。本來以為是立喰，入到去原來係有凳坐，不過位置不算多，大概容納十位客人左右。今日點了個10件自選壽司，師傅即埸在面前表演刀功！三文魚腩，油甘魚，吞拿魚，真鯛，魴鮄，北寄貝，帶子，甜蝦，飛魚子軍艦，吞拿魚腩軍艦。全部都好鮮甜，特別推薦真鯛，魴鮄坊間好少見！店鋪整體不錯，自己一個午餐或晚餐不錯的選擇。

用美食為自己打氣最近香港真係好多負面情緒 個個都唔開心但要支持住 先可以繼續奮斗落去💪🏻🇭🇰想食壽司的話 除左元氣外 其實有好多選擇.翔壽司🍣位於尖沙咀同理工大學附近 好方便厚福街都有好幾間立喰寿司店但呢間就特別在新設座位！懶人福音可以坐低慢慢食 同時又有高質素omakase注意⚠️位子不多 若十張左右重點係只要like fb/ig就有低至七折優惠.精選刺身(二人前)$138三文魚/帶子/油甘魚/池魚/甜蝦👉🏻一定要試帶子 超級鮮甜又有口感.特上壽司盛合$250海膽/三文魚籽/牡丹蝦/帶子/炙燒金線鯛/拖羅/深海池魚/池魚/油甘魚/真鯛❤️個人推介海膽 牡丹蝦 拖羅❤️.襯有優惠真係要食多幾次！誠意推薦不論刺身的新鮮度 手握壽司的水準都非常高連wasabi同生薑片都比一般在香港吃到的不同

今日同朋友去尖沙咀行街肚餓梗係去全尖沙咀最多嘢食嘅厚福街睇吓有咩食啦我哋見到好似新開左一間壽司店而且又好耐冇食過日本野所以就入咗去食因為兩個女仔唔會好大食所以只係叫咗一個壽司盛同埋二人前刺身拼盤個刺身總共有五款三文魚 油金魚 甜蝦 帶子 池魚全部都好大件 絕對對得住個價錢而我最鍾意嘅就係油甘魚 因為佢非常之甘香如果壽司城就有珍寶帶子同埋海膽海膽你會食得出係非常之甜食得出唔會係cheap野珍寶帶子亦都啖啖肉超正

厚福街日式壽司小店相信吾少人搵食應該都要黎厚福街，呢間立食壽司店翔壽司可以試下。有廚師發辦的餐牌服務，岩晒有選擇困難症既朋友仔，師傅仲會喺吧枱前即叫即做。同男朋友叫左兩個野食，特上壽司盛合同三色手卷盛。特上壽司盛合壽司組合係算最多，有十款，分別有海膽，三文魚籽，牡丹蝦，帶子，炙燒金線鯛，拖羅，深海池魚，池魚，油甘魚同真鯛。每件壽司都係師傅親手扼出嚟嘅壽司， 所以刺身飯嘅溫度，同埋飯嘅軟硬度都啱啱好嘅，魚生同壽司飯中間夾左Wasabi。三文魚籽味道鮮中帶甜；海膽片片分明，好新鮮牡丹蝦同帶子也很鮮味；炙燒金線鯛燒到面剛熟又夠香；金目鯛新鮮口夠爽脆，好食。三色手卷盛我覺得手捲都好抵食，88蚊有三件，分別有鰻魚手卷，拖羅蓉手卷，同辣味三文魚手卷。手卷入口特別香，因為啲飯已經調左未，魚生都夠，拖羅魚蓉更是一直吃到底都有，亦夠新鮮。鰻魚燒得很香，口感鬆軟，醬汁不會蓋過鰻魚的原味。辣味三文魚手卷是三款手卷中我最喜歡的，除了因爲我愛吃辣，香且辣度恰到好處。