羽后．本庄日本料理 (已結業)

食事狗首次露面, 實行狗食天下, 為萬狗尋食作樂. 有好話好, 有壞說壞. 上次行經奧海一期, 見商場門口有人派傳單, 見到呢間新開即管一試, 但發現都幾多缺點, 首先係伙計唔太醒目, 雖有禮貌但對客照顧不足. order野時你好似熟過佢咁, 抑或係佢地理解能力不夠? 溝通上總有d 問題. 另岩岩入去時本來坐迴轉bar位, 但坐坐下感覺異常地窄, 原來個迴轉位好淺, 一呎仔無唔在講, 前無去路後又有追兵, 後面d 四人方枱位黐到你個背脊實一實, 已經唔計左右阻籬d 櫈排得好迫, 記住當時係7點唔夠人好少時間喎, 都咁迫, 咁當時要求換後面d 四人方枱包保無壓迫, 2個人諗住坐得好好地, 點知坐左一陣, 又出事, 原來在非煙區聞到d 好憎既味, 原來發現有一pair 顧客多多位唔坐, 坐左最近廚房出口通道張枱smoking, 望望下佢地原來同某d 伙計係識得既, 係fan又點? 咁就任由佢地噴煙? 真係趕狗入窮巷, 趕到遠遠另一邊個靚靚迴轉卡位坐, 終可安樂食一食, 無錯, d 壽司或生冷類, 口感味道好普通, 唔出色, 又貴, 但d 熟食就幾好, 尤其個蟹粥, 食落好感受到果種鮮味.

呢個鋪位好似開過幾間食肆, 但都幾快執笠. 某晚響附近, 見到有新野, 就姑且入黎試下.位置所限先天不足, 接近九點都場面冷清, 亦唔覺太意外. 胃口欠佳, 亦為左穩陣起見, 只order 了幾款壽司及一客刺身. 壽司飯較乾硬, 材料亦普通, 劍魚多渣, 帶子還可以. 油甘魚刺身係waitress姐姐推薦, 比壽司用既材料新鮮. 質素唔算好差, 但食完之後, 亦無乜意欲再叫其他野.服務方面, 侍應有禮但頗生手. 不期然將呢間同附近既元氣比較, 如果食壽司同刺身既話, 後者會抵食d. 今次無叫熱食, 唔知會唔會有機會再黎.