影片
食事狗首次露面, 实行狗食天下, 为万狗寻食作乐. 有好话好, 有坏说坏. 上次行经奥海一期, 见商场门口有人派传单, 见到呢间新开即管一试, 但发现都几多缺点, 首先系伙计唔太醒目, 虽有礼貌但对客照顾不足. order野时你好似熟过佢咁, 抑或系佢地理解能力不够? 沟通上总有d 问题. 另岩岩入去时本来坐回转bar位, 但坐坐下感觉异常地窄, 原来个回转位好浅, 一呎仔无唔在讲, 前无去路后又有追兵, 后面d 四人方枱位黐到你个背脊实一实, 已经唔计左右阻篱d 櫈排得好迫, 记住当时系7点唔够人好少时间㖞, 都咁迫, 咁当时要求换后面d 四人方枱包保无压迫, 2个人谂住坐得好好地, 点知坐左一阵, 又出事, 原来在非烟区闻到d 好憎既味, 原来发现有一pair 顾客多多位唔坐, 坐左最近厨房出口通道张枱smoking, 望望下佢地原来同某d 伙计系识得既, 系fan又点? 咁就任由佢地喷烟? 真系赶狗入穷巷, 赶到远远另一边个靓靓回转卡位坐, 终可安乐食一食, 无错, d 寿司或生冷类, 口感味道好普通, 唔出色, 又贵, 但d 熟食就几好, 尤其个蟹粥, 食落好感受到果种鲜味. 而甜品黑芝麻雪糕冰, 都ok.
继续阅读
呢个铺位好似开过几间食肆, 但都几快执笠. 某晚响附近, 见到有新野, 就姑且入黎试下.位置所限先天不足, 接近九点都场面冷清, 亦唔觉太意外. 胃口欠佳, 亦为左稳阵起见, 只order 了几款寿司及一客刺身. 寿司饭较干硬, 材料亦普通, 剑鱼多渣, 带子还可以. 油甘鱼刺身系waitress姐姐推荐, 比寿司用既材料新鲜. 质素唔算好差, 但食完之后, 亦无乜意欲再叫其他野.服务方面, 侍应有礼但颇生手. 不期然将呢间同附近既元气比较, 如果食寿司同刺身既话, 后者会抵食d. 今次无叫热食, 唔知会唔会有机会再黎.
继续阅读