羲和雅苑

营业中

休息中

金沙魷魚：香脆可口蛋黃味濃，魷魚好大件好有咬口。啖啖都係邪惡既味道荷葉飯：飯粒乾身而分明，荷葉味香濃撲鼻。熱騰騰上碟，更顯荷葉香，緊係要拿拿淋趴兩啖先啦。味道均衡，唔會太咸，份量都好足。海鮮泡飯：湯底鮮味，蝦湯既精華所在，泡飯跟埋脆米上，增加泡飯既口感同層次，確實唔錯，而泡飯都比較易入口，鍾意清清地既不妨試下。總結：餐廳對住無敵大海景享用佳餚特別開胃有食慾，食物質素亦唔錯，服務員照顧周到，主動斟茶加水，確實係促膝詳談同relax既好地方。

宋代大文豪蘇軾在【老饕賦】中說：蓋聚物之夭美，以養吾之老饕。美味的食物，自然是食家之首選。鴨肉中含豐富鐵質和人體需要的維生素，不飽和脂肪酸比鯖魚類還多，最重要還是味道鮮美。所以，喜歡吃鴨肉的人群，心血管會較健康。今天，兩個老饕就朝著健康的方向覓食，尖沙咀海港城2樓，走到商場最盡頭，經過化妝品區💄--珠寶手飾鐘表區📿💍💎--時裝區👡👚👗🥻--運動品牌區⚽️🥋⛸️🏸……，果然必須健康，走了不少路才能吃到，右邊就是目的地餐廳【羲和雅苑】。餐廳位於海港城最邊上，意味著全海景視野，無論白天夜晚，都是一流景點，餐廳內外都是打卡正位，皆因餐廳的裝點就是一個古色古香的藝術品。【羲和雅苑】四個大字不知是何人手筆，溫潤婉雅，豐滿又誘人的筆畫，帶人進入美食的天堂。🥰🥰馳名烤鴨＆八寶盒👍👍👍👍👍閃亮飽滿的烤鴨在廚師靈巧的刀下，切成一片片整齊排在碟中，分開三個部位，鴨胸皮，鴨胸肉皮，鴨腿肉皮。因為不同位置有不同食法，非常講究。八寶盒上擺放了熱氣騰騰的簿麵餅，用牛油紙每張隔開，避免粘黏一起。配烤鴨的材料有新鮮青瓜，大蔥，洋蔥，山楂條，最最特別有爆炸糖，醬料有海鮮醬，黃色芥末醬，藍莓醬。配料已比其他餐廳豐富多彩，吃法就

今日嚟到呢一間係為海港城嘅烤鴨，地鐵站行過嚟大概都知係需要10分鐘後距離，如果講地理位置嚟講我都覺得係幾方便，而且喺附近行嘅就可以喺附近嘅商場入邊shopping，真係好方便 ，同埋環境嚟講都算唔錯！烤鴨半隻😎，嚟到呢一間餐廳點可以唔試吓佢傳統嘅名菜，就係傳統嘅烤鴨，烤鴨總共可以有三個唔同嘅部位，再配埋熱辣辣正嘅包皮，再加埋唔同嘅餡料再配製一齊食。餐廳嘅店員首先推介我哋就咁加爆炸糖點埋佢嘅脆皮而食，呢一個配搭令到成個口感冇咁油膩，亦都覺得非常特別，令我同朋友都覺得非常有驚喜，從來都冇試過一個配搭，口感上亦都非常特別，真係唔錯。然後就係加埋熱辣辣蒸嘅皮一齊食，本身以為餐廳位於大型嘅商場冇乜特別，點知到我喜出望外，每一件烤鴨都唔會太肥，而且熱辣辣加埋所有配料嚟講非常好食，呢個價錢嚟講亦都唔算太貴，我覺得都算非常合理如果係尖沙咀區嚟講嘅話，鍾意食烤鴨嘅朋友絕對唔可以錯過，呢一個真心好食😎小籠包😎，冇諗過呢一間餐廳嘅小籠包都咁好食，而且鄙薄餡靚再加埋入邊嘅肉質非常有口感，我哋本身都係諗住加少少小食，我諗過佢係呢一個小籠包嘅做法都非常傳統，價錢嚟講真係唔算太貴，鍾意食小籠包都可以試吓呢一個味道！

今日黎到海港城食烤鴨😋今到去嘅感覺係座位好舒服，枱同枱嘅距離好夠而且有室外位置，日頭有風坐出面應該幾有feel😌🥢馳名烤鴨半隻烤鴨分左3個部分上，有鴨皮、鴨胸同腿一上完菜侍應會介紹返幾種食法鴨皮可以沾紅莓醬/爆炸糖食，幾新穎😆比較鍾意個莓醬，可以中和返個油膩感其他部分可以包塊皮食😆最傳統係加青瓜京蔥同烤鴨醬呢度仲提供埋紫洋蔥同山渣條，配呢啲食都幾特別佢啲皮都有10幾塊，絕對夠包哂啲鴨肉😁🥢酸菜魚啲魚肉好滑，魚皮好爽口! 魚皮個種爽彈真係有啲驚艷到我🤪而且一啲骨都無個湯酸辣咸好平衡，就咁飲都唔會太刺激份量都好多，2個人食到好飽😋🥢牛油芝士焗大蝦啲蝦真係好大隻，蝦頭多膏，蝦身爽彈個芝士汁好掛到上蝦身，濃郁得黎又唔會蓋過蝦味2個人食每人2隻岩岩好👍🏻個底仲有啲米餅咁嘅野, 浸左啲芝士汁食好好味總括黎講，侍應服務好好，有細心介紹菜式，時不時會自己幫我地refill啲茶雖然價位算中上，但好岩大時大節同家人黎食😋

週末當然要食餐好！今日難得好天氣，專程揀咗去羲和雅苑，一邊欣賞海景，一邊享用美味嘅中菜。1.藍莓山藥 $88呢味作為開胃小菜真係適合不過。山藥清涼爽甜，配合甜蜜嘅藍莓醬，令食慾大增。2.老北京懶龍 $128個名好得意，係一個好長嘅包，入邊係豬肉餡。服務員好細心咁幫我哋切開，仲提醒我哋入邊嘅油可能會流出嚟要食得小心啲。包嘅外皮滑得黎又軟熟，餡料香而不油膩，係幾有北京風味嘅！3.小籠包 $68小籠包入邊充滿肉汁，豬肉唔會有騷味，讚！4.荷香鮑魚雞粒燜飯 $188飯好香荷葉味，越近荷葉，味愈重，正！鮑魚粒彈牙，雞粒嫩滑，燜飯味道濃淡適中！5.擔擔麵 $98一人份～表現正常。景靚，食物味道好，服務真誠，會再encore!

想食羲和雅苑嘅片皮鴨已經好耐啦，今次終於有機會！呢度最出名就係佢哋嘅配料盒，真係有好多種類啊啊，除咗最基本嘅甜醬蔥同埋青瓜之外，仲有藍莓醬、爆炸糖、芥末醬、山楂條、洋蔥等等店員仲會講埋邊一種配料配邊一部位嘅鴨肉係最好嘅我自己就最鍾意藍莓醬同埋爆炸糖！酸酸甜甜，超級開胃啊蝦多士都唔錯，幾好食呢個豆腐都好好食呀，我好鍾意，超級油蟹肉味，淡淡都好好味，豆腐又滑捋，大家都食到舔舔脷下次去都一定會encore啊！呢個菜都唔錯，煮得幾入味，不過就略為普通黃金炸豆腐皮薄餡嫩滑，必要之選

有專人表演手切扁皮鴨、仲有不同的醬料提供、有鹹有甜、特別係加入爆炸糖的扁皮鴨、口中不停跳躍、增加口中的刺激、另外有鮑魚刺身、新鮮有口感、金箔燕窩、甜蜜蜜、作為補養良品

@xihehk (尖沙咀）.片皮鴨之家🦆唔知大家對中菜卡路里有冇興趣今次來到海港城北京菜主打片皮鴨嘅京式菜餚！今次係過年食套餐 價錢方面就未必太平民但我覺得係值得嘅！！.成個四人套餐 包一隻片皮鴨（升級黑松露）大概要$3000咁我哋睇下有咩食！🥸.1️⃣可以選擇兩款前菜我哋揀咗鮑魚 & 皮蛋兩款都好味 但唔記得影唔好意思！都係一份份嘅！（人頭份量）鮑魚一份 35kcal皮蛋一份 60kcal.2️⃣兩款湯可以選擇 （一人一盅）松茸燉湯 南瓜花膠 都係100kcal左右一份！好飲！.3️⃣黑松露片皮鴨 （一隻）我哋升級咗黑松露（新口味）+$200左右所以多咗黑松露片皮鴨吐司呢道菜餚.呢到最出名就係片皮鴨無論係醬料選擇 定係佢最特別嘅「三食」配搭一切都係有新意又幾好味嘅！😝卡路里係成set加埋！.4️⃣菜色揀二👉松魚👉宮保大蝦球兩者都好入味 調味無得輸雖然都係偏重口味 少少鹹（個人感覺）但好好餸飯！.宮保大蝦球入邊嘅蔥好好味😂🤣雖然有辣椒 但其實唔辣...5️⃣主食揀一我哋揀咗帶子海鮮炒飯可以的！粒粒分明 蟹子唔吝嗇🤓夾埋口感香又舒服.6️⃣甜品揀二👉薑湯湯圓👉芒果布甸.呢個甜品毫不馬虎 好驚喜薑湯雖甜 但好舒服

未食過咁難食嘅片皮鴨，個皮係韌，唔係煙韌，係真係韌，好似咬橡膠😩咁。鴨肉有騷味，一開始時以為只係個別部位，但食咗幾件都係好騷😭其他食物就偏鹹， 小籠包，鹹；和牛炒菇，咸；連個蝦伊麵都係好鹹，老人家要開一壺滾水，當湯麵咁食先至食得入口老人家有血壓高，唔食得咁鹹， 一餐家庭飯局食到罵罵聲🙄🙄🙄唯一好食係嗰皮蛋，但都只係正常水準。景觀就當然無敵啦，我哋由黃昏食到夜晚，維港景真係好靚成晚就係食 維港靚景 同不停飲水。好耐冇試過一餐食到要講粗口埋單每位$600＋絕對係搵蠢。虧本香港嘅飲食業就係俾呢啲所謂高級食肆拖垮彩旦：食完餐飯都仲有嘢可以嬲正當我諗住入openrice打呢篇食評嘅時候，我先至發現佢有77折嘅coupon可以買。因為我地係walk in，完全唔知有呢個優惠，埋單嘅時候亦都冇職員主動同我地講，你話我而家可以有幾嬲其實上個禮拜我先至食完另一間都喺尖沙咀，個食肆名同 羲和雅苑 有幾分相似嘅片皮鴨，人哋平d仲好食好多。總結，我在羲和雅苑被坑了。

餐廳環境唔錯，有户外位，可以邊食邊飽覽維港景色。餐廳小菜出色，烤鴨食法特別，味道不過不失。6個人叫咗佢哋聖誕自選套餐4人餐，1隻烤鴨，2款前菜，4款主菜，1款飯麵，仲有湯、甜品同飲品，碟碟份量好夠，以4人餐黎講都幾多下，食唔哂

今日嚟到尖沙咀海港城，就係特登嚟食呢個馳名北京片皮鴨，好在一早預訂咗片皮鴨呢度嘅片皮鴨，真係唔講得笑，熱辣辣喺你面前一片一片咁切落嚟，貨真價實，配料方面亦都非常多花款，佢稱自己為八寶料，除咗平時食開嗰啲之外，特別嘅係佢仲有爆炸糖，自製芥末醬，山楂條同埋草莓醬。上菜之後，侍應亦都會講解，部份位置適合直接食用，唔需要包住咁食。其實佢主要分咗三碟咁擺，分別係鴨胸肉，鴨腿肉，同埋鴨胸皮，相當之講究羲和小肉餅餅皮香脆，上面有少少造型插着一支醬汁，味道有少少似芋頭炸魚，餡肉紮實，有少少飽肚感金磚豆腐塊皮薄肉嫩，外層脆口，入面嘅豆腐非常之嫩滑，雖然係一道周圍都可以食到嘅小菜，但要整得好食，確實非常考功夫青梅排骨不得不提呢道小菜，酸酸甜甜，非常適合送飯，完全唔乾，醋香嘅酸甜非常開胃，亦都唔會有刺喉感呢度嘅服務亦都值得嘉許，經常主動加茶，同埋碗碟，加埋呢度嘅海景，非常舒適

shopping大出血之後，有商場coupon搵間海景餐廳坐低食埋晚飯先回家。得兩個人，叫半隻片皮鴨，加個豆腐煲。片皮鴨上枱有個盒keep warm，肉質嫩滑，皮都脆，調味料除咗傳統嘅蔥、青瓜、片皮鴨醬，餐廳有提供新食法，調味料入邊有藍莓醬、爆炸糖、芥末、山楂條。山楂條可以解油膩。鍾意試新嘢嘅可以試吓。最令我surprise嘅係豆腐煲，有鹹蛋黃，有蟹籽脆卜卜啦，但係一啲都唔heavy，呢個豆腐煲可以撈幾碗飯。

臨近聖誕節又去尖沙咀睇燈飾喇！睇完唔知食咩好就去海港城搵食，見到呢間主打食片皮鴨嘅中菜館就試吓。坐咗係海邊位置，可以望住無敵海景🏙️而且有間隔，比較有私隱度同雅緻。經理好風趣幾nice🤣今次四個人食就叫咗招牌嘅原隻片皮鴨、大閘蟹同小菜，不過大閘蟹就唔建議叫喇🥲🥲片皮鴨（一隻）睇住師傅係面前即席片肉。鴨肉分開3種部位，既可以食到鴨皮較香、油香較重嘅部位💦亦可以食到鴨肉比例較多、有少許鴨羶嘅香味嘅部位。個皮比較煙韌，包住片皮鴨食，餅皮存在感較重，會略為減淡片皮鴨嘅香味同存在感，可能要薄返啲🤔🤔配料方面有爆炸糖幾得意。大閘蟹見到餐牌sell $18一隻🤑（每位優惠價叫想上限係1隻），咁抵就一於試試佢。蒸籠上碟幾骨緻，size偏細，但蟹膏都幾多。不過我食個隻去到蟹蓋位置有啲苦，搞到我個晚有少少肚痛🤮但係朋友叫其餘幾隻又無苦無肚痛，真係唔好彩，但餐廳嘅品質控制都要改善下。結論都係唔好貪平啦😓😓叫返啲正常價錢正常小菜穩陣啲🫣🫣籠仔花膠櫻花蝦海味蒸飯飯粒香軟粒粒分明👍🏻配料好足，有唔少花膠、蝦乾等，平時少食飯嘅我都忍唔住裝多碗😆青梅一字骨見Openrice係熱門菜式就試吓。外皮薄脆香甜，有啲焦糖感覺，

以前覺得好好食，烤鴨好食，醬料多款式，鴨皮香脆而不膩，鴨肉鮮嫩唔乾，其他菜色亦不錯，尤其係羲和小肉餅，同烤鴨一樣，次次都會叫。今次再幫襯，碟叉燒燶到好似跌咗落爐底咁，羲和小肉餅又燶又乾，鮑魚雞粒荷葉飯淡到好似食白飯咁，成個飯加埋都唔知夠唔夠10粒鮑魚粒加雞粒。烤鴨三碟入面有一碟，係成碟，啲鴨皮連肉啲肉可以乾到風乾臘肉咁，啲皮同醬料一早上好，等隻鴨嚟到嘅時候啲皮已經凍晒，啲爆炸糖溶到好似已經自己爆炸完咁。個甜品薑汁紅棗桃膠，薑汁還薑汁，紅棗還紅棗，桃膠還桃膠，個味道分明到你以為自己分開食緊三樣嘢，一枱野食，有一半個質素都搞唔掂食完想飲啖熱茶，請人幫手換啲熱水，個經理行到埋嚟，對白如下我：唔該可唔可以幫我換啲熱水？經理：然後？然後？我咪要答你，然後就再沒有然後了丫？4個人$3100留港消費咪剩係得到呢啲服務同美食囉☺️然後？冇然後嫁啦☺️改名做然後雅苑啦

同朋友慶生午飯點了$888 既蟹餐個片皮鴨皮完全唔脆只有個油字配鴨食既爆炸糖又溶到痴埋一舊即時向店員反映點員答了一句：係咩。。。？之後完全無跟進到隻大隻蟹送嚟既時候完全無俾食蟹既餐具我哋食緊蟹既途中店員問甜品上埋好唔好我哋已經話食完先上結果都係照攞嚟跟住我哋話唔好上住因為唔想幾薑茶湯丸凍晒到我哋食完叫上甜品既時候(食晒只係因為唔想浪費食物）個湯丸真係唔熱(即係其實攞唔攞返入去都無分別）隻蟹更加連糕都無其餘幾道菜更加淡而無味一定唔會唔再嚟😡😡😡