羲和小館 (已結業)

今日中午經過羲和小館，見到佢地主打北京烤鴨，而我同男朋友都未試過一齊食烤鴨所以就决定試一試睇下好唔好食。午市套餐加$198可以有半隻北京烤鴨。我地嗌左宮保雞丁同埋松露蠔仔煎蛋另加配半隻烤鴨。會有個師傅係你面前即場切隻烤鴨俾你。烤鴨分三個部位上，職員有詳細介紹每個部位同埋適合配搭咩醬。烤鴨嘅表皮尚算脆口，但略嫌唔夠肥美，冇左陣油香味。中間嘅薄餅底部係有蒸氣蒸住keep住薄餅嘅熱度。我最鍾意嘅醬係山楂條，同烤鴨一齊食可以減膩。另外仲有芥末醬、藍梅醬同傳統嘅甜醬。宮保雞丁令我覺得失望，雞丁份量好少，大約得五六粒，大部分都係配菜。而且冇辣味，味道偏甜😫同我想像中嘅味道有好大出入。☠️最後呢個黑松露蠔仔煎不過不失。不過個人覺得蠔仔煎好似原味咁整食番蠔仔嘅鮮味好似惹味啲，呢個黑松露有啲香檳奪主蓋過蠔仔嘅鮮味。食物冇太大驚喜，食完一次唔會再想keep 住幫襯。

同屋企長輩食晚飯 一於揀間近近地嘅中菜👨‍🍳裝修幾grand 🕌宮廷feel 坐得好舒服 有老人家都啱👵🏻👨🏻‍🦳叫咗個四人餐 前菜小炒主菜甜品 加埋都有8/9樣 介紹其中幾款我最鍾意嘅☺️重點介紹冰鎮鮑魚 好大隻 雖然一定係急凍鮑魚 但係煮得軟熟入味 桂花馬蹄 桂花糖味好清香 配清爽嘅馬蹄好開胃 海皇花膠湯 非常足料大大嚿花膠 湯底有少少南瓜 幾濃郁獅子頭 經典傳統滬菜 每人一粒大大粒 配一小碗白飯 稍為有少少油膩感金箔燕窩紫薯燉奶 小小偏甜 勝在都幾多燕窩 燉奶好滑提提大家 甜品要叫佢早少少上 因為我哋食完先叫上都等左好耐

等上菜等咗30分鐘。等其實都唔係好大問題，但係換返嚟嘅 唔係好食嘅野 真係 好嬲嬲豬。30分鐘等隻鴨都講得去，30分鐘 第一個餸⋯⋯金銀蛋蒿苣。 但出奇地淋謝謝，又唔太熱（我個人係鐘意食熱辣辣嘅野，好明顯佢唔係）不過，佢個鴨係幾得意嘅。但又唔及某評分極高嘅出色 所以佢個鴨無吸引我食多次嘅理由，再加上等咁L耐，就更加唔洗去。同埋有少少出奇就係，明明我地坐低咗先，但係隔離枱估計係住客熟客仔，佢地d餸上得快過我地好多好多！！！！

個個都怕行商場，我就偏偏喜歡人少少去行商場，咁就當然要搵飯食！ 兩個人人少少，就試試呢間中菜！首先，喺呢個抗疫時代，午餐時間都有7成滿嘅人客，環境裝修都非常舒適。因為我地只有兩個人，由於我好想試佢既烤鴨，所以叫左一個午餐加半隻烤鴨。烤鴨有3個不同部位上，而鴨胸很脆，加上藍莓醬和爆炸糖，感覺很特別而且減少左鴨皮嘅油膩。絕對可以一試。而服務方面，不過不失，又沒有什麼特別！總括嚟講，菜式幾特別，服務可以再改進！不妨一試！

見到呢一間嘅菜式幾特別於是入去試吓。環境裝修唔錯，菜式的選擇亦很多。相信大部份人呢都係要試吓佢既片皮鴨。之前其實喺大陸已經食過，見佢嘅價錢亦都唔係差太多，合理水平。但後尾先發現大陸係可以包兩食，但呢度只有一食，多一食要額外俾錢。另外雖然價錢和大陸差不太多，但菜式嘅份量都係比較少，適合二人份量。味道唔錯，但不過最大嘅問題係上菜時間很長，食完第一個小食之後，等左45分鐘先上隻片皮鴨，佢地話係新鮮燒所以要這麼久，所以要食呢間野預咗有好大嘅耐性。喺大陸食嘅時候印象中係唔需要等咁耐。如果唔趕時間嘅其實都可以一試。

排了大半個小時，原來沒有烤鴨！Menu 內的上片與實物極不附，相片是烤餅夾肉絲，實物是蒸餅/ 包！因為上菜激慢，而導致食客不滿，穿著西裝的哪位（相信是經理吧！）竟然一路行一路話食客「炸型」，還指示下屬向食客賠不是！食物質素，不要說，等了 30 分鐘只上第一道菜 ----- 桂花馬蹄，法國餐上菜比它還要快！差差差差差差差差差差差差差差差差差差差差差差差差差差差差差差

今日係第二次嚟到呢間餐廳度食嘢根據上次嘅經驗，呢間野會漏單同上菜上得好慢但係今日比多一次機會佢，食set Lunch我哋12:11落單，最初嚟咗個例湯，之後12:38嚟咗兩碗白飯，同埋一個小菜。喺大概12:45左右，佢終於黎個白烚生菜（set包埋），我話：「係我哋架，放低。」但個侍應唔理我，仲話要比啱啱入嚟嗰枱，我當場呆左，另一個侍應話：「轉頭俾你」。 好啦咁我哋一直等，等多大概10分鐘，我見個白烚菜仲未黎，我就再催一催，同一個店員再同我講：「廚房烚緊㗎啦。」咁我又再一路食一路等，等到另一個傳菜嘅人終於喺13:00上個花蜜汁雞翼（我晨早已經食完我碗飯，搞到冇等送飯食）我就同呢個人講：「唔好意思，我地個田園灼時蔬仲未黎」再過多6分鐘，果一碗仔嘅白烚生菜終於嚟到喇～真係食到一肚氣，其實佢啲嘢食味道唔差，但係樓面侍應對自己餐廳嘅餐牌唔熟、同處理漏單嘅情況一啲都唔積極。我冇諗過原本枱枱坐喺度冇耐已經會有嘅前菜，竟然係最尾先黎，仲要足足等左一個鐘，三催四請先嚟。真係我去街市買生菜，洗埋，烚，仲快過佢。呢一餐真係食到我好崩潰，完～！

返工前同班同事食團年飯，去之前無咩期望，因為睇到食評麻麻地但係都幾喜出望外！我地6個人叫左個6人餐，但有16道菜，食唔哂要打包，我諗6人餐可以8-10個女仔食都夠！個冰鎮鮑魚好軟熟同入味，前菜秋葵熱上調味亦好！獅子球配一口飯好有誠意，前菜炸芋頭好好食；鳳爪無骨加個醬有層次！原個椰皇湯足料夠火候；平皮鴨有特色，有幾種唔同食法好新鮮有趣，加埋個燕窩蛋白埋尾好滿足！員工同經理既服務態度都好好！值得一讚！

首先從服務態度講 算係正常 不太差亦非殷勤 不過要叫人時就最少舉2分鐘手先會有服務員見到 從食物方面講 午餐幹炒牛河個人認為係算今日所食中最為之欣賞既 個牛河不太多芽菜第二就係油少 牛河好味然後個烤鴨 有啲新既心思 譬如跳跳糖 但如果加多碟白砂糖就會更加好 烤鴨就性價比講食得過最後就係羲和小肉餅 唯一感受就係粉多過肉+好“薑” 薑味好重 最後補充入門口至食完出門口都冇講過“歡迎”和“再見”

1. 肉冇肉味，菜冇菜味，好似唔識煮飯嘅人煮出嚟，最有味係墊底嘅青瓜。2. 擔擔面，好似湯水，食盒飯套餐送俾你嘅碗仔麵咁細碗無肉又稀麵又稔，未食過咁差咁唔似擔擔面嘅擔擔面。3. 神奇係食食吓飯個侍應走埋嚟話借個餸比佢影張相，我冇話俾佢影，又唔知佢影黎做乜，自己攞個手機嚟影相，你試過食飯遇到呢種事情未？4. 侍應戴着藍色膠手套來上菜，真係好核突好唔衛生，好似洗完碗出嚟順便上菜。5. 價錢唔係平，食物質素和煮功都唔夠水準，呢個價錢出面好多餐廳都好過佢，好似初入行嘅廚師。永不錄用。

今日我銅鑼灣食神又來到東涌，呢間係羲和小館，喺尖沙咀好出名嘅羲和雅苑分店。今日嚟到就試吓佢午餐，嗰度啲午餐異常抵食！每位$100都唔使，仲可以加百幾蚊要半隻片皮鴨！咁抵嘅價錢梗係要試吓啦，我哋就叫咗三個主食！仲嗌多兩個小菜，叫咗半隻片皮鴨！三個煮食都係一個人份量。叫咗個骨都幾好，四季豆方面呢由於有細路仔所以叫咗小辣，如果唔係遷就細路仔叫正常應該好好食！精粹靈魂梗係片皮鴨啦！一路食晒就硬係覺得爭啲野，原來係爭杯紅酒！我即刻醒起，紅酒同片皮鴨係最相襯，仲知道佢有一隻澳洲得獎嘅紅酒幾好飲！下次一定要試吓。行過一定要試！全單五個人，埋單六百幾蚊，仲有專人響你面前切鴨！正！

同尖沙咀既羲和雅苑一樣，唔好食。烤鴨皮厚又靭，好快就涷左第一啖包黎食以為自己係度食羊，羶到不得了另外點左一個芝士肉丸都有很大既驚喜！唔熟既！叫左經理，他都承認係唔熟。叫廚房再整，攞上枱，一食，又係唔熟！粉紅色的肉醬實在太嚇人啦

之前聽行山朋友講，東涌開左一間北京菜。聽朋友比分都幾高！今日同屋企人行完山 終於都有機會泥試下係米真係甘高評分首先講一講 係門口真係無人招呼甘之後叫佢一聲 先有反應甘跟住行入去。。。一坐底，我同屋企人就點了一隻羲和馳名既烤鴨，然後再點了一個4人套餐初聽聞過50分鐘烤鴨 大約30分鐘就到，時間想像中不錯👍🏻因為都幾肚餓 佢分三個部位 有鴨胸皮 鴨胸肉 同鴨腿肉質素都幾好對比北就分店 ，鴨皮同鴨胸 配搭上爆炸糖感覺幾新鮮 加上外觀都幾吸引，個鴨腿肉都幾多肉唔算油 再配八寶盒裏面青瓜山楂條等 口感都幾好 唔會話食完太過口乾，而其他食物都幾滿意價錢都合理還有東涌住户都有個9折優惠 不過，服務態度方面真係非常差 ，坐底可能因為無咩客 所以無人幫你落單然後有個應該女經理 一路行一路講粗口甘同好似好趕你走甘 未食完已經拎走，然後我媽出聲先 哦一聲話唔知又走左去整體都不錯 環境同食物都幾滿意唯一 服務同價錢 真係扣分

欣賞佢有午市套餐比客人多個選擇(但一至五同六日假期係會有唔同價錢), 仲可以以優惠價換購烤鴨, 但食中左個份量過分地少既餐, 感到中伏😂普遍食物味道很一般😐•••🍴ᴍᴀɪɴ·羲和馳名烤鴨半隻 (午市套餐+$198)﹟呢個signature烤鴨做得幾唔錯🤨有專人係旁邊即場片隻鴨, 食用前都會有人講解下食法同食既次序, 而佢d醬比較特別既有個廚師特製既黃芥末醬, 比一般既偏突出甜酸味, 另外仲有山楂條, 洋蔥同埋青瓜條等等既配料, 配番個烤鴨食落感覺唔會太油膩, 特別既仲有就係配料其中一款有爆炸糖💥staff形容咁就係識跳舞既鴨係你口腔內😂😂總括黎講佢個皮真係烤得好脆而且皮下脂肪都幾入口即溶, 食落都唔會太濟👍🍴ᴍᴀɪɴ·乾燒伊麵 (配汽水) $78🍴ᴍᴀɪɴ·櫻花蝦海皇炒飯 (配汽水) $78﹟個伊麵同炒飯都係比較正常發揮既午市主食, 味道普普通通🤨🤨份量都叫做適中🍴ᴍᴀɪɴ·宮保雞丁 (配湯+飯+菜) $88 ﹟都係比較普通既小菜, 唔係好食到有辣味, 而且佢係用花生一齊炒, 感覺怪怪的😂 個人認為用腰果黎炒好似正常d?!🤔雞肉都算係嫩既😅🍴ᴍᴀɪɴ·梅菜干煸四季豆 (配湯+飯+菜)

食到冇咩好食，今日去試下呢間一直冇認真睇佢個名，以為叫義和小館，原來係羲和小館🙂假期都有午餐，食完先知有原因😓叫左午餐2個，蚝仔肉碎粥& 鮮蝦伊麵 加$198 半隻北京燒鴨，隻鴨好快就上到...然後啲肉&皮得好少😓配料就好多😂 啲鴨皮係好脆但好油好蘇...食完個胃品舒服🤦🏼‍♀️ ；蚝仔粥1人份量少得驚人，半碗飯都唔個有冇，$78好呃錢；伊麵份量正常少少，但好鹹唔好味🤦🏼‍♀️，午餐有附送鴨湯or可樂（只有可樂），唔想飲鴨湯，揀左可樂，雖然冇諗住堂飲...最後都冇上2罐可樂，埋單問佢先比返，唔怪得冇人等位，中伏了！backlist!