美鮮豆漿 (已結業)

天后老店，間舖十幾年了，依間d魚蛋燒賣同馬拉糕好好味，薏米水同豆漿都好好飲!! 睇得出老闆好用心經營，佢有好多唔同種類嘅糕點同健康飲品而且價錢亦好公道，下次會再試下其他野

最近某某老牌腐竹店推出腐竹雪糕，大家心郁郁話想試，的確，腐竹入口濃而不膩嘅味道啱晒健康香港人新品未嚐，不能報告，但近年每當我想飲腐竹薏米一定搭 ”叮叮” 嚟到位於天后維園側嘅美鮮豆漿，街角小舖，其貌不揚。夫妻經營，店小無空調無立食，主力外賣一系列自家煲製糖水同健康飲品欣賞佢哋大部份都分有糖或無糖俾顧客選擇。我最欣賞，要數腐竹薏米水/糖水佢賣嘅腐竹薏米係樽裝上，你會清晣見到上層奶白嘅薏米水，下層係沈澱嘅薏米，由於腐竹煲得溶化，飲時好綿滑，加上薏米夠煙韌，(好鬼憎有d糖水薏米都末煲透，硬個石頭) 味道清潤解渴。有甜定無甜可隨自己喜好選擇，建議想清揀無糖，免被甜掩蓋荳香。想潤揀有糖，但其實佢哋煲所謂有糖嘅產品都徧向少甜，試過你會知同出面涼茶鋪及糖水店分別。結論：有誠意嘅小店喺香港越來越難經營，喺今次我外賣之後曾經同老闆講：我會寫遍食評上網推介一下。兩夫妻話：有心，唔駛喇，小生意都係服務下d街坊。其實呢間鋪我每星期最少幫襯3次，幫襯理由唔係出於扶坐弱細小店，而係真心欣賞佢哋產品。

每次見到呢啲小店都會幫襯店主比我嘅感覺很友善，會細心又詳細咁解答客人嘅疑問人情味甚濃鋪面大大個手寫餐牌在招牌下面，清楚有序門口都有個架放左幾支涼茶做生招牌。而我就係比呢幾支生招牌吸引左埋去呀叔話呢度淨係賣低糖同無糖，太甜無益，少甜就健康啲!低糖薏米水，16蚊支，42蚊3支。味道清香，淡淡薏米味不會漏喉而薏米粒粒都煲到冧哂，食埋落肚都唔會un胃一定比連鎖店加添加劑同巨多糖嘅唔健康飲品來得更天然健康

以前來到天后上學，都好喜歡光顧這些小食店，因為賣的食物都是比較大眾平民化，價錢又抵，而且食得健康。在現今的香港，商場的店舖都要挨貴價的租金，賣的貨品都會比較昂貴，在街道上，自家小本經營的小店真是越來越少，《美鮮豆漿》的小食店除了賣豆漿之外，涼茶、薏米水、魚蛋、燒賣等等都有供應。最吸引我來光顧的~就是自家製的薏米水。薏米水都可以選擇少甜、無糖、熱飲、凍飲都可以，最適合關注健康人士，薏米水更可以有去濕、健脾益胃的功效。不但如此，此店的薏米水仲係自家煲，起碼超過十幾款的選擇，例如有原味薏米、粟米薏米、杞子薏米、紅棗薏米、冬瓜薏米等…都可以因個人喜好，今天我選擇了暖的粟米薏米水(無糖)一支，再轉套餐要多個鹹粢飯。飲粟米薏米水前，先搖晃下再飲，薏米都好夠腍身，入口順滑又咬感，加上粟米的自然甜味，感覺都好清甜解渴。鹹粢飯的糯米飯都壓得夠實，內餡都好豐富有油條、肉鬆及炸菜，不會整得太鹹，少鹹的粢飯真是好食又飽肚，煙韌的糯米飯都好香軟，真是不錯。

呢度啲飲品都係好有益。兩公婆自己煲好新鮮。飲品有分無糖小糖。腐竹薏米，冬瓜薏米，赤小豆薏米，山楂水，24 味，下枯燥，菊花茶，雞骨草。無論大人小朋友都好啱飲。這類小店買少見少，作為香港人真係要支持下。其他小食亦可一試。

往臨記吃雞蛋仔時，見這裡有許多特色健康無加糖的飲品，於是買了一支解渴。南瓜薏米($6)：顏色是淡橙色，看上去對辦。不過喝起來，雖然喝到南瓜的肉，但味道十分淡，沒南瓜的香甜味。薏米算多，很夠焾。因為他們是沒加糖的，所以我猜所有飲品的味道都會比較淡。味道欠奉，但買來消暑解渴還算可以的。買的時候，只剩下大支，老闆特意幫我整成細支裝，他們很友善又很好人呢！

行過這家小小的豆漿店, 雖在熱鬧的電氣道上, 但就隱身在在眾多的店之間, 很易走漏眼。純粹想買樽豆漿飲, $6 一樽 (細), 標榜新鮮製造, 有甜有唔甜, 熱辣入樽, 到手還是暖的。豆味不算強勁但勝在蛋白質豐富, 可以養顏。它還有各式涼茶如廿四、味夏枯草等賣, 有太太來買了幾樽給小朋友喝, 說好過飲汽水。不用那麼健康的, 可以買點糖水、小食、糯米糍等, 連包裝罐裝飲品都有的。店主 (應是夫婦?) 幾有禮, 偶爾行經可以來加加油。