影片
港铁天后站 A2 出口, 步行约3分钟
继续阅读
营业时间
星期一至六
08:00 - 23:00
星期日
12:00 - 19:00
公众假期
12:00 - 19:00
以上资料只供参考，请与餐厅确认详情
天后老店，间舖十几年了，依间d鱼蛋烧卖同马拉糕好好味，薏米水同豆浆都好好饮!! 睇得出老板好用心经营，佢有好多唔同种类嘅糕点同健康饮品而且价钱亦好公道，下次会再试下其他野
继续阅读
最近某某老牌腐竹店推出腐竹雪糕，大家心郁郁话想试，的确，腐竹入口浓而不腻嘅味道啱晒健康香港人新品未尝，不能报告，但近年每当我想饮腐竹薏米一定搭 ”叮叮” 嚟到位于天后维园侧嘅美鲜豆浆，街角小舖，其貌不扬。夫妻经营，店小无空调无立食，主力外卖一系列自家煲制糖水同健康饮品欣赏佢哋大部份都分有糖或无糖俾顾客选择。我最欣赏，要数腐竹薏米水/糖水佢卖嘅腐竹薏米系樽装上，你会清晣见到上层奶白嘅薏米水，下层系沈淀嘅薏米，由于腐竹煲得溶化，饮时好绵滑，加上薏米够烟韧，(好鬼憎有d糖水薏米都末煲透，硬个石头) 味道清润解渴。有甜定无甜可随自己喜好选择，建议想清拣无糖，免被甜掩盖荳香。想润拣有糖，但其实佢哋煲所谓有糖嘅产品都徧向少甜，试过你会知同出面凉茶铺及糖水店分别。结论：有诚意嘅小店喺香港越来越难经营，喺今次我外卖之后曾经同老板讲：我会写遍食评上网推介一下。两夫妻话：有心，唔驶喇，小生意都系服务下d街坊。其实呢间铺我每星期最少帮衬3次，帮衬理由唔系出于扶坐弱细小店，而系真心欣赏佢哋产品。
继续阅读
每次见到呢啲小店都会帮衬店主比我嘅感觉很友善，会细心又详细咁解答客人嘅疑问人情味甚浓铺面大大个手写餐牌在招牌下面，清楚有序门口都有个架放左几支凉茶做生招牌。而我就系比呢几支生招牌吸引左埋去呀叔话呢度净系卖低糖同无糖，太甜无益，少甜就健康啲!低糖薏米水，16蚊支，42蚊3支。味道清香，淡淡薏米味不会漏喉而薏米粒粒都煲到冧哂，食埋落肚都唔会un胃一定比连锁店加添加剂同巨多糖嘅唔健康饮品来得更天然健康
继续阅读
以前来到天后上学，都好喜欢光顾这些小食店，因为卖的食物都是比较大众平民化，价钱又抵，而且食得健康。在现今的香港，商场的店舖都要挨贵价的租金，卖的货品都会比较昂贵，在街道上，自家小本经营的小店真是越来越少，《美鲜豆浆》的小食店除了卖豆浆之外，凉茶、薏米水、鱼蛋、烧卖等等都有供应。最吸引我来光顾的~就是自家制的薏米水。薏米水都可以选择少甜、无糖、热饮、冻饮都可以，最适合关注健康人士，薏米水更可以有去湿、健脾益胃的功效。不但如此，此店的薏米水仲系自家煲，起码超过十几款的选择，例如有原味薏米、粟米薏米、杞子薏米、红枣薏米、冬瓜薏米等…都可以因个人喜好，今天我选择了暖的粟米薏米水(无糖)一支，再转套餐要多个咸粢饭。饮粟米薏米水前，先摇晃下再饮，薏米都好够腍身，入口顺滑又咬感，加上粟米的自然甜味，感觉都好清甜解渴。咸粢饭的糯米饭都压得够实，内馅都好丰富有油条、肉松及炸菜，不会整得太咸，少咸的粢饭真是好食又饱肚，烟韧的糯米饭都好香软，真是不错。
继续阅读
呢度啲饮品都系好有益。两公婆自己煲好新鲜。饮品有分无糖小糖。腐竹薏米，冬瓜薏米，赤小豆薏米，山楂水，24 味，下枯燥，菊花茶，鸡骨草。无论大人小朋友都好啱饮。这类小店买少见少，作为香港人真系要支持下。其他小食亦可一试。
继续阅读