美都餐室

营业中

休息中

介紹睇得多，點都要親自上去試下。去既時候係星期六下午，廟街未開始多人，去到亦唔難搵位。大熱天時梗係揀樓上有冷氣，上到去唔知係因為唔多人定真係有人打掃，環境好企理，台面亦好乾淨，比想像中好好多。叫左個焗豬扒飯同沙嗲鮮魷炒麵，豬扒飯份量唔算好大，豬扒唔肥，亦冇厚厚既一層麵粉，值得一贊。炒麵份量大好多，一人食未必食得晒，鮮魷好爽，麵亦好脆，不過沙嗲汁略嫌唔夠多。整體來講呢度同普通茶記好唔同，味道偏淡，亦較著重用料，比較適合女性客人。如果你要抵食夾大件，咁呢度就唔岩你喇。

星期日下午4點到...點解去一次夠....價錢貴,味道麻麻,無&差服務...好似想唔做我地生意咁..睇小人咁..茶餐廳平得來都好食D,只係食環境,去一次就夠啦...有兩層,樓上有冷氣,樓下熱鬼死...樓上陪收銀機..好懷舊...熱奶茶用乳牛杯&碟(黑白奶牌子)有D舊...A朋友話:唔好飲,無味,一定無用黑白奶..紅豆冰係膠杯,仲係舊到破爛破裂...B朋友話:真係咩野都係舊同爛..叫左焗豬扒飯&火腿蛋庵列&朱潤面&奶油多...無咩特別...

昨日終於有機會一試, 食了一個焗豬排飯, 一個味菜牛柳絲炒麵, 紅豆冰及涷咖啡.焗豬排飯 - 炒飯不香口, 咖汁好差, 豬排尚可, 不過得一件, 要成$48, 大家樂好食過佢十倍.味菜牛柳絲炒麵 - 味菜冇咪, d牛柳好霖, 但冇肉味, 炒算中上之作.紅豆冰 - 一味多涷, 好一般, 只比連鎖快餐好少少.涷咖啡 - 好差, 少奶又淡, 真係好差!!

第一次嚟, 外型懷舊, 有大弧形窗, 入面都保留咗舊地磚和牆身. 樓上坐位有冷氣, 午市嚟到, 客人好多, 好好彩可以坐到窗邊, 望到一片榕樹景.食物都幾貴. 款式好多, 碟頭飯, 炒嘢都有, 大部份都要四五十蚊, 仲要唔係餐唔包餐飲. 叫咗嗰馳名焗排骨飯$48加杯凍奶茶$14.排骨飯份量唔多, 感覺唔係咁抵食. 蛋絲炒飯底, 幾香, 再加咗啲茄汁... 排骨係炸過, 有少少似咕嚕肉, 味道唔錯的.奶茶都幾滑, 但茶味差咗少少, 變咗偏甜, 奶味太多.或者下次選擇嚟食下午茶, 食多士, 紅荳冰, 感覺會對板一點.

同 2 號去到油麻地百老匯睇 "wall-e"，去咁遠係因為要睇英文版，去到呢o度，梗係要試o下附近呢間老店 la~~~ 由於睇戲食o左薯片同朱古力... 所以只叫o左杯紅荳冰同份西多..."蓮子紅荳冰": 蓮子、紅荳、椰汁同冰 gei 分量o岩o岩好，蓮子同紅荳好淋，好好食~~~ 再飲啖冰涼 gei 椰汁，令人回味... "西多士": 即製西多士，搽 d 牛油、點 d 糖，已經好好食~~~ 當然，我都係鍾意有花生醬 gei 多 d... hee~店內仍然保留舊式裝潢，o係度食o野有另一番風味，同 2 號仲影o左 d 黑白相 tim~~~ hee~~~

同女友係電影中心睇完mummy3...過左泥e到食野...食物:焗排骨飯叉燒撈麵紅豆冰焗排骨飯:一上到真係幾香, 炒飯的香, 仲有少少番茄汁香, 食入口時炒飯真的不錯, 好干身, 加上番茄汁真係好正, 但係排骨如果一放得耐, 個脆皮就會唔脆...叉燒撈麵:普普通通咁, 叉燒都好瘦, 但係咸左小小...紅豆冰:味道真的不錯, 但係真係多左小小冰...服務:坐低都唔夠三分鐘呀姐就行過泥問食咩...想坐多坐都唔俾...=_="不過o的舊式餐廳都唔會估佢有幾好服務...個呀姐冇咩笑容...兩年前同老豆泥過...野食同兩年前比...好似冇咁好食...但係如果係真係想懷舊一下...一定係一個唔錯的地方...好一個老香港...香港人真係要去下...

吃過澳洲隻牛..早想定了要走Part II~皆因那裡的紅豆冰並不吸~結果左逛右逛盲鍾鍾就來到了經常搭車經過只能遠望的美都餐室電視中就常見了~但還真的是第一次來啊~好懷舊的感覺來得這裡都恨坐轉角窗口位~就得到樓上雅座~好彩今日著褲...還有最後一張窗口卡位..so good~~~餐室用上綠色做主調..總覺得是''舊''的代表...因為已經吃過正餐東西~就點了西多和紅豆蓮子冰分吃~~大多數東東都係由樓下廚房製好後搭 Lift上黎的~haha~西多已下牛油與糖漿~炸得金黃~~賣相不錯但小比不大喜歡沒有餡料的西多~~這塊就是了...而且糖漿份量不多...一般般蓮子紅豆冰就好像分佈得頗平均了吧~也是用上黑白淡奶~紅豆同蓮子份量都好多~但冰是大粒裝的~蓮子雖然不是十分鬆化但有嚼頭~紅豆保持到粒粒狀而不糊口小比都幾愛這杯駌鴦冰~~或許這店已變成做遊客生意..價錢都真係貴得有d過份~蠔油生菜也要四十塊~還搞笑地比炒菜貴的~這兒的奄列比嘉樂的貴~不過我諗一定無個度咁大份..haha除了祥利~這裡也有舊式的收銀機~不過只是擺設~真可惜樓下也真的清靜多~哈哈~但當然來到還是想坐樓上的~~不過這兒價錢始終與食

十常八九, 成了名後, 水準下降, 昨晚重臨, 已事隔三年, 不只價錢貴了, 材料更少一截, 以為味道保持, 唯入口才知差矣, 點名招牌焗排骨飯, 做法為排骨沾粉炸至金黃, 再與飯入焗爐, 當晚侍應送到, 已發現與前不同, 外層炸粉太濕, 未焗至表層乾身, 沒有上次入口外脆內甦軟感覺, 也可能因為醬汁太多, 又或因焗製時間太短, 飯雖己炒底, 但仍太綿太軟, 取價四十八, 物低於所值, 另外落單一杯凍奶茶走甜, 送到時冰已全溶, 味淡而不暖不冷, 估必只以熱茶加冰, 又十四個大洋, 嘩! 老闆, 並非套餐飲品, 如此素質, 貴店的優良傳統失了蹤? 敬請從促尋回!

傳統悠久歷史，有返咁上下經驗才是好野，薑果然係愈老愈辣！無可否認！！人地話想回味澳門之旅，所以一意孤行咁…竟然係度叫葡國雞飯…招牌野就唔嗌，次次都係咁，好，由你！朱~！葡國雞飯：ok喎…無話再講菠蘿雞絲炒麵：係阿姐姐侍應介紹的，這是粉麵類較多人選擇既…果然真係唔錯喎，又夠鍋氣！味道略濃，咸左dd

好耐無嚟啦, 自從轉工後, 差不多成年都無過, 好掛住佢的"焗排骨飯", 我同老友講, 嚟到千企唔好叫焗豬扒飯, 一定要叫焗排骨飯, 焗豬扒飯去大家樂啦, 焗排骨飯唔係度度食到呀, 佢地排骨焗到表面脆, 內裡肉質軟, 非常好味, 加上炒飯底夠干身, 唔似出面的連所店, 比的"焗汁"攪到淋謝謝, 其他食物就唔使試啦, 與一般茶餐廳無異, 分分鐘衰過呀,

在美都餐室幫襯是我頭一次，對這兒的印象不多，每次路過都是因為要去看電影。這次又是在看電影前找東西醫醫肚，時間又不太晚，便來美都吃個簡餐的。上了閣樓，有空調，硬是覺得和餐室陳設格格不入，而餐室內的大風扉更已淪為裝飾品？不過室內環境還是很有風味的，往外看去，還看到美都餐室的大招牌。點了紅豆冰、餐蛋三文治烘底、奶醬多和菠蘿油，都不算抵吃，但依然吃得開心，全因是環境加分。紅豆冰幾好，飲管夠粗，煮到頗爛的紅豆都能輕鬆吸入嘴內。餐蛋治和奶醬多都是那味道，況且本身就難有特別出色之處吧？菠蘿油的菠菜包實在太硬，叮熱後也沒救，不提也罷。來這兒是食環境，這說法倒沒錯。

由於二人組其中一員唔太肚餓所以嗌左唔多野食有西多士凍檸茶x2焗排骨飯西多士ok唔太甜不過可能因為個人喜歡食入面有花生醬0個d所以食落好似差咁d野...凍檸茶好一般...本人其實好中意飲凍檸茶所以對其要求都幾高但呢間真係整得唔合格主菜焗排骨飯講真...我覺得大家樂都整得好味過佢...個汁唔夠惹味最失望係唔係用鋁兜焗!問個伙記佢話要special request先係用鋁兜焗如果唔係只會係"添"出黎(咁咪即係只係"不"出黎俾你食囉...)真係好失望........

先唔講d野好唔好食, 今時今日仲有咁差既服務, 簡直令香港蒙羞作為東道主, 今次帶左一大班來自不同國家的外國學生去左美都, 想俾佢地感受下我地香港地道冰室究竟係點.由於有部份人係唔食豬的, 叫菜時亦相當小心. 叫左蟹肉炒蛋, 點知上菜時看清楚, 原來加左火腿, 追問老闆時他竟話"送火腿俾你仲想點呀"......服務態度極差, 因為要就各老外的口味, 叫菜用多左少少時間, 竟然老闆同伙記一齊話"乜呢枱人咁麻煩呀"......食到一半又比waiter 收哂d 碗碟, 好似想唔做我地生意咁. 至於食物方面 , 味道一般, 價錢亦比一般冰室昂貴, 而且等侯時間長, 等一個小菜要等40分鐘. 埋單$700+, 換來一肚氣, 值得值得

油麻地的美都，這間在廟街五十年的老店，我會覺得是有點言過其實。可能我是在午飯時候光顧，點的不是它所馳名的下午茶點：西多士和蓮子紅豆冰，所以質素沒有想像中的獨步天下。我點的是時菜豬雜飯，時菜是白菜仔，較少餐廳會肯用心來用較嫩口、較多沙難處理、及較貴的白菜仔來作時菜，確值一讚。但豬雜只有一小件豬腰，兩塊豬膶，兩三塊豬肚，數小條的豬心，味道非出眾，很多茶餐廳也能煮出並駕齊驅的質素。而且飯質不好，過冧，餸料和餸汁又不足以撈好一碟飯。環境舒適有濃厚懷舊氣氛，服務態度普通，不過不失，但店中食物實在普遍過貴，火腿奄列竟要四十元，質素既非特別出眾，絕非抵食之選。

睇完戲, 本來打算由elements行出佐敦搵食, 點知不太識路的二人竟然行下行下行到出渡船街 既然都到油麻地, 沒理由要走回頭路呢~對油麻地認識不太深, 除了廟街附近以外根本想不起可以在哪裡搵食, 這個時候他竟然提起去美都, 一口贊成了這裡食評好壞參半, 說有懷舊的味道嗎? 老實說二人年紀都不太大, 除了吊扇令我們想起小學課室, 其實不太懂得評價~不過說回食物, 我們都應認為不錯呢~ 例牌的叫了 焗排骨飯 和 咖哩牛腩飯, 加凍飲2杯 焗排骨飯沒有拍照, 不過賣相跟下面的食評差不多, 飯入口乾身, 而且有少許飯焦, 令人討好... 排骨份量適中, 炸後似生炒排骨, 夾著少少肥肉... 不錯之選 咖哩牛腩飯咖哩果然有板有眼, 不是有色冇味的行貨呢... 辣度我覺得尚可, 不過他就流汗~牛腩很淋, 連用匙都可以分得開~ 也頗入味如果要評論食物是否真的很懷舊, 我認為自己未夠資格.. 不過我的確覺得這裡的食物質素挺高, 至少簡單的一個焗排骨飯也非每個地方都做到這樣的水平p.s. 要改善的飲品, 真的勁甜!! 懷疑自己叫了多甜呢~