美滋鍋 (家樂坊)

营业中

休息中

母親大人食素又想打邊爐，我想食肉又想打邊爐，上網搵到美滋鍋有素湯底，因為係逐碟計唔係放題，所以想食咩可以各自叫👍👍鴛鴦鍋：長生松茸野菌湯 + 維他命C蕃茄粟米湯，松茸野菌湯勁有菇菌味，唔係－陣up味嗰隻，真係煲出野菌香，讚👍。蕃茄湯係蕃茄濃湯，如果食蔬菜類比較啱，食肉嫌有啲蓋過肉味。另外上壼素湯自行加湯，呢個位都非細心方便素食者。呢度環境舒適衞生，全店粉紅色系，啱晒同女仔嚟慢慢傾慢慢食，下次一於試椰子雞湯😋

《優質滋補美容鍋🤍》———————————————-#美滋鍋 💕-天氣終於轉冷，最啱就係打返個邊爐，呢間位於旺角嘅新加坡過江龍人氣火鍋，超級夢幻，行粉紅主題，令人少女心爆發💗餐廳內更設有室内兒童遊樂場，啱哂一家大小🏠-湯底好多款式，所以我哋就鴛鴦鍋食多款，今次揀左招牌膠原蛋白養顏美容鍋同養生藥膳醉雞鍋🐓 特別中意個美容鍋，經過幾個鐘嘅熬煮，呈奶白色🤍 裡面好足料，有豆腐、杞子、紅棗、鮮菇等等，湯頭鮮甜，火鍋前我哋都飲咗幾碗😚 醉雞鍋就比較濃郁，帶微微酒香，好多雞件幾抵食～-🥩 特色肉拼盤唔想諗就直接嗌咗拼盤，有齊安格斯牛小排、安格斯封門柳、西班牙豬肩、田野鄉村嫩豬肉同澳洲羊肉卷😊 牛小排同封門柳牛味香濃，帶點嚼勁，豬肉肉質嫩滑，肥瘦適中，羊肉口味較重，都幾正😙-大家可以喺出面嘅自助區自行調製出醬汁，亦有提供涼拌前菜，例如青瓜、木耳、醃蘿蔔同花生等等，食飽飽仲可以拎啲生果食下，非常豐富🍉-我哋嗌咗杯竹蔗茅根，加多幾蚊無限量添加任飲，好抵飲😉 最後仲有個甜品，味精清爽解油膩🧡-⭐價錢參考：（另收醬料費用及加一）膠原蛋白養顏美容鍋：$128養生藥膳醉雞鍋：$98特色肉拼盤：$228芝士墨魚丸

係家樂坊的養生火鍋🍲有多款湯底揀餐廳環境非常pinkupinku野食大部份可以揀全份/半份少人黎都可以試到唔同野食啦~🍲 四季鍋🌺🏖🍂⛄️๑ 膠原蛋白養顏美容鍋🧏🏻‍♀️ • $68๑ 養生藥膳醉雞鍋🐓 • $58๑ 清涼解熱雪耳鮮椰子鍋🥥 • $58๑ 滋補藥膳香辣鍋🌶 • $48貪心鬼想試四個湯底🤪另可選單鍋/鴛鴦鍋必試餐廳招牌膠原蛋白養顏美容鍋( ˙༥˙ )奶白色的美容鍋好濃郁藥膳醉雞藥材味香濃 內有雞件椰子鍋清清地 淡淡椰子香 有雪耳同鮮椰子片๑ 特色肉拼盤🥩 • $228安格斯牛小排安格斯封門柳西班牙豬肩田野鄉村嫩豬肉澳洲羊肉卷想每款肉都試下可以trytry依個肉拼盤有齊牛🐮豬🐖羊🐑五款之中最推 牛小排 牛味比封門柳濃 有少少嚼勁 嫩豬肉比起豬肩會多點脂肪羊肉羶味頗重๑ 竹簽蝦🦐 • $69๑ 芝士蝦丸🧀 • $49๑台灣新鮮鴨血🦆 • $29全部揀咗半份份量二人黎食啱啱好🤓芝士蝦丸幾彈牙 一咬開有流心芝士๑ 馬鈴薯片🥔 • $14๑ 娃娃菜🥬 • $28唔少得嘅蔬菜 個人最愛配上養顏美容鍋 好入味😛 ๑ 竹蓆茅根🎋 & 紫貝天葵洛神花

養生藥膳醉雞鍋呢個湯底好岩帶媽媽嚟食，老人家好滿意，打邊爐前飲一碗都好正，比起醉雞味，藥材味更出，雞件亦都好入味，肉質又滑，滾一陣，就好食哂啲雞啦。如果唔係就越滾越老！因為得兩個人，就叫唔到太多野食，叫咗魚皮餃、墨魚滑、毛肚、黑豚五花肉、西班牙黑豚香肩、萵筍片。個人諗為必叫嘅係花甲，好新鮮，無沙，一打開就即食，粒粒都脹卜卜，鮮甜又多汁！另外墨魚滑都好好食，彈牙又有墨魚粒，口感好好！醬料好多選擇，牆上亦有建議可以點樣調醬，可以有多啲變化！而且星期一原來有特飲同蔬菜盤送！

💡充滿少女心嘅火鍋一間來自新加坡嘅人氣火鍋店，主打滋補養顏嘅湯底，養生一流。另外，全間店舖都用上粉紅色嘅裝修，少女心爆棚，所以剛開店嘅時候，唔少人都特意去打卡。🍽️湯底餐廳又唔同嘅養生湯底選擇，例如：養生藥膳醉雞鍋、抗癌松茸野菌鍋、清涼解熱雪耳鮮椰子鍋等。今次我哋揀咗膠原蛋白養顏美容鍋，湯底呈奶白色，有豆腐、杞子、紅棗等，超過8小時嘅熬煮，濃稠、鮮甜，小編飲咗三碗先開始打邊爐。🍽️火鍋配料餐廳有唔少嘅肉類、蔬菜、海鮮、丸類等選擇，大多可以幫自己需要全份或半份叫。特別推介西班牙黑豚香肩，唔肥，重肉味。🍽️自助區自助區除左有唔少嘅醬料自行調配之外，仲有小食、熟食、生果任食，例如：花生、手拍青瓜、木耳等。生果有哈密瓜、火龍果、橙同西瓜，非常豐富。🍽️飲品、甜品嘢飲有竹蔗茅根、紫貝天葵洛神花茶、熱嘅水果茶，可以選擇叫一杯，或者加多幾蚊無限量添加任飲，咁梗係叫任飲唔使就住就住飲！

7點鐘黎到餐廳 未有太多客 去到座位枱 點知比我朋友見到有隻曱甴係個爐上面行🤮即時嗌左出黎 職員話調枱比我地真係未食已經嚇親 感覺勁差 勁污糟調左第二張枱 唯有當冇事發生🤦🏻‍♀️餐廳叫野食係用電腦自助落單叫左一鍋2湯 一個係藥膳醉雞 呢個湯底完全係冇藥膳同雞味 👎🏻👎🏻👎🏻👎🏻👎🏻剩係得雞肉同藥膳 淡而無味 🤮一個係養顏美容湯湯底完全似史雲生既味精湯+出面飲宴既翅湯 叫左個牛肉特色肉拼盤賣係係好令好吸引 有乾冰出煙效果可惜牛係完全冇牛味 仲要每一塊係勁薄另一樣係餃子綜合盤 完全唔好食D餃子皮勁厚 肉質”梅” 擺爐未夠一陣已經散哂其他響玲同魚皮都完全唔脆👎🏻👎🏻👎🏻👎🏻👎🏻差到我完全唔想食😞整體來講係成間野純粹係比人打卡 唔係講求食物質素🤦🏻‍♀️

旺角一直都係年輕人出街既主要地方，所以有好多好野食，消費又會理。今次去家樂坊打邊爐，間野叫美滋鍋，個名都比人感覺女人化啲。去到餐廳門口，有一隻好大隻粉紅色色啤啤熊可以打卡，入面座位全粉紅色，好適合有少女心既朋友黎，眼望真係比較多食客係女性。今次叫左個藥膳雞湯底，比較補氣，適合宜家個月份食用。佢落單用iPad 非常方便，而且每樣食物都可以叫半份，好貼心，因為有時自己想食，朋友又唔一定想食，叫半份食少少就解決晒個問題。

之前見過人喺度打卡 覺得呢度好靚 全部都係粉紅色佈置 所以一於嚟試吓 唔知好唔好食呢😚👅美國安格斯牛小排（半份）$139呢個超級推介大家一試‼️佢嘅性價比幾高 油脂分布平均 食落牛肉好嫩 又食到牛肉味 正🤤👅美國牛板腱（半份）$74呢個牛肉食落有少少咬口 不過係冇筋嘅 都唔錯🥰👅芝士墨魚丸（半份）$49👅芝士蝦丸（半份）$49佢哋食落好彈牙 中間仲有流心嘅芝士😍好食👅珍寶鮮蝦水餃（半份）$49水餃都好夠大粒 皮唔會過厚 鮮蝦餡都好飽滿 幾好味😋👅椒鹽九肚魚 $58九肚魚調味十足 好夠辣😆幾惹味湯底雙拼👅維他命C蕃茄玉米鍋 $58呢個湯底幾推薦 蕃茄味夠濃郁 甜甜地唔會好酸 啱晒打邊爐🤩 👅酸菜魚鍋 $98呢個湯底幾有特色 同埋都幾夠辣 我哋仲叫咗啲紅薯粉一齊食🤣總括嚟講 呢間邊爐店都唔錯😙裝修幾靚 大家不妨嚟呢度一試😛😋 好味：8.00/10🤑 價錢：7.97/10🤗 服務：7.92/10😝 環境：7.99/10😚 衞生：7.76/10🤩 整體：7.95/10

自助區醬料配搭豐富❤️一應俱全仲有幾款小食任添🥒值得一贊係佢哋湯底真材實料 無加味精 全部都可以飲😋我揀咗長生抗癌松茸野菌鍋🍄味道清純 食之前已經飲咗一碗😚飲完唔會口渴 胃好舒服🥰火鍋配料全部可以揀半份/一份 方便客人想試多幾款😆我哋美國安格斯牛小排同安格斯封門柳各點半份我自己鍾意食牛小排多啲😝脂肪比例多 油香較重🤤封門柳牛味會較重 各有千秋另外超推薦 椒鹽鱔球 ($78) 有6件 超肥美白鱔 肉質食落好鮮美 而且勁香脆 鍾意食鱔嘅朋友唔好錯過😍飲品可以點單杯/ 每人$25 無限任飲🍹我哋飲咗佢哋嘅無糖水果茶 好清新好飲呢💕$50兩個人可以任飲都幾抵😚最後仲會送酸甜嘅沙冰俾客人解渴💛

打卡靚靚火鍋店，佢位於旺角家樂坊樓上，粉紅主題，仲有兒童樂園，啱晒三五知己或者一家大細嚟打卡。湯底選擇都好多，可以揀單鍋、雙鍋、或者四鍋。我哋揀咗蕃茄湯底同埋養生藥膳醉雞湯底。首先等3分鐘到佢湯就會滾先飲湯再錄嘢，勁鍾意個養生湯，好重藥材味，飲咗兩碗。飲完湯就開始烚嘢食啦，佢每個菜都寫明烚幾耐，估唔到豬頸肉20秒就食得，耐咗反而會鞋口。芝士蝦丸幾好味，不過要殺耐少少，另外要咗乾瑤柱墨魚滑，真係食得出一粒粒嘅墨魚係入邊，非常彈牙。而我最鍾意嘅係竹笙，浸落個養生湯度，好重藥材味好香好夾。另外花膠都好值得一試，好滑好入味。我就偏向藥材湯底，朋友就鍾意蕃茄湯底，下次仲想試埋養顏美容湯底，網絡都好吸引。而且餐廳嘅醬汁都非常多選擇，仲有小食同水果可以任食，每人$25仲可以任飲三款飲品，有竹蔗茅根，洛神花茶同埋水果茶。

夢幻粉紅主題嘅火鍋店💕💕💕首先講吓個環境💕粉紅色充滿少女心💕姊妹聚會打卡一流💕💕💕當然食物質素都唔差～～牛肉好夠牛味🐂烚熟咗都唔會覺得韌👍👍👍海鮮就好夠鮮味～食得出都係新鮮嘅海鮮另外服務態度都要值得一讚🫶🏻🫶🏻🫶🏻服務員都好細心～～下次會再來🌈

維他命C蕃茄玉米鍋$98(單鍋)好味指數：7/10牛板健$74(半份)好味指數：7.5/10嫩肩小羔羊肉$49(半份)好味指數：8.5/10黑毛肚$39(半份)好味指數：6.5/10桂花蚌$88(半份)好味指數：8/10生根$16(半份)好味指數：8/10竹笙$34(半份)好味指數：8/10玉米條$14(半份)好味指數：5/10皇帝菜$19(半份)好味指數：8/10Bookmark🔖咗好耐嘅餐廳，今日終於嚟到試，因為另一半👨🏻好鍾意食蕃茄，所以我哋叫咗番茄🍅湯底，呢個蕃茄湯底偏酸，入面有好多車厘茄同埋🌽粟米粒，湯底本身偏杰，應該係方便掛湯，餐廳本身仲會跟咗一樽樽🫙🫙湯底俾你唔夠嘅時候加落去，好窩心。牛板健🐮淥8秒就食得，牛味唔係太濃但係就好有咬口。羊肉🐏係最出色嘅，少少蘇蘇地，而且好大片。黑毛肚就有少少🤏🏽靭，桂花蚌🐚亦都食得出好新鮮鮮甜，仲好彈牙🦷，皇帝菜竹笙同埋山根正常發揮，冇乜特別。有少少失望🥹嘅係個玉米條，以為佢會用新鮮，但係佢用咗罐頭代替。整體嚟講都算OK，服務亦都好好👍🏽，出面醬料區醬油都好多種類選擇，仲有幾款前菜小食同生果🍉🍈🍊任食。

同男朋友係家樂坊攞完身份證就打算係家樂坊覓食一下，好多年都冇係家樂坊食飯原來都開咗好多食肆最近秋風起梗係想十下十下，見到有來自星加坡的美滋鍋，門口又有粉紅色巨型啤啤熊咁就俾佢吸引咗入去同一般新興的火鍋店一樣，用iPad落單同樣有自助小食，生果區和醬料區，醬汁區仲有好少見的酥脆黃豆，個人私心推薦榨菜碎和芹菜（唐芹愛好者）湯底方面分別點了酸菜魚和王牌膠原蛋白養顔美容鍋, 醉菜魚鍋中的魚片分開上確保嫩滑而辣度選擇了小辣，雖然成個面都係辣椒但唔算好辣，唔想食麻辣都係幾好的選擇個人就鐘意王牌膠原蛋白養顔美容鍋，湯底creamy, 鮮甜仲有滿滿膠原蛋白▫️美國安格斯牛小排▫️本地手切肥牛▫️炸響鈴▫️白鱔片▫️水魷▫️鮮蝦雲吞▫️蔬菜拼盤以上除咗蔬菜拼盤都係有半份可以order啱曬兩個人打邊爐另外，飲品點左竹蔗茅根同紫貝天葵，價錢25蚊無限添飲，個人覺得性價比極高

天氣開始轉涼 至少我希望係haha 適合去打邊爐～湯底：可以選擇一款到四款唔同既湯底🥣▪️膠原蛋白養顏美容湯*呢個湯真係十級推介💯 係好濃既雞湯 裡面仲有豆腐 菇 同埋少少瑤柱 好足料🍄▫️維他命C玉米蕃茄湯有真番茄🍅 唔係只係茄醬 仲有粟米粒🌽醬料：醬料係要自己出去攞既 超級多選擇 基本既打邊爐醬料都齊 個到重要少少涼拌配菜 同埋水果🍉配菜：超級貼心 好多野都可以叫半分 啱嗮d咩都想試下既人🤪最值得一提係佢既蜂巢豆腐 索曬啲湯超級好味😙 仲有佢個豬肉丸 我覺得係咁多款丸裡面最香 最難忘🐖人均消費💰：$200-300*𝘏𝘪𝘨𝘩𝘭𝘺 𝘳𝘦𝘤𝘰𝘮𝘮𝘦𝘯𝘥𝘦𝘥📍美滋鍋 (家樂坊) (旺角)地址：旺角登打士街56號家樂坊8樓803號舖

呢間新加波過江龍之前一直都想去，佢個養生湯底都幾多好評！一入門口就見到好大隻粉紅熊仔，全間餐廳都係粉紅為主，少女心爆～ 被安排坐梳化位幾舒服！🍭養生藥膳醉雞鍋($168)佢啲湯底可以揀單鍋，鴛鴦鍋，四格鍋～ 我單點咗養生藥膳～ 有半隻雞件喺湯入面，雞肉嫩滑，唔太覺有酒味～ 湯底建議淥其他嘢前飲一飲先會最原汁原味～🍭特色肉拼盤($228)總共有五款唔同類型嘅肉～ 包括澳洲羊肉卷、西班牙黑豚香肩、田野鄉村嫩豬肉、安格斯封門柳同埋牛小排～ 最愛最好食係牛小排，可以建議單點佢😆🍭餃子綜合盤($98)餃子綜合有自家製嘅蝦卷、蝦水餃、韭菜餃同豬肉卷～ 餡料好滿，皮薄餡靚～ 唔錯～🍭魚子蝦滑($98)食過最大份嘅蝦滑，魚子同蝦嘅份量都好多～ 啖啖都食到蝦肉，新鮮好食～🍭油麥菜($19)🍭醬料($20/person)有超多醬料選擇，仲有小食可以任食～