美心MX (已結業)

我都唔食快餐店火鍋,不過見今晚呢間冇乜人,又實在太凍,即管試吓睇吓會唔會對佢改觀.要咗牛豬雙拼,蕃茄湯底,及加錢飲龍眼紅棗蜜.牛豬雙拼,即牛肉,豬肉各三片.係各三片.蕃茄湯底,即一舊豆腐,兩片紅蘿蔔,三片白蘿蔔,及兩舊散咗既蕃茄,叫蕃茄湯底.Oh!No!其餘有三片蓮藕,兩隻花菇,一小束金菇,一條獅子狗,半個烏冬及八條生菜.冇錯,係半個烏冬.真的少到不得了之餘,仲覺得好慘,$54食啲咁野.真的改觀唔到,真的唔會再試.

對美心的下午茶餐比較有興趣的只淨下早前在雜誌上狂谷廣告的懷舊食品茶餐系列。三點多在此吃了一個煎薄'餐'的茶餐$14，再加$4.5要了一杯桂花檸檬蜜。那白色的薄'餐'，未吃已經知道只是略略一煎，吃到只有粉漿味，夾雜著少量蝦米粒﹑蔥粒等，一啖粉漿味一啖鹹味，很奇怪，很難吃啊>”<四小塊只能夠梗到兩塊，再吃我怕會反胃...唯一可取是那杯檸蜜，桂花很香，檸蜜夠潤，總之淨飲好過。PSK臉是畀杯檸蜜的...

呢個價錢, 呢個份量, 只要求簡簡單單既一餐火鍋餐, 美心應可搵到, 同一個集團, 計荃灣原來有成四間美心快餐之多, 重要既係揀邊間美心好? 個人覺得揀呢間或新開愉景店較好, 皆因綠楊店同荃灣廣場店裝修較舊, 服務亦唔及得前兩者好.