美心MX (已結業)

原本想食大家樂既，但啲餐配得唔係好岩我胃口，所以走左去美心，無令我後悔=)點左個羅宋湯通粉配厚多士拼火腿蛋，再叫多杯熱好立克，都係$21，抵！多士因為本人唔太中意牛油，覺得好肥，所以我無落牛油，反而配個通粉既湯底咁食，多士雖然係預先整好左，但都仲熱，同埋好脆，正^_^通粉行貨，但湯底就淡左啲，不過都ok既=)蛋太陽蛋一隻，賣相ok，但我淨食蛋白-_-#火腿我最尾先食火腿，估唔到有驚喜@@一食落發現同普通茶餐廳火腿唔同，有好香煙肉味^_^雖然凍左，個都好好味！服務荃灣呢間美心好有人情味，服務都好好，佢地啲員工年紀較大，但都較細心，抵讚！

行完南豐中心,望吓隻錶都差唔多成7點.本應想食譚仔,但奈何LUNCH已經係啦!行到上荃錦,咦!美心MX有火鍋WOO.今晚一於就您啦!我叫左粟米茸北海道牛乳湯底----牛肩肉&黑豚肉$55湯底:3.5分.好香既牛奶再嚟牛肩肉4分:一人份量都有5.6塊,牛肉嫩滑,卒之唔夠要再ENCORE.其他都無什麼特別.一個人既火鍋.其實都可以好好味!

今日試左美心MX個火鍋我既配答係 美國穀飼牛． 豚肉+豬骨湯+水餃+一丁+特大凍檸七(2人食)先講湯底..一尼到已經好香..味道足..雖然多數都係味精功效..但咁既價錢..仲有咩可以講之後到穀飼牛 由於本人不太好牛肉 亦不懂欣賞 所以只能參考男友的評價 "好有牛味"豚肉 出奇的滑 一D都唔孩 正!水餃 個人認為係灣仔碼頭的水餃 不錯不錯一丁索哂D湯底後..極咸..應該加水到湯底中和一下P.S全場的服務員(呀姐)都好主動咁幫我地加湯 收野咁..真係值得一讚

我媽媽今天下午4點半到你們荃錦中心美心快餐買的外賣 "菜頭油雞脾米". 我一打開盒就發現2粒菜頭, 真的很驚訝, 如果你們沒有菜可以跟我媽媽講, 為什麼要給菜頭我呀? 你們公司加了價的食物是這樣子的嗎? 我都算是你們美心快餐的10幾20年的長期顧客, 看到你們隨做隨差, 我都不知說什麼好了.對你們真的很失望!

路過見到美心有冰鎮奶茶, 哈哈! go.....茶餐 $15奶醬厚多士 - 多士唔夠脆, 鍊奶少, 花生醬多咗d. 冰鎮原味奶茶(+$7.5)- 個樽幾別緻, 以為係玻璃, 原來係膠, 茶同奶份量都唔錯, ok !

自小就愛吃冬瓜盅, 去酒樓食一定好大個, 要好多人食至得, 所以阿媽一定唔俾食。近來美心推廣告有迷你版, 未食過, 咁就有理無理, 就算有人同我講唔好食, 我都會試。放工後, 入到去, 人唔多。選了一個冬瓜盅套餐, 包一個飯, 一杯茶, 再來一個燒味雙併(叉燒&燒鴨)。原價HK$44, 扣去優惠券只需要HK$41找個位座下, 等一會, 廣播會讀出手上號碼, 就可取食物, 結果如下: 冬瓜盅其實都叫幾大個下, 食完瓜肉再飲湯一定漲爆, 料其實同張相差好遠, 肉少, 草菇有幾粒, 燒鴨皮又得幾粒, 湯係清, But唔甜, 有味精。並非廣告所講咁清甜。 叉燒, 保持水準, 唔高又唔低, 一定合格, 但唔好要求有驚喜。 燒鴨, 夠入味, 應該可以話夠咸, 皮就唔會好肥, 又唔會話脆, 都叫合格。 飯, 細細碗, 其實食完都唔夠飽, 不過勝在餸夠多(叉燒&燒鴨), 冬瓜盅又夠大(食瓜肉同飲湯都塞飽你)。 茶, 淡味鐵觀音一杯(我估, 因為茶包上個牌仔無註明), 食完成個冬瓜都飲唔落杯茶, 只係用來沖下個口咁啦。總結: 好明顯收你咁多, 所以俾你咁多, 唔好有特別要求, 反而應該欣賞下佢收你咁平而

嚟到荃灣, 男朋友話肚餓, 所以就去咗美心食少少嘢先。嚟到已經六點鐘, 所以已經冇哂下午茶, 得番晚飯, 最後選咗一個最輕便的喇沙海鮮麵配香雞翼。 雞翼—大家冇睇錯, 係香茅, 不過唔知點解最後會比咗普通GE燒雞翼我哋, 應該係頭先下午茶時段賣剩GE。雞翼唔係新鮮整起, 成個都好乾, 好瘦, 麻麻。 喇沙海鮮麵—一樣奇怪, 個汁同其他分店一樣, 係好味GE。不過好奇怪, 佢裏面有勁多芽菜, 係有埋黃色GE豆GE, 我哋一致覺得好難食, 其他分店GE我哋都食過, 係唔會有。一句講哂, 就係製作是是旦旦, 但求清哂啲貨尾就好了. 真係食到唔想食.

2010年3月12日 ( 1 ) 荃灣 ( 美心 - 1 ) 叉燒，傳統的燒臘名物，兒時也是喜愛的食物之一，我總覺現今的叉燒比不上昔日的好味，莫非是...飼料...肉質...冰鮮？今晚又到美心斬大舊叉燒加料。叉燒每所售價72元，選購了半斤，味帶南乳蜜甜，味道比太興還好，孩子也爭著吃。

尋日冇帶飯又涷冰冰，唔想行咁遠，所以就去左附近的美心叫外賣，入到去都唔知食乜好，睇左好耐，見到有六寶飯又好耐冇食過，所以就叫佢食la。番到公司打開，見到入面d餸大大件，塞爆左成個飯盒，好似一個飯盒都唔夠放咁，食落口d飯熱辣辣，d餸溫凹凹，係d咁涷的天氣食就真係啱晒，而且d飯仲要好多汁，正，加埋杯野飲都係$30，低!!!!

今日忙到連飯都冇得食，直至去到3點3，老闆出去開會先叫做有得休息下，既然未食野就去公司附近美心睇下有乜下午茶。入到去睇餐牌，全部都係炸野，正想放棄之際聽到人地叫公司三文治，係wow都好耐冇食過la，不如就叫佢la。一份公司三文治連汽水同薯條都係$22，抵食!!!!拎到番公司打開，塊面包仲係脆脆地，唔會林晒，而且入面的料好足，除左有大量生菜同蕃茄外，雞肉都有好多，唔似有d舖咁得菜冇肉，佢呢個菜同肉的比例啱啱好，簡直係有營下午茶，一個人食晒一份，連晚餐都可以唔晒食，正!!!!!!!

平時番工冇得去飲茶，放假又唔想咁早起身，但又想食點心，點算好!!!!!今日經過美心見到佢有點心食，咁米買黎試下!!買左佢的糯米雞，番到公司打開，香噴噴，隻糯米雞有成3/4個飯盒咁大，以為佢有半隻係飯，d料得少少，夾開一睇又唔係wow，入面d料真係好多，又多汁，唔會乾曾曾咁，除左有火腿等材料外，仲有成隻雞翼，嘩!!!真係真材實料，皮薄函靚呀!!!!一隻糯米雞加一杯中國茶都係$16，可以接受呀!!!!!

今日放學之後黎呢間道食啦。今次食個炸籃加叉燒米線。再加錢飲冰鎮奶茶。炸籃：薯條幾夠熱，唔錯啦。炸魚就麻麻地啦。而個粟米就幾甜啦，個叉燒米粉就無乜特別啦。冰鎮奶茶真係被加冰既奶茶好飲，但唔知點解我飲果陣既味幾似午後之紅茶所出既奶茶。算係咁啦。但我唔知點解，成間舖會無辣椒油。剩係得辣醬，食粉麵點辣醬既話真係唔多好食。真係無諗過會咁小家架，剩係得辣醬。希望佢地改善下啦。

　今日下午去美心快餐食lunch.. 真係過份到過份.我同我家姐都點咗一個$28 既set (燒味便當, 仲包野飲)佢係嬈鴨賴一小碗 + 义燒 or 切雞飯. ( 再有一小舊甜品同少少沙拉).我同我家姐一人一款.以下列表說明 :1. 义燒瘦而un, 咬唔開2. 比一隻雞亦. ( 食燒味最衰就係雞亦, 成舊都係皮同埋骨 )3. 燒鴨又冇肉又冇味..4. d 湯最多得 35度熱.5. 最不知所謂係d飯...( 冷飯放咗入雪柜拎返出唻冇加熱 ) 咁既形容一點都唔過份呀 !!!我知道去快餐係冇咁好質數架喇, 但係宜家好多大型快餐都好高水準啦.衰極都唔會咁丫.....$28 既餐我都係食咗 $3 入肚咋...佢真係好過份...唔怪之得1:30pm呢d食lunch高峰期, 呢間野都坐唔晒..空空如也..我好耐都唔去一次美心快餐架, 上次去都係年幾前, 係去第二間..以為咁耐唔去仲要唔同地方會好d啦...點知一样咁衰..最頂佢唔順係我地走時見佢個牌呢個爤鬼便當居然 .... " 售罄 " 呀....我以後都唔會再去任何一間美心快餐.....

睇廣告見到美心新出左北海道牛乳南瓜湯底既火鍋﹐就拉左男朋友黎試下雖然好鍾意打邊爐﹐但由於下晝食左buffet好飽, 最後只叫左一個四拼share黎食﹐加左一杯巨峰提子盧薈梳打.四拼包括醉雞﹐豚肉﹐牛肉同蟹籽蝦滑﹐仲有配菜烏冬﹐獅子狗日式魚蛋冬菇金菇生菜白菜等等. (另可選三拼﹕豚肉/醉雞 + 牛肉 + 蟹籽蝦滑)要了最basic的牛乳南瓜湯底(另外有牛乳地獄同豬骨湯揀)﹐距既南瓜蓉係另上﹐自己鐘意加幾多就幾多. 無加時只有好輕微既牛奶味﹐逐D逐D加﹐發現都係加晒先夠味呢 ^ ^ 最好味應該係醉雞﹐可惜唔覺有酒味﹐只覺得係普通雞肉﹐但仍算有鮮味的. 牛肉都OK﹐好薄下﹐但一分錢一分貨﹐所以其實都無太高要求喇. 豚肉就一般般﹐只係普通肉片黎.. 蟹籽蝦滑普通. 金菇同烏冬同個湯底既味幾夾﹐唔錯!幾鍾意距個麻醬﹐味調得不錯. : ) 久唔久會有人黎加湯﹐服務唔錯.提子盧薈梳打就一般..見到都有唔少人黎試﹐有好多小朋友. 後面檯既小朋友叫錯了豬骨湯底﹐好唔開心0甘呢… 距仲不時會偷望我們的南瓜湯底﹐很搞笑…

因為星期六早上要去大圍,所以決定同阿POOH食完早餐先出發o好耐無食過美心既早餐,好,就選呢間啦!!阿Pooh要濃湯通粉+炒蛋+厚麵包我要瘦肉粥+煎腸粉睇個樣好似幾好食,不過,食落又覺得菳普通,好似都係茶餐廳好食D,不過甘幾蚊仲想點喎!!