美心西餅 (筲箕灣站)

营业中

休息中

呢個係winnie the pooh嘅芒果mousse蛋糕，細細個，好得意，上面隻winnie the pooh同piglet仲好可愛😛食落去都幾香芒果味，啲mousse幾滑，最好嘅就係唔怕好甜，好甜個啲蛋糕通常食一兩啖就唔想食，但依個食曬都完全唔覺得好膩，好啱買幾個同朋友一齊食，做飯後甜品😋

紙包蛋糕 $7.係童年回憶呀 細個成日買黎小息肚餓食 點知竟係俾我係美心見返佢 即刻買黎當早餐上路🤣 哩個蛋糕集齊於鬆軟口感同濃濃蛋香於1身 食完當早餐岩岩好😆😆😆

30-9-2017( Sat)晚,家人返o黎做節,二嫂竟然帶o左盒全城,全深圳瘋狂o既流心奶黃月餅o黎.由於o個晚食完飯個個都好飽,就分晒月餅,留低遲啲食,到今日(2-10-2017 Mon),老公要食一個,我o地就食啦.佢掰開睇,個餡真係流心,完全唔使叮,食落,蛋黃起粒,味道好濃,亦都甜o左啲,更比東海海鮮酒家集團o既更甜,可以減少啲糖嗎?唔知呢盒幾錢,不過都知一定唔平,大陸都炒到400.00人民幣.味道係4.7分題外話:我第一次食佢o既奶黃月餅係前年o既事,o個個食評: https://www.openrice.com/zh/hongkong/review/%E7%94%9C%E6%BB%91-e2494765

今日去美心買西餅食，見到新出左個芝士撻（可能出左好耐，我好耐無去買），$8一個就買左兩個試下！心諗，芝士撻衰極都有個譜吧，$8算平添。下圖左上就係，面頭都見到有啲芝士係度，算大個。滿心歡喜甘切開黎食，真係大大大大失所望！原來美心芝士撻個玩法係得面頭有一塊仔既芝士，好似平時既麵包面甘。下面全部都係海棉蛋糕！！！味道雖然唔差，係海棉蛋糕味，鬆化既，但同芝士撻呢個名有啲不附。。。。只可以叫芝士清蛋糕！可能係我對芝士撻既認知不足吧，失望！

出門時，答應小澄B買雪糕給她作禮物。路過美心，見有她最愛的牛奶卷切餅，又有造形得意的梳乎蛋朱古力慕絲杯，就各要了一件。牛奶芝士切餅$18沒有牛奶卷上的竹炭黑朱古力蛋糕，只有白色的鬆軟的牛奶芝士蛋糕。 放入口，可嚐到蛋糕的綿密、香濃的奶味、淡淡的芝士香氣，以及忌廉的幼滑。牛奶芝士營養價值高，更能吸引小朋友的喜愛。個人而言，還是喜歡牛奶卷多點。梳乎蛋朱古力慕絲杯$28以膠製梳乎蛋蛋殼盛載細滑濃香的朱古力慕絲，香滑而不太油膩。可愛得意有餘，性價比則不高。

仔仔生日見又係星期日，所以就約埋各位家庭成員，一齊慶祝生日啦~其實今日嘅預祝生日會真係非常簡單，只係一家人食個晚餐，之後就切個生日蛋糕...唱下生日歌等小小豬開心一番。講起今年小小豬個生日蛋糕，其實我早幾日係無意中見到美心門市有一個TSUM TSUM蛋糕，我依個TSUM TSUM控見到時都已經尖叫起嚟，好想買嚟同小小豬慶祝。無奈個蛋糕係冇得預訂，即係要親身去門市先知買唔買到，為左等小小豬有個靚蛋糕(當然亦有其中一個原因就係滿足我依個TSUM TSUM控)，所以今日我行左四間美心先買到。當我搵到第四間見到個蛋糕時，嗰一種興奮心情真係難以形容呀！單睇個包裝盒都覺得勁靚啦~個蛋糕係咪好靚呢？搵得咁辛苦都係值得呀~當然...唔鐘意TSUM TSUM嘅朋友就覺得只係一個普通鮮果蛋糕加個公仔擺設，但其實個TSUM TSUM真係好靚呀~萬眾期待，我地食完晚飯之後，小型生日會就開始啦~哈哈哈....吹完蠟燭仔仔就已經將個TSUM TSUM據為己有，依個係一個硬膠公仔，唔可以食呀。但其實咁都幾好，可以KEEP耐啲嘛~蛋糕方面，真係一個普通鮮果蛋糕，但CREAM就唔甜，個糕底都好鬆軟，各位家庭成員都話好食

蜂味蜜糖屋 (推廣價:$198)Honey Bee Cake兩隻可愛小蜜蜂趟在蜜糖小屋上由澳洲金獎蜂蜜提煉的屋頂 加上巧克力棒把蛋糕切開, 發現內裡金黃色蜂蜜慢慢流出,蜜糖屋內多重滋味 一啖可以嘗盡!外層蜂蜜慕絲,內層蜂蜜寒天流心蜂蜜,中間加入檸檬啫喱和蘋果蓉,配合鬆軟黃金和朱古力蛋糕,色彩繽紛, 有朋友生日一定要試!唯獨蜂蜜和檸檬味道混合有點似藥水味道實物和圖片有點出入! 有點兒失望!

見到美心新廣告,又係時候試新野今次呢個黑魔王森林蛋糕,, 一塊塊朱古力圍住個蛋糕到,,不過要注意塊朱古力好甜,, 而且不是脆皮身,, 好淋的,,到個蛋糕啦,, 用上法國忌廉, 朱古力蛋糕,同車厘子慕絲食落去好有層次感,,  

高級糕餅店大行其道，連大眾化西餅店也紛紛用相宜價錢提供較精緻的多重質感慕絲西餅，買來請客得體大方。不過原來大眾餅店的高檔西餅並非人人受落。據在下多年觀察，三十歲以上的人還是喜歡四元一件的普通西餅。曾買過幾次廿多元一件的精緻糕點給吾母，她說還是普通西餅好吃。（她始終沒有問價錢，因此只是味道問題。）想請客好一點又怕反應未如理想，朱古力雪山($15)可以考慮。半球體的造型先聲奪人，以巧克力海綿蛋糕為主，夾著巧克力慕絲和巧克力脆米球，平凡中見不平凡，勝在入口不甜膩。只是送禮的時候不要講價錢啊，恐怕明明覺得好吃也變得不好吃。