美心皇宮 (德福廣場1期)

营业中

休息中

琴日去美心飲茶,好耐未食過楊枝甘露,所以一定要整番個做飯後甜品。以前呢度既楊枝甘露好好味架!料又足喎!但係,唔知點解今次無好…甜左d,同埋好似少左料,或者太搶手,抑或想「慳皮」?

上星期黎呢度飲茶,好耐無食過呢度既麻蓉包,咁岩見到,要左一籠,依然保持水準!麻蓉包呢樣點心,原來唔係間間酒樓有食,而我就最鍾意美心既出品,麻蓉夠香,又有蛋黃,難得係個包既皮夠薄,又唔會薄到漏餡,不過一定要趁熱食呀!

我最近同女朋友,仲有佢媽咪去食,叫佐一個4 人set,個玫瑰蔥雞幾好,另外3味小菜同個湯都ok,我女朋友咪食得開心,都係三百幾,抵食,服務又好,可能人手足夠!

之前大家對呢間美心印象麻麻地, 但我最近去過, 發覺已經改善左, 點心都做得唔差, waiters反應慢D(例如沖茶), 但態度都Ok.

環境靜到無侍應，有侍應時又要受氣，小帳倒番比你確係「掂」！

唔知係唔係因為太旺, 呢間美心好似樣樣都差D, 係得冷氣一樣咁凍.隔好耐先飲次茶, 等位難唔在講, 最唔明點解師傅手勢咁參差, 呢度咁好生意囉喎, 唔係應該俾D水準留客咩?大佬廿八蚊籠蝦餃, 翻蒸到漏晒底點俾客食喎?

前幾天同屋企人去呢間美心食晚飯，食到幾個好味但又簡單的小菜，可以同各位食家分享一下。一》貴妃雞：好入味。我一向食雞唔食雞皮，呢度d 雞唔要皮都仲好好味。同一般白切雞的食味完全不同。二》炒蜆：又大隻，又乾淨，而且d 汁唔係太杰。三》乾蝦小棠菜煲：十分鮮味，有些少似雜菜煲，但用o左頗大隻的蝦乾同小棠菜，令人覺得佢好精美。四》楊枝金露：呢度d 楊枝金露唔係太酸，但又幾齊料，好味。中式酒樓中，美心的招呼算係幾好，而且晚飯時間唔係咁多人，地方又夠大，好適合成家去食飯。

假日特別多人，唔夠碗筷，叫了很多遍也沒用，自己取了，佢又收回。

我去過幾間美心酒樓，呢間我諗都覺係最污糟o既一間啦!! 全部都有o野黐住係上面，好核突!! 除o左呢樣o野其他都幾好，地方好大，真係有分吸煙區同非吸煙區，仲有呀，就係飲早茶佢地有東方日報送o添o架!!! 哈哈!!!