美心皇宮 (德福廣場1期)

营业中

休息中

一班同事(15人)食生日飯! 點心...一般既蝦餃...牛柏葉...叉燒包...蒸腸粉....灼菜...雞包仔...我諗都有三十幾碟...水準都係美心出品...唔會難食...但比好彩仲差少少...! 有度唔好就係...用車仔推....車仔未出或無經過就食唔到...例如...馬拉糕同糯米卷都係走時先見到! 有一個餐都幾抵食...就係一碟燒味...加一個菜, e.g. 麵醬油麥菜再加炒粉麵...$118...如果三個人黎食...都差唔多啦...! 食完叫左啲甜品...我食左個雙皮奶....麻麻!

平時係好小黎依度食..因為覺得佢唔抵..食0左好似冇食過咁..今晚因為搵唔到位..焗住係度食..四個人食0左:1)冬瓜"根"- ok喎,冇我想像中咁"傑",好香金華火腿味,食落啖啖冬瓜蓉2)炸脆奶- ok啦..個粉漿較為厚身3)鬼馬牛肉-唔中意..好油..4)蒸細輪-d肉太鞋了..不過佢係蒸得arm arm好時間的..5)豉油雞-d雞滑,豉油加埋d蔥花好香6)炸饅頭-好好食!細細個的,兩啖食曬一個,個饅頭本身有一陣椰香味,加埋d鍊奶,好正啊!好飽啊..埋單550蚊度..ok 啦.

明知自己同友人,都唔會光顧連鎖式酒家,有時,都會鬼喑眼的.黃金時間在德福,永遠人山人海.不知何故,友人打來話在美心囉左位.心不甘情不遠之下接受現實.四個人點幾味,我真係唔識點評,大型連鎖店水準,即係你去佐丹奴咁,間間一樣先生埋鏡試試,Miss埋鏡試試.千篇一律季季無驚喜.美心白切雞無雞味,好像呢類酒家,有雞比你食好應該多謝佢,而唔係繼續埋怨做咩唔係新鮮雞.其他如咕鹵肉,火腿津白,唔記得係咩的小炒,平常得很.就等如佐記一舊水三件的白底衫.乏而無味.成個場人山人海,一家大細.呢類酒家,始終有其市場.難怪佐丹奴一早做到發左,連帶發明左港式時裝店服務方程式出來.搞到去買衫呢類咁私人的事情,全程比人死釘住,討厭.希望唔好有下次,飲茶也可免則免.PS:紅牛送你一對翼,可惜是夜飛唔起.

早茶我會選稻香較好，不過講到晚飯，美心幾好經常有唔同既套餐，味道好好有個浸魚腐好好味，叫佢可以唔使叫湯鐵板燒味無驚喜，想試新野先試啦炸軟殼蟹好油，味道一般此外其他都幾好

本來不想寫連鎖飲食集團, 不太特別嘛, 但上星期日下午偶然去德福美心飲茶, 發現有幾款幾得意既點心, 收小點價錢, 分別係: 昇斑餃(學生食了會升班?!); 鮑參翅肚餃, 仲有一款唔記得, 每碟三粒, 即叫即蒸都未算, 驚喜是落足料, 條翅牙籤o甘粗! 其實美心的點心水準一向穩定, 偶然有d幾油(例如: 排骨蒸粉), 好似油浸陳村秎, 食唔倒. 個日仲發現有砵仔糕(一碟三件)及燕窩蛋"tard",好多燕窩! 雖然應該係"老行家". 但有誠意! Compass Visa 有一個大點送!

有少少感到意外, 一間出名酒樓係推車仔賣點心, 雖則本人prefer 劃, 但都可接受. 環境幾怡人, 眼望由裝修到所有物品都好'粉' 色. 好順眼. 絕唔係大紅大綠隻傳統茶樓咁剌眼反感. 12蚊一律大中小點, 肯定貴過其他地方, 但以九龍灣地王已算係咁, 品質亦見得場面, 服務態度殷切, 絕唔介意比多幾蚊可以開開心心飲餐靚茶. 杯凍飲- 荔枝涼粉冰$15, 荔枝肉多味亦重, 扺過好味過出面飲成廿蚊杯珍珠奶茶.

與一眾中學同學午膳，一點多，搵位不難，不像沙田的情況。叫了一些點心和炒粉面，蝦餃不錯，其他的還好。席中有同學不停數說點心的油量，引致肥胖的各種原因，大家食完內疚感之大，真的從背脊骨落....所以找數時每人只是五十幾蚊..........well, words make world.....散水後，與其中甚有同感之同學，到ben and jerry's來個cone才下氣.....

今晚去食冬日養生四人餐.包括:陳皮豉汁蒸原條鱘龍-味道好普通,同埋好細條桂香雞半隻-好似冰鮮雞鮮人參浸翡翠-味道ok,不過冇乜人參黃精三蝦蒸乳酪-其實即係蒸旦白,蝦干好鹹八珍烏雞湯-呢個最激氣,叫之後先至話所有藥材湯冇晒,居然叫我地改例湯(節瓜豬湯)!有冇搞錯!藥材湯同例湯價錢差咁遠,如果冇就應該一早講明,分明笨.最後我地堅持要番個肉骨茶(餐排另一種湯),佢地又話有喎!咁樣算係乜態度!整体來說好失望,尤其係咁大個集團居然係咁對d客,點會返轉頭幫襯!

上禮拜六﹐朋友約我地去她的新居參觀﹐她選了美心酒樓。朋友已經一早去拿臺。嘩﹐我一去到﹐人山人海﹐搵左一陣至搵到。我坐低時臺面已經有些叫左的食物﹐全部都油膩過油膩。叫得做美心酒樓之中﹐呢間都算幾差。除了食物普遍麻麻之外﹐服務同裝修都差幾皮。不過埋單又唔貴窩﹐每人70多元。

好耐未黎過呢間美心食野,難得琴日同屋企人黎,雖然要等好耐至有位,但係都無損大家既雅興!久違咁耐,原來有新點心都唔知!見到有一款點心叫賽磅蟹帶子餃,以前未見過,而我地又鍾意食賽磅蟹,所以即刻叫左一籠,係類似豆苗餃咁,個皮唔太厚,半透明,賣相幾靚架!裡面真係好似賽磅蟹咁,好多蛋白,但係唔多帶子(不過預左),可惜一籠三件,媽咪、細妹同我食左,嗲地就無得食lu !順帶一提,呢度既西米布甸真係好正好正!

今天星期日，去試試頂頂大名的美心大酒樓，但吃了五樣點心全部都是比同區的酒樓差！最奇怪是各樣點心由一些年齡稍長的嬸嬸用車子推出來賣，既不安全又慢吞吞。總之，腸粉、燒賣、棉花雞、水晶餃及乂燒飽的新鮮程度實在麻麻地！！同一個集團，我就十分推介『太古城潮江春』，服務態度好，食物又有水準，環境更是理想。

聽見雪儀推介，下次一定要試試個墨西哥包先！我亦趁此推介吓依度嘅蛋王千層糕同奶皇包，熱辣辣好新鮮。奶皇包皮軟熟餡又靚。千層糕內嘅蛋王好香好正！下次有機會記住試吓呀！

同同事黎飲茶,食左墨西哥包, 一碟有三個,真係要推介一下。呢款唔係車既心,係有個阿姐响廚房攞出黎然後去sell,可能因為岩岩出爐,熱辣辣,十分美味,細細個,包夠軟,裡面既餡係芋蓉,軟軟地甜甜地,好好味。真係幾正架!

食物的水準唔高,而且選擇不多,招呼唔好,因為d經理見你舉手會扮見唔到!!!環境其實都幾嘈,價錢又貴,唔抵食!不過我也好久沒去美心飲茶或食飯了,自從那次去飲茶要排隊,reception跟我們說要排200張table以後(大約要等2小時),我們便再也不敢去..嚇怕了!

琴日去美心飲茶,好耐未食過楊枝甘露,所以一定要整番個做飯後甜品。以前呢度既楊枝甘露好好味架!料又足喎!但係,唔知點解今次無好…甜左d,同埋好似少左料,或者太搶手,抑或想「慳皮」?