羅麥記 (V City) (已結業)

喜歡吃撈丁的我，特別鍾情羅麥記的雞翼撈丁，加上這兒的食肆已沒有多少能吸引我回頭的了，羅麥記就成了V City光顧得最多的一家。雞翼撈丁($56)幾乎就是每次必點的，濃甜的醬汁配上彈牙的出前一丁，亮點是那肥大嫩滑的雞翼，很有家的味道。海南雞飯($58)依樣是老公的選擇，其實這家的海南雞未算出色，不過是家常開飯的大路選擇吧！蜂蜜豬手($48)蜜糖只是澆在表面而已，基本就是滷水豬手的味道，看表層色澤已是甚不對勁，食味果然是强差人意。那豬皮乾靭如橡膠，感覺就是擱了好一會才奉客，始終豬手屬冷門菜式，加上蜜糖更顯突兀，乏人問津的菜式下次還是不點為妙。千層朱古力西多士($36)見胃納仍有空間，以以西多士作為甜品。西多士是懷舊茶記的代表作，從外表看這西多士是有板有眼的，厚身的方包炸成金黃色，但吃是只是微暖之態，是油温不足所致，口感還望再脆身一點，幸而有香濃巧克力醬的點綴，為這西多士挽回一點分數。紅豆冰奶茶($38)維持羅麥記一貫水準，濃香的奶茶配蜜甜的紅豆，茶冰的作用，令喝到最後還是甜美濃郁。

第一次去 V city經過見羅麥記的裝潢很特別，便試下入去吃晚餐。裝潢懷舊有特色，但牆上佈滿灰塵令人覺得不衞生。叫了兩個$68晚市套餐。可能冇期望，所以有驚喜。例湯是粉葛湯，好好味，是驚喜! 但好少，得半碗。如果去丢湯渣，湯得四份一碗。魚香茄子都正常好味。中式牛柳足料。至於服務方面……唉，這就是開始時冇期望的原因。雖然好味，顧客不多，但幾個待應們只顧白己圍堆一起傾計，揮了很耐手都冇人來落單，等好久，有待改善。

去爬山啊~~約了在屯門西鐵站等。因為太早，所以先搵個地方醫肚。 機緣巧合，來到羅麥記。店外已經好吸引小編了！好有香港風味！ 入到去，最吸引我的東西在枱上！WOW~~個餐枱紙真的好正！ 飛行琪啊~~ 叫了兩個標準港式早餐：沙嗲牛肉公仔麵+香菇辣肉濃湯米。分別都配火腿炒蛋多士和一杯飲品。 咖啡~~不加糖好似差少少，但色水好標準。咖啡香好濃。 檸檬茶！有點苦~~不過其實是健康之選。 之後到的， 火腿炒蛋多士。 但滑蛋好好味，好滑，我覺得唔多油！件多士可以再多少少牛油，干得不錯。 小編吃這個， 香菇辣肉濃湯米，出奇地沒有紅色都可以有辣味！！證明油不多，但味很出！ 這個對喜歡吃辣的朋友來說是一個不錯的選擇。 沙嗲牛肉公仔麵，牛肉很多，有點意外。而且不會大大件牛肉好難咬果D！正！ 這個枱紙真的好靚！ 這間的店員服務也不錯，其間小編要求換枱，職員也報以微笑！

今日星期六，晚上六點半行經vcity已見極多人在各食肆門外等位，唯獨羅麥記可以直入。。。店內玩懷舊風，垟上60年代的廣告是我最欣賞的。本人是焗豬飯狂熱份子，貴至酒店兩百蚊到下至快餐店四五十蚊都吃過，但今次在羅麥記吃的焗豬飯是本人有生之年暫時最難食的！等了二十分鐘終於上枱，品嚐了第一口已覺中伏，首先，焗豬飯靈魂，豬扒好簿，極鞋口，完全無口感可言，感覺是下三流貨色，而且醃得極咸，吃這個焗豬飯累我共喝了三坏水加一坏凍檸茶又一間黑名單食店了！

成間食店充滿懷舊feel, 會諗起羅家良呀，曾灶財呀，塗雅等等。。。連張餐紙都係兒時玩既紙棋，想帶張回家玩，從拾兒時回憶呢！本menu顏色殘殘舊舊的，切合整體的懷舊feel。凍檸茶及凍奶茶正常水準，不令人失望。避風塘炒麵的麵是炒麵皇，配雪藏蝦炒，辣辣o地，都幾香！呢個腐乳雞球撈丁，其他餐廳好少食到麻luck腐乳，味道濃郁。公仔麵夠彈牙，就是雞球比較硬！蜂蜜豬手是帶有薑醋味，呢個真係麻麻o地！豬皮太乾太硬，仲有唔少毛，又冇肉，好似冇食過咁！用大衣夾夾住張收費單，幾得意呀！如果在V-city食滿$200, 用電子單繳費，可到服務台換張$50 coupon下次用。

睇戲前俾佢個懷舊風格裝修吸引左入去價錢晚市泥講係相宜等位唔耐亦坐得舒服口水雞撈面 (8/10)辣味乎合普通人口味唔會太辣啲雞都好滑，汁係正既鐵板餐 (7/10)扒係ok ge女士跟薯菜夠飽男士就唔知飲品都當然有咩滾水蛋鮮奶小食無試啲雞翼同魷魚都好想試

I had lunch in this restaurant yesterday and i was quite satisfied with its performance.The staffs were quite responsive and active. I ordered Dried Macaroni with Chicken Wings in Homemade Sauce and a cup of hot milk tea.The size was smaller than I expected.  However, this macaroni was so yummy for me. I love the sauce sooo much. It colored the chicken wings into dark brown and sweetened them. The wings became perfect in this sauce. The sauce was so rich and sticky. The milk tea was good too. Pe

我點選的是招牌 鵝鹵水拼盤💝，包括: 鵝，豬耳，金錢肚，大腸，豆腐，雞蛋鵝肉切成多件，適合多人分享，肉質嫩腍，唯肉的部份不太多😖豬耳爽脆，媽媽姨媽們勻大讚哦😏豆腐四件，滑溜入味😍，有點略咸，雞蛋切半，蛋黃粉嫩，若是小孩子吃鹵水，必吃雞蛋吧😝

今日中午嘅時候，想食下第間餐廳，因為平時食開個間已經食到有啲悶啊。於是拉埋同事一齊去食下呢間羅麥記，因為係出面睇個裝修都已經好似好特別咁，入到去果然冇失望有好多舊式嘅香港80年代茶餐廳廣告係牆上面😆餐枱都好有懷舊氣息呢個應該係水吧，真係好有舊式茶餐廳嘅feel呀佢連鋪枱嗰張紙，都係以前小朋友玩嘅紙牌遊戲，好似返返80年代咁其中一個同事好似係叫常餐，果然係好正常😹😹呢個同事叫羅麥雞翼撈丁，唔知點解俾咗通粉佢，哈哈呢個係黑松露邦尼撈丁，真係第一次聽🙈乾炒牛河羅麥雞翼😹😹😹我哋叫黎share食呢個係「哈哈哈炒飯」，有蝦膏蝦乾同蝦球，應該無記錯，哈哈最後有幾個同事仲忍唔住帶咗炸雞比😹😹總括而言，食物質素係正常茶餐廳水平，但環境氣氛都唔錯

第一次食羅麥記好像在鰂魚涌, 那時山長水遠專程跑去吃, 事隔又好幾年. 到近年經常行的Vcity開了分店, 卻又一直未有機會去吃, 這天帶着小朋友, 一家大細加姐姐, 要坐得舒服又價錢合理, 想起羅麥記是不錯之選, 一於試試.Vcity的分店十分寛敞, 同樣以六, 七十年代懷舊冰室設計為主, 在門外已有一堆玩味的懷舊擺設, 有幾多是大家的集體回憶呢? 我可多了...可真出賣年齡秘密.餐廳內也走懷舊路線, 冰室高身卡位, 格仔地磚, 都頗有特色. 當然這只是氣氛而已, 實際上餐室十分光鮮企理, 沒有真正'舊'的感覺.焦點回到桌上, 連餐紙也印上兒童棋的圖案, 充滿玩味.第一次吃時印象深刻的兩款食物, 當然要再次回味~ 紅荳冰粒粒奶茶($38) - 特別在冰粒是濃香奶茶, 緩緩溶入紅荳冰中, 跟一般冰粒溶掉後溝淡了整杯飲品不同, 即使飲到尾仍然濃郁. 不太甜的口味, 紅荳夠稔, 有得飲又有口感, 好有心思. 另一款是羅麥汁牛河($65)- 所謂羅麥汁即瑞士汁, 瑞士雞翼吃得多, 喜歡那鹹中帶甜的味道, 但若汁料太甜反而易膩, 這個汁味道濃郁但不會過甜, 稠杰度也恰到好處, 醬汁可掛滿牛河,

上個星期去左同屋企人探親戚，但係住KT既我，對於屯門真係諗都唔敢諗.. 因為真係好遠好遠, 如果我既另一半係住咁遠，我諗熱戀期過後，再沒有精力同毅力一齊 哈哈 不過去到屯門原來依家開左個都幾大既商場，叫做「VCITY」，裡面有超多我好鐘意既品牌，BEAUTY, FOOD 乜都有，感覺好似去左另一個CWB咁費話少說，因為我同屋企都想輕食一下，再去探親戚，始終我地都搭左好耐車，梗係要搵D食物黎補充下自己既體力 哈哈 所以我地行下行下就去左呢間餐廳到食，價錢適中同合理。我地一入到去，成個感覺就係好HONG KONG VINTAGE STYLE, D裝潢好似係60/70年代既感覺，我阿媽單單係睇個餐廳既牆都睇左好耐，感覺好有回憶。我地叫左2樣野SHARE黎食，因為其實一陣探親戚仲要再食呢... 哈哈我地第一樣野叫左「 芝士豬頸肉撈麵($50)」，雖然感覺呢個麵好似好普通，自己一個係屋企都可以煮到，但係諗諗下自己一個人係屋企又點會咁有心機整呢D，心血來潮就叫左呢個黎食，味道都唔錯，但係一定要趁熱食，因為個撈麵開始凍既時候，上面個芝士都會開始凝固，所以記得要趁熱食。另外，撈麵上面既豬頸肉有3-4片

今日我同女朋友黎，叫左豬扒撈丁同乾炒牛河，一杯凍奶奶一杯紅豆冰。二杯野飲無味，勁普通但奶茶要20蚊，紅豆冰要38。野食仲衰，一個公仔麵加豬扒整得勁油同煎得勁差，豬扒完全無味，公仔麵抄得太林。如果一個公仔撈丁要65蚊，仲要咁既質素，真係完全唔抵!

個人推介指數分7 (10分為滿分) - 感覺好像回到七八十年代, 酷似本人兒時年代的佈置, 特別有份親切感. 食物方面, 當然不是當年的味道, 是在現今茶記的菜式基礎上加些新元素, 確實有點驚喜. 價錢着實和一般茶記相約, 既坐得舒服, 又能嘗特色茶記食物, 性價比頗高.不論門面,內部裝修和餐牌也模仿七十年代的茶記, 那時吃的雖不是最好, 但那份人情味是現在缺少的. 話說回來, 這裡的侍應也很有禮貌, 又會主動向我介紹招牌菜, 總萛追尋回些舊時的街坊感.今晚和兩位很久沒見的中學同學相聚於此, 懷緬一下昔日的時光. 我們叫了些飲料, 閒聊了成句鐘後才開始晚飯時段. 以下就是我們點的美食.阿芝芝士撈面(豬頸肉)芝味適中, 沒有想像中那麼濃. 面條吸收晒芝士汁的味道之餘還能保持彈性, 可說是這道菜的主角. 配角豬頸肉兩邊烤得金黃香脆, 非常入味.避風塘魷魚炸漿做得很好, 又薄又脆, 相當惹味. 魷魚肉質有彈性, 很有口感. 配以香辣的避風塘週味料, 又香又辣, 絶對是一個上佳的佐酒小食, 可惜今天這裡沒有.磚頭咖哩軟殼蟹飯這個菜通常是在泰式餐廳內常見的, 作為這裡其中一款推介, 比起主打泰國

對上一次黎羅麥記巳經係一年多前，當年個餐牌好似係手冊黎。前排突然醒起佢，所以帶呀媽去食。老媽最中意就係鐵板餐，所以點左份雜扒鐵板比佢。雜扒鐵板份量不少呢！當中包括雞扒、牛扒、豬扒、煙肉及司華力腸。雞扒、豬扒：肉嫰，唔會乾爭爭，肉亦厚身。牛扒：相對比較薄身，不過煮得剛好，唔會ＵＮ身。而我就簡單d，點左羅麥汁牛河。撈好就食得了。牛肉都算多，而羅麥汁亦比得多，每條麵都必定沾有羅麥汁。而我覺得羅麥汁就好似係瑞士汁咁，咁撈法又唔錯ＷＯ～餐廰裝飾走懷舊風。而墊桌紙係小時候既棋子遊戲紙（唔記得呢個棋叫咩名了）

入面既環境都好有懷舊味道,舊式既裝潢真係好有茶記既氣氛,但係D野食又唔係傳統茶記有既芝士大蝦農夫包呢個係佢是日晚餐，我地加左$22蚊要個炒雜菌, 個人認為農夫包幾好食。傳統農夫包應該係就咁一個包點咖哩既, 但而呢個入面就裝著炒飯，上面有的加有芝士既白汁。做法幾特別，而且幾岩我地年青人，又係芝士丫嘛哈哈，所以我見好多台都有嗌呢個黎食。不過個牛油炒雜菌，就超難食。唔知係咪太少牛油定係咩既關係，成個送係無味既，同水煮一樣。哂左我地22蚊，係唯一個農夫包配既芝士白汁先叫做好食。飲品我地嗌左紅豆冰粒粒奶茶（＄38)紅豆冰有咩咁神奇可以賣38蚊，都唔係冇原因！！因為佢地連舊冰都係有紅豆既！！咁食冰之餘又可以食到紅豆，又唔怕D冰溶左會整淡杯野飲，所以成杯飲落都覺得甜度適中，完全係滿分既飲料。可以睇得出店家既細心其實仲有好多唔同既菜色，不過一個人食唔到咁多，下次同班FD一齊去再試過