羅麥記 (東薈城名店倉)

营业中

休息中

東薈城係香港outlet集中地從來都好多旅客 小編都不時會入嚟行下自從去年擴充之後 多左好多食肆同舖頭上年年尾小編都寫過一篇係呢度用餐嘅食評😝當時就有留意到「羅麥記」裝修非當搶眼大大隻字清晰寫住店名及後再發現係不同區都有分店嘅蹤影知道係食港式新潮配搭嘅茶記冰室啲組合令小編好奇又吸引😍今日嚟到行完街就食佢餐具隱藏式抽屜自取要讚除餐具外牙籤紙巾都有齊差不多六點入座 座位寬敞環境不嘈吵裝修設計屬懷舊風格☺️印左成幅康樂棋上牆 玩味十足有意思特別一提職員好貼心有禮😆小編和同行人士一坐低就睇主餐牌完全忽略左下午茶餐菜單職員主提醒如要點下午茶要6點前不然電腦就落唔到下午茶單😱下午茶Set D ($59)-羅麥雞翼撈通粉 -配羅麥炒蛋多士 -凍奶茶瑞士汁撈通粉好入味！雞翼有4隻 全部都好大隻肉唔柴 無浸汁浸過頭啱啱好層雞皮入到味 同時保持肉嫩 多士牛油味香 整塊都食得出牛油味炒蛋係全熟 唔係有蛋汁嗰種凍奶茶係奶味重😊墨汁魷魚鬚($46)好大一碟 煙煙韌韌好味有咬口 個汁係瑞士汁芝味牛肉葱油餅卷($48)呢個係驚喜喎！話說小編對佢零期望 是友人點的😂點知食落口酥脆 牛肉比得多好有存在感最正係啖啖都係芝士

最近東薈城二期新開左間羅麥記，門口係大大隻字好搶眼既招牌，見佢主打懷舊港式飲品亦有新穎既香港獨有菜式，就一於諗住入去試下新餐廳啦！餐牌上面除左甜品之外都有好多既選擇，我同友人都揀左好耐。最吸睛既都係磚頭焗豬扒飯，磚頭其實姐係依家香港好興既多士磚，呢個飯個概念就好似菠蘿炒飯有成個菠蘿裝住啲飯咁，重點係呢個’’容器’’仲要係食得既。大大舊多士磚同好多塊豬扒，份量充足有餘，所以我地兩個人淨係嗌左一份main course。估唔到多士同焗豬又幾夾，我個人覺得塊豬扒配多士咁食仲好味過就咁配飯，有個種好香既麵包味，冇咁單調。小食方面，我係第一次食港式蝦多士，覺得幾驚喜呢到既蝦多士形狀有啲似巨型燒賣，咬落去係蝦滑連炸左既多士，配埋個開胃既酸瓜沙津醬，中和左佢既油膩，十分之match！個人認為蝦多士適合幾個人一齊share，因為有成六件大大舊。我地仲嗌左另一份出面少有既小食，就係水牛芝士炸雲吞啦。呢樣炸物就配左泰式酸辣醬，咬落非常脆口，入面仲係溫熱既，有蝦肉同埋滿滿既水牛芝士，呢個配搭原來又幾夾，野食方面我最推薦呢款。最後不得不提既就係佢既野飲好吸引有多款唔同既懷舊港式西餐廳特飲，就好似黑牛，雪糕紅豆

最近黎得東涌幾密，約親行山都哩邊，行完黎左羅麥記醫肚。羅麥雞翼撈通粉 $55哩個或者撈丁都係我至愛呀！佢既秘製瑞士汁實在調製得太好，雞翼炆得好林，勁入味，通粉粒粒都掛汁，正！芝士芫茜蝦春卷 $38炸到金黃色好吸引，超脆，水牛芝士味濃，仲有巴馬臣拉絲芝士，芝士控必食。仲有芫茜好香，蝦肉爽口，推介！蜂蜜紅豆西多士 $32當甜品食都得，紅豆同蜜糖甜甜的。哈哈哈炒飯 $68個名好有趣，哈其實係「蝦」既意思，用左蝦膏、蝦米等材料炒既，蝦膏醬味幾香，炒到粒粒乾身但唔硬，落埋肉鬆幾正。熱生薑蜂蜜水 $22增強維他命好重要，所要叫左黎飲，但中意甜d既，多d蜜糖就好。

羅麥記到到都有，餐廳主打懷舊風格，精美嘅裝修好似入左以前嘅餐廳咁，懷舊之中帶點新潮，就連招牌都整得非常靚！招牌磚頭焗豬扒飯$88極重手嘅焗豬扒飯，份量十足，成份方包做底座再鋪上爆滿嘅蕃茄汁同豬扒，賣相先比100分！磚頭方包上面嘅蕃茄醬真係非常多，切開仲見到入面嘅炒飯係一層醬一層炒飯，每啖炒飯都沾滿醬汁！完全唔同平時食開嘅焗豬咁只有表面個層嘅醬，食多兩啖都無汁撈，呢度要再加100分！正！豬扒切件再放入去焗，豬扒嫩滑完全唔硬又唔韌，咬落去仲有非常多醬同芝士，肉汁仲爆出黎，到底點樣先可以做到咁好嘅豬扒？重點係豬扒食唔完，正啊！一百分推薦啊！一個磚頭焗豬扒飯可以四個人食，我地三個人都食唔曬個麵包啊！麥Sir乳鴿仔$56令立立嘅乳鴿仔其實都唔細隻，肉厚而且皮又燒得脆卜卜，食落啖啖肉，鴿脾相對較嫩，食落唔會太咸，可以唔使沾淮鹽都夠惹味羅麥雞翼$56呢度啲羅麥雞翼出名好食，仲有得撈公仔麵食，甜甜嘅醬汁就好似瑞士汁咁，再多一點惹味，雞翼入味得黎又嫩滑，唔會老，顏色一流又吸引，招牌果然係招牌，正蜂蜜豬頸肉（跟餐+$28）抵食之選，性價比高嘅小食，大大塊嘅豬頸肉上面仲落左大量嘅鬍鬚叔叔蜂蜜，見到都流口水豬

臨近過年係東涌outlet掃完貨，當然唔少得去東薈城填飽個肚仔😁 🌠蝦多士(5件) $60🌠蝦多士唔好睇落細細粒，其實一舊有成個手掌咁大，直徑等同法包，而蝦膠鋪滿麵包表面，幾彈牙，配合沙律醬食👍🏻麵包外皮非常脆而且內裡軟熟，但略嫌太多油🎇香茅蜂蜜豬頸肉 $45🎇豬頸肉外皮烤得很香脆，再淋上蜂蜜，食落口甜而香，啖啖肉😁✨羅麥雞翼(5隻) $56✨招牌羅麥雞翼的確相當出色，雞翼不單止入味，而且不會有膩的感覺，汁甜惹味，必食🌌麥Sir乳鴿仔 $56🌌乳鴿仔幾香口，而且肉質尚算嫩，皮帶少少脆而不太油膩，唔錯🌠生薑蜂蜜水 (熱) $22🌠生薑蜂蜜水非常暖胃，而且很解膩，檸檬新鮮夠酸不苦澀，加上薑之辛辣入口舒服😋✨磚頭焗豬扒飯 $88✨最後亦是招牌之一的磚頭焗豬排飯，外貌都幾壯觀，以麵包圍著炒飯及豬排，然後加上芝士進行烤焗，飯香得黎不會乾，而豬排配合芝士非常滋味，最後可以將麵包切開再食，絕對是填肚的一款美味主食😁👍🏻總括而言，羅麥記的食物質素普遍都很好，味道不會令人失望，而且環境加入大旺昔日香港的味道，不禁令人想起80年代初的時光，而食物就是這樣世世代代流傳下來，從中加以改善，香港精神👌🏻

今日約咗朋友去食早餐，揀左呢度11點4去到仲有早餐，去到11點半晏晝11點開始供應，中間有半個鐘buffer都幾好！裝修環境懷舊！嗌咗豬扒公仔面，多士加滑蛋同美綠，$42豬扒都林既，有好多雜豆，感覺味道一般

隨意去食個午餐咁就叫左佢個常餐D:瑞士雞翼撈通粉首先講個多士賣相唔錯，但係食落去唔脆口仲有啲硬嘅感覺，應該都整了一段時間瑞士雞翼就不錯幾入味同大隻有5隻份量但係個通粉底有色無味，只係食到種香料嘅味到，中伏食了一半就放棄咗啲職員幾有效率不過力度就大力左少少加埋杯凍飲$59不值最後埋單同個收銀講啲意見岀黎佢完全冇反應唯有係度講番岀黎ps：冇食過佢其他食物有機會你地都可以去試下，或者會有改善每人味不同我只係提供個人意見 ，不喜勿插

去東涌行outlet就一定要搵地方唞一唞，才能再繼續血拼😂行行吓見到有間羅麥記，即刻二話不說，即入去搵食，放肆地揀咗最想食的炸雞髀加薯條，因為好耐冇食呢！😍朋友就揀咗蝦多士，一睇價錢嘩，貴過一碟飯，不過，又係因為想食所以叫。首先上枱時蝦多士，一見即刻哇的一聲，因為每一件都好大件，感覺好似都唔算好貴😂蝦膠在面包上，味道真的不錯，彈牙之餘，麵包也仍外脆內軟。我的炸雞髀卻比預期遜色，炸得太乾身，味道太濃，不會再叫。另外叫左一杯檸檬薑楓蜜水，做得的味道也不錯，薑味出、楓蜜甜、檸檬香。

東薈城新翼開左後都未點黎過食嘢，今日去左食羅麥記，餐廳環境好乾淨，員工有禮貌。兩個人order左兩份main course一齊食，黑椒汁香草紐西蘭羊架，同埋 磚頭焗咖喱軟殼蟹飯。羊架多肉，肉質夠稔唔會韌，而且俾成3枝，黑椒汁味濃，味道偏甜，啱曬我口味。點點下我連啲薯角都食曬。磚頭焗咖喱軟殼蟹飯焗得好香口，好有特色，磚頭包拆開之直情就已經索曬咖喱味，正！ 軟殼蟹好好食，乾身香口，咖喱汁唔會太辣，以襯包黎食，咁既味好啲。再多啲汁就重正😋紅豆小忌廉奶茶，攪勻飲好正！雪糕球都係襯oreo餅夾，特登叫左多朱古力醬，好味！

東涌雖然開多左個新商場，但餐廳選擇仍然唔多。即使你對食物冇乜要求，如果撞正食飯時間，四方八面就會湧出一大堆人，想搵間有位嘅餐廳都唔容易。今次介紹嘅係新商場開嘅羅麥記，佢算係喺東涌唔多餐廳選擇中，食物質素唔錯得黎價錢又唔算貴嘅餐廳。羅麥記有唔少分店，雖然佢走民華、敏華、翠華果啲新茶餐廳路線(舊式代表有銀龍)，但餐牌就較民華多選擇，有啲仲好似幾有特色添。但由於好多時都要快食，多數都係叫佢嘅午市套餐，好似粟米雞絲飯(但冇影相😅)，朋友就試過佢嘅椒鹽豬扒飯，轉述返佢嘅食後感：豬扒好味、椒鹽有辣味但唔會太辣，自己本身唔係好食得辣覺得啱啱好，白飯面淋嘅汁都同豬扒好夾，整體份量夠食👍🏻不過假日嘢飲要散叫，加埋就冇咁抵，想試就平日去啦😉

呢晚同朋友係平日放工嚟食，唔算好多人，唔使等位。餐牌所見其實真係有好多選擇，可以嚟多幾次食唔同野!! 朋友之前食過，話蝦多士都幾好食，今次我哋就點咗: 蝦多士、磚頭軟殼蟹飯、黑汁魷魚鬚、蠔油時菜(菜芯)、紅豆冰粒粒奶茶同狂牛。蝦多士: 原來同普通蝦多士唔同，唔會好煎炸，好大件，但兩個人食5件有啲啲多，如果有三件版就好喇磚頭軟殼蟹飯: 好有創意同特色，足料，仲浮誇哋大件! 齋睇相都feel到個氣勢? 黑汁魷魚鬚: 唔係好大條，同樣地分量多，比預期好食，好爽口 菜芯: 蠔油另上 very nice~ 夠新鮮紅豆冰粒粒奶茶: 另一有創意之作! 啲紅豆整成一粒粒冰，加入奶茶口味好match，唔會過甜，仲好飲過椰汁紅豆冰!狂牛: 有爆炸糖，好得意XD 又有雪糕，當埋食甜品~想食港式食物，以前一向主要都係幫襯d茶記，但環境通常都好一般。羅麥記呢間sell港式食物ge 餐廳，環境同食物質素都比較高，有d突破同創新，價格定位亦合理。唯一係覺得食物ge選擇同量多咗啲，適合多啲人去食!

原本食個早晨醒下神，今鋪真係嬲到暈😡😡叫左個外賣，員工準備比份外賣我果陣，都未遞到我手上，就放開左手。所以份早餐就跌左落地下。之後仲要怪責返我咁樣拎所以整跌😤明明自己做錯，仲要將責任推比客人。個員工冇再講其他野之下拎左另一份早餐比返我，但完全冇歉意之餘，連早餐都唔幫我放入袋，就咁放係度。😡😡😡😡😡😡😡😡😡😡😡😡😡😡真係好差既服務態度，老實講，如果份早餐我自己整跌既，係我問題，你唔比返我，要我再買過都冇所謂。但點解係你自己錯會將責任推卸比客人，真係令我大開眼界。👇🏻👇🏻👇🏻👇🏻👇🏻👇🏻👇🏻我以後都唔會光顧此店，以免比錢買難受。老實講，呢份係好一般既早餐，但再加上呢個服務態度，個員工擺明趕客。

以前喺銅鑼灣返工成日都食羅麥記，而家東涌開咗間新嘅羅麥記，好方便，可以得閒落去食下午茶或者晚餐都得。👏🏻👏🏻👏🏻啲小食唔算貴，有啲仲好抵，今日點左個瑞士🐔雞翼覺得好好食，另外我第一次食🦐蝦多士，原來好好食架點埋啲沙律醬。另外仲試咗紅豆西多士，都幾特別。今日夜晚同老公落嚟食嘢主要都係點小食，因為可以食多幾個款式。同埋我哋冇俾人點左一隻乳鴿，都算唔錯。以後我同老公唔煮嘢食可以落嚟呢度食晚餐平平哋就食到一餐啦！😊😊

羅麥記分店不少，之前試過銅鑼灣和青衣分店，味道不俗，蝦多士更是一試難忘；這次來到東薈城，新開的部分有不少新餐廳，但筆者還是決定到羅麥記用餐，貪其質素有保證🤪🤪媽媽最愛坐卡位，羅麥記很能滿足她的要求，全店都是卡位或長梳化。餐廳走懷舊主題，牆壁上有兒時最愛蛇棋壁畫。餐牌食物照片吸引，有選擇困難症的人應該有排睇😂餐具在餐桌內，自行拉出來取用，看得出餐具很乾淨，比一般茶餐廳優勝。筆者首選蝦多士，另外點了我媽想試的蜜汁豬頸肉，以及磚頭焗飯。蝦多士 (9/10): 多士很厚身很鬆軟，蝦膠份量很多，入口爽滑，整體不算太膩。蜜糖豬頸肉 (7/10): 豬頸肉很爽，加了蜜糖很有bbq風味。白汁海鮮磚頭焗飯 (8/10): 海鮮很足料，每樣都大大隻，魚柳炸漿很薄，加入焗飯仍有香脆感覺；飯量很多，兩人share都吃不完。天氣轉涼，我們都唯有捨棄各式特飲，點了最簡單的熱飲。筆者的熱檸蜜檸檬無苦澀味，質素合格。

去過咁多間羅麥記，見到間間都充滿香港兒時懷舊色彩，係地道既香港餐廳。雜扒餐 $108套餐包餐湯同熱飲，都平嫁喇，個汁有三款，揀左燒汁。一上枱俾條巨型施華力腸吸引左，好似好好味咁。好豐富，有牛扒、雞扒、豬扒、煙肉同薯條。鐵板上熱辣辣特別好味，三款扒都幾林，容易咬同入味，正！餐湯勁大碗，哈！係忌廉湯，一個人飲實勁飽。麥sir乳鴿 $56本身都諗緊叫唔叫黎試下，但見隔離有枱食得好滋味，我又忍唔住。用手拎住食最正，點d椒鹽好味，又多肉，個皮又燒得脆脆地，好食。避風塘海鮮炒麵 $68叫左小辣，伊麵炒得乾身入味，落左d辣粉好香但唔算辣，有蝦、魚柳、魷魚等海鮮，不錯！黑汁墨魚鬚 $46估唔到有咁多，真心抵，食之前撈勻，黑汁甜甜地，由墨魚鬚好爽口。