羅麥記 (東薈城名店倉)

营业中

休息中

東薈城2期新開張，開左好多間食肆，睇到呢間餐廳既餐單，好似好多野食，就入左去試下食 我叫左份早餐，而佢地既早餐同民華差唔多，但選擇食物種類比較少，set死左頭6個餐要跟火腿炒蛋，咁我叫左4號單-雪菜肉絲米加杯凍檸茶，上餐既時間都算短，唔洗等好耐就有得食，但個方包無切皮，可能烘得唔夠，搞到食起黎好硬，所以我只係食左白色部分就算，同埋佢d牛油搽得有少少唔均勻，之後黎左碗米，份量非常少，覺得抵唔抵食就見人見志啦味道都算ok

東涌東薈城二期開張後， 東涌飲食多了很多選擇。今日正好與家人路過，被餐廳的氣味吸引了，所以選擇了羅麥記進晚餐兩個人進餐 ， 一個蝦多士，磚頭豬扒飯 磚頭焗咖哩軟殼蟹飯 還點了杯特飲菠蘿粒粒冰跟餐 加$28元菠蘿粒粒冰 非常大杯目測有500毫升 菠蘿好新鮮飲品唔會太甜。蝦多士 蝦同多士的 比例非常好， 上層的蝦更很鮮甜。磚頭豬扒飯， 磚頭係列外面都是一塊麵包皮， 掏空了中間加入米飯 再放入焗爐，睇落細細個 原來份量好多 仲要食淨少 味道都好濃沃。磚頭焗咖哩軟殼蟹飯， 同樣都有著麵包外殼， 咖哩味好香一放低就聞到， 軟殼蟹大概兩隻啦 乍得好鬆脆。總括嚟講快靚正， 上菜總共用咗十分鐘左右， 二百幾蚊兩個人物超所值。

以前最近嘅羅麥記都要去到青衣食本身我係好喜歡食西餐🤪都好少特登會揀中菜食🤔但今晚想落街食晚餐時屋企人話好想食呢間，咁就試吓啦！真心！淨係睇佢餐牌啲設計都覺得好有誠意😂😂成本雜誌咁，版面又吸引😂😂😂最成功係睇完呢份menu樣樣都好想叫黎食😂😂😂由於個餐牌太多頁啦所以我只係影咗幾頁🤪🤪🤪講返正題先今晚我同屋企人order左一人一碟✨✨✨✨✨✨✨✨✨✨✨✨✨👇🏻避風塘軟穀蟹炒麵🌶 $68Menu明明得一隻蟹黎到竟然有兩隻喎😍😍😍分量同味道都好好👍🏻👇🏻西冷牛扒餐配黑椒汁 $98👇🏻可樂牛仔骨 $108另外仲叫咗三杯👇🏻雜果賓治🍹🍹🍹呢杯係特飲所以要加錢🤑🤑🤑但係原價淨order係$38埋單係要出去收銀處埋嘅雖然無計+1服務費，但係服務態度都唔錯㗎‼️

東涌東薈城2 開張後，很多出名食店也入進駐場內-其中之一是羅麥記。曾在青衣食過這間食肆，被他的懷舊菜式深深吸引著，特別是粒粒紅豆冰奶茶。今日想食下午茶，二話不說就衝入新開張的的羅麥記食個下午茶。我家主子一看午餐牌就點了羅麥記的滷水豬手撈丁（他很喜歡食豬手🙃）。。我最愛叉燒-見到下午茶有叉燒炒蛋飯，很吸引吖。我就下單。也點了我的最愛👉🏻👈🏻粒粒紅豆冰奶茶。期待的一刻🤩🤩見到我們的點的菜上台。失望之情泳出來。叉燒炒蛋飯變為芙蓉迪士尼煎叉燒飯。滷水豬手，味道一般 偏鹹。粒粒紅豆冰（下午茶餐轉飲熱飲+HKD18), 不怎特別的。整體失望。下次去東涌飲下午茶就唔會再去。想食懷舊茶餐廳食物的羅麥記，我寧願去青衣食😮

細個食過嘅回憶真係翻翻晒嚟❤️餐廳雖則唔稱得上世界級好食，但絕對對得住價格～由於今日係星期三有只限星期一至五限定茶餐：「餐肉蛋辛辣麵」 「碎蛋牛角酥薯角」牛角酥鬆脆爆餡；炸薯角脆口份量多，口感很香脆「羅麥雞翼」呢個雞翼真係好入味 滷水汁索晒入雞肉到，食落每口都充滿滷水嘅香味，真係好有幸福嘅感覺🤗「磚頭焗豬扒飯」用麵包裝飯，好主意，看見實物之後的確嚇了一跳，這個造型實在是驚艷😱難怪要叫做磚頭焗飯，外層香脆的吐司看似一塊磚頭，最上面擺放著5、6塊香噴噴的豬扒，淋上芝士與醬汁，賣相十分誘人😍裡面有熱辣辣的炒飯，原來吐司只是外層，炒飯被包裹在內，配上厚切豬扒與香濃醬汁，口感頗為獨特，推薦嘗試「紅豆冰粒粒奶茶」少甜好多紅豆，充滿茶香味全日制常餐：「餐肉煎蛋辛辣麵」$42水準很好👍🏻👍🏻

紅白藍三色膠袋、五顏六色的霓虹光管，一眼望去便感受到香港的味道。 這間在東涌新開的茶餐廳，除了裝修地道外，食物方面也有不少懷舊的菜式、當然少不了充滿香港特色的經典茶餐廰美食。蝦多士 （$60）👍👍👍👍懷舊蝦多士，不是很多地方可以吃得到，在厚切的法包搽上一層蝦膠，煎至焦香金黃的蝦膠跟脆脆的法包，外脆內軟，一客有五件，最適合多人分享。芝士牛脷包（$42）👍👍👍👍當我看到這個牛脷包，牛脷是一整條放在麵包上，你可以豪邁地一口咬下去，當然也可以用刀叉優雅地慢慢吃。牛脷配以芝士、青瓜和蕃茄令口感和味道更清新。避風塘海鮮炒麵（$68）👍👍👍👍海鮮炒麵舖了一層香辣的避風塘香炸蒜蓉，令豉油王炒麵增添風味。多款雜錦海鮮亦為炒麵帶來避風塘的滋味。焗豬扒飯（$65）👍👍👍👍大大塊的焗豬扒放在熱烘烘的炒飯上面，茄汁的味道酸酸甜甜，令人愈吃愈開胃。涷檸賓（+$10）👍👍👍👍焗住食套餐加$10 配凍飲。蜂蜜菠蘿冰 （$32）👍👍👍👍甜甜蜂蜜跟香甜的菠蘿𣲙，解渇又消暑。內在環境餐牌

見東薈城開左唔少食肆諗住逐間試下，今日就食羅麥記啦，知周圍都有分店但未食過，估唔到既係難食成咁！！我地叫左一個下午茶餐肉絲炒米同鐵板西冷扒餐，黎左個西湯先，唯一較好味係佢，不過好杰，有d一舊舊、但味係最好既，所以同個女都飲哂咁滯，有d帶子肉響入面之後黎左老公個炒米，真係好難食，無味的，我女都食唔落之後就上個西冷，7成熟、硬到咬唔到咁滯，仲要蒜蓉汁無蒜蓉味，塊扒無牛味，唔知食緊咩肉咁，過百蚊既扒餐仲慘過大家樂不過服務就好，會主動畀bb櫈，落單快同員工友善但食物真係接受不了了

今日遇着要送朋友機入左機場一轉，但係就有小小肚餓，機場又冇乜嘢好食就去左東涌呢個東薈城，原來呢個場係啱啱落成，行行下就見到呢間羅麥記就入左去，原來羅麥記都係開左冇耐，當時係下午四點幾，不算多人，好快我就有位。我看見餐牌都幾多元化，我就是但點了乾炒牛河同熱奶茶。座位不多，但坐得都舒服。乾炒牛河有獲氣色香味濃，值得一試。奶茶茶味適中不苦不澀，最岩我地啲後生仔。最後結論就係冰室巳有好多，好難揾到一間啱口味

之前也有到訪青衣分店的羅麥記茶餐廳，感覺不太差，食品也好，今次東薈城二期開了羅麥記 差不多兩星期，今天下午茶 去探一探路！店舖地方一如所料真的不太大， 所有座椅也拍得麻麻密密， 全無私隱， 不過去茶餐廳也預了這樣的安排， 但這裏對比於青衣分店侷促得個份， 本人 2點30分到達，幸好不用等待，也安排入座 四人座位， 隔壁已有兩人在用膳， 差不多手踭撞手踭， 感覺不太良好！本人兩點38分落單叫了一個下午茶乾燒伊麵，很可惜到了3時許仍然未見食品， 附近較後到達 的單也食品到了， 本人催促了兩次，但可惜仍未有反應！ 最後到了三時十分 乾燒伊麵才到達， 其實我也只是用了五分鐘已把牠吃完， 整整一個下午茶餐用了40多分鐘，只是用了五分鐘已經食完， 茶餐廳來說太浪費時間了！其實眼見餐廳內侍應不少， 他們真的要改善一下 送餐的流程， 如果唔係，人多反而辦不到事，希望遲啲會有好轉！

新開，晚上去試試看。餐牌食品都算多樣化和有特色，但一試就仲伏。我點了一個忌廉芝士雞焗飯，雞肉無味，啖口到極，忌廉亦如是。雖是焗飯，但整體不夠熱。吃了2口，真沒心情再吃下去。價錢亦是比普通茶餐廳貴，性價比唔高，食物質素亦不合格。只此一次吧！

中秋佳節…下午出走去Citygate新翼開吓眼界…又睇吓有乜東新餐廳…揾餐晏食….但商場好大…時間吾多…見有間羅麥記…茶餐廳果類…裝修似懷舊非懷舊咁吧?!...即時有2人枱…事不宜遲…就坐!!全日制常餐…4款選擇…都五十零蚊…先上份炒蛋多士…應該用上兩隻大蛋o既份量...幾味美!!...基本單係食左哩碟都夠飽啊哈！！… 跟著送尼叉燒濃湯通粉…大底佢所謂濃湯只係咸過人!!! 第一口尤其覺……而叉燒係好味的!!...如果好似餐牌幅相咁…加翻D蔥花…咁賣相會更吸引啊~餐茶要左港式奶茶…滿意~同事點o既係雞翼撈通粉…同樣配炒蛋多士…有4隻雞中翼…算份量俾足…我只小試一口通粉…相信係用所謂o既瑞士汁…偏甜...個人就吾特別喜愛…同事就好啱食…D座位都舒適o既…如晏D尼…都開始外面要排隊添…可能生意多…D服務生就似乎有D”頻能滕雞”…有位哥仔送餐一次又一次燙瀉到一地係…怕左佢!!

今日無聊入到東涌，見下午茶時間便試下呢間餐廳。點知一個雞肶薯條要等23分鐘，懷舊西多士足足30分鐘，真係有客都做唔到啦。好多客都追單，只有一個服務員既態度尚算正面，但都係冇辦法，其他既更不值一提，冇水洗面。返轉頭幫襯既機會極低，失望。

今日見新開無耐去食下。點知預到個垃圾職員。男人唔知乜名。不過係企響門口帶位既。想食既見到佢要小心d. 佢態度極差。EQ低。本身平心靜氣同佢想調位。因為我地五個人佢俾張四人枱。有個要坐近路口，阻住左條通道，我地話可否調去張六人枱。佢話要預俾客。但實情係無六人等緊我同佢講我地唔夠坐都唔想阻住條走㾿，佢就一句話我梗係就自己預人唔通就你地咩，咁既態度都有？我平心靜氣同你講你黎同客搵交拗。永不再幫襯