羅麥記 (東薈城名店倉)

营业中

休息中

10月1日有消費券立即去咗東涌東薈城shipping 吓，行咗一陣間攰攰地，去食個Tea先，去咗羅麥記食咗個鬼咁豐富Tea，去到羅麥記食蝦多士就必然啦，我今次食咗個咖喱軟殼蟹飽飯，個軟殻蟹鬼咁好食，個飽裏面仲有炒飯，哈哈幾層口感好特別，仲有，仲有一個避風塘海鮮炒麵，那一個又係一定要試不得了的好味，不過提提大家個飽份量好大，我地5個人分享，食埋其他雞翼，蝦多士，椒鹽鮮魷，避風塘海鮮炒麵，大家都覺得好飽。仲有，仲有，記住吾好食椒鹽魷魚，個粉太厚，不夠鬆脆。

今日特登嚟到東涌outlet shopping, 結果什麼都買唔到🤣 其實每次都係咁經過呢間羅宋湯專門店，就入去試吓啦其他食物冇乜特別，呢間餐廳係主打羅宋湯，係我食過最好味嘅，本人平時唔多中意飲羅宋湯，都覺得佢好好味，唔好睇佢咁，湯入面有勁多牛肉，好濃郁，真材實料

去完迪士尼樂園玩，就順便去東薈城個outlet行吓街，而家東薈城新裝修咗，餐廳都多咗好多，肚仔餓就去咗羅麥記食個快晚餐。叫咗個避風塘雞翼，椒鹽鮮魷，西蘭牛扒鐵板餐。先講吓西冷牛扒鐵板餐，肉質都唔算un, 薯菜好食，揀咗黑椒汁，好惹味，食一份都爆飽哂。避風塘雞翼，上枱賣相已經好吸引，揸到熱辣辣，好香炸蒜頭味，食完一隻想食第二隻椒鹽鮮魷，分量唔算多，可以接受，又係熱辣辣，好食！如果送啤酒一流，haha!

今日同小朋友黎下午茶，一個話要食包，一個話要食薯條，於是就叫左2個都有薯條既餐T9碎蛋牛角酥薯角連熱飲$32牛角酥夾上碎蛋非常好吃，薯條份量非常多。T15脆炸魚柳薯條連熱飲$42魚柳炸得好鬆脆，小朋友不停吃

全部夥記喺度非常差,帶位呼呼喝喝,瑞士雞翼通粉非常甜,不停上錯單,搵負責人投訴態度再仲差,下次唔會再嚟食,入到嚟受氣直至走,連最基本茶餐廳都好過佢,但相信唔關其他分店事,純粹係呢間舖頭員工問題,完全唔尊重顧客,當客人好似仇人,聽到隔離枱都投訴佢哋態度

是日行過東薈城見肚仔餓就同老豆入左呢間都有好多分店既羅麥記，老老豆豆真係第一次食呢間野，冇咩特別寄望，唔好太失望就ok, tea time 我就叫左個茶餐碎蛋牛角包拼薯角$32仲要包杯熱飲，我就咁睇餐牌覺得佢好抵食啦，等左十幾分鐘先到，我心諗薯角應該即炸啦。。說好的薯角呢。？？點解變左薯條😫😫份量的確以呢個價錢黎講好足夠，味道都真係幾好食，牛角包內碎蛋亦都有番咁上下份量，牛角包鬆軟夠香，但係唔好奢望佢會脆卜卜喇。。至於變左薯條既薯條…🤦🏻‍♀️兩個字講曬*番炸*至於杯餐飲，我叫茶走，又幾好水準喎，濃厚夠滑，其實$32蚊值得有餘喇...另外真係好想講下我老豆叫果個飯🤦🏻‍♀️粟米雞柳飯$48包杯餐茶，一黎到都o 左咁，賣相都幾差，睇到都好求其，份量少，老豆食完仲話餓,咁我問老豆好唔好食先？佢答。。咪學生餐咁既質素囉又冇味，唉其實都成$48蚊係咪可以做好少少呢😭

今日向附近做完野就去左呢度食下午茶T48 窩蛋免治牛肉燴意粉 $48 +$3叫埋杯凍飲免治牛肉飯食得多，意粉就第一次食，不錯的。多醬多汁，食到最尾汁醬仲有剩，非常鐘意有掛麵的感覺，啖啖都有肉醬，正吖。

係東涌e個沙漠只要食物正常發揮，就可以排長龍，今早去到餐廳，全部坐滿餐廳裝修，有少少懷舊feel除左多士烘左=無烘（又淋又硬，明顯唔係即烘）今日轉左辛辣面，又ok

成日見都咁多人等位，於是就入去試下啦!今次係第二次食呢間，又再次中伏了…真係未食過d咁難食嘅香茅豬扒飯!豬扒冇香茅味道，衹係油炸再加上d葱花上面!白飯加上豉油，d飯完全唔熱!老闆…你想點呀!完全無Heart嘅垃圾食店!奶茶都係一般口味，最適合d冇特別期望嘅客人幫襯!唔信就自己去試下啦!本人一定唔會再食第三次!!!p.s.開食肆最差係厨師無心做好佢!!!

約咗行山，但個個都遲到，唯有自己食個早餐先，無奈x1000000之前都有行東涌outlet , 但無留意原來個商場係咁大，我以為得2層同basement, 今日先知原來有5樓😮。呢間茶記都算坐得舒服，相比尖東嗰啲直頭係濶落，menu 都幾多選擇，我大把時間就點個英式all day breakfast 消磨下。嚟到個樣都幾ok , 薯餅都炸得幾脆，多士都烘咗底，不過菇唔熱同煙肉煎得唔夠香😅。整體都ok ,因為乾淨又有效率，但茶記嚟講要56蚊就唔夠貼地🤫張單用個大夾又幾cute 🤩

今日約左人妻飯局，想搵一個地方坐得舒服又可以詳談既餐廳🍴走左入去東薈城見羅麥記人吾多就入去坐了。菜式種類繁多，有招牌秘撈公仔麵🍜、避風塘雞翼、焗磚飯，走多元化茶記路線。磚頭焗黑椒雞排飯（HKD 88):非常厚而又外脆內軟既磚頭麵包盛著大量炒飯，表面淋上惹味黑椒汁，佐飯一流😍雞排好嫩口，烘焗麵包吸曬黑椒汁精華，創新好味。香辣雞翼撈丁（HKD 58):每次黎食都會食其招牌瑞士雞翼，雞皮肉嫩，味道鮮甜、而適量辣椒🌶️碎調一調味，辣度適宜且惹味，用埋瑞士汁撈丁，甜甜地，好正。突然店員主的送上竹蓆茅根，十分驚喜，可解解熱毒，清甜潤喉。唯獨衛生清潔🧹可做足點，入座時發現地上有條麵條無人清理😅總結：東涌區茶記好選擇

本身諗住過黎食下午茶餐 點知無 但都入左黎喇所以就單點啦坐既位置麻麻地 對住好多污糟碗碟 見到佢地將d污糟碗碟推出推入 又係我隔離係咁掃地..雖然會清潔係要加分 但我食緊野既時候見到呢d難免有少少唔開胃....不過其實佢都係一間茶餐廳 係茶餐廳見到呢d事都係正常不過既講番食物 呢個焗豬扒飯唔錯 好多豬扒又多汁多芝士 個汁係甜甜地唔係酸個隻 加左3蚊轉餐有熱飲 再加左3蚊轉凍檸茶 杯凍檸茶一般啦 呢個炸髀好正! 皮脆肉滑 炸得好香 d薯條又脆又熱 新鮮炸起係正d既 不過唔知係咪仲係停留左係以前 炸髀薯條都係廿零蚊 而家四十零蚊都硬係覺得有d貴, 但係係正既!

喺東涌有幾間茶餐廳， 今日你到東薈城試一試。一間連鎖餐廳，香港有幾間， 個蒜香汁雞扒都幾好食， 食完至少唔會覺得口渴， 之前都試過齋啡， 我覺得有點苦， 唔係我杯啡，所以今次我嗌咗熱檸茶服務一般一般啦， 有一兩個比較木口木面，但未太影響我食野。最影響係第一次坐的位置， 天花板滴水， 我估嗰啲係倒汗水嚟嘅，滴在坐的肩和手上， 唔想擔憂食食下，下一滴水滴係邊， 調咗位再同店員講返聲， 同佢講冷氣機滴水， 但係未見佢哋有善後工作 ，我差不多走時，仍然畀下一台客坐喺嗰個位，唔知這男客人之後有冇調位了。

一間茶記黎講 佢嘅出品一向都好對眼 我係街坊 都食左一段時間 但最近呢次去食 食完曬個餐 見杯飲品禁耐都未黎 就緊係追架啦 點知 呀樓面話我好鬧佢（?）話成間店廚房得1人 樓面得1人。。1 我冇鬧佢 2 而家係咪問都唔得? 3 你唔夠人 我唔知架喎 同就算你唔夠人 關個客咩事? 我唔知咩事攪到人手得一個啦 平日都有成3至4 個樓面嘅 而家攪到員工又唔開心 客又唔開心 我都明嘅 cut人手係基本啦 但cut到得1個又真係好慘情 個場都唔細架 個個又坐得散。。禁攪法 啲野幾好食都冇用啦

午餐時間，客滿等了數張枱，入座看過餐牌，點餐叫來一個似是經理級的女仕來下單，我按照餐牌內號碼點餐，佢很不耐煩咁話佢部機不支援號碼落單，好！叫我就你？忍你！照讀⋯再用怪責嘅語氣同我講呢啲要下午六點後先有，張餐牌寫很好清楚⋯我再望望果行字細到不得了，你起度做要熟讀餐單，你當咗我係起度做？不斷要求我去配合佢工作，唔洗錢食，都無理由受佢氣，何況我要排隊入坐最後還要比錢，算是我不熟讀你公司嘅餐牌，還來一個很了不起嘅態度去怪責我，令到客人不快就是你嘅目的？你想做澳牛式服務😡⋯⋯垃圾！我蛇咬都唔會再去🤬