羅富記粥麵專家 (已結業)

次次幫襯都會order, 雖然好多人座位好迫食得好有壓迫感, 但下次行過依然會再幫襯...

一開始已經知道這間粥麵店，今次試它聞名的魚球和及弟粥，魚球好香、夠晒熱、夠滑和夠味，唯一不足處，有小小魚骨。粥底夠杰和夠料，果然真材實料，不是得個〔老字號〕。環境和價錢一般，可以接受。

呢度的炸鯪魚球是唔錯，尤其係即叫即炸熱辣辣，魚球內有陳皮粒，味道都算幾好。坦白講一向欣賞果碟蜆芥多D，鮮味好食，不容錯過，所以食炸鯪魚球主角好多時都會係碟蜆芥，亦每次都會添食。18蚊一碟都算係抵食，起碼抵食過碗味精粥。粥的話就麻麻，撇開味精粥底唔講，配料無論肉片或各款豬什都給疏打粉醃過，爽口但味道全無，魚片的情況亦是大同小異。加上價錢要廿蚊左右，唔算平。如果食粥的話會推薦上環生記，廿五蚊碗魚腩粥大大碗，粥底靚不含味精魚腩亦新鮮，正過呢度。

雖然都唔係平, 但係佢既蜆芥鯪魚球真係極品~ 熱辣辣, 好好味. 加埋D蜆芥o個D特別既味道~ 真係極品!!

前幾年我在那裡附近返工,周不時放工後都會去食碗滑牛粥同蜆芥鯪魚球,真係好好味,粥底夠綿又無乜味精,鯪魚球夠晒新鮮熱辣,掂呀!記得搵日honey放假時叫佢陪我再去食一次先!

肉丸真係唔錯，有大地魚o架，令到肉丸好香口。

兩星期前在此吃肉丸粥($17)，好好味，仲有成7-8粒肉丸，好正又抵食．

今日同媽咪去食羅富記,我自己叫左2碗食,一碗你豬潤皮蛋粥,一碗係牛腩河,媽咪食雲吞麵,另外再叫個炸鮮蝦雲吞.個豬潤好爽好香~~d粥都爛好好味~碗牛腩同樣好味,好入味,d河粉就ok啦.雲吞麵不嬲都好食唔多講喇,反而係個炸鮮蝦雲吞就几貴,食好食0既,好香口,但7小粒要18蚊囉,媽媽話貴左d.

d人去羅富記,成日只食粥,雖然佢d牛肉粥,魚片同肉丸粥真係好好味,但其實佢d麵都好好食.平時最鐘意食佢個雲吞麵,d麵好爽口架,d湯都好清甜,唔似其他粉麵d只有味精味~佢d麵食完都唔口渴架!!! 而水餃同樣好好味呢,好多料,點醋最醒胃!反而係食鯪魚球0既蜆芥超鹹...我就麻麻地鐘意喇....送粥都ok0既,白粥囉,送麵就唔得...

粥煲得好過海皇同海景。滑牛粥有好多牛肉。

都叫過呢度的豬腰潤，但因落左疏打粉的關係，所以都食唔出係唔係新鮮，味道和口感因而有所影響，加上幾十蚊一碟唔係太抵食。都係食番撈麵和炸鯪魚球好D。

一看見門口的貼了一張紙<br />上面寫著“鮮豬腰潤扣豬肚”<br />聽落很吸引，立即走進去<br />先來一碗魚片粥，看見伙計用一個湯勺裝一大堆魚片，心中暗叫...正<br />因為很多粥店都只放一兩片....稀虛得不得了...<br />大大碗粥大塊大塊的魚片...再來一碟豬腰豬肚.....表面一大堆薑蔥絲，爽口的腰肚...送粥一流。<br />有機會一定再來

要開OT，八點幾來到。十年如一日我只會叫兩樣野，薑蔥撈麵和炸鯪魚球(都係18蚊)。因我對用疏打粉喇過的東西無興趣，所以不會叫粥，雲吞麵又有太多其他選擇，所以叫來叫去都係呢兩樣。薑和蔥都稍為用滾水灼過，如果蔥可生一點就更佳，但又唔係人人頂得住陣青味。值得一題就係呢個麵幾油，因為油唔夠多麵就會乾和一餅餅。係人都知炸鯪魚球的主角是碟蜆蚧而不是炸鯪魚球，這裡的蜆蚧夠鮮和辣，好鬼正。另這裡的水餃亦很好吃，下次可以一試。

最深印象係呢度D 蜆芥, 即係點炸鯪魚球個D 醬, 比其他地方'臭'好多. 外賣返公司, 一打開成層樓都知你食乜, 曾經有個o靚妹過o黎篤o左兩粒, 食完慘叫:跟住成個下午趙香口膠, 晒o野抵死.....講返佢D 食物, 唔, 粥都幾好, 其他真係一般, 但價錢佢就貴D, 後尾多o左粥麵皇之後, 差唔多忘記o左呢間老字號囉!

我成日來，各種粥品都好食，不過地方都幾烏漕。有膽請試生鯇魚皮，好食！但若肚痾則唔關我事！