羅勇泰國粉麵 (已結業)

天氣開始轉熱，又是時候到尖沙咀shopping 轉季，於The One 行了一輪後，還是找不到心水產品，最後決定到加連威老道再逛過，不過，在轉戰前先醫肚，就到厚福街搵食。在街尾的位置，發現了一間泰國菜店，內裏的食物選擇不算很多，但價錢平易近人，最後決定到這裏開餐。羅勇海南雞飯先談談椰子雞湯，這個椰子雞湯是附海南雞飯奉送，雞湯的味道非常香濃，入口帶有椰子及雞香味，口感油潤，但又不會很油膩，非常滋潤。海南雞飯油飯的味道不錯，米飯帶有油香，粒粒分明，而且口感濕潤軟淋，而飯面舖上去骨厚肉雞件，雞肉入口嫰滑富彈牙，而且帶有微微的嚼勁，而雞皮味道甘香，點微辣的醬汁，非常美味。秘製滷水豬手飯豬手相信是用上長時間以泰式滷水烹煮，所以非常入味，而豬肉肉質嫰滑，口感軟腍，蘸上味道微酸的醬汁，能中和豬油的油膩感，同時勾起食慾，不過，豬手的份量偏少，而白飯太多，不夠送飯。 炸蝦餅炸蝦餅的價錢有點貴，4件就需要HK$58，個人認為不化算，而且蝦餅的味道只是一般，雖然入口香脆，蝦肉亦夠爽彈，但蝦肉餡偏少。 椰青這裏的椰青是必點推介，椰青水份量超多，基本上滿得快要溢出來，而椰青水味道超級清甜，廚師更貼心地將椰青起蓋

呢條街有好多野食，一行入呢條街就唔駛煩惱食啲咩呢間泰國粉麵店應該開左無幾耐，又係時候試新野啦秘制滷水豬手金邊粉個湯底是深色的，原來係有藥材同豬血制成的，雖然顏色較深，但味道不會好濃，唔駛驚會好咸，加埋泰式辣椒粉仲好味面頭有幾塊炸豬皮，脆卜卜，偶然食下都不錯的雖然肥肉分佈都多，但都唔會好膩，最頂既皮脆脆地，所以成件食會中和左啲膩海南雞湯河呢度既河粉特別大塊的，都幾特別而海南雞是雞脾黎架肉質好滑炸蝦餅蝦餅好爽口新鮮炸起食特別好味

放工去到尖沙咀，去厚福街找食見到有間泰国野就去试下。裝修好有特色，好有泰國風味。就先來叫滿羅網泰國金邊粉。 用上豬血古法製造，人物有一陣好似藥材味。非常進補，冇味精。 你玩金邊粉有好多配料，我最欣賞就係豬皮同豬肉丸。 豬皮爽口徐博博，新鮮即炸，不太油膩。豬肉丸細細粒爽口彈牙有豬肉味。 好感豐富。魚片頭，新鮮大大大大塊。要多兩吋全消醒醒為，雞肉全消牛肉串燒.。雞肉肉質柔嫩多汁，牛肉牛肉味濃郁啖啖肉口感豐富。 沙嗲醬醒醒胃好開胃。

As well as lots of Vietnamese joints opening, there are more Thai noodle joints around after the success of Samsen.I was appealed by the bright baby blue decor so went in.The menu is clear in English and in Chinese and prices are not that expensive at the moment.I tried the Rayong Assorted noodles which had a bit of everything and chose rice vermicelli to go with it.The broth was not salty yet  you could taste the star anise and other spices, it lacked the unami taste but after adding the sauces

見佢新開張裝修幾靚仔就入嚟試吓啦！點左一個豬雜湯河；店員sale 你是小食丶串燒呀，嘢飲咁，有Dhard sell ! 有D中伏feel所以乜都唔要淨係要碗河粉試下先！碗河粉好似泰國咁細細碗；但咁細碗要收＄48好似貴咗啲;試吓味湯頭OK偏甜但係啲河粉佢又係跟返泰國嗰啲闊身嘅河粉，但係佢黐埋一齊幾快搭埋好”鞋”...咁細碗我諗住實唔夠食！點知仲有剩…啲粉太難食食晒啲餸就算…呢間唔掂同泰國嗰啲冇得比應該都冇下次啦⋯⋯

呢間開左冇耐應該係假泰菜，鴨河扮船面，份量好小好小，個湯傑他他! 豬手鞋到冇朋友，燒豬頸肉同豬手鬥dry，咁dry既豬頸肉都要15蚊一串，真得意。伏伏伏😥 我想俾個一星但俾唔到，好唔掂!

第一次光顧, 亦是最後一次 ! 先講食物 : 鴨肉湯河 > 鴨肉有6舊左右, 味道還可以, 河粉大片, 份量少, 底層係一PAT 芽菜, LONG 起左, 感覺好似好多, 最嚴重係個湯底完全不得, 得個深色, 完全無味 ! 碗河粉細到, 應該講不夠食, 講真咁的價錢, 真係不值 ! 朋友食豬手飯 > 豬手根本不是果回事, 在泰國食過的人都知, 泰國豬手飯係又林同入味, 但這間D 豬手係又硬又孩, 係豬肉湯渣, 肉上面加幾塊有毛的豬皮, 講真我從未食過咁難食的豬手, 同埋根本唔知MUD 野位置可以咁硬, 仲有D 汁又是無味, 飯又細碟, 又是不值一提之作 ! 總結, 不好食, 無下次, 不會再幫襯, 這舖同泰國食物完全背道而馳!

知道呢度新開一間泰國餐廳，經過開而且呢啲時間好少人，就試一試啦⋯⋯點知⋯⋯我4:38pm落單，海南雞湯河、泰式凍奶茶，冇套餐架。等到4:55pm先有碗河粉食，唉⋯⋯呢啲時間都要我等咁耐，都唔知攪乜鬼。河粉係好大塊嘅，質感唔錯，但係個湯頭好鹹，海南雞唔算滑，但冇雞味，而且一碗份量好細，正常男人一碗肯定唔飽。泰式奶茶又偏甜，想點呢⋯⋯。我等梗食物時，隔離枱客提我，坐出啲，佢地啱啱噴殺蟲水⋯⋯，開梗舖頭噴殺蟲水⋯⋯我即刻坐出啲

早前經過厚福街，見到街尾有間餐廳正在裝修。昨日再去時，這間羅勇泰國粉麵已經開業了。多年前，泰國羅勇尚未開放成旅遊區，我們一班朋友曾組團去那裏遊玩，十分喜歡當地的景色。因此現在見到這間餐廳，十分有親切感，便進去試試。餐廳將門口一邊作為廚房，向街位置裝了玻璃窗，可以看到廚師裏面工作，他似是泰國人。在玻璃窗上還標示了：「泰國羅勇古法濃湯底，絕對不含味精」。入口處頗窄，穿過小通道，才是主要的進餐區。兩邊牆壁掛著泰國裝飾，牆壁也以各種顏色的木條組合而成，營造了泰國的風情。看看餐牌，價錢適中，我點了羅勇海南雞飯($42)，隨餐奉送椰子雞湯。負責落單的阿姐亦似是泰國人，我說不要雞翼，她告訴我雞是用脾肉，全部去骨的。等了一會飯和湯一齊送上，份量不算多。先喝雞湯，有濃香雞味，清甜味美，湯內一片片薄片似是椰子，但很硬咬不到，所以無法肯定是甚麼。湯內還有些杞子，熱辣辣喝著，十分暖胃。那碟雞飯其實只有約一碗份量，黃色的飯應該是雞油飯，但不油膩亦不算香，飯和雞亦不熱，未知是否泰式海南雞飯的特色？但我以前吃過並非如此。雞絲尚算滑，最特色的是那碟醬汁，味道有點像麵豉醬，但好味得多，用來點雞絲吃，十分滋味，完全是這碟

今日同老公去SHOPPING 行到餓餓地見到間新店見到係泰國粉麵所以就衝左去試.裝修係有泰國特色仲有D貨櫃既感覺! 特別...望到個價格, 嘩尖沙咀有呢個價格實屬難得. 我地見到都好surprise!!!呢個羅勇什錦金邊粉... 份量真係好細, 男士真係可能要食2碗! 但味道好好, 真係好似在泰國食到個D味道. 佢既料都好足! 有晒豬肉同牛丸~呢個魚餅就有小小失望既因為每一塊比$5 大小小同埋得5塊. 相比起碗粉既價格係貴左小小. 海南雞飯又係正呀! 雞好滑個飯香得黎唔會好油. 個湯通常我都唔會飲, 因為都知道係味精水. 店員好好咁同我介紹話係椰子雞湯冇味精嫁... 我就試左一啖WOWOWOWOWWWWW... 真係好椰子呀! 估唔到呀... 有冇味精我唔敢講不過真係飲到好椰子好足料!由於第一日開張沒有熱飲所以我地只左2杯凍飲. 味道正常冇咩特別好同唔好. 係好泰國食店既味道!!