綠島茶餐廳小廚

营业中

休息中

係附近睇完中醫，已經好晏，勁肚餓。由於唔熟呢頭，眼見呢間小店門面都有啲睇頭。🌟豆腐火腩飯🌟味道濃郁鹹香伴飯一流🤭🤭豆腐外皮煎得金黃香脆，味道淡而滑嫩，粒粒沾滿燒腩肉的油脂香。燒肉皮脆肉酥。兩種唔同味道配搭非常好味🌟咖哩牛腩飯🌟正宗中式咖喱原味道，咖哩味燶又唔會好辣，大人細路都啱食。牛腩腍身又入味，米飯吸收哂咖喱嘅風味與牛腩肉汁，好快就爬完一整碟飯😋😋店員服務都有禮，個個都笑容滿面。唔似得一般趕頭趕命出餐，趕住收返張枱嘅茶餐廳👍👍

路過上環 一於搵下啲香港地道美食～午餐餐牌位於當眼位置 好多選擇 仲要有老火靚湯跟需要湯水嘅我即刻揀咗呢度💁🏻‍♀️❣️炸大龍脷柳飯店員姨姨推介 果然冇介紹錯龍脷柳超級巨型 炸到好酥脆 但唔會有油膩感炸粉夠薄身 魚肉嫩滿多汁 可選配粟米汁或者燴汁 我鍾意淡味啲 粟米汁啱晒我又啱用嚟撈飯食 午餐仲跟老火靚湯同飲品今日係合掌瓜粟米煲豬骨 飲落好濃稠夠晒火候 仲有紅蘿蔔、豬骨等配料飲完冇口渴 實測冇落味精㗎凍檸茶少冰都真係冇揸流攤 茶底好香口見呢度啲店員好鍾意同客人交流 唔怪得不乏熟客仔老闆娘見我生面口 都有嚟問吓我覺得食物質素如何後來發現原來係香港小姐嘅媽媽 望落果然有貴氣

今日下午見客做完野，喺上環周圍搵間茶記醫肚。行到半路，見到綠島餐廳小廚，乾脆就入去試試。 我叫咗個午餐嘅招牌蒸肉餅，份量適中，肉餅蒸得火候啱啱好，入口鬆軟，味道調得好，唔會太咸又夠味。另外仲點咗炸雞髀配薯條加沙律。炸雞髀炸得金黃酥脆，咬落去肉滑多汁；薯條粗身夠曬香口，沙律解膩，呢個配搭唔錯。 上菜速度好快，茶記環境都算企理，性價比高。一頓飯食完，又快又靚價格合理。食完即刻趕去下一程啦，下次有機會再嚟！

綠島茶餐廳小廚😘😘😘打工仔飯堂行過上環水坑口、開業多年茶餐廳、霓虹綠色燈箱招牌、配合店名、耀眼吸睛、有背靠椅、整潔、午餐包例湯、飲品😃✨特價午市套餐胡椒豬肚肉片湯飯今日天氣驟降、適合熱燙燙湯水飯👍🏻 、豬肚卡路里低、含蛋白質、維生素、等營養、配合白胡椒粒後、有健脾胃、助消化、驅寒暖身功效、豬肚爽口夠腍身、肉片軟腍、唔少得的鹹酸菜、添加骨膠原雞腳、提升味蕾口感、吃不停口、舔舔脷👅飽肚滿足😋是曰湯水（每日款式不同）滋陰潤肺、清熱解毒綠島茶餐廳小廚上環水坑口街16A號地舖港鐵上環站A2出口、步行約7分鐘

今天下午，我去到 上環綠島茶餐廳小廚午餐。店主說 ，餐廳另外有個名叫做明星食堂。店主興奮地告訴我，今天下午2時30分，著名歌手譚詠麟將會來這裡用餐。這無疑讓餐廳增添了不少人氣。午市特價餐非常吸引， 我點了鴛鴦炒飯 。鴛鴦炒飯配凍檸茶只需57元，價格經濟實惠，適合各類型的顧客。鴛鴦炒飯色香味俱全，米飯粒粒分明，搭配的凍檸茶清新爽口，讓人消暑又提神。餐廳內環境舒適，大家都期待著譚詠麟的到來，想一睹偶像的風采。

早餐質素係好好嘅 水吧阿哥煮嘢好好食但樓面朝朝早3個姐姐講是講非好大聲又唔識停實在太滋擾 客人想靜靜地食個早餐至開工佢地一味嘈嘈嘈 講店內是非 有鬧有罵掛住傾計 成日送錯餐 好煩 已經一年加左幾次價但俾呢啲員工影響生意 唔應該囉改善下啦 就算熟客都就嚟頂唔順趕客咁 😤

經過食個快餐，見裡面都滿座感覺應該唔伏，點知中咗大伏。樓面呀姐講普通話嘅，你叫佢咩，淨係識講等等。然後落左單都幾快有得食。咁我叫生炒骨，成碟飯數埋得6粒仔，1粒大啲其餘都好細，而且茶記都預咗係炒定，無諗過係凍食咁解，而且每一粒排骨粉多過主體2倍，而且一係淨骨一係肥肉，甚至乎有兩粒只係粉，配菜係縮嗅嘅，幾舊青椒都應該隔夜，菠蘿得一粒都係嗅嗅地，個汁味虎都好怪。附送餐湯係普通味晶湯，反而呢個就正常。唔會有下次。

偶然經過，隨便找個地方等老婆收工。坐低叫左個下午茶公仔麪。等餐期間上openrice 睇吓食評嚇了一跳。幸好事實又不是這樣差。食物不錯，員工更是很有禮貌，可能是下午茶時間客人不多的關係吧

多次光顧，多次失望。今次係咸魚雞粒炒飯，炒得仲差過自己炒，飯一舊舊炒唔開，明明又多油咁都炒唔開，證明鑊氣不足，而且食得出一pet 鹽。自問對茶記要求是不高，附近幾間都過佢

應該是家庭式經營，落單至上菜都係冇系統，經常都聽到欠呢樣欠個樣，當然自己都係其中一名，追佢應完又叫第二個做，第二個又忙其他或者聽唔到，追左兩次最終都係冇黎齊，食物味道正常，係附近或同區都更多好既選擇。

成日經過呢間茶餐廳但未試過入去食！今次就試下佢！可能因為地點係上環所以點都有少少期待，但入去到係......普通茶餐廳叫左個早餐/常餐首先早餐A黎講唔太餓嘅話都叫做岩岩好，火腿蛋有2隻蛋都唔錯不過可惜佢個3色腸今日無紅腸所以收左2條肉腸+1條芝士腸 其實睇落真係無咩特別個沙爹米睇落平平無奇，好睇撈勻左都有番d味道好彩叫番杯茶走，咁就滿足哂喇不過聽人講其實呢間茶餐廳出名嘅係夜晚食佢嘅蒸魚，下次可以夜晚黎試試😊

打工仔最重要的一餐！又開始尋尋覓覓，也許我會吃遍上環每一個角落這次經過的是綠島餐廳小廚台灣人肯定知道「綠島」！我不做大哥好多年～～～吃飯的時間總是讓我可以很悠閒的選下午茶餐選擇也算蠻多的，還有是日午餐推介，$40塊價錢算合理，50塊以內都算抵食！！星洲炒米 $38 凍飲+$2又是星洲炒米，沒錯，其實我到香港才知道這道菜微辣，配上炒香的肉絲還有火腿，爽脆的甜椒份量也夠，調味也不錯上環的打工仔，可以來嘗試，我下次試試其他餐！

行過叫外賣，早上人不多，侍應姐姐用近廚房對出張枱整理其他外賣，我坐在隔離張枱，有新客人想坐係佢整野張枱，居然問都唔問，一句「靚仔你外賣俾個位呢位堂食坐」問題係張枱仲有兩個吉位，其他枱都仲有位，點解要我企？外賣已經加錢，我見近先自己攞埋，費時佢地送..，唉早知去隔離果間，唔使受氣！

我去過好多似呢間茶餐廳食嘢㗎啦！都覺得其中一個呀姐態度好差！不過都算！但有次忍唔住！我同我老公叫個炒飯叫少油個呀姐話無得少油寫單都唔可以寫！跟住再叫双腿治！呀姐態度好差講即係腿治咩双腿治呀！我老公忍唔住就發惡大聲講即係兩塊火腿！唔識就返去訓覺！我都未見過態度咁差嘅樓面！我都唔明點解話少油都唔得任何一間都可以

連續幾日落失魂雨,已經習慣幾時落雨就入最近嘅餐廳,今日嘅幸運兒就係綠島.或者落大雨多人嚟避雨順便食飯嘅關係,人手嚴重不足.想點餐但係侍應根本應接不暇,應咗我都分唔到身行過嚟.好不容易點咗個咖哩牛脷飯,都預咗要等耐啲㗎啦,點知出菜出奇地快,個飯由落單起計兩分鐘內放喺我面前.切成條狀嘅牛脷,加埋份量唔多.其實可以煮耐少少,依家食落有啲靭,雖然勉強可以接受.洋蔥要溶溶爛爛先至入到味,呢度做唔到呢個效果.而且成個咖哩只有牛脷同埋洋蔥,冇其他青椒紅椒之類嘅配菜,食落味道好寡,只係得唔辣嘅咖哩味.餐湯唔知點解仲等得耐過飯,越等得耐就越期待,因為今日係沙參玉竹湯.碗湯飲落真係幾甜,但如果話佢係沙參玉竹湯,又覺得沙參玉竹嘅味道唔夠重.湯係好飲嘅,唔敢話冇味精,更唔敢話係沙參玉竹湯.合埋眼,當佢係一碗好味嘅湯就算喇.