綠島茶餐廳小廚

营业中

休息中

綠島外面睇好似普通茶記，但其實佢有住家飯食，有蒸魚、有蒸肉餅、時菜炒牛肉，呢D家常便飯。夜左放工又想食清淡D，就最啱嚟綠島啦！例湯係青紅蘿蔔豬骨湯，簡簡單單的老火靚湯。節瓜蝦米粉絲煲，節瓜清爽，夏天啱晒，好有住🏠菜的感覺。豉汁蒸黃𩶘䱽，好正，蒸得啱啱好，條🐟好新鮮，D汁送飯正到我自己食晒成碗🍚(平時食唔到)。食完係舒服嘅，會再幫襯。

綠島早餐的吉列魚做得都算脆，魚還有汁在，不會太乾。可惜是牛油方包而不是多士，但牛油都算多，點的是紅腸和芝士腸，紅腸較少見，芝士腸也是不錯的選擇，但蛋煎得不夠。凍奶茶的茶味、奶味不夠，而且實在太甜了。

前幾日去過一次，吃的水煮牛肉。沒想到還不錯，麻、辣口味都夠。去吃的似乎本地人較多，這是一個好的徵兆。地方小，但是服務人員都還和善。過後幾天，又跟兄弟去過一次。他點的豉汁倉魚，我點的豉汁盲曹。在舊金山，游水的盲曹8、9美元一磅，算是較貴的種類。結果兄弟的倉魚比我的盲曹好吃很多，豉汁味道好，魚肉一點都不硬，很下飯。盲曹差一點。昨晚，我一個人去，本想點倉魚，但是不小心點成完魚。上來的時候，不是一條，而是幾塊。問過才知點錯了，但是都幾好吃。這是在這次出差期間會經常去的地方。

曾幾何時，每一年的選美會，是城中大事，每年的七月八月，馬季球季收鑼後，緊接的是選美季節。小學年代直到初中，我曾是港姐迷，看美女是男生之天性，尤其是香蕉尚未成熟時的年代，哈哈哈。不過，當年參選的佳麗，質素甚高。由其是廿多年前，大約是八七年的一屆，時至今天，還有很多人說該屆的整體質素，是史上最高。並不像今天，個個面目模糊，甚至乎連冠軍也被外界冠上豬扒之惡名。。執筆之時，晚上將會舉行今年的港姐決賽，其實，港姐與此食評有甚麼關係？這間位於上環水坑口的"綠島茶餐廳"，其貌不揚，幕後老闆的女兒，正是兩年前的香港小姐冠軍 - 劉倩婷。店內貼滿她的相片，包括選港姐帶后冠的一刻，與娛樂圈中人的合照，還有港姐的宣傳海報等等，彷彿，她成為該店的生招牌，可是，我前後到訪過三次，還是與她緣慳一面，哈哈。在此一帶的餐廳普遍關門時間早，此店的營業時間直至晚上十一點。每一次來也想炒碟牛河，店員回覆是：河粉賣晒！三次也一樣。來碟肉絲炒麵，麵上的肉絲汁不算很厚，算是適中，但麵條炸到非常之韌，絕不是一碟有水準的肉絲炒麵。某一夜的例湯是金銀菜豬骨湯，喝得出是沒下味精，很清甜。大坑順興的滑蛋做得真好，試試這裡又如何？這個滑蛋牛

星期日到綠島食tea，食咗碗餐肉豬扒出前一丁，豬扒幾好食，overall普普通通喇！食食吓期間，隔離枱有位哥哥拿着份報紙娛樂版，問我地今屆港姐冠軍靚唔靚，係我地未嚟得切回應之際，佢已笑笑口指住老闆娘，話佢就係港姐媽咪！哈哈！恭喜說話當然不能少，最後老闆娘更請我們吃喜餅。呢個世界真細小！

今天中午要到上環辦點小事, 出門前, 忘了去sraech下呢附近有乜野值得去食, 之後估下估下, 由同事亂指. 綠島吧. 就綠島.方便至極的茱記一間, 本想食午餐的我突然覺得飽飽地, 昨夜的飲宴仲未消化. 本人都係黎一個常餐算. 這亦正正是品嚐茶餐廳真味的一個重要的必食之物.又是悶透的叉燒湯意, 胃口不好時, 輕輕地黎一個常餐, 絕對不浪費食物. 不過, 此叉燒意明顯地比較厚切了少少, 雞精湯亦不夠甜口. 煎蛋, 忘起加點豉油, 如有豉酒相配相信僧更好.同事來了個扒餐. 看見個茄汁都幾精心調製, 雖見不到津津有味的樣子, 但總算食得落肚既野啦.

我同男友都係冇反家庭黎架, 住左上環咁耐, 得呢間外賣小菜係最抵，$40包反包湯, 街市起碼都要4十幾仲要冇反冇湯仲要唔好食......堂食食過蒸魚好滑，o者o者雞煲都幾多肉....但外賣就細份左><

開頭我都幾鐘意呢間野, 有部大電視, 但有一次, 我個同事食下午茶, 三文件夾小強呀~~!!!!!!!! 唔係講笑, 咁同個伙記講, 換第二個餐, 佢態度好有問題, 好似我地搞事咁, (個陣無乜人客係度) 換左第二樣la, 咁佢都係照收貴個個餐錢, 黑口黑面, 都唔知隻小強係你定係我地帶去格。

The toastie and milk tea are my favorite at Green Island. I ordered them everytime I go there!

20050726 7.30pm同埋男友2人響屋企叫外賣, 機不可失, 極力游說佢叫綠島試個沙薑雞.因為唔餓, 2個人order o左一個小菜套餐加半隻雞再搭多個湯- * 沙薑雞x 半隻($55) - 唔得, 完全無沙薑味, 又唔滑又無雞味. 超失望.* 蝦乾肉碎娃娃菜(套餐價$38) - 好淡, 味道一般.* 白飯x 1* 老火例湯x 2 - 粉葛豬骨湯, 單叫$10蚊碗.個外賣阿姐送到我屋企樓下又唔肯行上o黎.唯一二讚, 7pm 叫外賣, 7.30pm 左右就送到o黎樓下, 算好快手. 同埋老火粉葛湯都OK 咁lor.Total $100, 唔平, 又要我自己落o黎拎我下次就唔會再order 你啦. o徙氣.

20050724 6.45pm做完gym 自己食飯, 記得之前聽收音機《五X精華遊》介紹過呢間茶記, 一直想o黎試不過無機會. 今日自己無無聊聊得閑終於有機會.主持人推介呢度老火湯同埋沙薑雞, 沙薑雞最少都要order 半隻, 食唔到, 唯有叫晚餐小菜, 因為會送老火例湯.晚餐$38, 4款揀, 其實佢仲有好多小菜都好吸引, 不過我懶, 見到咩就叫咩廢事諗je. menu 度有好多茶記都無o既海鮮同埋魚.是日例湯係雞腳花生, 味道偏鹹, 但應該就無(乜)味精. 起碼咁濃味食完唔口乾就知啦. 同埋好多湯渣. 勁開心.冬瓜薯仔火腩煲味道不俗, 上桌時熱個煲到o支o支聲真係未出發先興奮. 食味亦不俗. 環境就係普通茶記, 地方比較細, 得5-6張檯. 不過落本地有部plasma! 乾淨企理, 同埋都光猛, 我咁早o黎到都有7成入座率. 服務都好唔錯, 熱煲上桌時都有"溫馨提示"小心辣親手.total $38. 飽飽. 下次再試個沙薑雞先得!p.s. 埋單時問老細要外賣紙, 原來唐樓無lift 高層都送外賣o架! 正! 又多一間揀!