綠島茶餐廳小廚

营业中

休息中

今日下午見客做完野，喺上環周圍搵間茶記醫肚。行到半路，見到綠島餐廳小廚，乾脆就入去試試。 我叫咗個午餐嘅招牌蒸肉餅，份量適中，肉餅蒸得火候啱啱好，入口鬆軟，味道調得好，唔會太咸又夠味。另外仲點咗炸雞髀配薯條加沙律。炸雞髀炸得金黃酥脆，咬落去肉滑多汁；薯條粗身夠曬香口，沙律解膩，呢個配搭唔錯。 上菜速度好快，茶記環境都算企理，性價比高。一頓飯食完，又快又靚價格合理。食完即刻趕去下一程啦，下次有機會再嚟！