紅島冰廳

营业中

休息中

地庫層得一位侍應，等了10分鐘才過來落單。叫左個晚餐，叫冬蔭公粉絲海皇煲，粉絲勁多，大概1.5個公仔麵咁既份量，一隻蝦，幾粒魷魚仔同草菇。中湯唔熱，仲要一堆湯渣，唔知俾咩反應。凍奶茶少甜，變左勁甜。晚飯$99

比職員睇佢講係蔥,轉頭掉咗當冇事發生,轉頭走咗去,關心都冇句,換過碟有幾難,換咗大家當冇事,碟河粉值幾多錢,唔怪之得啲人北上揾食,咁嘅服務態度冇下次囉,大家話係乜,真係似蔥？如果係蔥唔洗轉頭掉咗佢,食完唔知後果,大家三思

落單20分鐘嘢未上，搵人來問結果根本無落單。態度惡劣。服務員來來回回好似好忙，其實根本無效率服務，之後而都未有任何解釋點解浪費左我哋寶貴時間，問如果再度落單需要幾耐，答覆：未知。。

不推薦下午茶既炸雞髀，翻炸都唔緊要，但真係炸到好乾，同比較黑，變相好柴，無咩肉汁，簡直哂左隻雞髀。由滿心期待既心情，真係會變到好失望。杯奶茶係好飲既，下次食番麵包類算。

同我印像中既餐牌不同，因為佢地已經增添左好多不同款式既食物, 除咗普通茶仔成日見到既常餐之外，佢地仲有越南菜, 好奇心驅使下就揀左個撈打籃球，岩蓂依家啲天氣食。香茅雞扒撈ù$58熱杏仁霜瑞士雞中翼(5隻)$40

多次用餐，此為最後一次。餐飲不實收費，諸多藉口收多你錢。套餐包括熱飲，但落單熱飲依然加收飲品價錢。向收銀員工反映時，只一味表示電腦顯示要加錢，即使menu指明包括熱飲，而所有熱飲價錢一概相同，依然不作出任何道歉或試圖解決問題的方法。而員工在落單時亦毫無任何提醒需要加錢，完全不承認錯誤，是非常差劣的用餐體驗。此外，其中一杯熱飲飲品為北海道3.6牛奶，其質素絕非大家飲用過的北海道牛奶，連屋仔奶的味道也遙遙不及。

員工對食客的行為態度極度惡劣、極需改善。話說14/7早上本人和兒子到店上用餐，其中一位束起短馬尾看似相對較年輕的女員工為我們落單，期間本人兒子因鼻敏感用紙巾處理鼻水，此女員工見狀即時退後最少三步，係最少三步，繼續為我們落單，可能因為退得太後之故，以致落錯晒單，到來的食物與所點的不乎。1. 我兒子處理鼻水時是有用紙巾的，並不是隨處噴射，何解對待我們好像是患上世紀絕症般，這是什麼服務態度？是什麼待客之道？香港的服務業不是死得不明不白的2. 如果員工真的咁討厭咁不能接受食客處理鼻水，為何不自己戴上口罩保護，而是用這種咁厭惡食客的惡劣態度處理，如果食店係咁不能接受食客處理鼻水，大可門外貼出告示「謝絕有鼻水人土入內進餐」

前身位置係紅茶冰室，後來變成紅島，前後兩間都食過，餐牌及食物質素幾乎一樣，但侍應阿姐就越嚟越差，今日簡直係氣頂！頭頂大葉風扇不斷吹，勁凍，叫阿姐熄一熄風扇，話焗，叫我地自己搵過個位，但又無位，後嚟搵第二個帶鄉音後生女侍應幫手熄風扇，就話唔開風扇地下會濕。其實理由已經唔重要，只係佢哋唔想熄啫。想投訴，鄉音女侍應就話自己係經理，係呢度最大嘅，同佢講就可以。搵鬼信你係經理？得，旺角大把好嘢食，一定要食你呢間？以後都唔會再幫襯！咁嘅服務態度，難怪香港侍應聲譽衝出國際，連新加坡都要抽水鬧埋一份，香港多得你地唔少，無生意唔好怪人，不過紅島又的確唔憂做。

昨晚與朋友食晚餐，我自己只想食菜同飲杯嘢，於是見到menu有蒜蓉炒菜芯，再見到底部寫住凍飲只需加$6，所以就咁樣落單啦。跟著見佢張單來到望一望，飲品竟然變咗$25，於是叫侍應問問是否搞錯，佢話單點菜芯冇得跟飲品。我跟住話咁你menu有商品說明條例與事實不符喎，因為係喺menu小菜那一頁內咁寫明跟飲品價錢，冇特別寫明單點菜不能跟飲品，咁即係誤導客人啦。侍應跟住話：‘’係呀，我哋會同老細反映，都知道咁樣唔得㗎！‘’咁即係明知道錯都唔改存心欺騙客人啦！我係咪應該舉報佢欺騙顧客？

水準嚴重下降，好好食並多次光顧，今次個白汁啲香草重手到好似落左成樽咁，除左香草無任何風味食到，個焗飯嘅汁多到痴線，但係個汁又好難食🤯成個飯不知所謂，$8x蚊竟然係咁嘅質素。其他朋友一致都認為紅島越嚟越差，以前我地係會約埋成班一齊食，到今時今日一定唔會再食。曾經好欣賞呢間冰室覺得佢地做得好有heart ，樣樣野都好味，食到嘩嘩聲。事隔幾個月搞到咁係米換左廚房？唔明白點解競爭咁大都可以越做越差，到底發生咩事？

非常差的餐廳。店舖有新餐單，其實上面好多菜都沒有，我叫了餐，等了半個小時之後，才跟我講沒有這個菜。店員不輕不重講了對不起，一點誠意都沒有。服務態度非常差。以後又再等半小時都沒有上菜。

在旺角發現一間跟紅茶很像的茶餐廳，今天很想吃西多士，下午茶餐從2:30開始，有兩款西多士選擇。想吃甜的選了阿華田脆脆西多，下次再試芝士西多，阿華田脆脆西多是在西多士表面灑上阿華田脆脆，兩塊多士中間抹上牛油，西多士本體是好吃的，外酥內軟，但因為只有在表面灑上阿華田脆脆，整個西多士沒有什麼阿華田味道，好像跟阿華田的關係也不大。這個套餐跟了薯角和飲品，我選了很喜歡的茶走，茶走有茶味但如果有多些煉奶會更好。

今日食咗過午餐A(T骨扒跟飯)，真令我大開眼界，塊T骨扒得一邊有肉，我真係未食過啲咁嘅T骨，仲以為比人食過，侍應態度唔好講，問多句都唔得咁。以前都有幫襯開，以後都唔想博。

本身味道 ok，地方就腳，價錢唔算貴。所以以往都算常去但衰在廚房玩野所以一定不會再幫襯💢👎👎‼️話說買早餐，有時會有件扒因為食唔哂，會想豬扒另上就算無盒，入紙袋都無所謂有次同事幫忙代買，同樣要求另上返黎一開，都覺得搞笑唔止件肉响紙袋，連隻太陽蛋都响袋內...都算啦幾十元野唔好太 mean食完隻蛋，再開碗通粉...X，真唔係誇張通粉只得大約 4 外賣羹嘅份量另一碗湯，反而滿到就嚟瀉投訴，最多係情緒發洩一般餐廳都係意見接受，態度照舊 而且仲有 “ 下次食物加料 ” 嘅風險慳返啖氣好過所以最後唔單止我，而家連啲同事們都不再幫襯 當然人地都唔稀罕我地啲一百幾十但我地都一樣，尤其喺餐廳多到爛嘅旺角我地啲辛苦錢，唔係咁用的

今早想試下佢的早餐, 想食熱的湯粉, 叫左早餐A 鮑魚火腿絲過粉, 餐包加煎雙蛋, 熱奶茶, 先來通粉, 不過我個人習慣會食餐包先, 好軟熟幾好味😋, 兩只煎雙蛋煎得好靚😍, 食左佢d蛋白先, 再將兩只蛋黃放入通粉一起食, 通粉雖然放凍左, 不過湯底整得幾好味💓, 唔會太咸, 啱啱好👍, 撈埋蛋黃一起更好吃😚😚, 再飲埋杯熱奶茶, 雖然放凍左, 不過茶同奶比例都啱, 下次再來幫襯, 記得飲一啖先🤣🤣再下次試第二款😘😘