紅島冰廳

营业中

休息中

趕得上八號波的尾巴，港鉄開始有限度服務，就出去旺角食返個下午茶開心下先，颱風帶黎三日假，打工仔超開心。由港鉄行出彌敦道第一個感覺好正，少車少人，但估唔到開門做生意的店舖勁少，連各大型連鎖店都冇開，連遊客至愛嘅紅茶冰室/九龍冰室都冇開，不過我搵到另一間替代品「紅島冰室」其實系佢哋新開張時已經試過，水準都唔錯。今日入到去完全不須搵位，大把卡位任坐。下午茶時間，點知打風不設下午茶餐，冇計為有散點，反正不餓就食個包飲杯茶夠皮。熱央 先講杯央，夠熱、入口順滑，花奶比較啱啱好，茶味出，咖啡味相對淡左少少，但反而我覺得好啱我口味，少咗咖啡苦澀，$22 貴得有道理。白色皮又大大個「墨西哥叉燒包 」$11幾重手，包體不厚，墨西哥皮超油膩，拎住已經成手油，好奇切開睇吓並非空氣包，叉燒餡料滿滿，切得幾碎、醬汁帶甜，如果吾理佢幾高卡，其實抵食又幾好味。不推薦有「葡撻」$8 撻系一定要出爐食，這個完全冇heart ,凍冰冰，蛋都冇味，反而食到雲尼拿油味，怪怪地；撻皮薄仍然系脆嘅，不過都系難食。

收工無啦啦打風，即刻去公司附近搵間茶餐廳食飯。.家姐之前試過話呢一間茶餐廳好食，而且有上下兩層好多位容納到好多人，睇黎住附近或者附近返工嘅人都好熟架步，收工時間黎到都已經都幾乎全場滿座。.🔍睇完餐牌之後我哋叫咗：招牌鮮茄豬扒飯 $72 經典豬扒湯通粉 $55 （配炒滑蛋、丹麥酥，飲柚子蜂蜜茶）瑞士雞翼 $38鮮蝦柚子沙律 $48蒸粉包 $48.餐廳選擇頗多，有鑊氣小炒、焗飯意粉、越式湯河、小食，常餐之類的。.出面越式餐廳嘅越南嘢食通常都唔平，但係呢度就幾抵食，大大份，價錢又唔貴。蒸粉包好足料，餡料多，粉皮香軟且帶米香。鮮蝦柚子沙律就清爽解膩。.瑞士雞翼非常入味，顏色夠深，成個感覺好經典，如果撈埋公仔麵應該不得了。.招牌焗豬豬扒軟嫩，炒蛋飯底夠香，加上酸甜開胃蕃茄汁，整體出色。同樣係配搭豬扒嘅仲有經典豬扒湯通粉，呢個豬扒就比焗豬個塊薄身少少，不過調味一樣好到位，加上香濃牛油味嘅炒滑蛋、同微熱丹麥酥，仲有香香甜甜嘅柚子蜂蜜茶，整體豐富，令人滿足。.紅島冰廳 (旺角)旺角彌敦道594-596號地舖

位於旺角彌敦道的「紅島冰廳」大大個招牌非常吸睛，門口位置售賣新鮮出爐麵包；餐廳座位寬敞，更設有樓下雅座；新派冰室裝修風雅緻舒適，環境衛生除了一般茶餐廳食物，還有扒餐、越南菜及馬拉菜等，選擇豐富==========🔹招牌黑椒牛柳 $128配自家製麵包、精選餐湯、飯/意粉/焗薯，奉送熱飲羅宋湯材料豐富，調味剛好不死鹹，帶點醒胃的辣，毫不油膩；餐包熱烘烘，配牛油吃添美味黑柳牛柳7成熟，肉質軟腍細緻帶淡淡牛香；自家製蒜蓉汁蒜粒滿滿，蒜味十足，盡顯誠意；焗薯粉綿帶薯香==========🔹生牛肉湯河 $58材料有蘿蔔、芽菜、洋蔥、蔥花、乾蔥等生牛肉粉嫩軟滑有彈性；選用水河口感細滑又不易斷開；湯底清甜而不膩==========🔹路邊烤豬肉串 追加價$22為免治豬肉，豬香豐富，質感腍滑==========🔹雞絲扎肉沙律 $46材料有青瓜、胡蘿蔔、紫椰菜、青木瓜、花生碎、乾蔥等雞肉軟嫩帶雞肉香；扎肉爽彈；其他配菜皆新鮮爽口，味道及口感層次豐富；沙律汁酸甜比例佳，夠開胃==========🔹瑞士雞中翼5隻 $38瑞士汁鹹甜平衡，雞肉緊實，非常滋味==========🔹凍奶茶 $25 (餐追加價$6)使用

聽到紅島冰廳呢個名以為係一間普通嘅茶餐廳但係竟然會有越南嘢食 都幾surprise同行嘅朋友見到有鐵板黑椒牛柳超興奮🤣因為佢本身冇諗過可以係呢個冰廳食到🌀鐵板黑椒牛柳因為鐵板上枱時已有熱度，所以同行朋友叫咗三成熟。本身仲擔心會唔會太生，但出到嚟嘅效果竟然係平時食嘅五成熟口感，超冧身唔鞋口，好好味💕呢個餐配搭埋餐包白湯同埋飲品，好抵同好滿足🥰🌀香茅雞翼撈檬雞翼好大隻，炸得好香脆 見到雞翼，加埋一啲香料一齊炸，所以食落嘅時候好香口🌀 米紙卷減肥人士岩曬 大份又飽肚🤣

今日去咗旺角一間高質茶記。其實我係為咗食嗰個😍芝士流心西多士 直程聽個名都知道好邪惡👿 意外發現其他食物水準都同樣掂👍間店仲有好多越南嘢 有多款路邊烤串串 全部都係即叫即燒 門口仲擺咗一個新鮮出爐麵包櫃 原本冇諗住叫，不過俾啲香味誘惑 實在無法抵禦🫣跟餐有嘢飲 轉特飲只需要加$9 主食：✨鐵板黑椒牛柳🥩跟焗薯仔🥔 跟餐包忌廉湯小食：✨邪惡芝士流心西多士🧀✨路邊即烤雞肉串🍡✨手工炸春卷😍✨米紙卷👍包點：✨紅豆菠蘿包🥯✨酥脆葡撻😋特飲：✨雜果賓治🍹✨水蜜桃西柚特飲🍸

炸蝦餅🍤餐廳提供一系列的越南菜式🇻🇳款款地道又滋味🥰夏日熱辣辣最啱食！炸蝦餅即叫即炸好香脆！鐵板蒜蓉西冷牛扒7成熟跟焗薯 $120西冷牛扒厚切大塊！🥩啖啖肉嘅口感，呢個價錢冇得輸！😂焗薯軟綿綿，加上調味沙律醬超開胃！鐵板肉眼扒7成熟跟意粉 $128肉眼扒肉質較嫩😍配上帶微甜嘅黑椒汁非常有懷舊扒餐嘅感覺🥰配餐包紅湯凍檸檬柚子梳打水蜜桃西柚特飲夏日必點飲品！🍹酸酸甜甜，仲有新鮮果肉添！紅島冰廳 (旺角)旺角彌敦道594-596號地舖#港式茶餐廳 #邪惡西多士 #港式奶茶 #菠蘿油 #脆脆豬 #混醬多 #紅島冰廳 #旺角 #下午茶@shineislandcafe

又到茶記時間，無論午餐晚餐，每星期總有幾餐想食茶餐廳，今日路經油麻地「紅島冰廳」，就比佢地門口大Menu 既介紹吸引咗，除咗一般茶記野食外，竟然有越南粉麵和小食，即刻要入去試吓先👍🏻▪️扎肉雞絲湯檬有驚喜，好有越式風味，雞絲嫩滑帶點鹹香，好味道，湯底配合扎肉、檬粉、洋蔥、青紅辣椒，味道清甜又帶點香辣，幾惹味▪️香茅雞翼雞翼肥大肉厚，充滿香茅和蔥油味道，肉質嫩滑夠入味，鹹鹹香香，唔錯▪️炸蝦餅外層炸得香脆，唔油膩，蝦餅超級彈牙，配上蔥油和自家特調甜酸汁，非常好食▪️招牌鮮茄焗豬扒飯豬扒大塊又夠厚，肉質鬆軟淋滑，而且好入味，讃👍🏻👍🏻，更加出色係佢哋嘅飯底，炒飯底加咗洋蔥，鮮茄，大量嘅芝士，鮮茄醬汁味道帶香濃嘅茄味，味道一流▪️芝士流心西多士西多士已經夠邪惡，仲要加埋芝士😏，炸完既西多淋上糖漿，大大件牛油，中間夾住流心芝士，真係好味到呢，記住襯熱食▪️凍檸檬柚子梳打這款特飲上枱時奉上新鮮檸檬、柚子醬、梳打水和冰塊，完全可以自我控制酸甜味道，夏天飲就最啱▪️黑咖啡我喜歡食西多士配黑咖啡，味道好夾又可中和甜膩感

港式茶餐廳｜ 紅島冰廳｜旺角環境舒適 有兩層 空間感大有好多款食物除咗炒小菜 仲有越式地道小食！—————————————🫶🏼 鮮蝦柚子沙律 $48蝦同柚子肉嘅份量都算多下面嘅蔬同酸蘿蔔 好開胃夏天食啱曬！🫶🏼 路邊烤牛肉串(3串）$40上枱夠熱 不過偏亁 味道香濃🫶🏼 路邊烤雞肉串(3串）$38對比牛肉 雞肉較juice 🫶🏼 日式鰻魚炒飯 $71好驚喜！炒得好有鍋氣！每啖飯都會食到鰻魚～特飲-菠蘿西檸乳酸 +$9 酸酸地 好開胃 益力多味重🫶🏼 招牌沙嗲牛肉麵 $55 配埋火腿奄列 + 丹麥酥 CP值高牛肉份量多 湯底唔會太咸🫶🏼 芝士流心西多士 $33即叫即整熱辣辣 外面脆脆地入面夾住芝士一併食 超級邪惡！————————————📍旺角彌敦道594-596號地舖@shineislandcafe————————————Overall 💗💗💗💗#hkfoodie #hkfoodblogger #hkfoodblog #hkfoodlover #hkfoodie #hkfoodpic #hkrestaurant #hklifestyle #hongkongfood #hongkongf

呢日同朋友去咗旺角 朋友最愛茶餐廳風味我地又再encore 呢間姐島冰廳😋茶餐廳用上紅綠色霓虹招牌 好搶眼門口有新鮮出爐蛋撻 麵包呢間茶餐廳有樓上雅座餐廳面積很大 座位寬敞又舒適👍🏻🔸 焗白汁芝士魚柳飯 （$70）好耐冇食焗飯了 仲要係用芝士焗 勁吸引上到枱熱辣辣 好香濃嘅芝士味底飯係炒底炒得好香 魚柳嫩滑 整體味道唔錯🔸 海南雞配油飯 （$65）海南雞份量多 肉質嫩滑無骨 油飯好味配有碟調味醬汁 海南雞醬汁及薑蓉🔹 凍檸茶 飲品完全做出茶餐廳味道凍檸茶 茶底夠濃👍🏻

今日上完堂就同同學仔行出去旺角彌敦道搵咗間茶餐廳，食好耐冇食嘅港式茶餐廳鐵板餐。餐廳新裝修，好乾淨好夠光鮮，有好多卡位選擇，座位寬敞，非常舒服。仲有上下兩層。所有晚餐跟餐加$3，可叫凍檸茶/奶茶/咖啡。服務員好有禮貌，好快落單到比水。 鐵板招牌黑椒牛柳$12鐵板牛柳，茶餐廳風味，非常惹味。黑椒牛柳夠大粒，肉質非常鮮嫩，夠牛味。佢哋嘅薯菜一啲都唔熱氣，係一舊錫紙包住既焗薯，整到有啲似西式。生牛肉湯河$58生牛肉煮到d 肥牛剛剛好，食落好彈牙。河粉非常晶凝通透夠彈牙。湯底好有牛骨味道，再加埋跟隨嘅辣椒粒、青檸汁、令牛骨湯更香、更昇華。路邊烤豬肉串 （3串）$38豬肉好新鮮單啊食落去好有漢堡扒嘅感覺，好抵食。炸蝦餅 $42蝦餅炸到啱啱金黃鬆脆，食落好彈牙，有蝦味。

🥣焗咖喱魚柳意粉🥣：💰$73魚柳質地嫩滑，魚同薯仔都完美地吸收咖喱醬，咖喱本身有濃郁既椰香同香料味，帶有微微辣味，少少似葡汁，天使麵保持適中既彈性。🥣扎肉雞絲撈檬🥣：💰$56幾多紅蘿蔔絲、青瓜絲、洋蔥，微酸微甜拌汁有濃郁檸檬香氣，好清爽，配雞絲同扎肉完美融合，更接近越南風味。🥣路邊烤牛肉串🥣：💰$40每串都係大粒牛肉塊，濃牛味有咬口，調味香濃惹味。🥣路邊烤雞肉串🥣：💰$38一份3串，雞肉烤得乾身香口，配沙爹汁，更惹味。🥣芝士流心西多士🥣：💰$33⭐️推介⭐️中間夾左厚片芝士，麵包邊位都有芝士，配甜煉奶，牛油同芝士咸香，食唔停，超邪惡！🥤水蜜桃西柚特飲🥤：💰$30唔會太甜，底有香甜水蜜桃肉，淡淡果汁底，吉埋片西柚更fresh！

今日帶大家去旺角食間CP 值高既紅島冰廳😉佢地點就係信和格離 真係好方面店望落細細地但都幾多位架入黎前 已經見到好多人排隊買麵包真係好香呀😚😚😚入到去滿座呀 真係好多人👭👬👫岩岩坐低就聽到廚房叫 "蛋撻出爐"咁就緊係要即叫酥皮蛋撻 ($7)熱辣辣 勁鬆脆 😍😍 蛋滑滑菠蘿包($8)菠蘿皮好厚😎 唔係空氣包呀包類都係好推介~必食 芝士流心西多士($33)✨✨✨✨呢個真係無敵 超級邪惡💕💕💕首先係熱 黎到賣相都已經好正大大件牛油係面入面係有芝士 勁正❤❤❤黎到冰廳就緊係要食常餐啦~我簡左沙嗲牛麵+ 火腿奄列&丹麥酥($55)丹麥酥 都係好鬆脆👍沙嗲牛麵一向都係絕配另(+$9)飲紅豆冰紅豆冰大大杯 爽呀😋😋椰汁味偏重 連我呢個麻麻地紅豆既人都飲得開心😍😍招牌蜜糖芥末牛柳漢堡包($50) 配薯條牛柳岩岩好唔會鞋口最鐘意佢加左蕃茄同生菜唔會咁油膩另(+$9)轉飲 水蜜桃西柚特飲🍑有好多水蜜桃粒粒 唔算甜都幾解渴 西柚唔會苦除左一般冰廳會有既野 佢地仲有越南野~香茅雞翼 ($38)雞翼好香 岩岩炸起外皮脆卜卜😍炸蝦餅 ($42)蝦餅咬落彈牙 加埋泰式甜辣醬一流👍鮮蝦柚子沙律 $48大大份勁足料

每次嚟旺角想食茶記都一定係去紅島估唔到佢地仲埋越南菜香茅雞翼一份有四隻超靚仔！炸得好脆之餘香茅味都好出，表面再配埋啲香蔥同炸蒜我覺得好味過出面某啲越南餐廳😂😂燒沙嗲雞串燒雖然餐牌上面寫係燒，但實際上我估佢哋係用炸嘅方式去炮製，因為雞肉偏乾而且好脆，但係超級欣賞佢哋個沙嗲醬，唔係一般嗰種花生沙嗲醬，佢哋用嘅呢一款惹味好多！今次下午茶時間嚟到梗係要食芝士留心西多士鹹甜嘅配搭真係無得輸！雖然邪惡到滿分蛋撻超級新鮮出爐，辣嘴都要照食😂😂😂真係超好味，次次嚟我都一定要叫返隻

旺角紅島冰廳真係一個覓食嘅好地方 有別於平時嘅茶餐廳 佢哋嘅食物種類多好多😆 除左平時喺茶餐廳食到嘅嘢食 仲有一啲馬來西亞、越南菜等等嘅正野😆🤣🤣🐷越式三寶 撈檬 👅8/10 $62三寶分別係香茅豬扒 烤牛肉串 同埋扎肉 份量都幾多下😍 撈檬涼浸浸 夏天食真係唔錯🥹 香茅豬扒真係超香🐷 個邊邊仲係脆卜卜嘅🙈🐷香茅雞翼 👅8.5/10 $38雞翼裡面好香 上菜嘅時候熱辣辣 岩岩炸起🙈 大家食嘅時候要小心焫親個咀仔😹 裡面嘅雞肉嫩滑😆 外皮脆卜卜🐷炸蝦餅 👅8/10 $42蝦餅嘅口感真係非常正 咬落去係爽同埋少少彈牙 撈埋個泰式辣醬真係唔錯🤙🏻🤙🏻🐷招牌黑椒牛柳 👅8/10 $128我地叫左5成熟🙉 個黑椒汁幾香😝 我哋叫咗薯菜 個薯仔係焗得超級好食 香到不得了🥔 牛肉5成熟好正 唔會靭😍 裡面切開嘅肉質真係好正😆 😎 大推大家食呢個🙈🐷菠蘿油 👅8.5/10 $13塊牛油係攞冰墊住 個菠蘿包焗到熱一熱🍍 真係超正😍 攞菠蘿包嘅熱度熔到塊牛油🧈 滴出黎🤣 香到不得了 個包又外脆內軟咁樣🙈超好味😝

邊個話食茶記一定係食高油高脂野？J小姐呢餐唱哂反調仲爆哂P添-👉🏼鮮蝦柚子沙律 $48估唔到呢個價錢都咁足料👍🏼睇相都見到起碼有10隻爽口既大蝦🍤同慷慨既柚子肉～一夾起發現原來底下既蔬菜🥬都唔少！配埋沙律醋酸酸地勁開胃-👉🏼路邊烤雞肉串 $38‼️必試‼️一碟有3串🍢即叫即烤，一食熱辣辣～醬汁唔會好咸好惹味每串既雞肉都大舊又滑，食完會唔停口仲要似係去左皮，無得輸～-👉🏼黑椒牛柳（5成熟）配焗薯 $128❗️有驚喜❗️比好多連鎖店出色👍🏼首先牛柳岩岩好，唔會overcook~兩大舊食完真心飽lol黑椒汁唔會死咸，仲真係有黑椒粒喺入面😳本身睇相以為佢係焗薯粒，點知係原個焗薯🥔‼️立即加左10000000分‼️好好食！首先佢唔會得面個醬有味但薯仔就無味，係有調味既薯仔👍🏼而且個皮易搣唔痴肉，唔會食到好呢hea都幾好🤤鐵板仲有唔少蔬菜添～-👉🏼經典紅豆冰 （跟餐+$9）叫左少甜，所以甜度岩岩好～紅豆都大粒唔會整到爛晒～呢個價錢絕對可以一試。-整體黎講，餐廳有兩層，所以地方闊落坐得好舒服😌食物質素都唔差，岩埋增肌減脂既朋友仔～好似J小姐呢餐咁，蛋白質爆燈，仲有靚碳水同纖維💯真係食茶記都可以營養豐富呀！大家仲