紅島冰廳 (已結業)

昨晚與朋友食晚餐，我自己只想食菜同飲杯嘢，於是見到menu有蒜蓉炒菜芯，再見到底部寫住凍飲只需加$6，所以就咁樣落單啦。跟著見佢張單來到望一望，飲品竟然變咗$25，於是叫侍應問問是否搞錯，佢話單點菜芯冇得跟飲品。我跟住話咁你menu有商品說明條例與事實不符喎，因為係喺menu小菜那一頁內咁寫明跟飲品價錢，冇特別寫明單點菜不能跟飲品，咁即係誤導客人啦。侍應跟住話：‘’係呀，我哋會同老細反映，都知道咁樣唔得㗎！‘’咁即係明知道錯都唔改存心欺騙客人啦！我係咪應該舉報佢欺騙顧客？