維記咖啡粉麵

营业中

休息中

幾乎每次去深水埗都會去食既維記咖啡粉麵🤤🤤🤤🤤🤤真心推薦👍🏽👍🏽👍🏽佢最出名既係咖央西多，豬潤麵，同牛肉麵🍜而我每次都會叫豬潤麵同咖央西多一個麵要$30，咖央西多就係$19唔食肉既有雙蛋麵可以選擇🍳如果食齋既就唔得喇，因為個湯始終都會混左少少肉係裡面～一碗豬潤麵有好多豬潤，湯底好味，豬潤爽口，好中意食🤤🤤🤤友人食雙蛋麵，個湯既味道真係幾吸引🤤🤤咖央西多唔記得影相，一上就急不及待食左😂食完要認真做下運動😂

每次去到深水埗，無論係為咗買嘢定係咁岩經過，都忍唔住要去排一排維記。維記有三間鋪頭，所以要排嘅話都唔需要花好多時間。今次嗌咗咖央西多同蛋牛米，米粉湯底有一如以往嘅清香，由於碗米粉係即煮，熱辣辣更加好味但煎蛋就乾左少少，不過整體都係好味嘅！

真係好多豬膶， 成碗都係豬膶，呢多年都冇話偷工減料，其實平時好少食內臟，但呢間心但真心好食忍唔住又行左去。個湯超濃， 出面茶餐廳好少咁濃，係切得大塊左少少， 不過就係佢厚身得好食， 夾公仔麵或米粉真一流， 果然係老字號。 若果覺得公仔麵唔夠飽可以加個咖央多士。

今日黎到深水埗搵下野食,見好耐無食維記,咁入去食啦,難得一黎到就有位維記最出名的就是豬潤麵，咁就整番1碗啦整碗麵都鋪滿了豬潤，絕對貨真價實仲要豬潤絕對爽滑，完全沒有豬潤的腥味,豬潤份量又唔少,食完都飽了~~

沖住網上食評而來，一個大肚婆吃一碗豬潤麵和咖央西多，會不會吃太多？碗豬潤麵界於3-4分之間，4分係因為佢足料，面底和豬潤都爽口，3分是因為覺得佢既湯底偏喊。可能大部分香港人都鍾意吃重口味，一圍台裡面有幾個女仔都話專門來深水埗吃佢既麵，仲不停咁話最愛佢既湯底本以為吃要個麵好飽，會吃5落個多士，吃下吃下，又吃完了。多士幾好，炸得剛剛好，感覺不會太上火，今日的份量應該2人吃⋯⋯我覺得哩餐，沒什麼驚喜之處，試過就算

各位你好，本人一向愛同朋友週圍找嘢食，今晚有個朋友推介去深水埗維記咖啡粉麵，因為我的朋友知道我是豬潤愛好者。這一家我印象中，好久之前曾經食過的。今晚去食，感覺很好，豬潤很多，湯底很入味。還有咖央多士。味道很好食，價錢很合理，所以在此推介給各方好友，尤其爱吃豬潤的人士。

深水埗食肆林立，有地道、有新派，美食數之不盡！要選地道最出名的，䇄立多年的維記一定佔一席位。這裡最出名非豬潤麵及咖央多士莫屬～維記有三間店舖，其中兩間在福榮街，雖然幫襯的人很多，但大家都好醒目食完就走，等候時間不會太長。餐肉豬膶麵通粉，滿滿的豬潤及通粉，餐肉有兩大塊，貨真價實～湯底有豬膶的精華，夠晒味，一啖通粉一啖豬潤，很爽！豬潤份量多，爽滑沒有過韌，亦沒有腥味！吃罷後快快走人，無謂阻礙其他排隊的食客。

$30雖然維記出名食豬潤米但係今次突然想食牛🤣如果大家怕韌肉嘅話千其唔好嗌呢個因為維記嘅牛肉真係好韌👅加上佢係好大片嘅所以真係要咀嚼十分鐘先吞得到🤣不過我真係好鍾意個薑湯底如果可以再薑啲就好🤤

喺我腦中最出名嘅豬潤面，莫過於呢一間維記食豬潤麵，係不二之選。今次我亦都嗌咗個豬潤麵加腸仔，豬膶湯及豬膶好好味，啲面都好爽身，但奈何條腸仔係純粹有個咬感 但就冇味道嘅。所以係食唔出究竟係咩牌子腸仔。我覺得係需要改善，另外，因為唔係套餐所以嗌咗杯凍奶茶，凍奶茶係好味嘅。女朋友都嗌咗豬膶麵加餐肉，同埋都係凍奶茶。盛惠96個大洋。都可以接受。食物方面亦都可以接受嘅除咗條腸仔呀！

維記咖啡粉麵，今日越左幾個朋友一齊下午茶，推薦豬潤麵/米，就算本來唔中意食豬潤噶都都對豬潤有另眼相看。距豬潤好入味，好爽，剛剛熟，湯底好濃豬潤湯，我就喜歡加辣醬食過癮。之後叫左2份多士，都好好味，有野食再加埋杯奶茶，我朋友距地就喜歡咖啡，如果喜歡咖啡你地就會覺得距地咖啡唔錯，不過我偏愛奶茶，舔舔滑滑的，最緊要係飲完唔會訓唔著。不過次次來都要排隊等位，就算距依家開到幾個舖都好多時要等，仲見多左好多大陸客。等位更加長時間啦

其實平時真的很少機會過來深水埗這個地方，這天難得過來當然要吃飽才離開嘛！首先想到這家餐廳的豬潤麵，所以很快決定好！來到的時間尚早，等候的時間不算很久～大概5分鐘左右已經可以入座。餐點都寫在牆上的白板上～沒有套餐，全部都是單點價格。先來 - 凍奶茶 ($15) 奶味偏重一點，有少少的茶香～甜度亦適中。咖央多 ($13) - 這個在很多新式的茶餐廳已經很少機會吃得多，這裡有當然要點吧！香脆的多士塗上了味道不會太甜的咖央醬。下次再來應該吃咖央西多呢 >< 重點想吃的當然是這碗 豬潤麵 ($30)豬潤雖然是薄切，不過一碗中有很多！咬起來很軟稔，吃落也沒有腥味。麵條也不會煮得太稔，湯的濃度也剛剛好。相較之下～ 旦牛麵 ($33) 反而好像比較貴呢而且貌相看起來也不太討好 ... 

雖然食落唔會覺得驚為天人，但一諗起豬潤麵就一定係諗起維記。其實佢真係好足料、好大兜（張相係食左一半先影，所以得返幾件豬潤😂），因為我唔太食豬潤，所以叫左餐蛋麵，再偷男朋友d豬潤食幾件就算😂呢度既豬潤無好大陣內臟腥臭味，好易入口，湯底鮮甜，d 辣椒油好香，落幾滴已經有畫龍點睛之效👍🏼👍🏼

維記出名係豬膶牛肉麵 離遠舖頭十米 👃都聞得舖頭既香味只係 我確實不喜歡🧚🏻‍♀️吃豬膶 💁🏻‍♀️每一次都只能吃腸牛米 但都好滿足👩🏻‍⚖️雖然 我order的都係腸牛米 💁🏻‍♀️但無礙餐廳繼續用豬膶湯去服務客人👍🏻當熱辣辣嘅米粉吸收湯嘅精華後 👅食落口嘅米粉就變得入味又爽口 加上🐮肉好滑 成碗粉就變得好滋味lah~🐵😋仲有 咖鴦多士係必叫的🙋🏻‍♀️ 佢炸得唔太油脷 🙇🏼‍♀️ 甜味適中 入口即溶 係好味嘅選擇不過 香港地少人多 環境就真係差點嘅 會較迫 坐得未必好舒服 食完就好拿拿臨走 而服務嘅侍應都多是👵🏻 有時候 大叫 佢都好似撞龍咁 所以就算佢地唔應都唔好介懷了🤷🏻‍♀️

嚟到深水埗可以試下佢哋招牌嘅豬潤麵佢嘅麵底係配咗 公仔麵加上新鮮嘅豬潤 淆製而成嘅清湯未食嘅時候你可以睇到 煮熟咗嘅豬潤同埋係豬潤 裏面滲出嚟嘅 浮游物嗰啲浮游物 配埋啲湯味道啱啱好麵質爽口彈牙

今日去開深水埗買card game, 順便回味吓!去到時候仲有半個鐘左右就收鋪, 好彩次次都係食嗰啲, 可以即時落單。唔知係耐無食定水準回升返, 今日覺得好食喎。膶夠滑, 腸又唔太鹹, 即係唔係平價腸, 希望繼續keep住個水準啦。膶牛麵係哼哼嘅, 因為我唔食牛, 所以無試呀。