維記咖啡粉麵

营业中

休息中

維記咖啡粉麵係深水埗黎講一定係最出名既店舖之一，三間店連埋一齊都大排長龍。雖然大熱天時，但仍然都好多人排多等，就知真係實力表現，名聲在外，實力在內。差唔多20分鐘左右有得入座，係星期六中午時段多人食野既時間黎講都算快，一入到去坐底阿姐已經問你想食乜，所以最好入去前好諗定食乜野，咁黎到有兩樣野係必食，就係湯米或湯麵同咖央多士。所以都唔係好洗諗一黎到就叫左個餐牛米同咖央多士，上餐速度都好快，一叫完5分鐘就已經上到野食，雖然係牛肉米但湯底係依到既豬潤湯底，老人家成日話豬潤煮出黎水非常補，對氣虛血弱既人非常補，如果成日流鼻血既可以多食，細個成日食，食我多真係有成效，流血都流少左。咖央多士都係別出風格，有甜味同食到有小小蛋香味，鐘意食西多既又可以選擇叫咖央西多士一樣咁出色，兩個人食埋單都係1百蚊左右，非常抵食。

好耐冇去過深水埗食飯，真心話如果星期六、日我真係吾會去，因為實在太多人了！今日見疫情好轉，吾煮飯仔，出去幫襯下D小店，平日人小D，食得安心啲！去咗維記食出名嘅豬潤牛肉米，仲要黎碟咖央多士，減肥都吾理得甘多⋯⋯豬潤牛肉米真係好大碗，好足料架，D豬潤煮到剛剛好，吾會熟得滯又唔漏，因為有啲薑絲辣辣地，好正！配埋杯凍檸樂，滿足到不得了！咖央多士中規中矩，可能我情繫馬來西亞嘅習慣，所以我略嫌不夠甜，如果以普通多士來講就ok架！凍茶蜜真係有啲淡冇麥味，不過今餐都算吾錯，兩個人$80蚊左右，大滿足走！

來到深水涉，點可以不來老字號 - 維記咖啡粉麵 。維記在同一條街有三間分店，其中一間裝修較陳舊、相信就是老字號的第一店。這裡雖然沒有套餐，但係好食又點會介意。豬膶麵 - $32/ 熱咖啡 - $14豬膶麵 來到時還是熱盪盪，豬膶份量頗多，而且火候控制得剛剛好；不論麵質及豬膶，都不會過老或太韌，而且薑味濃厚，完全無腥味，亦不會過咸。平常不會喝湯的我，都把整碗湯在不知不覺間喝完了(而且有點不夠喉)。熱咖啡口感順滑，但啡底濃厚，回甘味重，餘韻悠長。

已經好耐冇來食麵，原因係覺得佢哋嘅水準下降了。今日行過見排隊人龍唔長所以又再來一食一次，但因為有限聚令，令排隊時間加長了差不多等了三十多分鐘。豬膶牛肉公仔麵跟凍檸樂(樽裝可口可樂)豬膶牛肉米粉跟啡走今日兩碗粉麵的水準好好，湯底好甜。豬膶同牛肉都唔鞋口，豬膶片片都切得薄薄，中間夾雜著一粒粒的薑粒用來癖去內臟腥味👍🏼👍🏼 希望他們可以繼續保持質素，不辜負街坊及捧場客的所望。

始創於1957年，屹立深水埗六十餘年，由街邊坐位到連環三間舖， 要數深水埗老牌食肆，不可不提。老牌冰室格局食麵、食多士、飲港式咖啡和奶茶，招牌《豬潤》緊係唔少得。牆上清楚掛起價目表。自製咖央，當年特首至愛。鮮灼豬潤大江麵加荷包蛋-豬潤生熟程度要掌握得很好，維記用新鮮豬潤，但切得不夠厚身，日賣千碗工多藝熟，煮起咬上口亦不覺嚡口，煎蛋講明要荷包蛋生蛋黃，到最後都係比較熟。豬潤牛肉米- 米粉還算爽口，豬潤同上，牛肉一般僅合格，起曬泡嘅血水滾湯，都係特色之一。😅自製咖央多-味道算唔錯，可惜是普通薄麵包，多士烘得不夠香脆，咖央醬搽得不夠均勻。『 一份懷舊嘅味道嘅感情，我幾時都咁講，唔係咁容易就取替得到；但係食店出名咗之後，冇咗對原本食物嘅要求，咁懷緬機會就會越來越少，所以呢幾年都去少咗，希望下次會好啲。』～～～～～～～～～～～～～～～～～～～～～～～食物賣相＝(滿分20) 10食物味道＝(滿分20) 15服務質素＝(滿分20) 14裝修整潔＝(滿分20) 14性價比率＝(滿分10) 7回頭指數＝(滿分10) 8總評分 ＝(滿分100) 68分

一講深水埗就會諗起豬潤麵，即使開多兩間分店喺隔離仍然坐無虛席要排長龍，其受歡迎程度由此可見。豬膶麵 ($32)豬膶份量多，火候控制得好，唔會又老又韌，而且完全無腥味。熱辣辣，不停出緊煙，麵質軟腍，不過係我鍾意食嘅質地，如果鍾意食生啲記得落單時講啦！咖央多士 ($13)除咗豬潤麵出名之外，咖央西多士係另一個名物！不過我自己就鍾意食多士，每次嚟都必食。咖央醬搽得唔夠均勻，不過份量都算多，入口香甜，略嫌多士有啲乾身，但勝在價錢親民！熱咖啡 ($14)口感順滑，但味道有啲澀。

深水埗一向出名係平民美食天堂，今次介紹既呢間茶餐廳已經紮根左深水埗六十幾年，佢地既豬潤麵遠近馳名，係米芝蓮推介既街頭小食店之一🍴.幫襯當日咁岩係附近做運動🏋🏻‍♀️，無諗過朝早十點零鐘已經近乎坐滿食客，好彩兩個人唔洗等位直接同另一對食客搭檯👩🏻‍🤝‍👨🏼.呢度既樓面姨姨好厲害，落單完全唔洗手寫，憑記憶🧠就記到每檯客既order，到俾錢前一刻埋黎結帳更加計數了得，真心佩服👍🏻******************************✨豬潤通🍜 ($32)一場黎到又點可以錯過最出名既豬潤呢! 呢度有公仔麵、米粉、通粉同意粉可以揀，最後點左通心粉，個人認為咁樣就可以每一啖都間接飲到d豬潤湯啦👅通心粉份量都幾大碗，豬潤亦都俾得好大方，一碗入面有唔少片，當日兩個人share一碗黎食覺得份量剛好👌🏻 雖然食得出d豬潤已經用左唔少薑去辟味，不過個人認為都仲係有少少內臟味😂 至於湯底偏淡，如果食開濃味既朋友仔可能會覺得好似清水咁淡...🤣.其實除左豬潤，呢度既牛肉🐮都同樣出名。下次有機會會再試埋😈-✨咖咉西多士🥪 ($19)呢度既西多士望落似pancake既金黃色🌟 茶餐廳好貼心咁已經係上面預先切左兩

放左工出左深水埗買野，響買野前就要去醫下肚先，上網見到維記好多人介紹，響深水埗區算係出名既餐廳，於是去試試😂上網睇，話黎維記一定要食豬潤麵，所以就叫左豬潤麵，牛肉麵，同埋咖咉多。豬膶麵果然係招牌，佢上菜好快，豬膶整得好好食，味道調教得岩岩好，但豬膶如果可以厚身啲就好喇👍🏻牛肉麵整得好出色，牛肉好新鮮，唔會煮得太老，切得都比較大塊👍🏻咖咉多唔同出面既味道，佢有種蛋既味道響咖咉醬入面，其他地方係食唔到，真係好特別👍🏻1.咖咉多2. 牛肉麵3. 豬膶麵

一直都知道維記咖啡粉麵嘅豬潤麵好出名。由於本人不愛內臟，所以並對本人並冇太大影響力。不過，最近啱啱見到節目推介維記嘅加央西多士。今日趁住反正都要嚟九龍區，就順便到此一試。又唸到，既然一場來到，就試埋鼎鼎大名嘅面。先上的是加央西多士。剛煎好的蛋麵包夾著加央果然是絕配。美中不足嘅係麵包煎得不夠喉，少咗蛋的香味。話說本人不吃內臟，只好嗌煎雙蛋來代替，本希望可以嚐到湯地究竟係咩味道。點知，湯底就係豬潤湯嘅味。唉... 只怪我不識欣賞，最弊係仲嚟咗一大碗，我逼自己食半碗，剩低半碗。罪過罪過⋯⋯茶走有水準，夠熱又夠大杯。

好耐都冇食過維記豬潤，今日去深水埗買電視，經過維記又咁岩冇人排隊，所以入去食下先，叫左兩樣野食同杯熱奶茶☕️！呢度最出名就係豬潤同咖咉，幾乎每枱都係叫呢兩樣野食🤣🤣！豬潤米$32，好多塊豬潤，用左大量薑辟味，不過米粉略少，如果多d米粉會好好多，米粉同豬潤唔合比例咖咉西多士$19，好香蛋味，唔會太油膩，加上自家製咖咉醬味道不錯熱奶茶☕️$14，茶味唔夠濃郁，味道一般！總結：呢度嘅豬潤比較細塊同略為鞋身，相對本人就比較鍾意灣仔「生記」嘅豬潤，大大舊同脆口！

馳名深水埗豬膶麵。每次去開深水埗必定食的一間餐廳，因為我本身好鍾意食內臟，所以好鍾意食呢一間豬潤麵，每次經開深水埗一定食佢。我最鍾意佢嘅豬潤麵，啲薑粒切得好大粒，可以咬到嘅感覺，而湯底味道濃郁，唔怪得知佢歷史悠久，十分馳名的招牌豬潤麵。如果食開也會點另一個招牌咖央西多士，非常好食，來一杯凍檸茶，這一餐十分完美。雖然我帶著兩個小朋友一同去這間餐廳，侍應生服務良好，落餐快送餐快好有效率，可以好快就食完一餐，而且小朋友可以食通粉或者公仔麵，一定要佢哋啱食嘅菜式。

💜香港探店。記憶中的老港味💜座落在香港老區 🇭🇰傳統美食發源地的深水埗 ㄧ間有歷史的粉麵店 老舊的店面 有著老港的滋味 也記憶著10年前初到香港的懷念 懷念的豬潤麵 雖然賣相不是很好但濃郁的香氣 以及 豬潤美味的口感 喝完湯 也沒問題✨.胃 空間如果還夠的 可以再點多個 它們的另一個招牌咖央西多士 嚐嚐 不虛此行😉✨ㄧ種記憶中 香港的滋味 .ㄧ種對 香港典型美食的深刻感受 .在香港 找美食 或許 .也可以從傳統美食發源地的深水埗區 .找找老港的滋味.

我公司喺深水埗附近所以都算係維記既常客，成日黎呢度食lunch, 每次黎都係一定會嗌豬潤面or 通粉，總之一定會嗌豬潤，除左出名之外，係因為真係好！好！食嫁。價錢唔貴，但加野飲就貴haha因為佢冇餐，樣樣野都係單點，一杯野飲都十幾蚊，加埋如果食個lunch 都4十幾蚊，喺同區黎講4十幾蚊可以食到飯餐既lunch, 有d 仲要平d, 但重點係佢真心好食，同凍奶茶又夠香滑所以我每次黎都係食同一樣既野， d 姐姐落單快送餐又快好有效率。

好耐冇去深水埗食嘢。今日心血來潮經過食吓久違的味道。一如既往，係門口排隊先可以入座。不同之處係枱之間多左一塊透明膠分隔。坐低點返個三餸麵先：膶牛蛋麵，餐蛋膶麵，熱奶茶，凍檸茶，花生醬西多士。正！食完呢餐飽到晚飯都食唔落了

佢地既豬潤米每次去都一定會點豬潤其實有好豐富既鐵質好適合貧血既女仔但係唔無好多地方可以煮得好味維記出品既唔單止無渣仲唔會滑潺潺湯底濃郁而恰到好處仲可以加配牛餐肉呀、腸仔呀、煎蛋等等有時真係會專登過去深水埗食